2015年10月7日 星期三

久違了的大升市



今日恒指大升接近7百點,成交過千億元,相信很多網友都感受到市場氣氛已經明顯改善,也感受到資金流入股市,很多一二線股已率先受惠,升幅超過10%的數之不盡,這種"大場面"是大家渴望已久的。

這個22000點的大阻力今天應該算是正式突破了,隨後的日子或許會有輕微回吐,但相信短期內也不會再跌破22000點大關;個人相信大市在此水平略為鞏固之後,今季度上試24000點應是比較大概率的事,故會繼續RISK-ON模式。

持有細價股的網友或者未能感受到今日大市的升勢,但請不要灰心,一二線股起步先,然後就到三四線股發力,而且通常會後發先至,所以大家目前只需耐心等候,資金終會重臨三四線股;不過如果持有的三四線股票太"垃圾"的話,也不妨考慮先行換馬質素較佳或短線具有炒作概念或理由的股份,或者可以在稍後時間取得較佳回報。

今天的大升或許只是另一波行情的起點,在買賣策略上可能要改變先前博反彈、炒波幅的心態,不然只怕換來"沽升淚"。

最後不得不提的是星期一在橙新聞刊登的專欄文章提到了不少股票,當中不少這兩天都表現甚佳,而佔篇幅最多的和諧汽車(03836)今日也巧合地表現最佳.....


211 則留言:

  1. 和諧之友訢心聲
    第二春來好心情
    鳯閣恩仇未了情
    和諧牛氣比牛榮
    早日回氣拒還迎
    留前鬥后追長城
    午間發力再衝城
    價量高收破關形
    下游水位儲五成
    反彈勢頭應成型
    浪子回頭好夢成
    錦綉前程好運程
    貪婪恐懼續行程
    再望目標進一程
    耐心持有豐收成
    心想事成望天靈

    回覆刪除
  2. 回覆
    1. 當然有。昨天億元成交,怎麼看都不應是散貨.....

      希望最少1.5元以上。

      刪除
    2. 1.3走一半今日1.2又買番
      可惜唔重注

      刪除
  3. 請問偉哥,隻1191,更改董事會會議召開日期,經驗是正常或出問題?謝謝

    回覆刪除
  4. 長實奪康城8期 8年來再重投區內

    雖然近期樓市不景,但無礙一眾發展商投地決心。港鐵(0066)公布,將軍澳日出康城8期由長實地產(1113)擊退其餘5間發展商或財團投得。據悉,項目補地價29.55億元、可建樓面面積104.41萬方呎計,每方呎補地價達2830元,創日出康城各期住宅部分新高,但暫未知悉分紅比例等條款。

    日出康城8期地盤面積約17.9萬方呎,最多可提供1430伙。據了解,長實早於2004年起已「插旗」日出康城,第1期首都、第2期領峯、領都及領凱、第3期緻藍天,皆由長實夥拍南豐發展,如今事隔8年再次「重臨」康城,力保區內大地主之位。

    近年長實投地態度轉趨保守,對上一次成功投地,要追溯至去年底深水埗海壇街/桂林街和北河街項目;是次亦是長實近3年來第三度在港投得地皮。

    回覆刪除
  5. 睇實披露易 「悶」聲發大財

    http://hk.on.cc/hk/bkn/cnt/finance/20151007/bkn-20151007175939222-1007_00842_001.html

    回覆刪除
    回覆
    1. 今日才得知偉哥英文名。

      刪除
    2. 哩排哩度旺番, 最怕出名又多左啲人攪事/搵食

      刪除
    3. 嗰個全職股民潘彥銘(Thomas)似唔似已經唔見咗嘅 山頂洞人 呀?

      刪除
    4. ciara : i miss him so much. b4 i see him blog

      刪除
    5. CARL哥: )
      但係人怕出名樹大招風
      唔...

