2015年11月4日 星期三

應付突發的消息



今日市場因一個可能是被人有意誤導的訊息而出現非理性炒作,相信大家都清楚是什麼一回事。

人民銀行將一篇行長周小川在5月的演講更新放在官方網站上,演講內容提及深港通將於今年內開通,不知看的人是有心還是無意,總之深港通即將開通的消息就在早上開市時段傳出,各傳媒也沒有加以核實便即引用這消息,也因此午市休市前恒指曾大升接近800點。

至中午休市,大家才有時間細看文章,終發現這篇文章已是5月份的舊文,而港交所也發通告澄清並沒有深港通的進一步消息,故此下午復市後,相關概念股包括港交所、券商股以至AH折讓股等急速回落,部份甚至接近打回原形,但奇就奇在市場在消化誤傳的消息後,開始從低位反彈,部份相關概念股也重上接近早上高位,令人摸不著頭腦,究竟是否真的就快有消息,還是有大戶或者機構投資者假戲真做,意圖炒高來出貨?

其實不要說是我們散戶,即使很多金融界人士也是莫名其妙,不知葫蘆裡賣什麼藥,只能見步行步,看事態的發展。

對於這類突發消息,其實市場反應也是非理性,交易員也沒有時間去核實,只能跟著消息炒作再算,反正整個市場都按著這方向去炒作,炒錯消息的話就齊齊錯,但如果消息其後証實是真的而自己沒有跟,那自己就難以向公司或客戶交代。這種想法或者理性的投資者無法接受,但在這種時刻太理性只能看著別人賺錢,正如今早朋友傳來消息,自己也想為什麼會是人行行長來披露深港通的訊息? 懷疑歸懷疑,這種突發的消息是賺錢良機,也只能鬥儍加入搶貨行列,反正現在很多人都視我的網誌是投機客雲集的地方,這種投機的做法才是符合我網誌的作風,不是嗎?

尾市見大市及相關概念股仍然走強,不知人民銀行將舊文重提是否另有暗示,所以也再買入了相關概念股英皇証券(00717)及昆崙國際金融(08077)。買英皇証券是對應深港通概念,買昆崙國際金融是對應人民幣納入SDR的可能性,未必買得正確,不過反正就是炒作概念,也懶得去深究。

最後也再說說泰昇國際,到現在我其實也不知為何大摩要如此急於追貨,越買越貴。如果之前有貨在手的,就密切留意是否會有後著;沒貨在手的,目前股價已升了不少,再追風險也高,所以還是買包花生看戲算了。這幾天看大摩如此收貨法,也花了些時間去研究CCASS,有持貨在手的不妨也研究下,看看有什麼異常之處。

267 則留言:

  1. 收市後717發盈喜,真係運到有埋。

    回覆刪除
    回覆
    1. 我都有陳年貨,1173估計全年1.6億盈利,但更重要可能有講故事的機會。

      刪除
    2. 我計算是稍低於1.6億元的,但也無妨我今日以均價0.38元增持,因為不論是我計算到的盈利數據,還是你的計算,都代表0.38元買入的值博率很高。

      刪除
    3. 717應該是走資得益者,1173將時裝盈利當零,僅計化妆核心盈利。

      刪除
    4. 偉哥717 你睇法係純炒作深港通概念定本身都覺得有價值投資?

      刪除
    5. 由之前個POST抄番我既留言

      呢隻野我有批蟹貨之前對佢太有信心,而家只係邊買邊賣拉低番成本.

      偉哥, 你睇佢之前集資又批又供果D貨而家其實係未仲坐緊. 我記得之前果批財技貨好似成本挨係0.6附近. 俾D意見,指點下謎津.唔駛輸咁多我已經好開心

      刪除
    6. 717其實最賺錢的業務是放數,而經過配股及供股後,目前資金充沛,對其放數業務非常有利;其次,拉了一些國內公司做股東,不知會否有進一步的合作空間?

