2016年1月22日 星期五

物賤鬥人窮


自踏入2016年,首14個交易日恒指已跌了接近3400點,大部份股票都跟隨大市不斷被拋售,普遍而言估值都跌至很吸引的水平,相信這說法大家應該沒有異議。

面對自2008年後港股最吸引的估值,現在並不打算買入的,應該只有三個可能性:1.已經用盡手上所有資金,無法再買;2. 擔心壞消息陸續有來,後市會繼續跌,所以等再跌多些再買;3.已經輸到不想再炒股票,已清貨離場。

我是接近全倉了,僅餘下2%的現金,現在是感受到什麼叫“錢到用時方恨少”和“物賤鬥人窮”!惟望奇虎私有化快些完成,也希望幾隻賣殼股可以快些落實交易,以便套現資金出來買貨。

香港於未來數天將受到寒流吹襲,而股市已經提前進入寒冬,各位保重身體;冬去、春來是必然的,只是時間的問題。


280 則留言:

  1. 短线可能反弹,但所有报章都指估值有史以来最便宜,反而令我担忧。如果反弹得好一点, 可能会减点货。

    回覆刪除
  2. 偉哥昨天給大家估的股票是否1122?

    回覆刪除
    回覆
    1. 其實大家如果要跟買,先諗諗為何我說今年是95%機會是10厘股。

      簡單一些, 估計下2015年全年盈利及派息。

      刪除
    2. 做了些功課, 看過Macquarie 上星期關於1122的研究報告, 2015下半年銷量遠上半年的增長差不多, 雖然單價下跌, 但因是有新輕型商用車MODEL, 2015年毛利率應較2014有明顯提升 (2015上半年較2014年提升了3.7個百份點)
      管理層預期電商發展對其輕型商用車需求有利, 對2016銷售前景審慎樂觀
      淨現金39億人民幣, 市值54億港元, 2014盈利4.5億人民幣, 2013-14派息比率87-89%

      刪除
    3. 我下星期先講些少我的看法。

      至於派息,其實佢過往派息有一個固定的規律,不是按派息比率,大家可以當做小學的數學推理題,試試搵出個規律,就差不多估到今年個派息係幾多。

      刪除
  3. 環境再差, 總會有公司賺錢呱? 等, 係擊退班用沽空搵食既人既唯一良方

    回覆刪除
  4. 偉哥永遠都係對股市抱住樂觀,同正面心態。我要多多學習!!!

    回覆刪除
    回覆
    1. 做好風險管理,沒有什麼好怕的。

      即使今天再跌一千點,日子還是一樣咁過,也不用怕輸到甩褲。

      刪除
    2. 偉哥,今次不會比08年金融海嘯更差嗎?經歷過08年,今次相信好多人(包括我及家人)唔怕。

      刪除
    3. 我不覺得會比2008年或1998年更差....可能因為今年不是2018年。

      刪除
    4. 偉哥呢個回覆正,哈哈

      刪除
    5. 呢個回覆內裡充滿智慧。

      刪除
  5. 大家保重身體
    個別股以虛幻股要小心,特別係241.1060.136.911..這些怪物,風險高,回報低,
    911昨日出現長陰,後市大0樂!!

    回覆刪除
    回覆
    1. 絕對同意,還有一些炒到上天的半新股,就睇下幾時收割散戶。

      刪除
    2. 不用2小時已收割不少 !

      刪除
  6. 港交所行政總裁李小加表示,新3年戰略規劃方面,拓展互聯互通較易做到,因為大家較易理解,加上相信深港通馬上會推出。他說,豐富大宗商品產品種類亦不難做到,但每項影響力有限。
    李小加指出,港交所在內地建立大宗商品現貨平台執行難度最大,但影響亦很大,他認為完成後可能改變香港國際金融中心地位,但即使不能完成亦不會有多大虧損。他相信,與在岸交易所互聯互通則存在最大不確定性。
    他提到,定息及貨幣產品對港交所屬於新業務,要發展並不容易,但他強調,有需要就「債券通」及早奠下基礎,但可能未來5年都未見到這項業務有多重要。

    回覆刪除
  7. 開市又來裂口高高掛,不知尾市會否又來依招,裂口大插,令人意志消沈啦。次次依招無新意,相信今日或是有意想不到?

    回覆刪除
    回覆
    1. 睇真D恆指升400點,又是托高幾隻造勢,大多股隻升很少?