      刪除
    6. 唔知分享過未, 有個APPS用黎即時跟上市公司新聞幾方便. 不過暫時只限andriod...
      "披露難"
      https://play.google.com/store/apps/details?id=io.appsoluteright.hkexChecker

      刪除
  6. 再次多謝偉哥, 第二轉入的3836收市前沽, 今日好有5,6月時的感覺,氣氛真是好重要.

    回覆刪除
  7. 3836一注未沽,希望上翻7蚊

    回覆刪除
  8. 今次既起步點比一月時低, 如果手上還有今年賺既利潤, 照計應該離組合高位指日可下了吧.

    回覆刪除
  9. 可以感受到今日Carl 哥有種high~

    大家也是, 久違了。

    ^_^

    回覆刪除
  10. 952我係有貨, 感覺1.38大戶唔會升得穿, 至少16號前會跑輸大市, 但走又唔係路, 由1.9開始買買買的。 : /

    回覆刪除
    回覆
    1. 升過左就開定香慶祝 =D

      入下入下都有半球貨仔。

      刪除
    2. 1.36沽左少少。睇下會唔會低幾格買得返,當係利息。

      刪除
  11. 偉哥.. 1132 回番D...仲有冇炒作機會?

    回覆刪除
  12. 外圍暫時做得唔錯
    希望a股聽日生生性性
    唔好打斷大好勢頭

    回覆刪除
  13. 剛剛看過198的權益披露,大股東覃輝申報於10月2日增持了114,480,000 股份,平均價$0.733 , 但我我看過當天及之前幾天的買賣價範圍,也沒有做過$0.73這個或以上的價格。

    請問偉哥: 權益披露日期會否不是當天的買賣日?我意思是: 大股東一個月前累積買了某個數量的股份,再以平均價計出,於十月2日才申報 ?

    回覆刪除
    回覆
    1. 權益披露寫的日期就是買賣那天,而那天沒有做過這價格或股數,即交易是場外進行。

      刪除
  14. 上次賺咗無即刻駛,今次坐言起行買咗頸鍊吊咀(頭像)送畀老伴作三十六週年紀念,不是曬命只是衷心多謝偉哥。

    回覆刪除
  15. 其實偉哥Carl隻1037仲勁, 可惜又係放早到乜無朋友............ 2蚊樓下已放晒, 喊得一句句

    回覆刪除
  16. 究竟現在是否熊三後的牛1, 個周期真係快到咁? 1年出現牛123->熊321->牛1.....

    回覆刪除
    回覆
    1. 從來都是難為牛熊定分界

      刪除
    2. 謝c兄, 因之前左一巴右一巴印象太深, 驚

      刪除
  17. 今日再加左 2333 cover call,已做左3/4,升到$12就應該做齊 (我睇最叻是補列口到12.2x);
    16,明顯跑輸大市,我隻LC暫時只升左5x%,不過鄺老太都增持左過億$,我就陪佢再坐一會。

    回覆刪除
  18. 尋日仲講操作策略唔適宜太進取,如果令網友尋日冇撈貨,或者令網友沽升淚就真係慚愧........

    偉哥的確對市況分析把握力強,觸角敏銳,而且交遊廣闊,基金大戶朋友多,能夠知道目前基金、大戶的想法,除咗上次牛市突如其來的變故之外,偉哥往往對大市變化的反應、分析都又快又正確,就算上次牛市突然結束,偉哥換馬、撈底的應對都係操作得正確

    回覆刪除
    回覆
    1. 偉哥之前一篇文章的呢一段值得參考:

      那市場會否長期不理性?基金或者可以一時三刻持有大量的現金在手避險,但如果長期持有現金的話,大家覺得客戶是否可以接受?如果一個基金經理可以大半年以上都是持有大比重的現金,然後還收取2%的管理費,則只有兩個結果: 不是客戶贖回基金,就是該基金經理被炒。也因此醒目的基金固然可以短線持有大量的現金避險,實行其所謂的RISK OFF MODE,甚至乎現在很多資金都撒離新興市場避險,但這些資金是否會長期留在美國避險,不會再回流嗎?記著,基金經理投資的資金是OPM (Other People's Money),很多時候他們要沽貨避險是可以不問價沽,那管這些股票是長年累月的跟進及收集回來的;要買貨追上benchmark,也可以不問價掃貨,不然追不上大市的升幅,不要說沒有年終bonus,甚至乎份工也危危乎,如果大家只是跟著他們的步伐買賣,會贏得多嗎?

