置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年9月7日 星期一

兩隻績優股之(二):永嘉集團(03322)


兩隻績優股之():永嘉集團(03322)

今日要介紹同期第二隻績優股是永嘉集團(03322)。巧合地,永嘉集團和上篇介紹的自然美(00157)都是同一天公佈中期業績,也同樣地於業績後翌日逆市上升,更巧合的是兩隻股票當天的成交股數都是3年半以來最多的一天,反映當天有大量買盤因業績而追入該兩股。

永嘉集團目前主要業務包括生產、分銷及零售。生產業務主要以原設備生產(OEM)方式代工生產多個著名運動品牌的產品,包括adidasReebokUmbro等;分銷及零售業務主要是在香港及國內自營運動服零售及以“D-Mop”名義經營高級時裝產品零售。

生產業務過去數年一直保持相對穩定的盈利能力,20122013年及2014年的核心經營溢利分別是2.1億、2.08億及1.35億元;2014年核心經營溢利有所回落,主因是受到產能由大陸搬遷至東南亞的影響,今年完成產能的轉移後,上半年的核心經營溢利已恢復至正常的1.14億元,預期生產業務今年度全年核心經營溢利很大機會增長至2億元以上的正常水平。

分銷及零售業務方面,過往幾年一直錄得經營虧損,但情況持續改善,至今年上半年終於錄得經營溢利2500萬元,不再成為集團的負累。業績改善的主因是2013年收購的高級時裝零售商SHINE GOLD集團(以“D-Mop”名義經營) 的收益持續增長,今年上半年的收益高達3.38億元,經營溢利2200萬元;如果撇除因收購而產生的專營權及商標的非現金攤銷開支約2200港元,則經營溢利更高達約4400萬港元。大家要留意的是這“專營權”無形資產帳面上只餘下1500萬元,即是說下半年再攤銷多1500萬元後,日後將不會有這非現金攤銷開支,零售業務將可以顯示出真正的盈利能力,有助提升集團的估值。

上半年撇除所有的一次性收益/開支項目及非現金攤銷開支後,集團的實際核心純利高達1.53億元,相當於每股核心純利0.12元,派中期息4仙;保守預期全年每股核心純利不低於0.2元,以過去數年平均派息比率不低於50%推算,全年每股派息約0.1元,即現價預期市盈率約5.2倍、預期息率9.5%

估值方面,我會考慮以下因素去釐定:

1.     集團目前持有淨現金6.5億元,相當於每股持有淨現金約0.51元;

2.    2006年上市後,公司保持年年盈利及派息的紀錄;近年派息比率以平均計都是高於 50%,並且每年派息不低於每股7仙;

3.    生產業務保持穩定的盈利能力,而分銷及零售業務是來年增長動力,有望提升集團盈利至以往最高峰的每年3億元以上水平;

4.    零售業務如能保持目前的盈利能力,則有機會分拆上市,以體現其價值;

5.    此股過往一向都是大型足球盛事如“歐國杯”、“世界杯”的概念股,明年是“歐國杯”年,有望炒作這概念;

6.    近期體育用品股強勢,此股也勉強可以歸類為體育用品股一員,估值有望得到提升。

基於以上各點並考慮到目前市況的不穩定及零售業務存在風險,我自己給予此股保守估值是8倍市盈率,即目標價1.6元。

(以上內容轉載自本人於橙新聞的專欄)

296 則留言:

  1. 永嘉銷售放緩 舖租不減或關店

    【本報訊】經營潮牌服裝店D-mop及Y-3的永嘉集團(3322)首席財務官王志強表示,現時零售巿道明顯較去年淡靜,雖然本港分店上半年的同店銷售錄得26%升幅,惟7、8月份已回落至13%。內地方面,同樣受到經濟放緩及股市大跌等因素拖累,同店銷售增幅由上半年的35%,降至最近兩個月只有一成多。
    業務總監李俊豪稱,上半年商討續租時,有部份街舖業主主動提出降租,而商場舖雖然未有減租,但加幅較去年少。他表示,若租金依舊不回落或店效表現差,明年會考慮關店。王志強補充,若商場舖租回落少許或可考慮開店,但街舖則至少要下降五成、即貼近2010年的水平才會考慮。香港開店會以D-mop為主,而內地則會增設Y-3分店。

    減少中國廠房生產
    王志強指,近年永嘉已逐步減少中國廠房的生產比例,但永嘉不會將廠房完全撤出內地或關閉,因為內地始終有銷售網絡,由當地廠房出貨給內地客戶較省時。王志強又指內地工人技術仍較東南亞地區好,一些複雜的款式會交由他們製造。
    永嘉希望盡量減低關廠帶來的影響,部份員工會自然流失,因他們知道定單減少後就會自行轉到其他工廠工作。其中一間位於廣東省的廠房或會關閉,而該土地為集團擁有,若廠房結束後將會一併出售,該筆利潤可代替一部份關廠支出。

    http://hk.apple.nextmedia.com/financeestate/art/20150907/19285455

    回覆刪除
    回覆
    1. 下半年零售業務或會轉弱,此是最大風險。

      刪除
    2. 永嘉擬年內七成生產線遷至越南

      http://news.mingpao.com/pns/%E6%B0%B8%E5%98%89%E6%93%AC%E5%B9%B4%E5%85%A7%E4%B8%83%E6%88%90%E7%94%9F%E7%94%A2%E7%B7%9A%E9%81%B7%E8%87%B3%E8%B6%8A%E5%8D%97/web_tc/article/20150907/s00004/1441562020845