      刪除
  8. 好似又話歐洲暗示量濶。

    回覆刪除
    回覆
    1. 再咁搞, 可能美國加息不成,反而下半年再來QE4。

      刪除
    2. 講左老美唔應該加息, 各國一係量寛一係減息已經變相強美元再強, 依家環球通縮仲走去加息, 真係搵人陪葬

      刪除
    3. 強美元對美國的經濟復蘇也不利。

      刪除
    4. 我覺得老美講左加, 點都扮野加一次, 之後點之後GE 事

      刪除
  9. 929可能快提價了,可惜我還沒有補回沽出的貨。

    回覆刪除
    回覆
    1. 我唸過呢隻野如何寶安收購成功可能會因為流動性問題而停牌,情況一如南早,投資要注意。

      刪除
    2. 如果寶安取得控制性股權,要發新股很容易。

      南早是因為大股東自己也拒絕發新股去增加流通量吧。

      刪除
    3. 偉哥係唔係收到風?
      我都坐到pat pat痛等換馬掃貸。

      刪除
    4. 但問題係寶安就算拎到過50%也未能控制到董事局。

      刪除
    5. 冇收到任何風,兩間涉及的公司口風都好密。

      所有的情況都是自己猜想。

      刪除
    6. 寶安拿到50%以上股權,可以在下次股東大會提出換董事,50%投票權已足以令到他們控制董事局。

      刪除
    7. 但收購完成,董事局又不作出配股安排,就一定要停牌。

      刪除
    8. 是, 不過應該只會短期停牌,始終寶安控制了董事會就容易解決問題。

      刪除
    9. 929的年度股東大會一般是5月舉行,如果寶安在4月成功入主,5月就可以換董事局成員。

      不然的話, 好像有些麻煩, 因為無記錯如果開EGM的話,好像是要75%的股權同意才可以通過決議。

      太耐冇睇公司法,希望冇記錯。

      刪除
    10. 基本上有50%股權,再提名自己人入董事局,到時股東大會投票,不可能不通過吧? 如果持有50%股權,而且股權沒有好像以前太古分AB股的話,不可能控制不了董事局吧?

      刪除
    11. 我唸過,也與熟例的朋友傾過,也唔明白寶安攪緊乜,除非佢有能力係管理層中撬到票,又或者可以係GO中收到61%股權,否則寶安的情況其實不樂觀,除非寶安預左長期停牌,接受兩敗俱傷既局面。

      刪除
    12. 不需要收到61%股權吧? 過左50%股權, 在AGM已經可以成功換到董事局,如果拖到5月就麻煩D。

      刪除
    13. 61%是用來防董事局運用權力配20%股權俾自己人。

      刪除
    14. 61%股權才可以通過賦予董事會20%配股權? 上市條例?

      刪除
    15. 要約未完結之前係唔係唔可以配股?

      刪除
    16. 61/120 = >50% (即係寶安收到61%,就算現任管理層再配股20%給自己人,寶安也持有足夠過半數控股權)

      寶安持有50%股權當然可以召開EGM(夠10%已可以)要求羆免董事局。問題係原有董事局係有好多方法可以抵抗寶安,首先是GO後佢可以立即配股(20%)或進行供股(2供1),以攤薄對方。又或者索性申請停牌,在停牌期間盡力破壞公司價值,如掏空公司現金,將業務向外轉移等,所以結果只有兩個,一是無法收購成功,一是成功收購但結果兩敗俱傷...所以才真的不明白寶安唸緊乜。

      刪除
    17. 其實而家寶安每日都在1.5吸貨,如果我地响排1.5買又買到的話,在二月十五日( 首個截止日期接納要約)前,也有一個隱性的floor. 因為寶安每日都買。期間可以博佢抄上或者提價,偉哥認為這個思維正確嗎?

      刪除
    18. 1. 寶安如有50%以上929股權, 供不供股是寶安話事;2.GO可以一直延長到今年的配股權到期,929吹佢唔漲; 3.原大股東也是持有公司股份,破壞公司價值對他們而言沒有作用, 也是傷人傷己, 更何況重大交易要過股東大會。

      更何況寶安持有50%股權後,很快就到股東大會換董事, 原大股東有幾多時間可以做野?

      刪除
    19. 1.5元的要約現在不是無條件, 寶安雖說日日在1.5元買貨, 但不能確保他們有朝一日收手。

      刪除
    20. 謝謝偉哥回覆,但我思前想後,寶安在市場已經掃了19%股票,在要約截止前應不會突然放棄 (雖然也有機會)

      刪除
    21. 1. 2供1無須開股東大會,就算能成功配股20%寶安都可能無命;
      2. GO如果拖到既就係囉,至怕佢點收都收唔齊50%咋;
      3. 如果要被迫要輸掉公司,我係大股東/管理層相信會優先考慮捲蓆著草,大拿拿$8億現金喎,況且要將公司的機器/生意/工人轉給自己友,大概幾星期可以辦到吧。

      其實我只想指出,除非寶安能拎到管理層的一些支持,否則是相當被動,因為對方始終仲霸住個管理層,做乜都得。我有預感是次敵意收購難以成功。

      刪除
    22. 其實供股如何可以攤薄寶安的股權? 況且供股折讓大就要過股東大會,折讓小邊個肯包銷? 係人都知929如果不是涉及收購,根本不值1.5元。

      寶安已洗濕左個頭, 而家放棄就輸好多。
      你問我,我會覺得大股東很被動,論財力不及寶安,目前要約期間又乜都做唔到,只能被動等結果。
      寶安可以提價來爭取更多支持,1.5就一定失敗,但目前市況出到1.8、甚至2元,相信大部份小股東都會心動,難以拒絕,而且其最大殺著是即使取得50%股權也可以一直延長GO,直至今年配股權失效及股東大會召開時換董事。

