2016年3月2日 星期三

華富國際(00952)不解之謎



今早由於電腦出現問題,故只能匆忙地以手機看看通告內容,到黃昏時有網友短訊我,似乎我們都理解錯通告的內容。


“由於若干民銀國際完成 交易之先決條件,即證監會按照證券及期貨條例之規定批准持牌法團主要股東變更至 民銀國際及聯交所批准所有認購股份上市及買賣,於最後截止日期仍未達成,民銀國 際完成交易未能成為無條件,且第一份認購協議已於二零一六年二月二十八日失效。”
上述句子所指的“證監會”,我今早看得匆忙,加上一直的感覺都是交易尚待國內証監會的批准就達成所有必須的條件,也因此先入為主覺得應是指國內的証監會,但網友細看後覺得應是指香港的證監會。我再詳看通告內容,也認同網友的意見,應該是香港證監會尚未批准持牌法團主要股東變更至民銀國際,而不是指國內的証監會。當然,上文沒有提及國內証監會的意見,也不知國內証監會是否批准這交易。

翻看上年九月三十日的通告,當時列出民銀國際完成交易之條件主要是:

1. 華富國際的股東於股東大會通過決議案,批准准(a)根據第一份認購協議及僱員認購協議進 行認購事項及據此擬進行之交易;及(b)根據上市規則、其公司細則及適用法 律規定,配發及發行認購股份;

2. 中國銀監會及中國證監會授出相關同意及批文(如需要),以及就第一次認購 及據此擬進行之交易及該等要約向中國外匯管理局作出相關存檔(如需要);

3. 按照證券及期貨條例之規定,證監會就據第一次認購擬進行之交易及該等要約而導致持牌法團主要股東變更授出批准;

4. 聯交所批准所有認購股份上市及買賣。

大家一直都將重點放在第2點,即國內銀監會及証監會的審批,並直覺認為第3及第4點只是例行公事而已,不會有問題,但看今早的通告,似乎問題正是出在第3及第4點,即香港證監會不批准,而不是國內審批出現問題;但因為華富國際主要從事券商業務,故可以豁免遵守現金資產公司的規定,那問題究竟出在哪裡?為何香港證監會不批准持牌法團主要股東的變更?

如有熟悉條例的業內人士,懇請發表一下看法,指點迷津,謝謝。


311 則留言:

  1. 財來自有方,也就是以為第二點,而偉哥沽出換馬覺得值搏一般放棄沽清換馬36。

    回覆刪除
    回覆
    1. 各股有各股的問題及風險,只能盡量挑選相對高值博率的股份,即是風險較低、回報較高的.

      刪除
  2. 香港證監會不批准持牌法團主要股東變更有些什麼先例

    回覆刪除
  3. 看英文版SFC應該係香港證監會?咁更加奇怪?
    http://www.hkexnews.hk/listedco/listconews/SEHK/2016/0302/LTN20160302013.pdf

    回覆刪除
  4. As certain conditions precedent of CMBCI Completion, namely the
    approval from the SFC in respect of CMBCI for change in the substantial shareholders of a licensed
    corporation as required under the SFO and .....

    睇返英文VERSION, SFC=香港證監會 SFO=《證券及期貨條例》
    中國證監會=China Securities Regulatory Commission,英文簡稱CSRC
    而家係香港唔批,冇講中國證監會情況

    回覆刪除
  5. 如因為現金公司,轉用365做法便可以,但上年馬雲以此折讓配股,輕易入主376

    回覆刪除
    回覆
    1. 證券公司不受現金公司限制

      刪除
    2. Correct
      14.82

      不論何種原因(包括因為完成一項須予公布的交易或關連交易後出現的即時結果),如上市發行人(《上市規則》第二十一章所界定的「投資公司」除外)全部或大部分的資產為現金或短期證券,則該上市發行人不會被視為適合上市,而本交易所會將其停牌。「短期證券」指年期少於一年的證券,如債券或多種長短期票據。

      14.83
      主要或僅從事證券經紀業務的上市發行人將不受《上市規則》第14.82條規管。

      952: 集團的主要業務為:(a) 證券及期貨交易、配售服務、保證金融資及借貸、提供基金管理服務及財富管理服務;(b) 網站管理及相關服務;(c) 提供顧問服務;及(d) 投資控股及證券買賣。

      刪除
  6. http://www.hkexnews.hk/listedco/listconews/sehk/2016/0302/LTN201603021757_C.pdf

    "根據華富國際公告,由於若干先決條件於最後截止日期尚未達成,第一份認購協議於
    2016年2月28日失效。因此,各訂約方均不受制於第一份認購協議及僱員認購協議履行
    新股份之認購"

    香港證監會唔批, 只怕短期內看不到曙光...