      估計全年盈利介乎3.5-4億元之間, 對應估值10-11倍左右,不算便宜,不過因為補充了資金的關係,放數業務的盈利會更高,來年盈利增長的確定性頗高。

      我今天買入是以偏投機的角度買入,先看15-20%的目標升幅。

      刪除
    7. 謝偉哥, 睇餸食飯.唔好攪到一鑊粥就好,哈哈

      刪除
  2. 所以還是買包花生睇戲算了

    偉哥你真風趣

    雖然在午後已減持了股票 但自己仍覺得無悔 起碼在風險控制上是對

    回覆刪除
    回覆
    1. 哈哈, 炒股最重要是安寢無憂。

      刪除
  3. 夜期繼續挾,真的不知是在炒什麼。 難道人行故意將5月的舊文刊登其實是有所暗示?

    或者是大戶將假消息當真消息炒,炒高來派貨?

    繼續見步行步。

    回覆刪除
    回覆
    1. 那為何人行不直接放風
      反而用五月的舊聞
      真係想唔通

      刪除
    2. 偉哥有無炒深港通既收貨目標? 會提早收貨或等出正式消息先買?

      刪除
    3. 假設本來係要升來個假息消,咁咪會引左D人出黎沽貨或者沽空,一直夾上焗佢地買返,有對手先好夾假息消息比真消息更好炒上。
      D基金佬如果早前跑輸,當個流既消息出左咁去沽貨再跑輸份工實無寧賭佢炒到年尾再上。
      做基金佬真係唔易

      刪除
    4. 其實深港股開通後,最受惠的可能是中小型股,而自己倉位差不多全倉中小型股,理應有些會受惠,所以除了券商股外,也不會特別再去收集某類股份。

      基金佬仲有兩個月追數,好大壓力。

      刪除
  4. 隻980我都見大摩補返好多貨

    回覆刪除
  5. 偉哥 各位前輩
    不知大家有冇留意985
    佢請左快的打車創辦人做執董
    我估公司想轉型 因為做礦唔賺錢
    如轉型科網 價值重估 想象空間都幾大
    各位點睇?

    回覆刪除
    回覆
    1. 呢D所謂變身股唔好太認真,何況33億市值,大把正宗科網好佢多多聲

      刪除
  6. 想起偉哥與一眾網友分析687,又一同並肩1997,很回味!

    回覆刪除
    回覆
    1. 哈哈, 1997無驚無險食糊, 反而74就真的虛驚一場。

      不怕的話,1025又有這種機會,不過最快12月底才開股東大會,也不需急住買來等。

      刪除
    2. 74!仲記得大家以已股票贊成及當時那幾天成交數量去估算距離那成功過關的百份比(好似要6x%),大家一條心同條船的感覺,喺股海浮沈咁多年,真係未試過。係喺呢度結識左偉哥和網友先有這經歷,而且瀝瀝在目,超回味!偉哥,謝謝你!

      刪除
    3. 74, 1997 都有跟偉哥, 仲有2626, 記得偉哥話份要約非常詳細, 成事機會很高.

      刪除
    4. 其實350都食左兩三轉,現在就等1025。

      近年我炒套利真係未輸過。

      刪除
  7. 有幸同路在差不多時間入8077,

    以下的LINK,有興趣的人可以參考下,就會知道呢隻股價值完全未被反映出來。

    http://forex.hexun.com.tw/2015-06-07/176529354.html
    中信證券首度披露:為何要收購KVB昆侖國際

      (1)中信證券根據股份購買協議購買銷售股份可為中信證券全球外匯交易業務發展提供一個國際性平臺;
      (2)中信證券可透過利用昆侖國際已建立之外匯交易技術、外匯之星系統及其持續經銷商平臺及基礎設施進入全球外匯交易業務。完成收購將可令中信證券現有的龐大及多元化客戶透過其綜合服務平臺獲得全球外匯交易商機;
      (3)收購可豐富中信證券目前主要涵蓋中國境內市場之客戶群及銷售網絡,並拓展至國際市場,從而將進一步加強中信證券於地區及全球市場的競爭地位。