      刪除
    23. 供股當然唔得啦,但配到股就應該可以取佢命。不過其實我估佢既結果係GO後先要停牌,然後寶安會即時要求929召開EGM(罷免董事),董事局應該配唔切股。但寶安就要冒上停牌其間的管理層風險。如果你是大股東,明知自己一手創立幾十年既公司,有大量現金生意心血,(問心)你真的會拱手相讓嗎?不過咁,也有一個可能性,唯一的可能性,就是根本董事中有無間道,看半年報,有位何如海先生直接實益擁有38,838,740股,4.18%,或者寶安一早已穩操勝券。

      刪除
    24. 偉哥可能估中左. 路邊社消息話應該會提價到1.70

      刪除
  10. 昨日去了一個機構投資者午餐會, 有位真.星級分析員於席上表示昨日早上已經加倉股票,並表示一個月內看升10%.當然,他管理的組合有不少現金,我的與偉哥一樣全滿倉, 真的是錢到用時方恨少

    回覆刪除
    回覆
    1. 現在的基金可能也怕客戶贖回,會持有較高比重的現金。

      我聽聞有些本地基金面對不小的贖回壓力。

      刪除
  11. 7,昨天公司回購後,今日8291放左幾個1M買盤。

    回覆刪除
  12. 熊市就是這樣,反彈但冇力的而且繼續跳樓貨,以前試過熊市就是這樣,看數字以為抵其實是在看上年數字計出來,盈利跌今年股息亦會調整

    回覆刪除
  13. i am case 1.已經用盡手上所有資金,無法再買

    回覆刪除
  14. 俾滿倉仲折磨系隻隻都想溝卻要忍 攞左錢行街卻要window shopping (╯﹏╰)

    回覆刪除
  15. 回覆
    1. 都幾爽,間中搵佢執下些少幫補

      刪除
    2. 這次我也0.4沽清了,輸25%左右。

      前兩天買了687,不想同時持有太多建築業務為主的公司。

      刪除
    3. 美林都有很多1556出售, 不應該是國際配售的股份。

      1556只有191.25M股份流通(其它一半國際的配售股份191.25M有半年禁售期)。

      刪除
    4. 希望1556今天能有50M~70M股成交,看看收盤價是多少。

      刪除
  16. 今日個市如可以彈番上去19200收,我就信短期見左底。

    回覆刪除
  17. 現在剩餘資金都係之前放了投機股的錢及後備資金,只重點吸幾隻價值股。等看有沒有大插

    回覆刪除
  18. 題外話,有3百多萬股的物美股權沒有接受要約,我保留一手沒有接受要約,看看之後的流程是怎樣,當比6200元學費學下野。

    回覆刪除
    回覆
    1. looking forward to your sharing of the result!

      刪除
    2. 其實可唔可以一股唔接受,其餘接受?

      刪除
  19. 今日9點正, 天安中國大手成交13.8M (P) @ $3.5, 可惜我不能買一些28@$3.5?

    回覆刪除
  20. 想問問各位有無人已經將MPF 換左去恒指?

    回覆刪除
    回覆
    1. 在20500點時已全轉恒指。

      刪除
    2. THX 偉哥, 得番20% 仲放左係保守基金, 諗緊係咪時候放埋過去恒指....之前蝕得太勁了....唉...

      刪除
  21. 昨天在群組看了一篇巴克萊員工寫的投行生活誌,很辛酸,投行的工真係不易做,唔似得自己炒股,輕輕鬆鬆、任性、任意。

    ------------------------------------------------------------------------------

    巴克萊全球裁千投行職位
    2016年1月22日
    【明報專訊】英國巴克萊銀行(Barclays)昨宣布新一輪緊縮政策,稱銀行將會把業務重心放在英國及美國的投行,並且將會裁減全球投資銀行業務1000個職位,當中主要來自亞太地區。另外,巴克萊亦透露,將關閉亞洲地區(包括香港在內)所有的股票研究、銷售和交易業務,以及可轉換債券的交易業務。

    集中亞太區 包括香港

    根據巴克萊投行行政總監Tom King發給員工的信及便條所稱,該行將會退出多國市場,包括巴西、俄羅斯、台灣及韓國。便條又稱,該行將會削減美國以外的產品,以及權衡會否退出貴金屬業務。據一知情人士透露,巴克萊是次重整業務料會導致1000個職位被裁減。

    據知情人士透露,雖然巴克萊會退出多國市場,但在這些國家的債券、貨幣、商品交易、衍生工具市場及對冲基金等業務則會繼續經營。另外他又稱,該行在印度、中國及日本的辦公室則維持經營。事實上,自Jes Staley去年擔任巴克萊行政總裁一職後,該行便加速業務重整,並將銀行重心放回英國盈利更高的業務。

    回覆刪除
    回覆
    1. 可以SHARE 個BLOG比我?
      識朋友做投行, 真係no life
      人工120K左右, 但日日朝7晚11..