    回覆刪除
    回覆
    1. 最主要問題是香港証監會基於什麼原因不批准?

      刪除
  7. 無論係唔係香港證監會唔批,失效就肯定

    回覆刪除
  8. 國內銀監會已批,國內關鍵似乎差中証監。另一邊香港既SFC就無聲無氣,其實根據d咩去審批關於更換大股東?

    既然由通告睇出黎民銀係仍然有意繼續收購,華富亦應照計樂意賣盤。但係當大家以為係審批需時/條款問題,同時竟然又殺出467話唔玩,而467大股東張宏偉係中國民生銀行副董事長。

    過往有咩國內金主成功收購香港上市卷商例子?

    偉哥、咁多位高手有咩高見?

    回覆刪除
    回覆
    1. 我自己睇法就係仲相信會賣得成,但真係無預佢搞咁耐,直至要約失效埋都未完成到。最新既一張通告亦披露得太少,今日大跌係意料中事,期待下一張有所補充。

      刪除
    2. 最接近的例子是812。

      當時812也是等了一段比較長的時間才取得中國證監會及中國國家外滙管理局就有關股份認購事項及該等要約之批准。而由於民生銀行是銀行的關係,所以需要額外得到中銀監的批准。

      刪除
  9. 初黎報到,我嘗試以個人經驗去分析下:

    要在香港成為持牌法團的主要股東,係需要得到證監會的事先批准先得,一般這類型的申請個個CASE都會唔一樣,而我個人經驗以前申請過的大約需時兩三個月不等.什麼情況下係主要股東?如果個股東係個人就係持股多過10%,如果個股東係公司就係持股多過35%,所以民銀國際就要事先同香港證監申請批准,而批准的基準,係佢要符合証監定義的適當人選.

    咩係適當人選?簡單黎講要證明你身家清白品格良好之類,如果係法團股東申請的時候一般要包括組織架構圖呀,法團董事身份之類果D行貨野,也會問下新股東的業務計劃之類,另外要作為適當人選,也會考慮個股東有沒能力管理好一間金融機構,係呢單Deal個股民生銀行本身就係金融機構,應該唔係一個Concern.

    我估這單Deal個關鍵係財力證明,這是適當人選其中一環要證明既.

    沒錯,阿媽民生銀行唔會區區幾十億港幣都攞唔到出黎,但係子公司民銀國際應該本身沒咁多錢,佢係應該要靠阿媽過左數俾佢先可以完成到呢單交易,咁阿媽要幾時先過到數俾個仔買野呢?如果佢俾唔到個時間表俾香港證監,咁香港證監理論上就唔會批,因為證明唔到民銀國際有能力完成呢單交易,咁民銀國際就唔符合適當人選的定義了.咁點解阿媽會答唔到幾時俾到錢個仔?我就唔識分析了.

    有D極端情況下香港證監唔會覺得果個股東唔係適當人選,如有裁定以前有詐騙呀,俾人譴責或者做埋D市場失當行為之類,但我覺得民生銀行應該唔會係屬於這一類,因為屬於呢一類應該點申請都好難批,佢係香港都唔會從事到金融生意,成單Deal可以直接取消.

    因為我從未聽過香港證監會Reject改大股東呢類型的申請(多數係SET關卡留難你,正常多數拆到既),所以上述所有情況純屬推測,可能仲有其他原因的,小小經驗供大家參考.