    業績應如偉哥之前預計一樣,過幾個大客,做下外匯交易,已經令業績幾何級數增長,並不需要等注入資產。

    看完LINK的話,跟SDR 一定有關,是中信人幣國際化的佈局。

    現在只是52週高位的三成,高於中信要約價0.65 只是高兩成多。

    回覆刪除
  8. 有幸同路在差不多時間入8077,以下的LINK,有興趣的人可以參考下,就會知道呢隻股價值完全未被反映出來。
    http://forex.hexun.com.tw/2015-06-07/176529354.html
    中信證券首度披露:為何要收購KVB昆侖國際
    1.中信證券根據股份購買協議購買銷售股份可為中信證券全球外匯交易業務發展提供一個國際性平臺;
    2.中信證券可透過利用昆侖國際已建立之外匯交易技術、外匯之星系統及其持續經銷商平臺及基礎設施進入全球外匯交易業務。完成收購將可令中信證券現有的龐大及多元化客戶透過其綜合服務平臺獲得全球外匯交易商機;
    3.收購可豐富中信證券目前主要涵蓋中國境內市場之客戶群及銷售網絡,並拓展至國際市場,從而將進一步加強中信證券於地區及全球市場的競爭地位。

    業績應如偉哥之前預計一樣,過幾個大客,做下外匯交易,已經令業績幾何級數增長,並不需要等注入資產。看完LINK的話,跟SDR 一定有關,是中信人幣國際化的佈局。現在只是52週高位的三成,高於中信要約價0.65 只是高兩成多。

    回覆刪除
  9. dear wai gor

    今日你操作得心應手,佩服!

    回覆刪除
  10. 有幸同路在差不多時間入8077,

    以下的LINK,有興趣的人可以參考下,就會知道呢隻股價值完全未被反映出來。
    http://forex.hexun.com.tw/2015-06-07/176529354.html
    中信證券首度披露:為何要收購KVB昆侖國際
    1.中信證券根據股份購買協議購買銷售股份可為中信證券全球外匯交易業務發展提供一個國際性平臺;
    2.中信證券可透過利用昆侖國際已建立之外匯交易技術、外匯之星系統及其持續經銷商平臺及基礎設施進入全球外匯交易業務。完成收購將可令中信證券現有的龐大及多元化客戶透過其綜合服務平臺獲得全球外匯交易商機;
    3收購可豐富中信證券目前主要涵蓋中國境內市場之客戶群及銷售網絡,並拓展至國際市場,從而將進一步加強中信證券於地區及全球市場的競爭地位。

    回覆刪除
    回覆
    1. 業績應如偉哥之前預計一樣,過幾個大客,做下外匯交易,已經令業績幾何級數增長,並不需要等注入資產。
      看完LINK的話,跟SDR 一定有關,是中信人幣國際化的佈局。

      6.11.2015 業績 (已發盈喜)

      現在只是52週高位的三成,高於中信要約價0.65 只是高兩成多。

      刪除
    2. 8077現在算距離中信買入價不是太遠,不過最大的風險就是中信証券!

      刪除
    3. 最多拉一兩個官,阿爺對中信都係罰一個幾毫打個齋了事。中信係大陸咁多間國字證劵最國際化,一定行先。SEARCH過市面上真係無乜邊隻同SDR有關。

      刪除
    4. 咁又係, 國企管理層出事最多就換第二個來做, 唔會好似民企咁大禍。

      刪除
  11. "今日甫開市突然傳來今年推出深港通消息,身為基金經理的豐盛金融資產管理董事黃國英直言:「邊有時間諗信唔信,即時反應係立刻平淡倉止蝕,同時趁市旺沽咗部分細價股,中午官媒澄清之後,再開回淡倉,但只追回早上一半損失。」"


    開市期間出呢D突發消息,根本冇得佢諗係真定假,只能順住市場個勢去做。

    回覆刪除
    回覆
    1. 記得黃國英講開市期間不接受任何media訪問, 免阻他炒賣.