      刪除
    2. A股一開分分鐘升停晒版,真係估佢唔到。
      副隊你的情況已經很好了!我的錢鎖死晒,仍然半停工狀態。

      刪除
    3. 慶幸自己之前都趁低撈咗唔少貨,沽咗的部分雖然利潤唔少,但或者仍然會"沽升淚",剩餘的貨視乎情況變化,或者進取d吧

      另外既然三四線股未發力,可能自己都會挑選"質素較佳或短線具有炒作概念或理由的股份"收集下,但除非情況特殊,唔係都會盡量避免高追,而且我個人始終驚咗A股,買貨持貨都會盡量小心

      散戶之間的交流真係好重要,尤其好似我呢類冇任何基金大戶圈子、證券行業朋友的人,好多時從blog呢度都收到好多睇財經報導難以知道的訊息

      刪除
    4. 我的錢都幾乎鎖死哂,你懂的...........(而且之前我有再用近期的部分獲利增持),不過玩邪股妖股莊家股,大多數情況下唔能夠重倉,所以影響唔大,只係買一般的股票資金就有少少吃緊,唔能夠再一下就用幾百k買貨

      刪除
    5. 副隊或者有冇其他師兄有跟開冷門股1470 ? D貨好似幾乾下...點睇?

      刪除
    6. 冇留意呢隻,簡單睇貨乾程度一般啦,同真正貨乾比有距離,不過都算比較集中,呢隻似係啤殼,另外阿斯達克顯示的每股淨值錯得好離譜..............

      刪除
    7. 有時我都開始分不清誰是基金、誰是散戶? 基金經理其實有時候和散戶的分別不大,最大的分別是容易取得更多的資訊及有更多的資金做買賣....但講到分析能力或者decision making,其實認識越多的基金經理,發覺差別其實不是想像中大.......正如今早大市稍為回落,朋友已微信追問是否要先止賺離場......

      刪除
    8. 細細聲話比大家知,雖然基金經理唔可以為自己管理的基金買細價股、垃圾股,但其實不少基金經理私底下是熱愛炒賣細價股的。

      刪除
    9. 淨係資訊唔對稱同埋資金實力已經好足夠,資訊的重要性唔駛講,基金的資金實力亦令佢地可以左右好多事情(不過基金都有分三六九等就是了)

      話說,雖然我唔識基金同證券行業的人,不過之前機緣巧合之下,接觸到一個康健系內公司工作的人,雖然佢知道的事都好少,但最起碼肯定康健系內部有以前證監會的人

      可惜佢前排畀人解僱,所以連少少可以側面打聽的線索都冇埋

      刪除
  19. 大家會唔會考慮605?股東9月以來一直增持,之前配股價0.75,無耐之後就大跌市,CAP完水之後現金值不細,開始搞網上金融,同埋今次仲開始派中期息(雖然已經派左)。

    回覆刪除
  20. 8成資金係157到,家下得個睇字,日日等

    回覆刪除
    回覆
    1. 唉, 你是身在福中不知福.....如果可以的話,我都想我的組合是80%的157。

      刪除
  21. 希望偉哥隻859也早日開車受惠

    磨拳

    回覆刪除
  22. Car, 家電,內房,體育用品,這半個月當炒版塊

    回覆刪除
  23. 我準備幫David Webb 和1225小股東向SFC 投訴,雖然我只買咗些少,冇賺也冇虧,不過我睇唔過眼,由此証明David Webb不是和他們枱底交易,同流合污,因為我最近比較得閒,而且我也準備好了一筆錢供股,唔同其它小股東冇錢供股,低位斬倉投降。
    上半年賺了幾個億,依家市值得番二億幾,究竟賺的去晒邊?