      刪除
    3. 對於D-Mop,消費上,我是敬而遠之的,因為我太太一直也非常支持這品牌,她最近買了一條牛仔褲,花費了5000多元。

      當年讀書時,周邊不少潮人,每季都會光顧這店的。

      以投資角度,扣除本土消費群,過往幾年,增長動力來自一群中端旅客群。

      今年中國股市,帶來的負財富效應,反水貨客,或多或少都影響到這消費群來港意慾。預測生意額應該有下跌之勢。但租金回落,理應補償生意額的下跌。

      來年業績預測持平。

      刪除
    4. 哈哈, 咁我太太無咁豪,多數等大減價時候才幫襯。

      來年少了無形資產的攤銷,即是說2016-2017年度即使實際業績持平,帳面上也會多了4000多萬的盈利出來。

      刪除
    5. 但分銷零售只佔永嘉不足兩成利潤,我估始終搬廠減倒COST最緊要

      刪除
    6. 話說8月尾華東最大紡織公司寶利嘉破產,人口紅利完結,最低工資上升,出口配額限製都殺死緊中國紡織業。感覺就好似當年香港紡織廠北上咁,不過而家大家都南下東南亞。歷史不斷重複,而家東南亞最需要的是基建,如果有東南亞修橋補路水泥股買下就好嚕。

      刪除
    7. 勉強符合條件的就得一隻陸氏集團。

      刪除
    8. 陸氏集團似乎不壞,PB0.52,股本多年沒有改變,多年連續有派息,股權也算集中。

      刪除
  2. hpkhpkhpk1894.blogspot.com
    支持下

    回覆刪除
  3. 周小川講完野有些反應.

    回覆刪除
  4. 245一反彈就咁勁............0.415追入,0.52沽

    回覆刪除
    回覆
    1. 1057都升唔少,果然之前短時間內跌咁多的股票一市好就好容易反彈

      刪除
    2. 1057離心目中理想價位仲有一段距離,245就睇下遲d點發展,如果市況惡劣,跌得更誇張唔出奇,轉手失敗的風險不可不防

      刪除
    3. 3129兄,點睇莊女士個隻xx04,近排跌咗好多,我一蚊樓上有兩注貨,唔知溝唔溝好

      刪除
    4. 一蚊樓上?應該係一毫樓上吧
      如果之前牛市的時候冇走,咁要等佢升番一毫以上,乃至更高價就需要長線持有,現價低係肯定,目前係咪已經見底就冇人可以肯定,不過我相信如果大市再跌應該都可以有更低價,想溝貨或者可以等等

      刪除
    5. 點解可以咁勁追得到ge~
      預先知道d消息?

      刪除
    6. 邊有可能,而且根本冇咩了不起,呢度好多人玩投機玩炒波幅都好勁,唔係咩難做到的事

      刪除
    7. 作者已經移除這則留言。

      刪除
    8. 多謝3129兄, 上星期五收市前小注入了245,1057,1104, 今日收市前會先放245,1057.
      過多幾天先放1104.

      刪除
    9. 作者已經移除這則留言。

      刪除
    10. 唔好意思,打錯,唔係一蚊,係一豪,多謝意見。

      刪除
    11. 輸到蒙蒙地,將另外一隻一蚊樓上入嘅同呢隻撈亂咗

      刪除
    12. 今日大市都係升下然後又跌過,不過245同1057兩隻都企得幾硬,可能因為之前跌得太多,所以一反彈就容易受追捧,畢竟現價仍然都係好低............

      刪除
    13. 其實個股的情況都類似大市,跌得急跌得勁,之後就就容易反彈,而且跌得愈急愈勁,反彈力度亦往往愈強,但如果好似2333咁慢慢陰陰跌,要有反彈就難,之前牛市又跌,而家又跌,要等將來有強力的催化劑,例如行業環境、個股基本因素明顯好轉先有機會轉勢

      刪除
    14. 245 今日炒呢個?
      茲提述本公司日期為二零一五年八月二十七日之公告,內容有關建議收購雨潤國
      鼎證券( 香港 )有限公司及源豐資產管理有限公司之股權(「收購事項」)及建議戰略
      認購股份(「股份認購事項」)。於本公告日期,本公司獲證券及期貨事務監察委員
      會批准(「批准」() 其 中包括 )中國七星地產運營 管理有限公司( 本公司旗 下附屬公
      司 )及中國七星資產管理有限公司( 本公司旗下附屬公司 )分別成為雨潤國鼎證券
      ( 香港 )有限公司及源豐資產管理有限公司之主要股東,而此乃收購事項及股份認
      購事項其中一項先決條件。董

      刪除
    15. 原來真係有消息..........
      今次輪到我要問WY NG,你今日突然咁問我,莫非預先知道d消息?

      WY NG2015年9月7日 下午1:36

      點解可以咁勁追得到ge~
      預先知道d消息?

      刪除
    16. 我怕今日異動, 今晚出消息, 明日借消息散貨..............