      刪除
    2. 以前我也聼過他開市和收市的訪問,黃國英本身是賭徒性格,不過賭得精明,曾經得過亞太區基金組別別冠,可惜近呢幾年港股生態已大變,更受老表影響變A股化,因老表人為做假太多,乜都假,食得又假唔食得又假,隔山買奶粉,攪到澳洲佬頭痛,規定每人每日限購二罐,所以表現和測市能力愈來愈差。

      之前有些盲毛股評人,人身攻擊他批評他,攪到他激動而寫過 ''好多攪財經的住板間劏房大有人在'' 其實也有道理,人只會睇到別人犯錯,點會睇到自己犯錯?只會批評別人,點會批評自己,自己輸仲話嬴,佢起碼住豪宅,若睇到自己炒股犯錯,學習叻的人炒法,才有希望在股賺取第一桶金。

      刪除
    3. 佢起碼肯認自己係賭徒

      刪除
    4. 黃國英也好過一般的財演,我幾欣賞佢!

      刪除
    5. 佢真係唔錯! 好在轉身快!

      刪除
  12. 請教偉哥,8077與人民幣納入SDR有乜關係?謝謝

    回覆刪除
    回覆
    1. 人民幣要國際化,想納入SDR,就要達到IMF關於可自由使用貨幣的各項標準,意味將來人民幣在兌換外幣的自由度將大增,國民參與外匯買賣或炒作的機會也大增, 而市場上由國企控股主營外匯交易公司數來數去就得8077。

      刪除
  13. 794發盈驚,主因截至二零一五年九月三十日止六個月錄得一次性虧損淨額,而截至二 零一四年九月三十日止六個月則錄得純利約25,581,000港元。虧損淨額主要來自(i) 結構外幣遠期合約;及(ii)於中華人民共和國上市之股本證券之公平值虧損。業務並沒出現虧損,如今天開市大跌,可收集搏反彈。

    回覆刪除
  14. 唔好像996就好。。。XD。。。

    回覆刪除
  15. 偉哥
    1050發盈喜,如全年能增長50%,市盈率大約五倍幾,你覺得股值吸引嗎?此公司往績如何,有沒有不良紀錄?

    回覆刪除
  16. 回覆
    1. 可以留意我的留言,如有減持會告訴大家的。

      刪除
  17. 6128 同 36完全死死地既感覺:(

    回覆刪除
    回覆
    1. 買呢d股要好忍得, 不過一升就20-30%.

      刪除
  18. 偉哥,各位師兄好

    想問下..687 大摩連續幾日增持係邊到睇嫁?

    披露易?點解我搵5到既.

    回覆刪除
  19. 1462同15一齊停牌了,有好消息?

    回覆刪除
  20. 短暫回港又可以一齊玩,外遊期間將價位定高20%都中全沽出711真係估唔到,多謝偉哥。

    回覆刪除
  21. 回覆
    1. 今早SET左0.67 放鬼左LU...
      我果然係明燈 哈!

      刪除
  22. 1132又可以食一轉短炒貨@0.69。

    0.61-0.7這個波幅都唔知食左幾多轉了。

    不過手上剩下的持貨不算多,要等機會低位再買返先有短炒貨。

    回覆刪除
  23. 偉哥, 請問1132 點睇, 目標價係咪都係0.7左右, 見rsi 60以上, macd 有無機會穿0軸 ?

    回覆刪除
    回覆
    1. 技術指標我唔係好識, 短炒貨就0.6-0.7炒波幅, 長線的就等奇蹟。

      刪除
  24. 回覆
    1. 剛發現上同期九個月賺二千零九萬盈喜五倍即是首三季已賺一億, 第四季keep 到,PE 只是15-6

      高增長股是嚴重undervalue

      刪除
    2. 係上年同期500%定係好似aastock話5倍呀?

      刪除
    3. HKEXNEWS 大概星期前 昆侖國際金融已發盈喜,預期截至9月底止九個月溢利約為去年同期5倍,主要是來自市場波幅引起的交易量增加、貨幣匯兌收益及佣金收入增加。

      我再SEARCH 番上年同期,純利2009萬。

      刪除
    4. 2009萬係截至九月三十日止三個月,九個月係1424萬…

      刪除
    5. 用你的數據,應該最少為七千多萬。
      淨第三季已是上半年的一倍。
      首季為1258萬
      中期為3500萬

      第三季是中信入主後。

      刪除
  25. 心郁郁想入番598...
    唔知4.35 係咪時候?

