2016年8月18日 星期四

天大石油管材 (00839) 的後續事宜



天大石油管材落實派發每股人民幣0.3元的特別息後,基本上也差不多確定大股東轉讓控股權予法資股東Vallourec Tubes SAS的交易應該已獲得審批機構批准,目前只待落實,估計在10月中完成派發特別息後,交易應該也會落實,並且由法資股東向其餘H股股東提出每股1.66元的無條件要約,而目前持有此股的小股東,如不想等到10月中才套現的話,可以選擇在市場上以輕微折讓價(估計大約4-5%折讓) 沽出套現,又或者持貨至10月中,先收特別息,再接受要約。

如要收取特別息的話,要注意因H股關係,所以除非以個人名義持有實股,不然要支付10%的股息稅,即每股約港幣3.5仙。如果大家不想支付這筆股息稅,就要在股息除淨前提取實股持有,則可以免除這股息稅。

其次,財務顧問英高先前代表Vallourec Tubes SAS提出經修訂的無條件現金要約,即如果獨立股東在股東大會上投票通過天大石油管材的H股除牌決議的話,則要約人會給予每股1仙的除牌溢價,即現金要約價會提高1仙至每股1.67元。對於這點,雖然我們認為天大石油管材最終能否成功退市,與我們沒有什麼利益關係,因為正常情況下我們都會接受要約,但這1仙的除牌溢價實在太過寒酸,因此我們希望要約人提高除牌溢價至最少每股8仙 (原要約價的5%),以潛在要約股份3億股計算,要約人的額外支出也只是2400萬元而已,這筆費用對比每年維持上市的開支及因此帶來的不方便,實在是非常值得支付的,希望要約人可以慎重考慮H股成功除牌的成本與得益。

288 則留言:

  1. 偉哥,成功套利,謝過。

    回覆刪除
  2. H股好似係海外注册才可豁免,否則提實貨一樣要俾股息税,天大是否可豁免?本人持有中行實貨都一樣照扣10%股息税的@@

    回覆刪除
    回覆
    1. 查過, 839與3399一樣, 都是個人股東持有實股可以豁免股息稅。

      刪除
    2. 想問一下偉哥,我是用花𣄃買賣證券,如要提取實股,是否打電話去銀行就可?需要收提取費?

      刪除
    3. 這問題無法代答, 你要打去花旗問下手續及費用,因為間間券商的做法及收費可能都不一。

      刪除
    4. 偉哥,我有D唔明白...
      我係1.81入左,假設特別派息除淨當天係1.9元,咁除淨後係1.9-0.345(人民幣兌港元1.15計算)=1.555元.到時我再接受埋無條件要約,係咪即係我可以以1.67元賣回股票給天大石油管材?我可以賺到1.67-1.555=0.115元

      咁我即係前後賺左0.345(特別股息)和0.115元=0.46元
      是否應該這樣計呢?

      刪除
    5. 問證券朋友所知:
      1. 向證券行拎轉手紙(收費視乎不同證券行)
      2. 到過戶處轉名(轉為個人名義持有實股,之後填寫地址/銀行帳戶就可收取特別息&私有化之後既錢)
      3. 收到支票/銀行帳戶收到錢

      刪除
    6. 如果是這樣計現價有接近27%
      想落又好似是這樣計!
      請問偉哥有沒有可能是這樣計?

      刪除
    7. 一條很簡單的數,想不通的網友再花些時間想想,因為炒股不可能不懂計算你的"成本" 與"收益"。

      其實不論是炒股也好,做生意也好,都是要懂得自己"成本" 與"收益"去計算潛在回報。

      刪除
    8. The special dividend was deducted from your stock price…so your gain is 0.115

      刪除
  3. 請問股價,是否暫時不會有大波動?

    回覆刪除
  4. 839多謝偉哥分析
    呢半年股價起起跌跌,信心好差,如冇偉哥,我一早走咗貨了

    回覆刪除
  5. 開巿前已見到1.84沽,咩心態

    回覆刪除
  6. 聯想集團(992)公佈,今年首季盈利為1.73億美元,按年升64%,勝預期,每股盈利1.57美仙。收入按年減少6%至100.56億美元,撇除滙率因素影響,按年跌4%。

    聯想個人電腦和智能設備業務的收入按年跌7%至69.92億美元。移動業務收入跌6%至17.06億美元。毛利率下跌0.1個百分點至15.3%。

    狗股係時候翻身,坐定定等收成

    回覆刪除
    回覆
    1. a huge portion of the profit is contributed by selling business...