      刪除
    17. re x31294128:
      我當然唔知啦~
      但你追入..一定有少少原因先追入架ma~所以先咁問你

      刪除
    18. 原因都係好簡單,同偉哥日日分享的差唔多,就係之前分析過245對於民生投資入主的相關通告,又參考過245的近日走勢成交情況,見今日開市早段大市有反彈,而245又似要反彈,所以就追入,然後見大市又唔掂,245亦似乎反彈得差唔多,於是沽貨獲利

      呢度大把頂尖的炒家,例如某位股壇魔術師,人地可以單憑盤路的少少異動捕捉到就黎要大升的異動股,冇任何明顯消息線索,甚至原來根本係冇任何理由大升,升完之後咩消息都冇的股票都捉得到...........

      刪除
    19. 除非聽日市況太差,唔係開市應該都可以再升多少,轉手的先決條件完成一部分,而家現價亦唔係高

      我只係奇怪,點解證監通知批准之後,245可以唔停牌,然後發通告解釋股價及成交量不尋常變動的時候仲可以夠膽講係由於收到證監通知批准咗?

      刪除
    20. 好奇問下,KT兄尋日最尾有冇走245同1057?

      刪除
  5. 503財務總監辭職 跌20%
    藥股會唔會受拖累呢

    回覆刪除
    回覆
    1. 冇分歧,又冇假數, 係咪比人挖角?

      刪除
    2. 藥股近期是大弱勢....有自身因素,整體經營環境也轉差。

      刪除
    3. 藥股近期已經弱勢,503最近仲要負面消息多多,屋漏兼逢連夜雨

      頭先1.51買咗少少,反彈d之後都係唔敢揸,1.61沽番出去

      刪除
    4. 屋漏兼逢連夜雨 呢句真....行衰運

      刪除
    5. 我仲等緊睇460點收科

      刪除
    6. 460復牌應該是比較樂觀的,只是時間問題。

      認識一名基金經理重倉了此股,差些就直接被KO。

      刪除
    7. 就算復牌都唔樂觀, 一下子停牌停咁耐, 邊有信心再俾基金入?

      刪除
  6. 平均價3.06元減持了一半的1322。

    周未逐一審閱手上的持股,看看有那些價值持股有較大的潛在風險,當中1358都跌到咁殘,加上公司開始大手回購,即管繼續觀望;另一隻1322因一直業績不錯及中航入股而比較放心的,現在回看有些擔心中航入股一事會否有阻滯.....配售價3.63元,現價3元邊,這單配售存在風險。

    回覆刪除
    回覆
    1. 偉哥, 中航入股一事,不是已經完成嗎?

      刪除
    2. 我在1322公布配股中航後,在$4.1,$3.2&$2.9入了三注,希望唔會配股失敗

      刪除
    3. 簽了有法律約束力的協議,但要等條件達成才落實。

      刪除
  7. 大市真係呢~~
    強力反彈…半小時 :o)

    回覆刪除
  8. 強力反彈短線博完反彈再做淡再持有熊仔

    回覆刪除
  9. 呢度愈來愈少留言,反映好友可能死晒

    回覆刪除
    回覆
    1. 冇死晒,都可能心灰意冷了。

      或者要等大市大升或大跌,才會重現人氣。

      個個都等大跌入貨,偏偏現在是陰跌。

      刪除
    2. 天天陰跌才是最可怕

      刪除
    3. 我諗多數人都係寧願等待,好似偉哥你咁,不斷換馬汰弱留強,但可能短期之內,換極都係跌,有咁樣心力去做既人著實唔多。

      刪除
    4. 最近這二天看報紙,評論及blog好友差不多轉了軚,已很小人看好大市。

      刪除
    5. 無少到,,好多CD ROM仲係到,,如本人就是其中一個..HAHA

      刪除
    6. 跌到無哂心機
      只有10%現金 不敢貿進

      刪除
    7. 冇少到,CD-ROM 仍在,一來市差,子彈有限便等待,二來近期這𥚃好多妖魔鬼怪,要好小心咁㨂來睇,唔想好似班鬼怪咁精神分裂

      刪除
    8. 我都係好友,現金流數目唔大, 自然唔似各位師兄可以買咁多野. 現在只睇中港券商.到位買到位賣.
      大市跌無野講, 升既得呢類最快彈.價值股都有跟偉哥, 但都係大隻D既, 好似327, 2020.

      刪除
    9. 【本報訊】散戶近兩年半最悲觀,入市意欲驚見零!港股連續七周報跌後,在外圍疲弱下今恐再下試二萬關,本報散戶調查顯示,有意入市比例由4.55%下降至0%,為去年12月中以來首見,看好後市指標由14.1降至-20.83,是2013年4月初以來最悲觀。

      刪除
    10. 我已兩個月沒有入市了,還在等!!

      刪除
    11. 我仍然保持不低於20%的現金等機會,但MPF在周末已落了指示,將一半轉了去港股基金了.....如果有機會見18000點的話,會將另一半也轉去港股基金。

      刪除
    12. 報個到先,眾多位CD-Rom之一,得返5%Cash觀望中。

      刪除
    13. 之前清了所有持股,只剩下3399和1299,同觀望中。。。。

      刪除
  10. 大家好,小弟首次發言,希望可交流心得,小弟投資年資得兩三年,多數睇圖買,賺15%左右收網,蝕的多數不止蝕,慢慢等佢升返,玩左兩三年,九成投資都OK,但就係俾一兩隻唔肯止蝕的累全家,其中有隻5蚊入,家下得返1蚊...斬的太痛,不斬則長痛...各位大大點睇....謝謝

    回覆刪除
    回覆
    1. 如果是睇圖買,其實有止賺之餘,不是應該也有止蝕位嗎?