      刪除
    2. 是的,投行工作不易為,工作壓力大不再話下,還要分配時間陪伴家人。市好時風光無限,市差時被受多方面的指責。每次熊市都有金融機構出事,現暫時還沒有出現,故希望大家千萬要小心投資,量力而為,熊市不做孖展。

      刪除
    3. 就轉載部份內容吧, 不全文出了。

      -------------------------------------------------------------------

      1. 去年六月份我们开始入职培训,business manager是来自斯里兰卡的德籍小哥,他首先向我们强调了公司的加班原则,即老板其实并不鼓励我们加班到九点以后,大家听后一阵沉默,三秒钟后,他说了一句:“Why you guys look so sad when I’m telling you u’d better leave office before 9…”(然而现实是我们入职第一天九点以后才下班,我的第一周就开始周末加班,第二周已经开始晚上十一点下班了,第三周碰上results season,工作时间已经飚至每周100小时。)也就是在加入巴克莱以后,只要周末不加班,我就再也没有在中午十二点前起过床,两天周末,睡足一天才够。

      2. 我背后坐着两个宏观组的经济学家,二人之前都在世界银行干过,是非常接地气的分析师。有一个分析师看起来很年轻,check他的LinkedIn才发现人家博士读完都工作好几年了。有一天我听他默默的嘟囔了一句:“中国二季度GDP出来,周末又要加三天班了…”。另外一个分析师去新加坡参加briefing,两天开了18个会,回香港睡了一天…

      3. 有一天早上大老板把我们batch的人招进会议室,大家刚坐稳,他就说我已经fire了谁谁谁,and it’s an immediate leave. 在场所有人都愣了,那人工作还不到八周。

      4. 有一个分析师推荐一支股票,开盘就跌逾21%,收盘累跌12%。那天他的电话从早上响到了凌晨,我晚上十点的时候看到他去接水,他说“连我自己都讨厌自己了…”。这小哥两年前被巴克莱裁掉,失业期间找到了女朋友,后来巴克莱又把他请回来,他说:“再给我一个月的假,谢谢。”

      5. 经常做梦自己都在做excel,不进投行还真不知道excel还有这么多猥琐的玩法。

      6. 不知道是不是因为外资的关系,我们推荐股票的时候还是比较任性的,如果真的是一个很烂的公司,不管什么背景都会毫不留情往死里骂。前段时间有一个巨无霸国有核电公司上市,我们看metals & mining的首席一initiate就underweight。我们看的某家地产公司,风头正劲,但的确是一个烂到家的奇葩,负债率高的吓人,net margin几乎为零,还经常做一些极为愚蠢的deal博眼球,因为我们每次都没有好话,他们公司的IR(investor relationship)几乎和我们撕逼。

      7. 能源组因为cover不同地区的stocks,所以经常碰到晚上出result,他们组的一个analyst那段时间晚上十点先下班回家冲凉,然后12点回来update模型,一直做到早上四点,然后去quiet room睡一会,然后又开始新一天的工作啦~

      8. 有一天我们老板边进办公室边说,那个恒大淘宝足球的mkt cap都到多少多少了,我们组一个当妈妈的analyst走进去说:“是啊,和曼联一样大。”我靠,她还知道曼联?她还知道曼联的市值?

      9. 去年12月初的时候大家已经知道香港可能要关门大吉了,然而前不久我们才新招了一个healthcare的analyst,让他做A share initiation. 本来定在春节左右发报告,为了赶在关门之前出,各种加班,历经波折,终于报告快要过会了(出sector/company initiation的时候需要和至少两个MD以及Supervisor Analyst开会,审议通过才可以,称为过会),然而在过会的前一天晚上,他们cover的一家公司突然发公告说要收购信达5%的share(对,就是那家收购垃圾资产和医疗八竿子打不到一块的信达),而且还是全cash acquisition哦,而且那家公司的cash还不够哦,只能借钱收购哦~当天股价就跌了20%。这意味着这家公司的目标价(TP)要全部调整,company position的部分要大改。再不出就来不及了竟然还碰上这种霉事,结果我看那个analyst依然毫无表情的做model,更新数据(不过他手下的assistant跟我说:“我们老板今天说了无数次的‘kill me’”…)。这个analyst的经历也挺特别,原来是IBD的,后来跳来做research。不知道是不是在IBD做久了,看一切都是毫不care的状态,他的表情从来都没有变过

      11. 真正做了两个月以后开始怀疑自己当初是不是脑子进水,工作肚子饿到耳鸣,睡眠不足导致皮肤老了三岁不止,牙龈痛到要昏死过去还只能硬撑,颈椎和背部经常痛到无法忍受,视力越来越差。results结束,病倒一片。

      刪除
    4. http://www.weixinrensheng.com/v146nmMa/

      刪除
    5. 做得呢一行要為自己工作負責,不像現時財經報纸專欄作者,講完一大輪,我沒持有以上股票,甚麼責任推得一乾二淨,間中搞下投資講座,收收入場費,多好。

      刪除
    6. 我之前也說過…
      蔡東豪說: i-banker 這行是搵快錢, 被裁減也沒有 farewell cake, 大家憧的..