      刪除
  7. 回覆
    1. 呢一年buy&hold某d股(700,2,778)真是救左個倉唔少

      刪除
  8. 昨天1.83元減持839, 今早1.86元又補返貨, 一來一回蝕左連手續費蝕左4個價位。

    回覆刪除
    回覆
    1. WAI GOR 點解會高追返既?

      刪除
    2. 偉哥等到10月中才套現?

      刪除
    3. 代答,本身持貨多,未知會否盡派特別息,因此昨日鎖定部份利潤。

      刪除
    4. 又少了一個不確定因素, 折讓理應收窄,所以雖然昨天個價比今天平, 但今天開市價更值博。

      刪除
    5. 對今早839個股價幾失望, 連1.9都去唔到.

      刪除
    6. 十分失望,排1.87@25,000沽了,@1.89只做6,000,其餘排@1.91的完封不動,嬲死

      刪除
    7. 這個'不確定因素'的公佈,好像被低估了,只有2.2%升幅,其實明朗了很多

      刪除
  9. WAI GOR 想問下點睇765 仲有一個月就到DEADLINE...但個莊好似唔想炒上咁,,係唔係代表唔成事

    回覆刪除
    回覆
    1. 好難咁判斷, 正如426也曾跌到1元邊,但最終都成事。

      刪除
    2. wai gor 對成事的信心似乎都蠻大,HAHA,,其實我都只係雞仔注, 重最貨既同wai gor 一樣,,, 好記得係3.85 (未派紅股時)第一注,只後逢低就買,,愈買愈多,,HAHA

      刪除
    3. 與投機倉重注的426跌到1元邊相比,只得1注貨的765跌了10%,壓力不大。

      刪除
    4. 要約不成要賠二千萬,買家唔會縮沙掛

      刪除
    5. 如果盡職審查唔通過就唔使賠。

      刪除
    6. 要賠二千萬是指426 ?

      刪除
    7. 關於765,整個收購程序係點?

      買家話收購到70%先全購,當大股東個邊已有4成幾接納,淨低兩成係市場掃

      假設CCASS頭三大都係買家掃返來,而家重差一成左右,機會是否一半半?

      另外,我地呢D買左等全購,是否唔會計入買家要收購的70%內?

      刪除
    8. 在765的通告裡, 其實有提過第二大股東梁氏也要與買方達成協議的,即是兩大股東都接受的話,加起來有63%股權,距離70%不遠,應該不難。

      2000萬訂金是指765。

      刪除
  10. 15盈信,the only way is up! : )

    回覆刪除
    回覆
    1. 薄扶林五幢新落成獨立屋,以依家香港島一手獨立屋市場,唔知值幾錢呢

      刪除
    2. 哈哈, 真係好hard sell喎,最怕一陣又有正義之士指責呢度有莊家做野。

      刪除
    3. 所以講完就算,只不過想提下有這隻近期表現亮麗的股份俾大家參考。

      刪除
  11. 請問一下偉哥,點解1316會升甘多既?

    回覆刪除
    回覆
    1. 業績好到爆燈。我看最樂觀的報告都是估上半年盈利增長30%,現在增長50%,可以說超出預期甚多。如果按過往平均估值約11倍市盈率計算,目標價可以到10元左右,不過現在上升空間太細,有興趣的話最好再等等。

      刪除
    2. 另外請問一下偉哥你是怎樣估價?用PB, PE 定點架?

      刪除
    3. 呢隻肯定是以PE估值。

      刪除
    4. 請問一下30%盈利益長是怎樣預測出來架?

      刪除
    5. 你要搜查券商的報告,牛牛網上最少有兩三份,其餘的是業界朋友昨晚提供給我參考。

      刪除
    6. 請問幾時用PE 幾時用PB估值? 唔好意思新手好多野唔識

      刪除
    7. 請翻看以前我寫過關於估值方式的文章。

      刪除
    8. 今日8.7都大大注買左,希望追番425

      刪除
  12. 327又黎料,可以睇少一隻

    回覆刪除
    回覆
    1. 好彩偉哥昨天吹一吹雞。

      呢隻好跳格,好淡雙方在大戰。

      刪除
    2. Phone兄对此股重有信心嗎

      刪除
    3. 未買既最好作壁上觀等事情明朗化,中環吳彥祖走左無人解畫。不過份造空報告又唔係乜權威機構做,加埋造空,擺明整鬼你,又真係唔知點解釋先解得通真愛是真,可能要請到金鐘梁朝偉才明朗。

      刪除
    4. 5.97 加多半注, 共2注半, 均價$6 (計埋上一轉賺均價只有$5.45) 只能說公司最近是非多,似被有心人追擊, 加上公司的關公技巧不善, 做成投資者失信心...但看回基本因素, 早前業績起碼稍優於預期, 海外市場發展更有驚喜, 相信現行的POS, 近推既Apple pay, 9月推iphone 7,市場到時有另番抄作,要知道市場氣氛可轉得很快!