    回覆刪除
  26. 偉哥 券商股買邊只看長綫最直博 downside lowest and upside largest?

    回覆刪除
    回覆
    1. 長線如果不是博賣盤的話,你都是考慮一些大隻的吧。

      刪除
  27. 1386潛在買家中弘要向812買借錢買264,有傳是中弘實力不足,亦有可能是因中央嚴格收緊資金外流出措施。

    回覆刪除
    回覆
    1. 驚驚喎。。。。但暫時未見異動

      刪除
    2. 師兄會否香港借錢,大陸還錢,這樣便不同了,用殼吐現,多多殼都收

      刪除
    3. Ccass 己有13M股轉倉入西證

      刪除
    4. 唔知喎! 1386依家我暫時唔會考慮買入。

      刪除
  28. 偉哥, 多謝晒。 想問問687係咪仲係可以諗呢, 大摩係咪仲會收貨, 另外3322係咪可以長線揸住呢?

    回覆刪除
    回覆
    1. 我不是大摩, 這問題我答不到你, 至於我的看法, 你詳看文章尾段。

      刪除
    2. 今日大摩的買盤仍然set係$3.68

      刪除
  29. 回覆
    1. Oman Ching 咩原因入94?

      刪除
    2. 大股東同大福9仙入股,
      之前等錢用九亳三批一億股應是圍內人梗食了,
      我唔知佢幾時會郁,
      自已在$1.3沽清,
      九亳補了一半,
      自己覺得這位很吸引,

      刪除
    3. 又94準備改名叫"綠心",
      改名原因是可以更好的打入國內市場,
      可能這是一亮點.

      刪除
  30. 捨命陪偉哥,1.26及1.27入了361

    回覆刪除
    回覆
    1. 我不想你炒361捨命....我但願你炒361發達。

      刪除
    2. 偉哥,361睇幾多?我同你共同進退

      刪除
    3. 偉哥好似話2元不是夢

      刪除
  31. 請問偉哥, 你的157是否仍在等? 因我錢唔多, Hold住157好似失了好多oc, 但風險就最低, 唔知點好

    回覆刪除
    回覆
    1. 是啊, 零風險,所以我繼續等。

      刪除
  32. 偉哥可否先話俾大家知你部置既績優股呢, 要等兩天可能錯過入貨良機, 再者也需要時間去研究呀
    是否有477,3322,3399?仲有乜

    回覆刪除
    回覆
    1. 其實有時身不由己, 我一說出來自己也難以再買到貨,正如1173我昨天說買了, 今天又升,雖然可能只是巧合, 但我怕我未建倉的股仔一說又買不到貨。


      其實我炒業績股現在最大的考慮因素是 "確定性+ 增長+往績",1173是其中一個符合條件的例子,從這3方面去考慮你自會找到我想買的股份,不然就等下星期的專欄。

      刪除
    2. 明白的,多謝你的分享!

      刪除
    3. 再說多少少.....以1173為例,大家可以思考一下:

      1. 為何中期業績確定?
      2. 近一兩年的往績如何? 有沒有增長? 派息是否合理?
      3. 大股東或管理層有沒有不良紀錄?

      與1173相似的有什麼例子? 其實是很易找到我看中的股份,相信不少網友應估到,不過就暫不公開了,始終機會要先留給付出時間去做功課的。

      刪除
    4. 說得太明顯,有人估到,掃了上去......唉!