      所以

      我有位讀書...好.好.好.叻...的後輩想將來入投行, 我列舉 pros and cons...

      刪除
    7. 做ER的通常不太叫自己做投行的,賺錢的始終是S&T同IBD,不過行業工時已沒有以前咁慘,相對花紅無左一大截都是真的(但底薪高左)。

      刪除
  22. 967桑德國際 竟然復牌 我也持有少許 不知道各位對後巿怎看。
    我的看法是先斬一半倉,候低價回買。
    還是應該全斬 , 將資金投資去更有價值的股票?


    回覆刪除
    回覆
    1. 基本上造假是99%確定的...就睇你博唔博這次死唔去, 會唔會炒返上去。

      刪除
    2. 相對於同期被狙擊的股票, 它是最快復牌的一個, 也有理由去解釋所謂的假帳。
      而且公司成長比同行更好。現在我也是十五十六。
      幸好不是投放很多資金,就當學費吧。

      刪除
  23. 感覺偉哥今天比較空閒,好快就見到偉哥的覆,我想呢個都係大市回升的指標之一~~ XDDDDD

    回覆刪除
    回覆
    1. 唔係, 係今早有時間睇下市,一陣又唔得閒。

      刪除
  24. Wai gor would you mind sharing that 投行生活誌?
    Thanks!

    回覆刪除
  25. 967一開波跌五成係基本,到時捨唔捨得斬要問下你自己

    回覆刪除
    回覆
    1. 斬是無妨, 只怕手持現金然後獨自神傷 哈哈
      另外, 5 成會不會太誇張了 我估計是25%-30%

      刪除
  26. 見偉哥講起MPF 有啲野想請教
    我依家將MPF轉左100%富達盈富去低吸
    請教偉哥 當指數升返 係咪會將資金轉去低估左既基金?
    因為岩岩做野無耐 唔係好識
    Thanks

    回覆刪除
  27. 大市仲升緊4百點,細價股已開始無乜力,睇吓下午會唔會又滑雪。

    回覆刪除
  28. 想問問偉哥和其他師兄既意見,2011 係咪確定左定係未ga?
    一直hold 住呢個價..

    回覆刪除
    回覆
    1. 點解唔睇下通告? 咁炒股法真係遲早會出事。

      刪除
  29. 回覆
    1. 今日D半新股好睇
      唔洗俾錢都有戲睇,幾好

      刪除
    2. 「穿櫃桶底」呢家野就經常發生,不過內地銀行職員就特別猖狂。據內地《財新網》報道,農業銀行(1288)北京分行就有兩個員工就好大膽,偷偷地將保險櫃裏面的票據換成報紙,實質就提前取票與去同另一家銀行套現38億元人民幣炒股,呢大半年個市係咁跌,終於炒燶股票無錢填返條數,於是就被發現了。

      據報道指,兩位膽生毛員工都年輕有為,一個入行五年,只有32歲,背景深厚;另外一個仲要係新丁,入行無耐。件事穿煲之後,二人已被立案調查,公安部和銀監亦都將案件上報國務院。

      有銀行資深人士就話,兩位提前取票,又講明係銀行賣出;另一方面到期未過數就會出現空窗期,有機會造成壞帳,是典型內外勾結的操作,相信涉及的單位眾多,仲有好多共犯參與。

      估計單單是農行北京分行,去年違規進行票據回購規模累計達到70億元人民幣,這類承兌滙票的期限最長是半年,去年6月股災前,不少資金都借道票據融資入市,情況非常嚴重,基本上每家銀行都有,今次只是冰山一角。

      甘低級錯誤都可以發生,現在內銀是否不該買入?不知道有沒有其他嚴重事項未公佈X.X

      刪除
  30. 作者已經移除這則留言。

    回覆刪除
    回覆
    1. 有錢我都想大手呢個價買落去,36遲早大茶飯也。

      刪除
    2. 我都買左唔少,照等。同自己講,以金仔既實力,吃大茶飯是指定動作,以$1.50為至低目標價,你當唐會開心番。

      刪除
    3. 4429牌中投国际拋左360萬貨,但睇唔到邊個接.

      刪除
    4. 嗱!都話Work架啦!...但係我唔係講笑架,一旦成功賣殼,佢起碼值果個價。

      刪除
    5. 玩莊家股低調點啦,偉哥個BLOG好多莊腳睇實的.唔知你買幾多,但悶聲發大財是金石良言

      刪除
    6. 哈哈....係既係既....殊殊。

      刪除
  31. 乏力... 十分乏力....

    沽327, 有緣再會

    回覆刪除
    回覆
    1. 今天港股個勢巳無咁弱了,不知下午如何?