      15%止賺但不止蝕,除非你真的對持股很有信心,不然是非常危險的,尤其你是看圖表買賣,不是以基金因素選股。

      刪除
    2. 感謝偉哥提點,, 正因為咁我諗緊要唔要重組自己的投資組合,把已死的痛快地斬草除根...

      刪除
    3. 睇圖炒最怕不守紀律,買入前已經要諗定點去操作。

      刪除
  11. 個市唔得
    股票、基金都洩好多,心情唔好!
    仲要遇著業主迫遷,樓價高企,無哂心機

    忙於搵樓搬⋯ 好煩

    回覆刪除
    回覆
    1. 小朋友仲要報名攪升小、面試
      所有嘢一齊黎,壓力好大!

      希望我隻重股快d返家鄉

      刪除
    2. 我也是...累都死...搬家公司收好貴, 昨天自己黎....累到死

      刪除
  12. 呢度愈來愈少留言,反映好友可能死晒

    回覆刪除
    回覆
    1. 但仍未回到前二年恆指得6佰幾億時,這𥚃較靜,可能二,三天以上才爆200個留言。

      刪除
    2. 留言少了,也不用同一句留言兩次或以上

      刪除
    3. 好多大藍籌股見一年新低,如持有股票由高位跌少過50%,而算是優質股

      刪除
  13. 見3399回調左好多,又想入貨

    回覆刪除
  14. 偉哥心目中有邊兩三隻有大d信心搏反彈?592除外(已有貨)

    回覆刪除
    回覆
    1. 592其實冇點跌,大市反彈它也不會點彈.....目前是看業績會否有驚喜。

      刪除
  15. 大市成交得300億,全日我估700億都没,死水一潭

    回覆刪除
  16. 成交較少是正常吧?
    恒指第多次見依家尼個位,部份股仔股價比第一次見20865時高
    要買入持有都應該買左,持貨者愈換愈有定力同實力
    技術上似可以反彈,但又差左D野
    魚頭同魚尾多骨,就最危險

    回覆刪除
    回覆
    1. 不是有人提過當大部分人感絕望的時候就離見底不遠

      刪除
    2. 今期東周刋內容,有政券商開班教80,90後沽空,或者有点啟示

      刪除
  17. 恒生指數之前跌近23000点.,3399曾跌穿4元,现在20800点.,仲可以企穩4.7,比起其他股算表演好,而且近期二個月港交所资料匯豐持股增加了差不多3%持股,但留意這星期四红股派發,成交會增多,升跌難料。

    回覆刪除
  18. 最近, 我只是敢買了一些淨現金, 股本多年沒有改變,多年連續有派息,股權也算集中的股票,如281@0.35〜0.355,2788@0.8〜0.82。

    回覆刪除
    回覆
    1. 那3322長期派息、淨現金6.5億元,PB0.6,應該符合你選股要求。

      刪除
  19. Sorry 偉哥, 唔知點解同一留言分時段出了兩、
    次, sorry sorry

    回覆刪除
    回覆
    1. 不知為何blogger有時候refresh,會將你打的上一個留言重發,但又不是每個人都有這問題,我也不知是系統問題,還是browser問題。

      刪除
    2. 我都係咁,留言後按發佈就要即刻離開,如繼續就會同一留言,出兩三次,所以我會小些留言

      刪除
  20. 僅供參考:

    英皇國際(163)優化投資物業組合

    管理層在股東大會已經說過, 會優化投資物業組合. 當中, 由於香港的零售業步入寒冬, 對零售收租業務有不利影響. 而商業物業收租業務相對尚算平穩, 集團會增加商業物業的比重.

    最近集團宣佈以13億元收購中環德輔道中39及41號永傑中心全幢,該物業為樓高16層的商業大廈,總樓面面積約39,027方呎.

    據報導, 該物業業主早前以意向價15億元放售.

    永傑中心的地庫、地下及 1 樓現在由星展銀行承租, 估計月租超過150萬元. 2樓至17樓(不設4、13及14樓)共13層為寫字樓,每層面積約2,680平方呎, 現租客包括金融機構、律師樓及醫務所等, 每呎租金平均50元. 估計整幢商廈每年租金收入大約3900萬元, 毛租金回報率大約3%.

    德輔道中處於香港商業核心區, 全幢商廈出售的機會不多, 統一業權的商業大樓價錢比較高是正常的, 筆者認為是次的交易價屬合理的市價. 但至於現在是否合適時機進行收購, 則見仁見智.
    張貼者: 市場先生

    回覆刪除
    回覆
    1. 恒地放售320億非核心物業 北角友邦廣場意向近百億最矚目

      http://news.mingpao.com/pns/%E6%81%92%E5%9C%B0%E6%94%BE%E5%94%AE320%E5%84%84%E9%9D%9E%E6%A0%B8%E5%BF%83%E7%89%A9%E6%A5%AD%20%E5%8C%97%E8%A7%92%E5%8F%8B%E9%82%A6%E5%BB%A3%E5%A0%B4%E6%84%8F%E5%90%91%E8%BF%91%E7%99%BE%E5%84%84%E6%9C%80%E7%9F%9A%E7%9B%AE/web_tc/article/20150907/s00004/1441562011064
      ......
      上半年商廈屢創新高