      $6位 既 327 有點像早前 $2.1 既3315

      刪除
    5. 5.98再撈多6000股, 坐定等運到了,前後買左24000股了.

      刪除
  13. 偉哥,1285下星期派成績表,有什麼看法同你有目標𠍿嗎?

    回覆刪除
    回覆
    1. 我自己估計業績應該比較平穩。

      刪除
  14. 市場對669份業績咁失望?
    偉哥點睇

    回覆刪除
    回覆
    1. 669份業績我望一望就無細看,因為估值太貴的股我興趣不大。

      刪除
  15. 291額外供股有派彩,有補足一手,不過抽起同名或同地址太多既朋友,
    即係話有多名多不同地址,照派彩,無ROUND UP多一手,計1999股一個單位計賺愈7000元,
    個大戶伯伯聽說60多個,只中15個,無風險賺10愈萬

    回覆刪除
    回覆
    1. is it only for physical shs on hand not for stock at broker, right?

      刪除
    2. 依招work,除左291,上幾次大公司供股有冇補足呢?
      學定等退休時用

      刪除
  16. 呢排買親熊仔都衰…都係唔岩我呢d低手玩

    回覆刪除
  17. 我月頭開始留意113, 2.64
    唔聲唔聲113升左差不多10%

    回覆刪除
    回覆
    1. 或者有人唔記得113
      113迪生創建係偉哥六月推介過既超級現金牛

      刪除
    2. 加埋股息, 呢隻野我帳面原來已有3成多回報。

      刪除
  18. 1685 今天能破四而上,是否浪子回頭,且看是否能劃出彩虹...

    回覆刪除
  19. 騰訊抽高10元幫助指數升大半,咁超貴散戶已邊緣化,恆指升340也有500隻多下跌,今天受惠升市不多人,愚見是挾高殺淡後才調整。再要挾升要邊幾隻股票做箭頭?

    回覆刪除
  20. 作者已經移除這則留言。

    回覆刪除
    回覆
    1. 哈哈, 不是冒犯,但坦白說這計算應是小學生都識計,所以自己再想想,如果這種簡單數都計算不了,如何炒股?

      刪除
    2. 這並不是計算上的問題,而是時間上的問題。
      除非他明派完息後,要約價會減!

      刪除
    3. 其實我也是新手,的確跟unknown兄一樣有相同疑問,偉哥可否簡單解釋一下? 萬分感激

      刪除
    4. 明白了,最終都是1.67+股息!

      刪除
    5. 假設現在1.86元買入, 1.86是你的成本價。

      之後你會收到0.35元的股息及接受1.66元的要約,兩個加起來是你收回的錢,那你的潛在回報是多少元及回報率是多少?

      刪除
    6. 同意ktc所說。偉哥今朝買回@1.86是一個唔錯的可控風險操作,持盈保泰又有upside。
      假設股東會無異樣,保5%盈利再上望都幾好。除淨後又不一定會立刻跌到要約價的。
      利申,有貨@1.6x。

      刪除
    7. 一些簡單的問題想多了!

      刪除
  21. 305盈喜,利潤爆升130%,主要是業務收入帶動,現價0.65只升10%,估值亦合理,我計約pe7,偉哥有冇興趣?

    回覆刪除
    回覆
    1. 現在是8倍PE左右,好像空間不是太多。

      刪除
  22. 回覆
    1. 最驚是業績問題....如果業績前仍是半死不活,可能會先行沽出,等出了業績再看。

      刪除
    2. 我都留意到 佢應該8月底前會出業績 但仲未公布日期

      刪除
  23. 偉哥我想問下你有冇入1829,如有既話目標價會係幾多到??