    回覆刪除
    回覆
    1. 關於財力,我記得之前呀媽有張通告,係通過批錢俾呀仔,金額同收購所需金融相約,但無清楚註明用途係乜。

      刪除
    2. 謝謝Thomas意見。誠然,民生銀行唔會攞唔出區區幾十億.....但問題是他們的資金在國內,要匯出來要先得到國內相關機構的審批,如果中國証監不批准的話,似乎外管局不會放行,也因此資金無法匯出來香港。而截至交易限期前,我們只看到中國銀監批准,但中証監就沒有表態,似乎是中証監仍然未批准這單交易。

      Thomas的說法,結合當前情況,似乎是比較合理的解釋。

      刪除
    3. 另外有個可能性,如果香港証監當新希望同聯合能源係民銀國際的關聯公司,咁民行同香港証監申請變更大股東時就可能要一併証明新希望同聯合能源係身家清白品格良好,但END UP聯合能源無錢玩(應該係最近的事),咁就過唔到財力証明的要求,香港証監就可能暫緩批准成個變更股東的申請了.可能因為咁,佢要成份申請再做過,未能趕得切係限期前攪掂,咁就索性成個Deal structure改左佢,出個announcement取消舊果份Deal.

      刪除
    4. 按行規,Fund proof在做DD及簽Expression of Interest之前已備妥,財力問題不大可能。至於適當人選,民銀國際應不難提供合資格的RO,如果連呢d基本事都做唔到,唔需要過prelim Due Diligence,民銀及華富更唔會出黎大聲講DD結果滿意。成單deal過百億,十億的項目都不會犯呢d低級錯誤。

      刪除
    5. ...approval from the SFC in respect of CMBCI for change in the substantial shareholders of a licensed corporation as required under the SFO and the granting by the Stock Exchange for the listing of and permission to deal in all the Subscription Shares, remain outstanding...
      照字面解釋是未能在期限內拿到SFC Approval,至於是否被SFC/HKEx直接拒批(rejected),通告無講明。拿唔到approval可以有很多原因,唔配合或者唔交齊文件都可以。

      刪除
    6. 謝Raven。感覺問題主因很大機會又是回到我們之前的猜測:交易無法在限期前取得國內証監及外管局的批准。

      刪除
  10. 本身冇貨,但之前見華富主席包先生不斷在市場沽貨,是不是他善價而沽呢?

    回覆刪除
    回覆
    1. 係高位不斷減持 當時偉哥曾經猜測只係轉落友好手上 製造假象 實際上無減持
      但今日回頭一看 ... 呢個主席 ...
      偉哥 我無任何怪責你既意思
      如有冒犯 多多原諒

      刪除
    2. 記不記得之前有段時間952各董事、管理層同時一起減持,但當時其每天成交量頗大,而每人每日只是象徵式減持而已,然後我特登係度講呢個“異象”....不知他們是否看到我的言論,然後很巧合地這些象徵式的減持不再出現。

      刪除
  11. 偉哥,如果剛安裝完電腦.最好不要一次過更新晒所有UPDATE. 試過幾次咁,就無限RELOOP更新.

    回覆刪除
  12. 偉哥,請教 787 今年賺多左都急跌?又咁大成交...

    回覆刪除
    回覆
    1. 這股沒有研究,無法給予意見。

      刪除
  13. 想問尋日外資多唔多賣盤?

    回覆刪除
  14. 偉哥和師兄們,點看839 和 1991?

    回覆刪除
    回覆
    1. 839之前有撰文分析, 請翻看舊作。

      刪除
  15. 有無師兄有留意隻6866,前日走完d蟹貨好似想爆seed😭😭

    回覆刪除
  16. 6866,今朝有大手上版。

    回覆刪除
    回覆
    1. 1.3x追入,1.6沽出1半。

      刪除
    2. 1.7沽清,5分鐘攪掂。

      刪除
    3. 師兄你話只會買賣自己研究過既股票, 究竟你枱面有幾多個芒芒住幾多隻股票架 ;p

      刪除
    4. 我芒住大約150隻,如加1隻新的就要減1隻,不能太多;
      6886,我視之為殼股,今朝上版過億$,一定有得炒。

      刪除
    5. tk兄,想請教,一般開市前和開市後你是如何芒住150隻股票的? 我芒住80隻,還未找到一個有效率的方法

      刪除
    6. 長投兄,開市前,我只看芒list中的十大成交及升跌有沒有異動,再即時分析這些異動會對股價有甚麼影響,通常首10分鐘的波幅會很大,所以要盡快採取行動。

      刪除
  17. 如果民銀有心做大股東..咁民銀會唔會改變方法.. 在MKT 掃貨成為大股東?