    回覆刪除
    回覆
    1. Ng Wai先生,1225有意攤薄小股東利益,為何仲供股?

      刪除
    2. 唔供手上持股會被攤薄啊師兄

      刪除
    3. Alex先生,哈哈•••

      刪除
    4. 班友想學鼻祖莊氏兄弟呢招,又合又供向下炒,不過呢招過依家都唔係好得,我最平0.246最貴0.249,總共買咗一球,我用實名掛號信投訴,要SFC調查,香港作為國際金融中心,不能任由班友隻手遮天取予㩗。

      刪除
    5. 859我都入左小小貨底慢慢等,見佢都跟住劇本行~

      刪除
    6. 雖然實名投訴作用不大,但也是支持。

      刪除
  24. 有無人有留意隻1858,呢隻半新股無咩炒過,市值細,但股權唔太集中,可能要等一個大動作先有料到

    回覆刪除
  25. 希望157可以趁市況好公佈埋細節啦 唔覺唔覺已經一個月

    回覆刪除
  26. 偉哥和各位師兄,有冇留意64?雖然之前有師兄話唔喜歡個號碼,但冇理由為咗個號碼唔關注?

    回覆刪除
  27. 偉哥 想請教下700騰訊 同 阿里合併個間大眾點評網 呢單新聞點睇? 其實點去分析呢d個併既係利好定係點?

    回覆刪除
    回覆
    1. 兩間附屬公司都沒有上市,我也沒有留意,不熟悉,無法評論。

      刪除
    2. 點解咁問?未IPO。不過呢隻O2O是好野黎既。

      刪除
    3. 兩個app都很火, 已家去大陸食飯大部分人基本都會用呢兩個app.

      刪除
    4. 想知對700係咪利好 定影響不大.

      刪除
    5. 睇你系邊個層面睇啦, 財政上非上市公司財政無得睇, 不過市場上,少左競爭當然系利好. 按照700個size, 點都唔會好大影響.

      刪除
    6. 上市退出有大equity multiple溢價咁個兩間都發個豬頭,不過是一次性非經常收入。呢隻同美團都是龍頭,之前想美國上但見Ali情況同個PE唔高都想打退堂。

      刪除
  28. 琴日見經濟日報有兩個財演推介3322, 目標價分別是$1.5 & 2 。

    回覆刪除
  29. 805@14.6沽一半,之前低撈的貨

    回覆刪除
  30. 回覆
    1. 下一隻可能又到36,1132,665.....

      刪除
  31. 放心,調整百幾點是極正常,賺夠要走等他走,要守繼續留,下午會轉好的

    回覆刪除
    回覆
    1. 不要怕是技術性調整....

      刪除
    2. 而家考慮緊好唔好開始買番多少貨

      刪除
    3. Lin Alex 呢句說話令我諗起秋官HAHA

      刪除
    4. 唔好啊,唔要秋官啊,之前tvb狂翻播秋官的戲,係近期先好d,唔好再播啊

      頭先撈番幾隻股,不過都係買得唔多

      刪除
  32. 偉哥、各位網友,請問知吾知有咩軟件、app、網站,可輕易知道兩隻股票相互的correlation?

    回覆刪除
  33. 回覆
    1. 師兄訓身風格好似某網友

      刪除
    2. 似足我•••哈哈•••

      刪除
    3. 李嘉誠金庫不怕訓身買

      刪除
  34. 10.2入回昨天沽的1766,成本同李祿差不多

    回覆刪除
  35. 有無師兄可以教下我點睇ccass
    Type of holder
    Custodians 保管人除左經紀仲指咩?
    Brokers 呢係個經紀行?
    Other intermediaries 咁中介又係咩?
    Securities not in CCASS NOT IN CCASS 又係指咩? 實貨?
    UNNAMED INVESTOR 又係指咩?
    ACCUMULATE STAKE 又指咩?