      刪除
    2. 係大股彈,細股唔曉彈

      刪除
    3. 我...今朝6.69買多左幾千股

      刪除
  32. 升也爺敗也爺
    驚弓大款在邪
    三千失守易耶!
    大媽不再信爺
    一彈即散離邪
    信心入市難耶!
    呀爺維穏振邪
    中國夢遺呀爺
    病入膏肓股爺
    秀才落第股爺
    訪尋華佗治爺
    印度神油是耶
    偉哥藥力是耶
    看觀請勿心邪

    回覆刪除
  33. 莫非天氣真係都同股市掛勾?

    睇返紀錄,2015年全年最高溫同最低溫,係開埠以黎第一同第二高。0係大家都講緊香港仲有冇冬天既時候,點知2016年1月就黎一個超級寒潮。

    股市也是一樣,2015年4-6月一片太平盛世,又有邊個估到2016年1月,股市都有大寒潮,高位計冇左1000點?

    回覆刪除
  34. 睇偉哥blog如飲心靈雞湯....謝謝

    回覆刪除
  35. 減持了1/3的331@均價1.96。

    相對上331踏入2016年不跌反升,是大幅跑贏大市。

    回覆刪除
    回覆
    1. 唔知有無機會返家鄉.........

      刪除
  36. 635回購近5%,以一年計,屬少數正回報股份

    回覆刪除
  37. 1132開始做野 最衰市差

    回覆刪除
  38. 望緊1249...人民幣貶值反而對佢有正面影響?

    回覆刪除
  39. 下次大跌時可留意三十有八,反彈力強股.
    947 亦值得留意,又悶又呆但是在穏步向北,且看其后著
    327 因有業績信心牌,很快上回10天線...跟大市(跑贏)...大跌市時不容忽視..

    回覆刪除
  40. 931 +36% 點.解.我.冇.貨.呢 !!??

    回覆刪除
    回覆
    1. 無知真無敵 「內地誤傳中央98年救港股

      齊俊傑文章就反對中央今次「再」救香港,指「香港人動不動反對大陸人,踢個足球連國歌都噓聲四起」,獲得大量內地網民贊同。

      實際98年港府用外滙基金入市」

      http://hk.apple.nextmedia.com/financeestate/art/20160122/19462165

      小時候, 媽媽要我穿…好好好…多多多…厚厚厚...的衫回鄉省親. 為的是國內親戚
      長大了, 國內天災人禍, 又話血儂於水, 香港人捐捐捐…
      今日, 國內人有少少錢. 就…>_<

      刪除
    2. 係咁架, 佢地自己都唔L掂, 仲計話救香港, 人唔笑狗都吠啦大佬

      刪除
    3. 多得CCAV同各大官媒日夜吹噓
      夜郎自大

      刪除
  41. 呢類市況,減持是常識吧

    回覆刪除
  42. 好錯....x10000

    阿爺週末應該"被"憧憬

    回覆刪除
  43. 剛才聽理才是力量的女主持林淑敏講佢有貨,話尋日跌二成幾,使乜恨呢d四/五缐股仔,比你買又買得幾多,長缐投資本息再投才可踏上財務自由,未見過日日炒的人會發達。
    只要升市,李生就唔出來,因為佢95%現金在手,cash is king 今日失效,眼光光睇住別人賺,仲話我輸得慘,正式是盲毛我有冇話錯佢?升市恨貨少,跌市恨貨多,尋晚期指無啦啦高水200點,還去買熊仔,死得不明不白。

    回覆刪除
    回覆
    1. 買10萬股都好和味...

      刪除
    2. 正一盲毛, 其實你係咪揸車打工既炒期子達人? 不過係輸少當贏, 贏幾百蚊就出黎認威果種。 升市就歡喜弱(智)狂(狂妄). 兩位吳生都非常專業, 慢慢坐啦。 LOL

      刪除
    3. 你都係排隊等位飲茶吧! LOL

      刪除
    4. 如果幾千元叫和味,如何食大茶飯,算每月比你好彩執到二次,黃國英講買一層似樣的樓住吓,究竟要執幾耐?

      刪除
    5. 黃國英用 use OPM {other people's money} 不同級數.

      就算不是大茶飯,每月好彩執到二次? 每次幾千元. 有冇人反對.

      刪除
    6. 啱架,黃國英大雞唔食細米。
      唔同級數冇得比較,好似朱李博士個仔同我外甥女一樣同是11月15日擺酒,朱李博士花千多萬,我外甥女花幾十萬。

      刪除
    7. 股中作樂,知足常樂
      各為求財,不為求氣
      神仙放屁,要射大鵰
      各有所好,不用煩燥
      保重身體,財來運來
      立心不良,變態反常
      是否最強,各自品嘗
      各自理才,做人不呆
      為爭朝夕,尋尋覓覓
      大戶之席,才有得食
      井底之蛙,入小戶家
      金錢花花,厚顏自誇
      花生劇場,永可表揚
      股中多樂,每週一鑊
      人不識趣,混混岳岳
      浪費時間,不獲人讚!