    回覆刪除
    回覆
    1. 那成本就太貴了....要掃到幾錢才可以成為大股東?

      刪除
    2. CHECK CCASS 有42% 你係掃唔到....

      刪除
  18. 偉哥,929於15/02/16出通告話要約價為$1.70,並聲稱"要約價不會進一步上調",之後曾炒上$1.75,而寳安仍在市場吸納。而崔生昨日出通告,叫人不接纳要約,認為要約"並非公平合理",於此情況,會否加價?定你認為加價機會少,因你亦曾溫馨提示過,$1.70以上追入,有中伏味濃,謝解答!

    回覆刪除
    回覆
    1. 沒有機會加價了。
      我相信市場都知道沒有要約之後,929的合理價不會是1.7元這麼高,所以理智的投資者應該選擇在要約到期前以1.7元沽給寶安。

      我仍然相信寶安很大機會成功的。

      刪除
    2. Hi 偉哥, 我睇通告寶安要約唔係已經無條件咩?

      刪除
    3. 不是, 仍是有條件的要約。

      要寶安持股超過50%,要約才成為無條件。

      刪除
    4. 不是持股過三成就要提全購?

      刪除
  19. 952今日有返D反彈,而且買盤好似幾積極,希望輸少當赢

    回覆刪除
    回覆
    1. 琴日敢偷雞的人有福了

      刪除
    2. 福X嗰頭 1.3有 昨0.79溝少少 希望輸少當赢

      刪除
  20. 可能值得一提,今朝美林依然, 金人開始有掛賣盤
    銀河今日同尋日一開波應該買左幾多下,實質數量要2日之後先知.

    回覆刪除
  21. buy 952@0.89 跟蹤不解之謎

    回覆刪除
  22. 3773 年年卡,現價$0.84,買得過嗎?請指出教

    回覆刪除
  23. 蘇民峰香港地運延續到2024:港股今年1月和5月見底後升到2020年 2016利金水板塊 籲買黃金賭股
    http://news.mingpao.com/pns/dailynews/web_tc/article/20160303/s00004/1456941158928

    回覆刪除
  24. 回覆
    1. 你。。。
      估計17號左近出業績末期息吾會少過上年 過年前公司一直回購可惜杯水車薪 公司好努力 但藥業環境在改變中 長遠睇好

      刪除
    2. 这隻跌多些, 而且 C9好明顯是insider

      刪除
    3. 咁勇 感覺你中意短炒呢隻唔啱 希望業績加股息幫下你哈
      師奶7蚊有貨 inside嗰屁 ヾ(≧O≦)〃嗷~

      刪除
    4. 咪扮野, hermes c9 Λ…Λ

      刪除
  25. 謝謝偉哥之前的回答,我有一個疑問,純粹好奇,對917的投資沒有影響。如果超過90%的人接受要約,沒有接受要約的人要怎辦?通告說會可能提出強制性收購及撤銷上市地位,收購價會等於7.8還是另計?這裡有不確定性。 因這與私有化不同,私有化,股東不去投票仍會被私有化(如果其他人投票通過),這會使所有股東(除了另外沽空了的基金)去接受要約,而不像私有化般當一個free rider

    回覆刪除
    回覆
    1. 917將會強制收購餘下的股份,作價也按7.8元。

      刪除
  26. 雪球嗰邊真係群魔亂舞.. LOL

    回覆刪除
    回覆
    1. 又出晒來..........即係仲未得........

      刪除
  27. 有冇ching知點解1038跌得咁犀利?

    回覆刪除
    回覆
    1. 之前港股弱1038強, 而家1038弱, 可能代表港股轉強? 好似之前偉哥都係咁睇

      刪除
    2. 是Fai兄的看法,已証明正確。

      刪除
    3. 應該解作基金將資金換入較高風險股份

      刪除
  28. 偉哥, 無得SEARCH 舊留言好唔方便, 有無其它方法?

    回覆刪除
    回覆
    1. 現在可以了,你試試用,那功能應該已修復。

      刪除
    2. THX 偉哥,
      Oscar CHAN, 右手邊有得SEARCH LA

      刪除
    3. 是啊, 這功能終於回復正常, 希望大家在發問前可以盡量先搜索往日的討論及文章。

      刪除
  29. 琴日升600點我成版23線股都無乜點升
    而家趺100點全版都紅色.