    回覆刪除
    回覆
    1. 看看舊留言吧, 呢隻近一兩日先講完

      刪除
    2. 偉哥琴日AO價入左,目標價大概6 蚊

      刪除
    3. 這隻我有做功課,所以都早幾天入了一注,它有八成是國外生意,受惠RMB貶值,現有4% rate,有一帶一露主題,大行早已唱好它....自己看看吧

      刪除
    4. 我都係做過功課先跟偉哥入
      1.佢受惠於RMB貶值 (收錢多左負債少左)
      2.息率又有4%
      3.一帶一路概念股
      4.相較落後
      而且已經$5入 都要輸:o

      刪除
    5. 一帶一路是國策,相信中國隨後會有更多政策上加大技持,若基本面沒change,4.8, 4.6 我會買多一注

      刪除
  24. 今早只是均價2.15買了大半注2136, 還有一些排2.1元以下,股價就升了上去。

    這隻成交疏, 一追就會掃得很高, 所以建議想買這隻的網友要謹慎,不要衝動。

    回覆刪除
    回覆
    1. 這隻應該不是網友買的, 是有其它資金炒上去。

      刪除
    2. 偉哥,睇左中期業績, 數字唔係特別靚仔, 唔知係咪我睇漏左? 有咩原因吸引你? 大股東 ?

      刪除
    3. 溫馨提示: 資產大折讓。

      刪除
    4. 今早均價2.42元買齊昨天未買到的2136。

      刪除
    5. 我都排左,偉哥一講完, 即刻要改價,唔係又一支火箭咁,追唔到~

      刪除
  25. 偉哥您好,小弟係投資初哥,做左一年 cdrom,今次係首次留言。

    半年前跟您買落839,而家修成正果,先謝謝您! 想請問如果我打算提取839實貨收息,是否會直接收到公司寄來的(人民幣)支票? 另外,到出要約時,是否公司會直接寄文件比我回覆,所以收息後我不需要特意存證券回銀行?

    因為小弟未試過提取實物證券,希望偉哥唔好介意我的問題太蠢,謝謝!

    回覆刪除
    回覆
    1. 收息後不需再存入券商, 要約文件會直接寄給你, 到時你自己填表接受就可以。

      刪除
  26. "請留意,現時提出實物股票也需要付10%股息稅, 是按《企業所得稅法》徵稅"
    呢個係一通嘅回覆,真係咁嗎?

    回覆刪除
    回覆
    1. 不是,一通的人肯定錯,每隻H股在股息稅上都有自己的規定,有些個人持實股不收股息稅,有些就收,要視乎該股引用那條條例及解釋。

      刪除
  27. 偉哥, 想問點解175今日公佈既業績咁好, 但趺成8%咁多既?

    回覆刪除
  28. 偉哥會否考慮將之前低風險套利買的8159轉去839?
    公佈特別息後好似839仲值博

    回覆刪除
    回覆
    1. 不會, 反而再沽了些426@1.63, 等好價轉839。

      刪除
  29. 偉哥2333係咪會hold到睇埋業績再作打算?

    回覆刪除
    回覆
    1. 其實業績已公佈了,只差在會否派中期息及派多少而已。

      我會繼續持有。

      刪除
    2. 偉哥甘有信心既?可唔可以購下

      刪除
    3. 愚見汽車板塊已炒了2個月多,升幅已不少,是時候調整休息一會。

      刪除
    4. 可以翻查之前的留言, 主要是估值相對便宜及7月的數據好。

      刪除
  30. 偉哥,2333何時会公布中期息結果?

    回覆刪除
  31. 小注入了1037走短,自願公告首三個月靚績,好似有心要佢升咁。

    截至今年6月底止三個月未經審核綜合收益約1.29億元,較財政年度今年3月底止最後一季的收入增約292.1%。增長主要歸因於資訊科技整合及解決方案服務分部的收益大幅增約8,590萬元。

    有幾多是水份就不知道了~

    回覆刪除
  32. 1316好猛,和425比,股价严重低估。

    回覆刪除
  33. 偉哥, 我KEEP 左隻532 (80000股)差不多成年幾, 剛剛收完派息. 想問問你意見, 沽532轉買入其他(eg.43)轉為可取?謝謝!

    回覆刪除
    回覆
    1. 買532相信只是為了等有朝一日佢賣盤或私有化,但時間的不確定性是最大問題....至於轉43,相信是希望買入一隻比較穩健及業務有增長的公司吧? 是否轉,或者轉哪股,恕我不提供買賣建議。

      刪除
    2. 係呀, 買532果時完全日因為等佢賣盤或私有化, 而家唯有擺住係到先... 見佢平時成交好少, 股價波幅又不大.