    有無師兄可以解釋下,新手想學下野.

    回覆刪除
    回覆
    1. Custodians 應該係指 代D客 的股數.... 即係你用 HSBC 買股..就會係指CUSTODIANS
      BROKER 應該係 HSBC 自己買..

      刪除
    2. Custodians 1,047,681,319 25.88%
      Brokers 2,973,822,428 73.45%
      如果係咁 736呢隻 代客買咩只有25.88%. 73.45%都係broker自己買?
      會吾會有肯定d既答案可以幫到手呀? 謝謝幫忙.

      刪除
  36. 回覆
    1. 我36在1.10持貨不多、持終信心不足買不多,近幾日成交似模似樣,一於揸到爆燈望再來第二春,52周高是4.91,少貨輕身上路負荷小。

      刪除
  37. 買入665@4.23 博收窄趺幅.

    回覆刪除
  38. 36@1.29,又沽出昨天1.15買入的,第3轉,希望唔好如Carl哥所言,直上1.5,比機會我再上車啦。

    回覆刪除
    回覆
    1. 比機會我再上車啦!!!

      刪除
    2. 尋日1.17入左,1.29沽左
      比機會我再上車啦!!

      刪除
  39. 讓我一等再等

    在等一天共 36 拾回飆升

    永遠在升與跌的邊緣

    應該怎麼決定挑選

    ***可惜冇更低比我加注***

    回覆刪除
    回覆
    1. 股像雨點 似斷難斷
      愈是去想 更是凌亂
      我已經不想跟你糾纏
      我有我的尊嚴 不想再受損
      無奈我心 要辨難辨
      道別再等 也未如願
      永遠在買與沽的邊緣
      應該怎麼決定挑選

      刪除
    2. 入一注 36, 支持下! ^_^

      刪除
    3. 像霧又像花
      何處是吾家
      裂口打壓它
      有心人栽花
      無心人炒它
      上落笑哈哈
      我亦漸愛它
      短長兵謢它
      天天等待它
      天天守護它
      盲婆再虐它
      浪子來採花
      出手救殘花
      小弟亦愛花
      奇兵保謢它
      耐心看謢它
      不用心花花
      愛花人齊來
      終返温暖家
      好心人栽花
      邊緣人媽媽
      齊來笑哈哈

      刪除
    4. 支持下? 唔駃喎…我從來都是

      昂然踏著前路去
      前行步步懷自信
      風吹雨打不退讓
      前路那怕遠 衹要自強
      懷自信 我永不怕夜航
      到睏倦我自彈自唱
      掌聲我向夢想裡尋

      儘管一切是狂想

      Danny 哥, 午安!

      刪除
    5. Ciara 姐午安
      踏雪尋梅記浩然
      股中作樂心自然
      一注獨贏想當然
      按計而行步向前
      自強不息日月年
      寒冬冷退春在前
      排除萬難勝在前
      人有夢想心安眠
      耐心信心豐收年

      刪除
    6. 今午路經TST, 見架藍色 Lamborghini 畀人抄牌….

      Lamborghini 超正!

      刪除
    7. 偉哥, 秋天最好叫家中各人吃雪梨, 潤肺, 可去肺躁 ...

      刪除
    8. 第一眼睇錯左食雪糕 XDDD

      刪除
  40. 524,
    今朝靜成咁,
    似等掃上。

    回覆刪除
    回覆
    1. 見琴日冇乜動靜入左少少@0.69

      刪除
    2. 如果五毫批貨配合上板,
      可見八毫。

      刪除
    3. 奇兵獲利三拾陸
      亦來與兄獵肥肉
      六八九字局中局
      零點六九先試局
      O 文唔易死玩局
      心清數熟榮與慾
      議而即決隨所欲
      我亦無懼齊鹿逐

      刪除
    4. 師兄你今天掛0.67入是沒意義的
      現出面成了二百萬股,
      如再隊到0.67起碼要成多百五至二百萬股才買到,
      無乜可能.