    回覆刪除
  30. 記得偉哥介紹1991跟426的時間差不多
    只能二選一的我選了426
    結果1991大升 426就無動靜...

    回覆刪除
  31. fly仔 2016/03/03 10:37:41 網友在此的回應

    深圳樓價超越北京上海主要原因係唔夠地, 同香港相似, 以及GBP增長強勁及高科技產業(一早已拋離香港). 另外係環境空氣亦相對內陸地方好, 所以樓價向東, 西, 北方向擴散. 新樓9千蚊1尺都有人搶(已貴過屯門樓). 上海唔知, 北京要追回所謂落後, 首要搞掂o的空氣先. 唔係好熟大陸樓, 有無高人補充?

    回覆刪除
    回覆
    1. [發達大計]平兩成賣左香港層樓, 轉戰上海深圳!
      宜家返深圳先有番屋企既感覺, 香港個層狗屋租左俾人算了!
      http://forum8.hkgolden.com/view.aspx?type=FN&message=6276432

      刪除
    2. 深圳樓升到咁癲係咪真係有人買架???
      http://forum8.hkgolden.com/view.aspx?type=FN&message=6280089

      刪除
  32. 偉哥,你對709業績有何看法?

    回覆刪除
    回覆
    1. 個人感覺還好, 第4季的暖冬對所有服裝企業都有影響, 709的下跌幅度不算太多

      刪除
    2. 在零售市道如此差及暖冬影響下,709業績算很好。

      刪除
  33. 美股週二大升帶動恒指,而A股大升更推動恒指上升。內銀跟內險股帶領上升,所以大行唱淡內地金融股祇是它們的策略,內銀,內險是它們舞上舞下最大的籌碼,決不會一沉不起的,從現價來說四大內銀及中人壽,依然上升空間很大,本月都要宣佈業績,預期都不會太差。

    昨天跟銀行業朋友餐聚,都在擔心今年的生意難做,香港經濟放緩,樓宇成交大減,貸款需求減少,大陸政府現在改變政策,大陸公司在大陸發公司債很容易獲批,少了大公司來香港借債,銀行間競爭又更趨激烈,所以要小心。本地銀行或主要業務在本港的銀行最好避一避,包括匯豐,我已開始減持匯豐,趁低價轉投向內銀,內銀有政府做大股東,監管機構對內銀友善,業務應該穩定,也沒有理由懷疑它們隱藏壞賬,祇要不爆煲就是沒事。

    DPZ

    回覆刪除
  34. 莊士機構367今天繼續瘋狂回購!?
    現在已經4.655百萬股成交量, 全日6百萬股成交量?

    回覆刪除
    回覆
    1. 畏高 唉 睇住日日升

      刪除
    2. 莊士系........
      呢世人試過一次468教訓,
      永世難忘.

      刪除
    3. 468當年係367的公司輪.

      刪除
    4. 真的希望367將出售物業, 分身家!

      刪除
  35. 醫思醫療(2138)有冇人抽?

    回覆刪除
  36. 回覆
    1. 睇返偉哥喺14年9月的殼股尋寶系列就知啦

      刪除
  37. 62/237/365 進取就365 62/237就穩陣 再睇定d然後落注

    回覆刪除
  38. 1866好似好值搏,就出業績,盈利應該爆升1倍以上

    回覆刪除
    回覆
    1. 如一切安好,估計全年賺5億,派息1億,現價6倍PE,照理算值搏,奇怪之處為沒有盈喜通告,恐怕第4季有所閃失,而且如偉哥說,負債頗重,未敢太進取

      刪除
    2. 頭3季盈利3.95億人仔,如果第4季盈利同第3季睇齊,全年盈利5.45億人仔,現價3.8倍PE。而且心連心係化肥行業,競爭優勢明顯,增長空間龐大。除左擴張所用既資本承擔龐大,好似冇咩缺點。

      刪除
    3. wc兄,第4季會是淡季,如無記錯,上年第4季只賺9400萬,比頭3季頗有減少,所以我會比較保守計算
      1866主要坐擁成本優勢,相信2016年也可持續增長
      下星期業績重點留意第4季盈利,新廠投資,再行定奪估值