      刪除
  34. 實在不明白268的業績並不是好, 為何可以升咁多。

    回覆刪除
    回覆
    1. 如果撇除稅務回撥的一次性收益,今年上半年盈利實際上是倒退不少。

      刪除
    2. 我也不明白。炒风回来了?
      268公告概要写到业绩好似很好,有增长。这个有点不太好。

      刪除
    3. 上年與268同期炒作的有一些已蠢蠢欲動,例如2280...留意定落後的那些,可能接力炒。

      刪除
  35. 其實Vallourec Tubes SAS點解唔係現價買貨?
    現價成本低於要約價
    謝謝!

    回覆刪除
    回覆
    1. 現價買貨但大股東唔肯賣或者政府唔批的話,佢永遠都是第二大股東,話唔到事,所以佢一定係要買大股東的股權,令自己可以控股、甚至私有化公司,不然就算收清街貨都冇用。

      刪除
  36. 其實小弟覺得雪球網有好多人都係跟風吹水,左抄右抄其他地方既貼文,可信性甚低呢。

    回覆刪除
  37. 剛問了中央證券過戶處,轉入個人戶口可免10%利息稅.

    回覆刪除
  38. 1316坐火箭...

    另外偉哥想請教一下
    當本金較少時(舉例來說十萬吧)就好難能夠做到分散投資或者分注買入,太分散手續費分分鐘都蝕返轉頭
    偉哥會如何建議資金較少的投資者如何有效投資或分散風險?

    回覆刪除
    回覆
    1. 小學雞咩, 這些問題自己想吧.

      刪除
    2. 我以前剛開始炒股時,本金也是少於10萬,當年的手續費也貴,最低消費每每都是100元以上,所以我當時沒有選擇,只能集中幾隻來買,遇著要等運到的,等唔到就換馬....幸好當時是97年,又是一個泡沫的年代,成交暢旺,D股仔又好、窩輪又好,都係好好炒,但結果都係一個浪淹過來,差不多輸清。

      或者你仍然年輕,趁資產仍少的時候,輸極有限,就每樣方式都試下,自己感受下,遠比其他人告訴你應該點、應該點好,始終其他人的方式未必是適合你的方式,唯有自己去摸索適合自己的路。

      刪除
    3. 就如我初來報到時偉哥所言,要交點學費才會學精
      哈哈

      刪除
    4. 哈哈,很讃同偉哥所説,我本金也很少,而且上年股災也把大部分本金輸掉,但慢慢看偉哥blog 也學了很多,所以逛偉哥的blog 成了我每天必做的事XD 我炒股只有1 年多,而且發現剛剛炒的時候也是贏多,後來股災就輸掉很多,跟了偉哥的價值投資才慢慢收復失地,感覺最重要學到的不只是方法,投資心態和態度也很重要

      刪除
    5. 哈哈, 我常說千金難買少年窮...你想20幾歲大輸一場,還是等到四、五十歲先來輸身家? 所以趁後生,多些嘗試,最重要的是在付出有限的學費後,可以找到一條適合自己的投資路,唔一定話要價值投資,或者你有投機的天份,又或者擅於衍生工具的炒作都說不定,反正在股市是物競天擇,適者生存,而這個"適"並沒有固定的答案,是各適其式。

      刪除
    6. 多口講幾句口拉,金魚缸大上大落,心理質素好緊要,輸贏要睇得開。仲有賺到錢,又唔代表你人生既價值比人地高幾多,輸亦然。賺多些錢,當然可以改善下生活,但都要明白,金錢之外,人生仲有其他價值。