      刪除
    5. Wooo仲要倒升一格
      那明天再高一格

      刪除
  41. 呢一轉等埋啲僵屍股加熱就可以抖抖散散心。

    回覆刪除
  42. 順手SC 6,收返權金,部署完畢

    回覆刪除
  43. 大漲小回 指數好似都係跌d石油股
    雖然個人portfolio 8成股跌 但跌幅都好細 希望下晝收復失地啦

    回覆刪除
  44. http://hk.apple.nextmedia.com/realtime/finance/20151008/54290176

    補習老師年薪仲多過好多上市公司盈利...利害。

    回覆刪除
    回覆
    1. 我睇到高登有個留言就係講點解現代要咁做:
      依家燈塔上市講緊valuation隨時係十幾億
      但間公司固定資產得傢俬printer電腦
      根本上市個價幾多就係睇佢一年靠既無形資產好似d學棍可以吸到幾多水
      問題係當條友幫公司一年吸到1億
      咁佢就會幫公司估價值5-10億
      上市個估值幾多就係靠數據同埋故事
      依家佢代表間野一半收入咁滯
      現代出篇咁既文好明顯想同佢贈慶
      提班投資者隻青蛙就黎完約
      佢到時加價/自己開檔/過黎我呢度既話間公司就仆街
      睇下仲值唔值咁多億?
      佢篇文就算帶唔到條友黎
      都比到壓力燈塔
      甚至捽低個估值

      http://forum1.hkgolden.com/view.aspx?type=ST&message=6077878&highlight_id=0&page=2&authorOnly=False

      刪除
    2. http://hk.apple.nextmedia.com/realtime/finance/20151008/54290338

      呢篇野可能係一個解釋。

      刪除
    3. 最後會是雙輸局面,最大得益者只有林先生。

      刪除
    4. 勢估唔到讀中文搵錢仲多個炒股的人。

      刪除
    5. 這不是更應該,更好的現象嗎?? 我希望有天香港運動員賺到的,可先追上做證券金融地產的一般員工均酬就好了。

      刪除
    6. 如果是運動員當然是好事。

      但羊毛出自羊身上,從事教育能這樣吸金就只會令學生經濟負擔加大...

      刪除
    7. 是因為太多怪獸羊祜才有這情況出現

      刪除
    8. 回想我以為返學的日子, 從未請過私人補習或上"雞精班",但現在的家長、學生好似覺得唔去補習就追不上別人或者蝕底左.....有些明明成績不錯的也要去補習。

      學習,從來都是靠自身的努力;如果細細個已養成依賴的習慣,長大了會不會仍然事事依賴別人?

      刪除
  45. 尋日D股升得少少,今日就回突晒(大股細股都一樣...)
    呢個10月我真係唔多掂,唉

    回覆刪除
  46. 要看你買什麼了.
    我的股昨日都大升了.
    而今日都回了一些而已.

    回覆刪除
    回覆
    1. 呢個月望住個倉好無奈,唔係捉到尋日下晝夾上去果段,呢個月隨時輸緊錢。

      刪除
    2. 昨日組合升接近4%, 今日只是回0.6%。

      刪除
  47. 尋日大升沽貨總算冇出醜,今日可以低一截買番,而家密切留意睇下有咩股值博又可以買下貨

    回覆刪除
    回覆
    1. 今日跌市成交都唔細,望就望陣間跌幅收窄

      刪除
    2. 昨日升6百幾點,今日只係嘔返百幾點出來,算不算大漲小回?