      有業內人士認為,經濟前景不明朗,加上近月股災後部分家族基金及企業客考慮轉持「磚頭」,發展商遂趁勢放售非核心物業套現。不過鑑於商廈物業正值高企,業主同時採取善價而沽策略,料將展開一場又一場議價角力戰。

      第一太平戴維斯副董事總經理袁志光則認為,近半年商廈成交呎價起動且屢創新高,吸引不少本地買家關注。事實上,現時全港十大商廈成交排名中,有7個成交都是今年新成交個案,其中於今年5月份錄得中環皇后大道中9號33樓全層,以呎價34,861元成交,為現時全港甲廈呎價新高;料今年全幢商廈買賣登記總額按年至少升一成。

      ######

      最初,我也是認為"英皇國際用每呎超過33,000元收購中環德輔道中39及41號永傑中心全幢"是昂貴的, 現在看來包括商舖在內(地庫、地下及1 樓現在由星展銀行承租, 估計月租超過150萬元), 再用"中環皇后大道中9號33樓全層寫字樓以呎價34,861元成交"來作比較, 真的是屬合理的市價而有點偏低的感覺。

      至於是否合適時機進行收購, 等待時間來驗證。

      刪除
  21. 除1358外,另一藥股503亦盈利倒退,加財務總監離任,又被轟落4年低位,大家成驚弓鳥或真是公司有問題?

    回覆刪除
    回覆
    1. 我自己跟開果D股好多都出現黑天鵝, 可能趁股災加埋經濟下行, 將今年盤數做衰D, 方便遲D再做到勁靚, 我自己跟開果D有1300, 1358, 503, 2198, 1628, 2868, 750
      反而不被睇好既氣車業普偏業績都好過預期, 玩死人

      刪除
  22. 同樣是藥股,偉哥覺得2211 如何?
    和阿里醫藥合作,而且PE低,年年有增長。

    回覆刪除
    回覆
    1. 2211我沒有跟進,不過北三省的民企一向也是高危份子。

      刪除
  23. 有無C兄持有952?
    點解會跌穿1.38...

    回覆刪除
    回覆
    1. 因為要等內地監管機構批, 如果唔批, 就可能會告吹, 咁一告吹就當然無保底價1.38

      刪除
    2. 蔡光華唔夠錢洗? 賣佐十幾萬股!?

      刪除
    3. 似係奉名壓價。股東減持係1.51 1.5 1.41 1.4

      刪除
  24. 依家都只係得570幾億成交...真係好悶...

    回覆刪除
  25. 估唔到只係4個月, 由唔夠錢借margin追貨被人話好勇但賺到錢叻仔, 到現在有錢都唔敢買股票好怕再死, 個人好似青春老左好多年, 最終發現自己一直係被股票玩, 死蠢仲以為自己係賭聖, 股壇追撃手. 水退露雀就是我

    回覆刪除
  26. 小弟也潛上水面說幾句, 今年組合高峰賺近9成,現在只得3成.
    逃過股災,因為很怕死, 本金需要來養家, 義助老友. 今年四月至今清倉了2.5次, 有0.5次是清半倉. 當然, 此乃雙刀刃, 若大市升則結果不同了. 自我檢討研究中.
    四五月時極為瘋狂,早上去街市買菜遲了幾分鐘也可能不見幾萬...依家遲買幾日可能省回幾萬甚至更多.
    對後市看淡, 原因如下:
    1.中國:製造業今年極差, 小弟也是其中一份子, 正在考慮退出. 雖有些行業特別是服務業表現不差, 但廠在以前乃社會經濟之本, 不容忽視其影響. 股市熊蹤已現, 上證個人觀察起碼跌至2500(小弟打算從此水平開始撈港股)甚至下限1800. 還有明年初的解禁拋售潮.
    2. 香港基本上已90%受中國經濟活動影響了, 樓市, 零售業開始爆也, 其與中國股市的关連度不多説了, 現在唯一是強者是美股.
    組合已買近一成資金, 會慢慢伺機收集, 亦等跳樓貨中. 上週五買了一些1358@1.38
    觀察中: 503,3399,1426,87001,543, 3322,1358,983,126,952,8077...

    回覆刪除
    回覆
    1. 沒有按原定計劃沽上證, 憾事也, 剛好那段時間有事亦怕了沽空會被追究, 唉...中國這國家...

      刪除
  27. 個市日日陰陰跌 , 高息股又唔肯跌 , 冇計!!