      刪除
    7. 咁都睇你係似伽利略 慢慢整理哂所有數據 試過哂所有野 , 定係似牛頓 用人地既數據 去發現某d特別野。 每個人吸收事物既能力都唔同 唔同人面對股災, 有唔同既處理方法,有d人經過左股災 輸身家之後一世都唔再店股票,轉而投資實物 甚至咩都唔做, 唔肯去面對自己既失敗, 都係政府既錯 股市既唔岩,再唔係賴 都係個個財演衰 陰狗我輸錢。而家網絡上面好多唔同既資源 如果一個吸收能力高既人 肯認認真真 去睇哂 之前d人衰咩, 學費咪可以交少d 都學到好多野, 前提 係要認認真真檢討每一樣野 去承認自己衰咩 唔係交幾多學費 問幾多次人 都無用。我都係學生哥 玩左一年到 一開始都係玩開細價股 唔同地方去搵唔到既消息 不斷去識唔同既人 去挖下有無料。呢一年黎 我去過唔同地方 我學得最多既野係陰謀論同批判性思考。唔好以為自己真係收到風 可能個個風係有人專登放出去造勢。邊個邊個又話自己持股幾球 朋友叫 不如一齊買 我結婚差幾萬蚊 不如all in落去 哇收到風 不如抵押左層樓 去銀行借錢有得借幾多就借幾多 邊到邊到異動 原來最尾都係一場戲。我自己唔敢冒咁大既風險去信一d唔知真假既野。係到 真係學識好多野 因為偉哥真係比到一個例子同方向 我 我知未來應該點樣策劃下自己既投資。批判性思考 知道自己點解買 要等到幾時走 其實買個一刻應該要有計劃 如果唔係, 就會不斷望住個股價 而個腦空白一片 之後上癮式係咁望 on車車又哂一日,(當然我想強調既係腦海空白一片 唔係話望著個股價錯)。都係個幾樣野 有計劃 有自己獨立既想法 最後再加想 信念 同堅持(咁先有耐心去等 唔係點得黎839 等左成半年阿大佬) 信自己既想法 都係我呢一年黎學到既野。但有一類人 講再多既野都改變唔到佢地,佢地最好都係交多d學費 會"比較容易學識野"。無針對某d人 純粹鬧自己。

      刪除
    8. 岩岩講既消息 係指小道消息, 投資同投機 完完全全改變哂我一個人。 我以前靜係會掛住 自己做自己野, 新聞好多野都唔理 例如 李克強 vs昂山素姬 +一帶一路 心諗關我鬼事,但而家多左睇新聞 如果想賺大錢 發現好多野完完全全關自己事 無時無刻係到諗 唔同既野有無利可圖。 又例如睇上市公司通告文件, 我以前 真係直情hea睇 skip, 但而家好多時都睇幾次 睇下唔同版本有無咩出入 原意係d咩 邊個寫 中間有無漏洞。做好多野都用"心"左去做。 識諗中間d位 真係差好遠

      刪除
    9. 毛有兄,恭喜你咁年青就體會到咁多,仲要未學壞就跟到偉哥學野,真係交少好多學費,其實仲不時有錢賺啊!當然都要你自己素質好先領悟到的.我自己都撞過好多板,睇左幾年偉哥先正路返d,希望你係偉哥身上學到更多!

      刪除
    10. 哈哈, 我是不拘一格,有按價值投資選股,也有非常投機的股,也會參與私有化、套利呢D,有時都怕會否令初入們的新手無所適從。

      刪除
    11. 對啊!有時跟你學緊睇套利,你又已經做完另外幾個交易同分析了.學唔切就專心睇一樣先.依家由頭學起,睇多幾次你講的例子,跟下你做套利.
      其實偉哥你係巳好有耐性解釋比我地聽了,但係連加減數都未計好(或者粗心大意啦),咁佢去街市買餸都會無所適從啊!

      刪除
  39. 「奧運金牌精英顯風采」示範表演

    乒乓球示範表演
    日期及時間:
    二零一六年八月二十八日(星期日)上午九時三十分至十一時三十分

    跳水示範表演
    日期及時間:
    二零一六年八月二十八日(星期日)上午十時至十一時三十分
    地點: 伊利沙伯體育館 維多利亞公園游泳池

    門票開售
    日期及時間: 二零一六年八月二十二日(星期一) 上午十時
    售票地點: 香港大會堂、香港文化中心、沙田大會堂及屯門大會堂售票處
    票價: 每張 $20(不設優惠票,只接受現金)
    購票限額: 每人每次限購兩張(以同日三項「奧運金牌精英」表演節目(包括上午兩項示範表演及下午一項匯演)合計,即只限購買同一表演節目的門票兩張或兩個不同表演節目的門票各一張。)
    座位安排: 不設劃位

    「奧運金牌精英約定你」綜藝活動
    日期及時間: 二零一六年八月二十八日(星期日)下午四時三十分至六時
    地點: 伊利沙伯體育館
    門票開售
    日期及時間: 二零一六年八月二十二日(星期一)上午十時
    售票地點: 香港大會堂、香港文化中心、沙田大會堂及屯門大會堂售票處
    票價: 每張 $20(不設優惠票,只接受現金)
    購票限額: 每人每次限購兩張
    (以同日三項「奧運金牌精英」表演節目(包括上午兩項示範表演及下午一項綜藝活動)合計,即只限購買同一表演節目的門票兩張或兩個不同表演節目的門票各一張。)
    座位安排: 不設劃位

    我就早早過口口左睇李寧,樓雲,中國女排手羅金牌既激情年代。我家下睇英超、西甲、歐冠多過中國隊,這類插水Show對我的吸引力一般。不過這類插水Show收得咁平,又叫做有金牌得主睇下,應該有部份巴絲打會有興趣。

    回覆刪除
  40. http://www.hkexnews.hk/listedco/listconews/SEHK/2016/0818/LTN20160818846_C.pdf

    420業績出左,上半年每股盈利 5.6港仙,上年同期係2.2港仙

    回覆刪除
  41. 偉哥,睇今次福田份業績,如果將目標價調到1.5算唔算太進取??