      刪除
    5. 呢幾日既留言可能提過有一隻的,確定性+ 增長+往績。

      暗號是wonderful,通常在11月中旬出業績。

      刪除
    6. 好彩估到, 即刻袋錢。

      刪除
    7. 下午開市都已經排緊我認為的那隻wonderful...但已經升左6%...可能我落盤不夠進取...唉。

      刪除
    8. 所指的是另一隻,另一喑號是 sky。

      刪除
    9. 上午好好地, 買家都好有秩序排隊買, 唔搶貨, 只怪下午有一個大買盤掃一掃, 打破了買家之間的的默契, 也令買盤積極搶貨, 將個價掃左上去。

      刪除
    10. kiss china都應該能保持。可惜股價又唔覺佢太便宜,落唔到手。

      刪除
    11. ciara姐: google 下暗號。

      刪除
    12. 而家很進取的排緊「便利店」,睇下掃到幾多先

      刪除
    13. kiss china 是一只好股,曾經在主席增持時買過。

      刪除
    14. 偉哥呢隻真係好野,早排在0.4 一路壓落泥都套住好多人.....呢隻股要成20000股一手另想增持或搆貨的小散不感冒進....如果佢每手係10000,咁會多的人去搆吧.....我上月在0.27每日守株待兔做了望股石....結果見佢上番10天線才加小注,博勢上20天.如果佢好似和諧的入埸費既話,,網友見出好業績及見你都出手爭持,一定會多的人跟埋上車....本想短食但見你增持及出隹績也變為等一等睇佢短期去唔去到0.43 -0.45 短食的...多謝分析.

      刪除
  33. 今天沽清了餘下的592@0.68.

    原本想將資金換馬同是零售的1173,可惜今日個買盤入唔到,只能繼續等候回調。

    回覆刪除
  34. 偉哥會再考慮買返 311 嗎? 個價好似好吸引。

    回覆刪除
    回覆
    1. 目前資金短缺,暫時無法兼顧這隻了。

      刪除
    2. 作者已經移除這則留言。

      刪除
  35. 偉哥有看過2221呢隻已賣殼嗎?

    回覆刪除
    回覆
    1. 剛剛才和朋友討論這股。買家是呼之欲出,只是不明他們為何還要再買一隻殼。

      還沒來得及消化訊息,已炒了上去。

      刪除
  36. 偉哥 36仲有持有嗎?
    Q4你看好嗎?

    回覆刪除
    回覆
    1. 36我仍持有,沽的話會告訴大家。

      這些我有沒有持有什麼股票的問題我就答最後一次了,因為每天都有很多這類問題,有時都幾煩的;只要大家肯花時間跟進我網誌的,就知道我有沒有沽貨。

      刪除
    2. 係, 見到你每日回覆呢類問題都鄧你煩. 尤其是個市升一升呢類人即刻走曬出黎.

      刪除
    3. 偉哥,想請教你耀才service係用咩plan? 同有咩好處? 謝!

      刪除
    4. 哦。。。吾好意思偉哥,我記錯左你用耀才做買賣

      刪除
  37. 3322 炒波幅也不錯,先以1.59 沽出星期一撈的1.43 貨~~~ THANKS 偉哥

    回覆刪除
  38. 就算中弘買唔起1386 , 咁1386咪找別買家囉, 抹收禮金, 嫁別人去. In fact, 盈進市值7億, 中弘吃得起…
    不同昔日510玩嘢…1386應ok

    咁多人問36, 唔悶死你, 不開車..............

    回覆刪除
    回覆
    1. 哈哈,我好認同Ciara你之前所講36同1386都係等。 我覺得呢D股都係妙賣既概念,股價既浮動無咩所謂,唔等得就賣。

      刪除
    2. Ciara姐仲有邊幾隻?
      細隻我揀717, 510, 188

      刪除
    3. 細股也不少e.g. 1175……其餘不講, 悶聲發大財.
      年頭煲隻36又…....唉!.....天呀!
      估炒到出年第一季, 望有好profit
      我冇晒錢喇, 要留番啲錢開飯, 否則買咗27食大餐.

      刪除
    4. 唔知點講好, Ciara姐買野既方向好似同4-7月唔同左.
      我覺得現在最難係22000樓下買左既野,如大方向無變, 點忍住唔好短線獲利.
      如資金仲有唔少, 當然又唔同做法.無咁多時間留意,炒波幅有難道.
      1175我無, 但買左少少862 :)

      刪除
  39. 717 今日唔知有無機破0.73阻力呢? 成交好似少左

    回覆刪除
  40. 見到3399成交有時真係忍唔住笑

    回覆刪除
    回覆
    1. 基金買多賣少,偉哥追隨者儲存也不少,散戶知寶者惜貨如金,不知者也不會買,貨源歸邊,收多一手街貨少一手,極嚴重缺乏流通,等待黎明大爆發。

      刪除
    2. 5.4 運動做完,...呢個位短線來橕實雞頭,有無食力短打者,一回便要盤算.
      有幸亦及時參予這場運動.