    回覆刪除
  28. 尾市跌幅加大關呢個新聞事??
    【数据:8月末我国外汇储备降至3.56万亿美元 连续四个月下降】中国8月外汇储备3.5574万亿美元,较7月末下降939亿元,预期3.58万亿美元,前值3.6513万亿美元。我国外汇储备已连续四个月下降。

    回覆刪除
    回覆
    1. 關偉哥忙到全日失踪事~LOL

      刪除
    2. 你講大話.....我唔係全日失踪, 最少早、午、晚都有現身。

      刪除
    3. 走資, 估美資 托人仔, expect 人仔繼續跌

      刪除
  29. 尋日講期指期權操作的留言唔見咗,算啦反正呢度都冇乜人操作期貨。

    唔經唔覺跌咗八千幾點,熊市既消磨鬥志又消耗購買力,好多人輸得慘,雖然輸的不是自己的錢,都感到有些無奈,股市森林定律,弱肉強食,適者生存,每年有些執已經叫好彩,想靠炒股踏上財務自由之路,談何容易。
    現實中我香港的一位朋友就是靠股市投資踏上財務自由之路,他夫妻最近呢幾年每年都來我這裡過農歷年,上次他what'app 我話己經買好了明年一月四日來這𥚃的機票,他剛才又what's app 我,夫妻二人又來我處玩一個星期,買好了今個月26日來的機票,仲話澳元咁低抵玩喎,澳元是商品貨幣,大6經濟差澳元差,我們下個月返香港就傷,三年前去新加坡一澳元換一點二幾美元,依家水瓜打狗唔見一碌。

    回覆刪除
    回覆
    1. 隨後一澳元換0.6美元並不是意外,N年後返回一澳元換一美元又並不是意外, 世事本無常!

      刪除
    2. 20多年前我去日本玩時2百幾港元換一萬日圓,N年後再也見不到返回呢個價,世事本無常,何解?

      記得香港未有聯繫滙率之前幾日,之前的港元好似食咗瀉藥,剛好我有朋友從花𣄃回香港結婚,當日和他飲早茶時一美元兌九元幾,他帶了一萬滙票和幾千美元回來,我叫他去銀行換咗港幤先,他說先去訂做西裝,再去飛髪,點知後來公佈聯繫滙率7.8 他飛呢個髮就唔見2皮幾,我同佢講全世界都冇咁貴飛次髪,世事本無常,何解又見不到一美元兌九元幾?就是因為世事有些會重覆,有些不會重覆。

      刪除
    3. 很難說,人類活動的重覆週期可以很長,例如幾十年甚至幾百年!

      刪除
  30. 偉哥請問目前有沒有持有1037?另264是否今晚知生死?

    回覆刪除
    回覆
    1. 1037沒有持貨了;264應該今晚出通告。

      刪除
    2. 264
      要約已在各方面成為無條件

      刪除
  31. 守得雲開見月明,2008年揸的蟹貨390守了七年多d,到今年大時代見到家鄉價可以鬆綁,還有微利,不知今年的蟹貨要守幾多年才望到家鄉?

    回覆刪除
  32. 今次跌左咁耐都好似未比個藉口,
    只係出左中國經濟放緩
    但就跌左咁多,
    買野,旅行,買樓,都多人
    好似股市同市面背道而馳
    但睇最近個匯率就好波動,
    同中國經濟相關如澳元,紐元就不斷下跌,日元同歐元就升返
    感覺唔同之前跌市,跌左咁多都好似相對平靜
    無咩負面新聞,如有有錢佬炒輸野

    回覆刪除
    回覆
    1. 十多年前一澳元換0.49美元, 三年前一澳元換一點二幾美元; 沒過多久, 一澳元換0.6美元不是出奇,N年後返回一澳元換一美元又並不是意外, 世事本無常!

      刪除
    2. 关于就指数熔断相关规定公开征求意见的通知

      刪除
    3. http://www.sse.com.cn/aboutus/hotandd/ssenews/c/c_20150907_3977345.shtml

      刪除
  33. 各位有264的師兄,大家飲柸,利申-800,000股@1.37

    回覆刪除
  34. 既然大行、財演都唱淡了,大市見底可能不遠矣。
    感覺現在還持貨者,都是較有實力的,不會輕易被震走,而手上還有現金者,亦傾向大跌市才買貨,導致陰跌的情況岀現。
    要岀現黑天鵝或白天鵝才會有轉機。

    回覆刪除
  35. 【财政部:个人持股超过1年 股息红利所得暂免征收个人所得税】财政部晚间发文提到,个人从公开发行和转让市场取得的上市公司股票,持股期限超过1年的,股息红利所得暂免征收个人所得税。上市公司派发股息红利时,对个人持股1年以内(含1年)的,上市公司暂不扣缴个人所得税。

    回覆刪除
    回覆
    1. 关于就指数熔断相关规定公开征求意见的通知
      公告摘要:上交所、深交所和中金所拟在保留现有个股涨跌幅制度前提下,引入指数熔断机制;拟设置5%、7%两档指数熔断阈值,涨跌都熔断。中国拟以沪深300指数作为指数熔断的基准指数。

      刪除
    2. 政策日日新,越出越複習,唔知聽日大市又點行

      刪除
    3. 每日已有一成升跌停版機制,如果再加上熔斷制度,還能交易?大戶都被嚇走
      唉,希望唔好實行,資詢去到9月21日

      刪除
    4. 指数熔断? 什麼來的

      刪除
    5. 簡單來說,全股市市場7%甚至5% 升跌停牌機制。

      刪除
  36. 以為不遠可能很遠,以為係底可能係陷阱。
    如果咁簡單就估到個底08年就唔駛死得咁慘。

    回覆刪除
  37. 952內線繼續沽貨,祝君好運

    回覆刪除
    回覆
    1. 想起510內線沽貨
      內幕消息始終有優勢
      另外折讓未夠吸引,再等等

      刪除
    2. http://www.hkexnews.hk/listedco/listconews/SEHK/2015/0519/LTN20150519366_C.pdf

      刪除
  38. 952好難不成事,除非952股東會不通過,但目前市況,華富股東應該冇更好選擇,而大陸政府是否批準,只是文書方面是否合法及批的時間問題,公司是否走出去應該沒有干涉,我公司做的景外投資就是這樣,但當然銀碼方面沒有這樣大,245都批得,點解952不批?