    回覆刪除
    回覆
    1. 我4月的文章寫的: 今年如果維持20%的增長勢頭,則核心盈利約1.45億元,以目標估值10倍市盈率計算,目標價是1.2元。

      按中期業績去推算,似乎全年盈利很大機會在1.4-1.5億元之間,暫時仍覺得1.2元是合理作價....當然如果市場牛氣沖天, 那估值可能提升20%也不奇怪,尤其是福田現在是國企,國內資金也買得放心一些,不怕會是老千股。

      刪除
    2. 記得4月初的文章,我寫兩間性質類似的公司: 互太與福田,大家會如何選擇?

      現在看來我的選擇正確。

      刪除
    3. 想請教偉哥,核心盈利係唔係參考"期間盈利"?

      我自己咁諗,上半年盈利有八千萬,假設下半年比上半年好,可以有九千萬,咁全年盈利唔係應該可以到1.6-1.7億??

      刪除
    4. 其實420實際情況真係好? 單單營業額係講緊跌.... 靠慳成本, 可能我唔識睇呱...

      刪除
    5. 420是期間盈利-->本公司擁有人:68,020,000呢.
      ROE改善到0.042(上年是0.03)...2011年是0.077
      注意到投資加大resulting at生產流程效率改善.而此趨勢應能持續.
      再次感謝偉哥介紹此股.^^





      刪除
    6. 盈利是看本公司擁有人應佔盈利。

      營業額跌, 管理層歸咎於棉花價跌, 令布料價格跟隨下跌, 出貨量應該冇跌。其次雖然毛利率在過去三年持續改善, 但現在仍是只有13%多,遠遠低於同業,我覺得仍有改善空間。

      而上半年淨現金繼續提升至3億多元,全年如無意外會增至4億多元。相對目前12.6億的市值,年度盈利1.3-1.4億元、資產淨值32億元、每年現金流入2億多元,這公司的價值不可能被高估了吧?

      如有機會再跌多些,我會考慮增持。

      刪除
    7. 420急跌, 暫時最低0.95 偉哥出手未?

      刪除
    8. 睇黎偉哥有機會增持:D

      刪除
    9. 係度睇緊其它股的報表,又估唔到會跌到0.95,冇排定,見到再排已買唔到。

      刪除
  42. 今日85這份業績表面上盈利大幅增長,但實際上.....

    如果明天又是大升,我真的不知可以說什麼。

    回覆刪除
    回覆
    1. 85的合理估值應是多少 ?

      刪除
    2. 公允值變動加出售項目才令帳面有錢賺,扣除一次性收入稅前已蝕2.8億.....

      刪除
    3. 我都唔識評估85合理估值應是多少, 但這份中期業績絕對不好。

      刪除
  43. 早排見到「末日博士」之稱麥嘉華(Marc Faber)話美國股市將會有股災,然後想問一下偉哥,若果股災真的在839私有化前發生,並影響至港股,會否影響到整個私有化過程?

    另外也想問問,若果股災來了,而手上還有一些投資中的股票,例如2333(落後等待追上同業), 3828(已經低估,等待價值回歸),113(超級現金牛)應如何應對?

    小弟學投資不久,未遇過股災,希望請教一下,以免遇到時死傷慘重。

    利申,我只持有明輝,舉出其餘兩隻是想問不同投資類型的股票會不會有不同應對方式。

    回覆刪除
    回覆
    1. 末日博士係長期淡友 ,可以不理。

      刪除
    2. 遇到10年一遇的那種級數股災, 基本上乜股都跌, 好難獨善其身;已進行要約的就冇得唔做, 除非要約仍未落實進行的, 可能找藉口有些條件達不成而不做要約。