      刪除
  41. 剛有時間睇,1132食唔到,都多謝偉哥message.

    回覆刪除
  42. 偉哥, 唔好意思, 請問你的網誌係邊個呢, 因為新人, 之前見有提過橙新聞, 係咪即係呢個呀。

    回覆刪除
  43. Oscar & michael, 唔見有偉哥的網誌??

    回覆刪除
  44. 可用右上方的功能,好有用!

    回覆刪除
  45. 小女子真的唔知道係邊度click右上方功能可以見到偉哥網誌。

    回覆刪除
    回覆
    1. 呢度就係偉哥嘅網誌啦! 如果想check番之前偉哥或者其師兄講過咩股票可用功能.

      刪除
    2. 網球小姐,
      你想搵依個系吾系?

      http://www.orangenews.hk/finance/system/2015/11/04/010023698.shtml

      刪除
  46. 偉哥業績股會否包括1866 ,記你曾經估計全年純利約4億。首九個月基本已經係呢個數。

    回覆刪除
    回覆
    1. 1866我也持有, 首三季純利大增, 年尾盈喜是必然, 成本3.17持有中

      刪除
  47. 2628,今朝平保升4.x%,2628只升1%,$29掃入,剛剛抽高做左即月SC,穩坐釣魚船。

    回覆刪除
    回覆
    1. tkchan 兄,最近我開始學習股票期權,想問你SC甚麼價位?
      另若人壽升不穿你做的價位,你便可全收期權金+人壽的升幅。
      但若人壽跌穿29-你收取的期權金,那你手上的人壽是否會有帳面的損失?
      謝謝你的回覆!

      刪除
    2. 我SC即月行使價$31,收權金$0.45,兩種情況如下:
      1. 到期日升穿$31被行使,約1個月回報是2.45/29 = 8.5%;
      2. 到期日不升穿$31,收左權金$0.45,成本變成是$28.55,又可以做下月SC。

      刪除
    3. 謝謝你的詳細解釋!

      刪除
    4. 好似同就咁揸隻股票冇咩分別…

      刪除
  48. 2368 byebye
    排過1.8 果日,只跌到 1.83

    回覆刪除
    回覆
    1. 今日大成交破頂創新高呀!!!

      刪除
    2. 有時唔係好明,有d股仔RSI爆晒燈(>80)兼股價企係BB頂附近,仲有咁多人去追買!!

      刪除
    3. 無計啦,錯過左就係錯過左,唯有等旅行完返黎再搵野玩
      一日有市一日有機會

      刪除
    4. 股仔睇rsi未必準的, 正如之前3322股價1.4左右, rsi也去到83, 幾日後最高見1.72.

      刪除
  49. 支持1386,市值6億,殼價都6億,最主要大股東真心想賣,這點最緊要

    回覆刪除
  50. 今早講794,1050,只入到794at0.76. 1050升太多只入到小量。

    回覆刪除
  51. 2368等到儍,點知又升了

    回覆刪除
  52. 回覆
    1. 盈喜是今年四月大時代既事,已成過去了~

      刪除
  53. 952昨天6千幾萬甘大成交做出來的嗎, 今日又可以跌番落黎。

    回覆刪除
    回覆
    1. 華富幾好呀,呢個星期一用1.35 個位撈的失魂魚,胆大心細唔貪短打,都可以食幾個巴仙雞胡.彈藥來儲備, 也不錯! 什麼千幾萬成交亦不需要佢想做咩!估倒佢個鵰點走向就冇窮人啦!
      苦持此隻股的網友,驚玩到有壓力,心慌慌者就斬之可也,搵個第二隻開心股...短長理應一早要心裏有數就冇有怕.跌有跌玩,升有升玩.有冇信心呢家野要問自己,冇人會幫到你,但有條件有耐心,要住套房都要自己的獨立思考做思想準備.Mr Lee你的問題相信冇人答到你的,能給你肯定答案的一定係呢隻股既大旗手吧! ...話之佢反枱,各有各做,有風險咪自己吞番攞,無謂另到拾伍拾陸的初級小網友在舟上心緒不寧,...希望如我之賣玉者給知音者吹下水,看完自己可做出決定.....漫漫長路能玩得開心及安心才是上策吧!