      刪除
    4. 上年全年2.5億,第4季9400萬,似乎唔算好淡。即使全年賺5億人仔,PE都只是4.1倍,低得可憐。15年8月5號廠已經開始投產,為16年提供增長動力。15年中期報告,未撥備資本承擔仲有11億人仔,雖然同比下降,但似乎還會持續巨額新廠投資一段時間。

      大部分基本因素逆轉機會不大,看好業績期表現。

      刪除
    5. http://index.sci99.com/channel/fert/default.aspx?indid=608&type=2

      尿素出廠價第四季持續下跌,多少有影響。

      刪除
    6. WC兄, 第三季增長勢頭比上半年放緩不少, 加上沒有盈喜, 始終不敢太樂觀, 雖然如此, 如你所言, 估值依然低殘, 早一兩星期我也買入一注@2.55, 業績只要不荒腔走板, 應該值搏
      謝謝SK兄, 或許我們可期待複合肥能貢獻多大

      刪除
  39. 回覆
    1. 很多潛在殼股開始有資金炒作。

      刪除
    2. 1123都似就……不過似咗好耐^^

      刪除
  40. 看奇虎走勢, 應該很快出股東大會時間表了。

    希望可以在1個星期內出股東大會時間表,1個月完成私有化。

    回覆刪除
    回覆
    1. 你一講完 就出喇 尋晚走勢果然係春江鴨所為
      投票若果通過 套利空間應小於1%? like MR
      再過一個月就完成?
      btw 多謝偉哥 我大概$72 買 之後都冇加減過
      兩個月 7%落袋 滿足
      希望其餘收購要約/私有化 都盡快有消息啦

      刪除
    2. 基本上等3月30號股東大會一通過, 股價應該已直接到76.8左右了。

      可能股東大會前都會有76元了。

      等奇虎資金返來, 手上現金會鬆動一些。

      刪除
    3. 偉哥有買vnet嗎?又,對syut可有研究?

      刪除
    4. VNET買過, 但平手沽出了。

      始終奇虎的確定性高很多,套利空間也不錯。

      刪除
    5. 偉哥今晚會唔會set 價走?

      刪除
    6. 今晚不走了....等76元以上才走.

      刪除
  41. 今次到592賣物業, 賣完收番3.5億, 加上佢上期業績帳面已經有3億幾, 手頭現金已經等於佢市值

    回覆刪除
    回覆
    1. 估唔到澳門個物業咁值錢。

      刪除
    2. 年租一百萬 連續三年 賣左3.35億
      回報率咁低都有人接手
      似乎有景轟 可以期待下?

      刪除
    3. 睇錯,不過有冇機會派特別息?

      刪除
    4. 發盈警一野衝落去..賣物業一野衝番上黎
      好刺激呀~~~

      刪除
  42. http://www.hkexnews.hk/listedco/listconews/sehk/2016/0303/LTN20160303874_C.pdf

    回覆刪除
  43. 952兩日過億成交, 想點玩? 外行亦有掛大賣盤, 在15/2 才大手建倉的它們, 甘快止蝕?

    回覆刪除
  44. 【炒股讀心】四環醫藥復牌 基金例沽 無外來資金炒唔起
    http://www2.hkej.com/instantnews/stock/article/1252476/%E3%80%90%E7%82%92%E8%82%A1%E8%AE%80%E5%BF%83%E3%80%91%E5%9B%9B%E7%92%B0%E9%86%AB%E8%97%A5%E5%BE%A9%E7%89%8C+%E5%9F%BA%E9%87%91%E4%BE%8B%E6%B2%BD

    大家又換個角度來看看,如當日上市公司股票給多間基金公司垂青,只要每間基金公司持有該上市公司5%貨,在同一時間洗倉下的連鎖震撼就不只5%的沽盤了,在其它基金公司例沽的情況下,跟大圍做起碼不會跑輸同行,因此四環醫藥停牌前是基金愛股,復牌所受的沽壓也從「愛得有多深,跌得有多狠」來計算!