    回覆刪除
    回覆
    1. 講咩都無用, 現在只有等

      刪除
    2. 講咩都無用, 現在只有等*2

      刪除
    3. 王小明, 你講的都是事實, 但成功左係咪代表股價一定升? 會唔會CHOK 走你先? 講呢D只係想話比大家聽唔好以為成功左就會大升的錯覺, 股票市場没有凡A即B的道理

      刪除
    4. 批文方面, 雖然話就話文件野, 但大陸GE野你都知, 要快可以好快, 要唔批亦唔需要咩理由..........................................................

      刪除
    5. 個人意見目前市況成功應該不會高於1.8,因為市值到時太大,而未有實質業務支持

      刪除
  39. 淡友第三季蓬萊
    好友漸進式失財
    驚弓鳥早己嚇呆
    没信心股市求財
    觀望者望熊三來
    不敢冒進怕失財
    市震盪亦急不來
    喜食快餐求急財
    華麗轉身者出來
    水塘無水市亦呆
    耐心觀望者不來
    還在候底撈大財
    熊底何處問天才
    七屍八命梁天來
    苦中作樂伺機來
    先鋒準備蛋糕來
    音樂椅戲尋快財
    短打長打不亂來
    進退有據財自來
    莫做大傻失大財
    分注順勢滾大財

    回覆刪除
  40. 同意以下看法,不過大跌市下總會講到過了火,製做恐慌,現在又怎會衰過海時。

    環球經濟未算曳
    (1)美國經濟仍在正常軌道運行,未出現過熱。更重要的是:美國聯儲局現時主事的,由主席耶倫以至其他監事,都以鴿派為主。聯儲局縱然於短期內提息四分一厘,並不表示會加完又加。

    (2)上周公布的美國失業率雖低至5.1%,仍未致過熱。按美國近二十年的紀錄,失業率即使低至4%,通脹仍可維持於低水平。

    (3)有論者指:按過去經驗,倘經濟不出現衰退,美股只會調整但不會步入熊市。目前美國復甦步伐穩健,對全球經濟產生支持作用。

    (4)歐洲最新公布的Markit Eurozone Composite PMI採購經理指數升至近年高位。綜合產出由七月的53.9升至八月的54.1。服務商業活動指數由七月的54.0升至八月的54.4。

    (5)環球商品價格下跌,對商品出口大國如澳洲及加拿大固然是壞消息,不過中國和香港都是商品入口地,環球商品價格下跌對我們肯定是好消息。

    (6)人民幣不再盯着美元,出現輕微貶值,這對於香港在內地有設廠的商人來說,亦有紓緩壓力的效果。

    (7)A股下跌,本來就不應感到意外。很多論者早已提出股市與實體經濟背馳。當天內地不少官媒都不遺餘力唱好股市,直接鼓動群眾冒險入市,相當不智。A股再現股災,希望大家上了寶貴一課。現時內地股市回歸基本值,香港則出現超賣情況,相信會為夠膽識夠定力的價值投資者提供入市機會。

    當下困境未如海嘯
    這當然不是說中國和全球經濟都沒有問題,我只是說中國和全球經濟都可望持續溫和增長;指目前危機可與金融海嘯類比肯定是危言聳聽。全球金融海嘯期間多國貿易額跌逾兩成,資本市場像患痙攣(Seize Up),企業難以融資。全球金融海嘯號稱百年一遇,目前全球面對的所謂危機,只不過是中國經濟增長放緩而已。
    作者:何濼生

    回覆刪除
    回覆
    1. 我都同意! 現時有人說未來的情況可能會差過08年金融海潚,又話中國經濟會硬著陸
      現在大市都跌成咁, 反映硬著陸都7788, 反而恆生指數派息4%,比供樓2.5%息還高1.5%

      刪除
    2. 海嘯時中國獨善其身,跟現在中國經濟不可同日而喻

      刪除
  41. 今晚旺角場上演世界盃亞洲區外圍賽C組香港對卡塔爾,表面上睇強弱懸殊,往績香港對卡塔爾五戰全輸兼破疍無力,卡塔爾世界排名94香港154,排名差不多包尾皆因香港政府從不重視足球體育。

    卡塔爾呢個國家我去過大半天,07年香港去埃及旅行時在卡塔爾轉機,早上到達卡塔爾航空公司免費派一旅遊車載我們去亞運會場館參觀,又去馬場同足球埸,足球場又大又靚,一大早就見好多球員在練習,卡塔爾政府投放大量資源在足球上,更到世界各地招兵買馬,而且又載去市區和海邊參觀,到處大量工程建設,感覺市容和交通都不錯。

    回覆刪除
    回覆
    1. 唔可以賴哂政府唔重視足球, 你問下為人父母者有邊個想自己仔女全職做足球員好過啦

      點解呢個BLOG有咁多人睇? 因為香港人鐘意炒股。自從香港重視金融多於一切開始, 就注定其它行業會被忽視啦, 點只體育, 重有藝術, 文化都被忽視啦

      刪除
    2. 我從來不看足球, 純屬個人喜好習慣!