      刪除
  48. 歷史時常重演(有錢身痕)我也跟隨演出,加注592再買番598當無賣過,哈哈。

    回覆刪除
  49. 賣玉者言,回調當前,深淺難見,短炒不變,準備在前,試水一戰

    1816 - 在 3.4 元好淡各有上進退...,穏陣上落短中皆宜
    320 -- 不跟大市,近日欲拒還迎,博它寂寞難耐,向北偷歡一程
    327 -- 升跌飄忽不定,看它亦非庸之輩,遲來的春天應有機會試50天.
    1522-- 在回調,越墮落越快槳... 10天 - 20天線會再候機上短途車

    回覆刪除

    回覆刪除
  50. 11,昨天做左SC,剛於現價做SP,1套大約收$6。

    回覆刪除
  51. 回覆
    1. 2015年9月29日 下午2:46
      1386@1.05再沽出40,000股
      1386@1.07再沽出40,000股
      兩注平均@1.06沽出80,000股,只餘下少量等成事。

      ***你都是大約這些價位沽, 又買番, 冇數喎, 心魔?***

      刪除
    2. 其實我睇佢成事機會大,因為間公司已清到乜都無,唔賣盤無作為,當然買家買唔買係另一回事,但先付了$1,000萬不可退回訂金都叫有一定誠意。另外此殼股權十分集中(兩大股東加起佔81%),在主板中也是比較少見。

      我保守以1.20-1.25為目標價,見現在回一回咁咪買番D先囉,星期二我都係1.03買左一堆,依家個倉又多番此股,不排除再跌會再買。如佢升到1.15左右我可能又會沽番少少俾佢。

      近來殼交易價好似造得幾高,所以自己也不是太擔心,就算佢唔成事我也不會沽貨,會等佢再賣。

      刪除
  52. 回覆
    1. 上次0.63賣晒重有嬴,執身彩不再買此系,驚掩入千窩裏嘔凸

      刪除
    2. 莫非韋伯哥發難成功?

      刪除
    3. 我猜莊家想提升WE
      BB的買入成本,,,,

      刪除
    4. 照計webb點買都無法阻止到1225的供股.....除非莊家怕左佢繼續唱衰,暫時收斂。

      刪除
    5. 如果韋伯能迫到SFC出手,1225莊家也肯定要收斂,8號仔私有化咁多猛人撐也被KO。

      刪除
  53. 回覆
    1. 今早1.27沽岀,三點半後忍吾到手1.22入返。^^

      刪除
  54. 3322強到冇朋友,可惜無貨在手 :(

    回覆刪除
    回覆
    1. 唔係呀,你忘記咗星期一講1.24已經接近超買,追完貨隨時又會回。可惜你講完之後未低過呢過價。
      1225前日有人不停咁買,成交為三個多月來最多的一天,我一股都冇走,隨咗升到0.65-0.70價值回歸範圍。

      刪除
    2. 升到0.35都走先, 仲要0.65~_~

      刪除
    3. 因為個日睇圖見14RSI去到70強,估佢多數回,今日竟然升到82都未肯回,但成交已背馳。

      刪除
    4. 唔好話股仔, 以前藍籌股強勢, 14天RSI都可以去到85的,股仔去到90也不出奇;與此同時,跌起上來,14天RSI也可以低至15。

      刪除
  55. 不知道你是否同意?

    什麼人想搞垮中國?中國的經濟繁榮, 靠自己少搞自己。
    http://blog.sina.com.cn/s/blog_50c88c400102w29u.html

    回覆刪除
    回覆
    1. 從體育運動中,我看到大多數參與者多過3人的合作項目中國都不太成功,可見人多亂了自身。

      刪除
    2. 中國人從來都是一盤散沙,最獘係仲忌才。試睇吓在偉哥呢度就知,唔係偉哥處理得宜早早散咗。

      刪除
  56. 輝立最新優惠:提供10至12月季度差餉報單,可獲應課差餉額的港股佣金豁免。
    客戶差餉單對輝立有什麼用途?