    回覆刪除
  45. 寶安就929要約發的通告真夠絕....如果在接受要約後, 市場價格高於要約價, 則容許已接納要約的股東取回股票,改在市場以較高價沽出。

    回覆刪除
    回覆
    1. 佢咁講得,比你撒回要約呢段期間股價應該無運行:P

      刪除
  46. 見FC9提醒 睇返偉哥兩篇殼股尋寶
    (二) 1991 just sold ... 1143 sold 兼升左十幾廿倍..
    淨低844未有任何消息
    播少少種搏一搏先

    回覆刪除
    回覆
    1. 哈哈, 我以前挑選出來的幾隻殼股, 命中率真係好高下.....

      刪除
  47. 多謝偉哥...QIHU 起動啦 ! (跟咗偉哥兩注)

    回覆刪除
    回覆
    1. 最衰近排大市回暖, 不然遲些沽奇虎套現的資金購買力更高。

      刪除
  48. 高山景行 - 高山行
    民行踢契疑雲
    http://www.am730.com.hk/column-304126

    回覆刪除
    回覆
    1. "由於若干民銀國際完成 交易之先決條件,即證監會按照證券及期貨條例之規定批准持牌法團主要股東變更至 民銀國際及聯交所批准所有認購股份上市及買賣,於最後截止日期仍未達成" 點解佢連通告呢點都無提...憑空作?

      刪除
    2. 參考吓啫
      利申,有貨

      刪除
  49. 598,又是近3.45沽出1注,看是否又行人止步了,不過呢隻還有貨。

    回覆刪除
    回覆
    1. 3.42同放了,3.5 樓上較大阻力

      刪除
    2. 呢隻算好炒,幅圖比晒位出入。

      刪除
    3. 我這兩天一直掛的沽盤@3.45今早摸頂成交了, 將之前3元以下撈入的細注貨沽出止賺,炒住波幅先。

      主要倉位沒有動。

      刪除
  50. 回覆
    1. 有d難睇...不過應該唔係好大

      刪除
    2. THX~ 唯有今晚睇CCASS..

      刪除
    3. 相信野蠻人會捲土重來,市場上選擇不多...

      刪除
    4. 今晚睇睇CCASS,看看前排收貨的外資行是否離場.

      刪除
    5. 兩日成交兩億幾仲係扎晒馬咁有D奇怪..

      刪除
    6. 見到UBS好似唔少沽盤

      刪除
    7. 偉哥, 想問如外資離場是好事定壞事?

      刪除
  51. 偉哥,請問點解839嘅股價會不斷下跌嘅?同時又有基金減持

    回覆刪除
    回覆
    1. 其實近排最高都係去到1.77姐…又何來不斷下跌

      刪除
    2. 都是先等特別息,再等國內監管機構批准,沒有什麼消息。

      現在是risk on, 那些套利、抗跌力強的股冇運行是必然的。

      刪除
    3. 偉哥估佢派息 0.3 機會算唔算大?

      刪除
  52. 回覆
    1. 可惜掂一掂$4就回返落黎,繼續等下先。

      個市氣氛好轉左,有帳面利盈既貨,如果唔係太多貨喺手值得再等下。

      刪除
  53. 2255昨日大陽燭加大成交,春江鴨偷步,今日宣佈同支付寶合作。

    回覆刪除
  54. 426慘,今朝追不到貨,只有1注在手。

    回覆刪除
    回覆
    1. 昨晚聽偉哥講話426未升
      今早掛低了少許入唔到
      1.43即追入小量

      刪除
  55. ATV關門大吉,1097升市助慶。

    回覆刪除
  56. 下星期想寫篇過江龍血拼地頭蟲,唔知會唔會得罪地頭蟲? 哈哈。

    回覆刪除
    回覆
    1. 期待,應精彩過林博士,kaka

      刪除
    2. 偉哥,896 好似最近做好多嘢,有無似賣殼味。

      刪除
  57. 龍頭體育股2020今天強力反彈,唯獨2368 & 3322 斯人獨憔悴 :(

    回覆刪除
  58. 個莊都陰濕,小船仔560這幾天小成交陰陰落到1.90,今天突如其來成交多見番1.98。

    回覆刪除
  59. 伟哥,是否有注意过722,现在低过发行价很多,也低过凤凰医疗和周大福的入价,企业前景很好,现金流和财务也很稳健,现在估值不高。你觉得该股有什么潜在的风险吗?

    回覆刪除