      刪除
    8. 偉哥blog文膽…Danny 哥

      前金管局「筆神」文基賢(Christopher Munn),年薪起碼300萬元樓上

      http://hk.apple.nextmedia.com/financeestate/art/20160122/19462210

      刪除
    9. Danny 哥,好詩喎,可惜肚內無詩料,未能學人作首詩。

      我只不過同李生講下笑,見佢呢排日日 cash is king ,心中有股,倉中冇股,都係希望佢唔好出來啦,因為一蒲頭即是表示跌市。

      刪除
    10. 你繼續做好你份工, 揸車吧!

      刪除
    11. 收左市先得閒同你講多句。 盲毛至日又聽, 夜又聽D財經節目。 你就係... XD 你都係揸緊車冇得即時覆了。 LOL

      刪除
    12. 李生下個星期可能有機會又再出來講Cash is king 啦,因為我一見到十大升幅榜有隻547叫做數字亡國上咗十大升幅榜,個心當堂沉哂加上期指又由高水又變番低水。

      刪除
    13. 又會咁巧合話我揸緊車冇得即時覆,嗱你係𠄘唔承認係咪段估冇辛苦,你95%cash 仲使乜等收市,希望你今日冇買貨就阿彌陀佛。

      刪除
    14. 一早睇恆指會18K, 唔上上落落就冇人接啦。 個心沉? 一個經歷過幾次股災, 仲生存既吳生為一時既期指上落而心沉. 仲話炒期指。 LOL

      刪除
    15. 不如咁啦,如果恆指一個月內見唔到18K,你在此地都無咩生存價值,又浪費大家D位,比D骨氣,自動消失。

      刪除
    16. 95% cash? 依一星期入緊三隻股冇甘多了。

      刪除
    17. 點解要講明今個月見18K? 甘短視, 你咪同吳生一樣輸少當贏?

      刪除
    18. 剛剛你都話我揸緊車開緊工,依家又再次自打咀吧。
      我心沉是因為你95% Cash is king 今日見呢度個個都有錢執,唯獨係你冇,你又話唔得閒要等收市,因為你抵受唔住,焗住搶貨。
      你又冇期指期權串流報價?冇吖嗎,我講比你知19400認購長倉今日總成交3273手,認沽245手,你知不知道點解兩邊成交差咁遠?

      刪除
    19. 實不相瞞,我真係好間唔中先留言,我都估到你咁講,我講一個月,只係因為我真係.....頂你唔順......我都好耐之前己接近100% CASH,但....我又唔覺得有咩咁叻.....

      刪除
    20. 咁不如你講下你想睇幾耐見18K,比D骨氣,見唔到就消失

      刪除
    21. 嘩表態恆指期指前會上,好! 岩岩同朋友share你琴日段唔知代表冇言論, 笑足5分鐘。 LOL

      刪除
    22. Mr Lee....你睇幾耐會見18K 姐............

      刪除
    23. Lucky Bird, 18K係指標, 型態上會到, 但係今日又傳深港通, 甘多因素我仲講到確實日期, 我自己都唔信啦。

      刪除
    24. Lucky Bird 今年恆指波幅係幾多?

      刪除
    25. 睇下星期吳生有冇走數, off. LOL

      刪除
    26. 救命.......SORRY 偉哥, SORRY各位,我浪費左幾個位........仲以為....見到個叻人,原來又係咁........

      刪除
  44. 偉哥,好奇想問327公佈業績後升完再插而引唔起你食指呢?真係大市低迷影響食慾?

    回覆刪除
    回覆
    1. 偉哥係覺得執董沽貨係對前景信心不足, 佢係唔會買的

      刪除
    2. 應該係業績前嘅事喎,之後盈喜無改變睇法???

      刪除
    3. Dear .. where 可以搵到執董沽貨消息? 我搵黎搵去都搵唔到..T.T

      刪除
    4. http://www.sl886.com/p/stock?c=327

      刪除
    5. 善用港交所的股權披露。

      http://sdinotice.hkex.com.hk/di/NSSrchMethod.aspx?src=MAIN&lang=ZH&in=1&

      刪除
  45. 咁chock, 今日恒指會唔會倒跌收?

    回覆刪除
  46. 1132 發行可換股債券 行使價係 $1.0
    咁係咪意味住股價應該唔止$1????

    回覆刪除
    回覆
    1. 到期時贖回: 按內部回報率11%計算之回報金額
      買家唔換股等到期都每年賺11%

      刪除
  47. 偉哥提到佢覺得個BLOG重好熱閙, 好多人似乎都等緊撈底.
    有冇試過有一次股災, 可以俾咁多人撈得到底? 或者今次根本唔係咩股災, 大把人手上重有前幾年的盈利, 冇蝕入肉 (希望係咁), 另一可能性就係依家只係熊市的開始, 其中不斷有小反彈引資金入局。

    回覆刪除
    回覆
    1. 咩話,只係熊市的開始???

      2萬8跌到E+ 果1萬點係熱身黎架???