    回覆刪除
  57. 見偉哥有入3836, 想請教一下如果看好電動車前景…
    打算搵一隻長線投資應該如何選擇?
    見到有好多汔車股都有涉足電動車範疇,但都唔係主力
    3836只係岩岩收購起步…睇佢網頁似乎都係做高級車多
    1211就專做電動車,但國內唔見有人揸BYD..
    729就主做電動車,不過都係商用既車多,無乜做私家車

    暫時只係跟誠哥入左729...不過呢隻好似無咩前景,
    市場上會否有更好既選擇呢?

    回覆刪除
    回覆
    1. 正確選擇都是1211,應該是國內發展最成熟的,但估值也最貴。

      刪除
    2. 有冇人知1211啲電動巴有問題? 上去深圳時個司機話落大雨就會收皮

      刪除
  58. 189--唔聲唔聲今日大市跌佢先來破一月高位,2.18

    賣玉者觸角看昔日皇者上落苦海浮生路

    1.跌市來突破,誰人出力?
    2.企穏10週線己3 週
    3.有機上試20週 --現約-2.4 ( 到時看大勢食力)
    4.蟹貨在 2.5 開始 ---至3元會有沽壓
    5.先婆仔數每三巴仙看其虛實

    2 >2.06>2.12>2.18>2.25>2.31>2.39>2.45>2.52> 獲利及蟹貨沽壓>>2.59>>到時再看情況,

    ******8
    有時間亦可看看 553 好玩的熊貓...近來又有點炒作買点...

    回覆刪除
    回覆
    1. 1225 又玩邊科.....近墨者黑,用財技玩弄小股東真太不像話

      刪除
  59. 下午陪細仔去醫院覆診,所以無暇與大家聊天。

    今日的買賣不多,只是尾市沽出的一些3322@平均價1.46,目前持貨只餘下原本持貨的45%。

    升下升下,都就快升到自己之前定下的目標價。

    唔知之後有冇機會可以1.2X補返貨呢?

    之前8月業績期主力買的157及3322,總算回報不俗。

    回覆刪除
    回覆
    1. 個仔無事嘛?仲以為你繼續忙添,157同3322手腳慢想睇定啲又走寶。

      刪除
    2. 無事,只係哮喘要定期覆診,不是什麼大毛病。以前大女剛診斷有哮喘及發作時,住院成個星期,個心都幾慌張,急急致電做醫生的舊同學問清楚.....而家應付哮喘對我而言,是小事一樁,兩個女兒都已先後斷尾。

      公事都係忙, 忙住埋數、核數、報稅,過埋11月15日就輕鬆,跟住就可以諗下是否要搵d搞作.....而家手頭上都有好多option可供選擇,可以慢慢考慮。

      刪除
    3. 恭喜無事就好囉唔係都幾煩,可幸自己呢啲時期過咗。至於怎麼搞作都會跟隨,希望唔好太煩擾你啦。

      刪除
    4. 偉哥細仔無事就好,哮喘堅係手尾長
      偉哥兩個女兒都已先後斷尾?哮喘唔易斷尾喎,係睇中醫斷尾?

      刪除
  60. 網絡力量真的不可小覷,
    粗口閙爆四眼Sir 夫婦認愚昧道歉「認衰」
    http://hk.on.cc/hk/bkn/cnt/news/20151008/bkn-20151008190957138-1008_00822_001.html

    回覆刪除
  61. 天氣轉涼,偉哥都要保重身體。
    目前仍是股市新丁一名,請問偉哥點睇1290中國匯融?營利增長和息率也不錯,現價值入嗎?

    回覆刪除
  62. 偉哥。可試吓虎乳靈芝 鰐魚肉煲湯對哮喘有益 我大女細個都有哮喘 一到秋冬就來。尤其是氣溫急降時 要用頸巾保暖 希望你仔快哋好番

    回覆刪除
  63. 中國靜靜雞「買起」英國企業 連Pizza店都唔放過
    http://hk.apple.nextmedia.com/realtime/china/20151008/54291219

    回覆刪除
  64. 咁快200留言, 可吾可當作指標?

    回覆刪除