      刪除
    2. 謝回覆, 打太多字了。 真係以為今日會借勢拾級而上, 點知又落番黎1.36...尾市再用可以話財技一手上番1.37...有D氣餒。

      刪除
    3. Danny兄好!講出大家心聲,佢經常問d沒答案的問題,睇到都覺得煩...

      刪除
  54. 3322 幫 Addidas 生產運動衫,唔知佢既股價對呢個消息有冇反應呢?


    Adidas調高全年盈測
    Adidas預計,全年來自持續經營業務的經調整盈利將增約10%,集團此前預計增幅介乎7%至10%。第三季盈利為3.11億歐元,高於市場預期的3.01億歐元。

    回覆刪除
  55. King 師兄, 唔該晒你, 係呢個啦。 咁偉哥係咪成日都會係橙新聞度出網誌架。

    回覆刪除
  56. 大股東減持952
    http://www.hkexnews.hk/listedco/listconews/sehk/2015/1105/LTN20151105776_C.pdf

    回覆刪除
    回覆
    1. 好似係左手交右手?

      刪除
    2. 可能之前大肆張揚沽丁屎咁多貨嚇人被偉哥篤爆,所以做得高明咗

      以今年4月952宣佈和民銀簽訂諒解備忘錄之前大股東不斷大手沽貨的往績,今次成事前都唔知會唔會再玩明面大手減持,同時人頭接貨收貨的財技

      我只係剛巧見到有人講952,所以分享下意見的路人一個

      刪除
  57. 81%%繼收購了一間資產管理公司後,又收購關聯公司一間放貸的公司。

    回覆刪除
    回覆
    1. 若你有留意內容,是一間比較小的放債公司 (主力公司仍在619),好明顯又是為賣瞉鋪路,把一些低成本的公司/牌注入阿仔,為潛在買家度身訂造一間公司,提升價值。

      刪除
  58. 偉哥, 想請教有關注碼問題
    假如一開始資金是30萬, 分10注, 之後升到資金40萬
    你會建議都是分10注,即提高每注金額? 還是繼續保持之前每注3萬, 分多幾注投資? 謝謝

    回覆刪除
    回覆
    1. 30萬與40萬之間距離不遠, 改不改每注金額都問題不大....但如果升到50萬、60萬,那就真的要再分多幾注。

      刪除
  59. 早晨,淨間開市跟大行買返d 6128傍下身先

    回覆刪除
  60. 524剛才有個1M賣盤沽左落來.....唔知今日會唔會又係收0.63?

    回覆刪除
    回覆
    1. 學你咁講, 雖然股價仲係悶住, 不過總算有些正面的因素出左來.

      刪除
  61. 習總訪越 366會唔會有炒作

    回覆刪除
  62. 2678 is breaking up the pressure line. maybe President Xi can bring something good to this stock?

    回覆刪除
  63. 想問下仲有幾多網友未沽157的? 睇CCASS, 應該冇乜散戶持有了。

    復牌後, DEUTSCHE SECURITIES 買左7000萬股,呢間行係做套利,應該係0.85元掃入的,出要約後會比大股東;

    高盛都買左唔少,而且要留意大股東的持股是存倉在高盛的,不知是否大股東友好掃貨的;

    如果要約期滿前大股東唔炒上,咁最終應該會收到成手貨,但大股東已講明唔會私有化,到時又係要配返股比友好人士,只是貨源會超級歸邊,唔知會點玩。

    回覆刪除
    回覆
    1. 仲有廿萬股呀,多謝!之前橫惦都係咪試下放高啲價lor,但係就一路都仲喺度:-P

      刪除
  64. 下星期專欄的題目暫定為: "兩隻盈喜股",呼之欲出吧。

    回覆刪除