      刪除
  44. 750,出左盈喜,亦成功到達我定的烈口目標位,AO4.08先行獲利供股的1注,57%。

    回覆刪除
    回覆
    1. 1個月低位2.8 speechless

      刪除
    2. 依隻忘記多謝tkchan, 雖然我早沽左好多,另外沽左546@3.32,一星期唔夠有10 %,謝偉哥

      刪除
    3. Thanks tkchan兄, $3.95跟沽了一半。

      刪除
  45. 回覆
    1. 日日跌2-3% ,流血不止……

      刪除
    2. 327回應左份垃圾沽空報告內容,似乎有番d信心了

      刪除
    3. 富瑞料百富環球成功澄清網上評論不正確,維持買入

      《經濟通通訊社19日專訊》富瑞發表研究報告指,百富環球(00327)昨日召開電話
      會議,對於近日市場上流傳的負面謠言及評論,公司一一予以否認,認為網上流傳所指POS中
      國及巴西業務的事實不正確,對海外銷售模式亦有誤解,負面評論對於業績的重點有遺漏。該行相信集團已成功澄清網上負評。

        該行指,網上評論指出,公司兩大的POS產品毛利率高估,「S58」毛利率14%,「D180」毛利率為16%,又指公司海外銷售報大數,因為入帳的銷售收入比中國海關的數據更高。評論指,公司的財政數據,與主要業務百富計算技術於深圳工商部門的數據不同;以及應收帳由去年上半年3710萬港元,升至今年上半年2﹒26億元,評論用以上數據指控百富環球造假帳。
        
      管理層指,「S58」不是重點產品,收入貢獻近年一直一跌,最主要的貢獻是來自移動系
      統「S920╱S900╱D210╱S90」佔上半年中國業務收入38-40%。
        管理層指,「D180」於中國市場的銷售少,主要是在海外市場銷售,所以毛利率較高。
      整體中國市場的毛利率為28-29%,公司主要的收入貢獻,來自高檔產品。

        管理層又指,為了節省關稅,公司將產品於巴西組裝,再於當地銷售,令到出口數字與海關數字不同。另外,公司主要將產品先出口到香港,再出口到海外市場,令到交易更方便,客戶更認受,所以數字亦與中國海關的數據不同。

        對於應收帳上升,管理層解釋,主要是因為幾個因素,包括一次性物流事件,公司向巴西出口重要部件,延後了向其他客戶交貨,另外,公司決定延長信貸期限,近月的應收帳不錯。於中國的應收帳,即使有銀行支持,亦入帳為應收帳項目中,不過這類應收帳的風險低。

        該行予百富環球「買入」評級,目標價9﹒5元。(wc)

      刪除
  46. 偉哥點睇隻954業績都唔差,自己今朝無高追。

    回覆刪除
  47. 546在3.4元左右果然有阻力, 連續兩日到3.35元左右就開始回落。

    回覆刪除
    回覆
    1. 差兩格掃不到我的貨,跟住有人連隊4個價位沽落去。

      刪除
  48. 546 3蚊入,偉哥3.4目標依舊?

    回覆刪除
  49. 回覆
    1. 吉利業績暴露左毛利率跌, 然後所有汽車股都報復式咁跌....

      刪除
    2. 其實2333之前的業績快報都顯示左純利率由12.7%下跌至11.8%,故毛利率下跌應該是預期中事,不是而家先知,真的很奇怪市場的後知後覺及反應遲鈍。

      刪除
  50. 271 連續大成交下跌
    可能賣盤出問題春江鴨出沒?

    回覆刪除
  51. 好多股票都有基金出貨, 但都係升左好多果d, 唔係我杯茶

    回覆刪除
  52. 公佈好業績都無用
    420,842 都大跌

    回覆刪除
  53. 都係未學識炒股,唔識得走左先
    大跌盈利又無晒 ><

    回覆刪除
  54. 排緊839 hehe
    唔明點解D人會賤價沽

    回覆刪除
  55. 偉哥,請問2368 4天後除浄,股價應有壓力,現在及未來零售業市況都差,有感我持有此股已1年多,脹面-17%,現應值得繼續持有還是換馬去3399 或 839?

    回覆刪除
    回覆
    1. 偉哥都話不作買賣建議,自己決定吧

      刪除
    2. 買賣自己決定吧,我自己都無法準確預測股價,而且我提供買賣建議不只是違法,一旦開了先例相信很多網友都會問我買賣建議。

      刪除
  56. 偉哥,2333係甘跌,驚唔驚先

    回覆刪除
    回覆
    1. 除左有內幕壞消息,就咁睇基本面我覺得無咩好驚

      刪除