      刪除
    2. 大家都盼望快D跌夠, 跟住反彈, 再賺返之前損失的利潤, 又玩過.
      但那是牛市中的調整市。 熊市通常不是這樣的, 熊市一般比牛市要漫長, 不用每天跌一千幾百, 只需在低位徘徊, 間中有小反彈又好快跌突, 磨人心志。

      刪除
    3. 其實不論是98年或2008年都好, 不需要在最低位撈貨才贏到錢。1998年我是做孖展,被迫斬倉止蝕離場;2008年我到15000點已用盡所有資金,但不足一年我唔使輸,仲要有可觀回報。

      相信2008年和我有同樣經歷的人應該不少,很多都是萬五、萬六已用盡資金,但只要不是用槓杆,有本錢去守,買的也不是垃圾股,中長線要贏錢並不難。

      刪除
    4. 我同樣相信股價終會回到合理價位。但心態上, 要做到像偉哥你咁大倉位, 近乎滿倉, 卻仍可以無視指數起伏的確不是件易事.哩個月, 早幾日沽貨同死守賬面已可以有好大差別, 幾多人重可以堅持?

      刪除
    5. 我沒有後顧之憂,資金也是閒資,也沒有用孖展,完全沒有心理壓力。

      刪除
  48. 波譎雲詭黑金財
    一週震盪世破財
    偉哥藥力請出來
    呀爺小試暫不呆
    可真靈丹仙妙藥
    且看蛋糕迎喜劇
    今週起死望下週
    莫再曇花一再現
    力向三千莫破財
    穏守三千信心來
    一鼓作氣財漸來
    適度試藥春再來
    上上落落浪暈呆
    步步為營各保財
    小散低位驚嚇呆
    大戶低位再尋財
    敏事慎言觀其才
    真假難分金運來
    芝麻開門金鎖開
    若能跟風時運來
    鴻門之宴為君開
    胆大心細防大災
    華麗轉身門常開
    信心勿失財自來

    回覆刪除
  49. 1991可能收夠貨正式私有化, 可惜得10000股

    回覆刪除
  50. 上漲股票去到1120,今日有d見底feel,月結前偏向做多。

    回覆刪除
    回覆
    1. 尋日果棍應該堅見底呱, 希望

      刪除
  51. 我淰有些股票只要大市稳定些它一定會做返好些.
    1031应是這類股.

    回覆刪除
  52. 師兄們覺得今日既升市成交額跟點數, 係短期反彈信號定引資金入場下星期一續跌?

    回覆刪除
  53. 之前曾買入的141停了牌,應該好事近了。當時出了通告傾賣盤,仲可以3.8任買,4.8左右沽清以為自己算叻....只是想不到之後升到6元多。

    唯有寄望1991及426不用等太久,1991今天有春江鴨買貨的味道。

    回覆刪除
    回覆
    1. 偉哥, 想問點解有咁多賣盤消息, 如 365, 929, 點解你會target呢兩隻呢? 謝

      刪除
    2. 你看我星期一的文章, 有寫原因。

      929不是賣盤, 是收購。

      刪除
  54. 汀角路布心排村
    1400尺 4房(1套)
    麵粉價售550萬
    開始見多咗呢啲廣告。

    回覆刪除
  55. 個市真係唔知點, 一時升幾百覺得似乎見底, 一時升二百再倒跌幾百, 儘管如此, 今日都係溝左D 884, 補回598, 首次買入河蟹戲車
    偉哥有無睇1868的大股東增持個案, 朋友話炒私有化, 咁請問如何分析公司是否有私有化動機?

    回覆刪除
  56. 其實真係好希望偉哥可以處理一下呢位李生嘅留言,我相信唔係剩係得我有咁嘅諗法。點解要係到生事端,又不斷攻擊某幾個網友。完全破壞晒討論氣氛,副隊某程度都係被佢迫走....

    回覆刪除
    回覆
    1. 這個開放的平台,坦白說完全靠參與的網友自律、自覺,如果有人不要面子,那最極端的做法只能是搬屋, 或者以後只有我有空的時候才開放留言功能,將搞事的留言全部刪除。

      坦白說,這裡是一個給網友發表個人意見的地方,有人看錯市或買入時機錯,並不是什麼大不了的事,真的不明白為何有人會如此大反應,或者只有這樣才能顯示出他的高人一等、財智高超....那又如何呢? 一個品德如此差的人,就算你贏過所有人,那又代表什麼?

      如果真的有此財智、有此能力,何不自己寫寫網誌,讓其他人觀摩、參考一下呢?

      刪除
    2. 如果情況沒有改善,我只能開啟留言審批功能,日後所有留言會事先由我過目才可以顯示出來。雖然時間上可能會有一言延誤,不過大家會看得舒服一些。

      可能下星期我會試驗一下這功能,會對大家造成不便,請見諒。

      刪除
    3. 其實偉哥都難做,好似曾鈺成咁,又要維持公平,自由,但又偏偏會有人搞事,不如大家試下唔好理果D人,等佢地自己消失,唔好加大偉哥工作量,有時間都不如睇多幾份公告

      刪除