      刪除
    3. 的確香港經濟月來月單一化
      金融,地產當度,其他行業食哂屎
      見到韓國政府大力發展文化,科技
      於是出左SAMSUNG,少時等
      唔通佢地既經濟效益唔比金融,地產大??

      睇番英雄本色聽番當年情...唉,黃金時代

      刪除
    4. 我自己覺得, 係中國政府既角度, 係唔希望香港既流行文化影響力太強, 因為自身既流行文化強弱都會影響到地方既主體意識. 舉個例, 上半年TVB 最高收視既劇情, 係內地劇武媚娘. 正因為香港流行文化既弱勢, 俾更多機會中國將內地既流行文化滲入香港

      刪除
    5. 足球體育也是同理, 好多國家係俾錢去搞體育, 好主要既原因就係為左加強市民既愛國意識. 以這個角度看, 中國唔會希望香港既體育強大. 當然, 這只是其中一個原因, 好多因素都限制香港體育發展, 土地限制、社會文化普遍支持讀書多於做運動員等等

      刪除
    6. 香港體育最慘是退休沒後路.

      刪除
  42. 內地研升跌7%全日停市(標普跌20%始全日停) 5%停半小時 倘落實近兩月5日一停
    持股逾年 派息免個人所得稅 鼓勵投資者多持股少買賣
    http://news.mingpao.com/pns/%E5%85%A7%E5%9C%B0%E7%A0%94%E5%8D%87%E8%B7%8C7%25%E5%85%A8%E6%97%A5%E5%81%9C%E5%B8%82%205%25%E5%81%9C%E5%8D%8A%E5%B0%8F%E6%99%82%20%E5%80%98%E8%90%BD%E5%AF%A6%E8%BF%91%E5%85%A9%E6%9C%885%E6%97%A5%E4%B8%80%E5%81%9C/web_tc/article/20150908/s00001/1441649582847


    狠招不斷挫大市 港股或穿2萬點
    http://news.mingpao.com/pns/%E7%8B%A0%E6%8B%9B%E4%B8%8D%E6%96%B7%E6%8C%AB%E5%A4%A7%E5%B8%82%20%E6%B8%AF%E8%82%A1%E6%88%96%E7%A9%BF2%E8%90%AC%E9%BB%9E/web_tc/article/20150908/s00001/1441649585047

    回覆刪除
    回覆
    1. A股政策牛會再來:
      新興貨幣競相貶值 人幣難獨善其身 明年中可期政策牛
      http://news.mingpao.com/pns/a%E8%82%A1%E6%94%BF%E7%AD%96%E7%89%9B%E6%9C%83%E5%86%8D%E4%BE%86/web_tc/article/20150908/s00004/1441649681845

      刪除
  43. wai gor,想問下3399派紅股個日,是否多數都是沽壓比較大?

    回覆刪除
    回覆
    1. 不一定。

      很多想買3399的,都暫時不買,等紅股派送後才看看有沒有機會博大霧,到時如果不是太多人肯賤價沽,期望落空,不排除股價不跌反升。

      刪除
    2. wai gor 會否諗過上返$6就減持D ?

      刪除
    3. 我5蚊放左2手, 仲等緊入返.

      刪除
  44. 之前減價的效應出來了.....


    長城汽車(02333.HK) +1.670 (+8.845%) 沽空 $1.52千萬; 比率 9.160% 公布今年8月份產銷快報,產量按年升22.76%至6.1萬台,銷量按年升18.46%至5.83萬台。

    累計今年首八個月,產量按年升19.79%至52.65萬台,銷量按年升17.13%至52.11萬台。(bi/t)(報價延遲最少十五分鐘。沽空資料截至 2015-09-07 16:25。)

    回覆刪除
    回覆
    1. 今個月倉位是23SC及27SP,在這範圍內結算就會自動微蝕清倉,也代表第二輪炒作2333也以蝕錢告終。

      刪除
    2. 差啲俾佢震走.... 8月算賣得好好了

      刪除
    3. 不知銷量會否能保持,因gp 又跌了

      刪除
    4. 產量銷量都按年升 之前跟本跌突jor

      刪除
    5. GP就肯定會跌, 但幸運的是減價有用,証明產品仍有吸引力及競爭力......如果連減價都無法帶動銷售的話,那就真的很難搞。

      刪除
    6. 現在23C個期權價和我做SC的時候差不多,現在在考慮是否平SC,博股價升得返上25元。

      刪除
    7. 呢D正股其實最傷錢....看番當日輸D早走有運

      刪除
    8. 期權邊度睇價同成交?我用耀才

      點解偉哥可以開到27sp 甘價外?

      刪除
    9. 用sptrader睇。

      只要莊家肯開價,超價外或價內期權都可以成交到。

      刪除
    10. 唔知d大戶搞咩?2333原本仲諗住咁跌法,應該都係大戶知道最近產銷唔掂所以先提早不斷沽貨,但結果公佈出黎的數據都唔錯

      刪除
  45. 會唔會都係得一下, 蟹貨是否應該伺機short call拉低成本

    回覆刪除
    回覆
    1. 無法給予建議,我自己最近兩個月都是用SP及SC賺時間值,拉低成本。

      刪除
  46. 建設銀行5蚊想入, 大家覺得呢個價點? 分3,4注入; 每跌5毫入多注!
    http://forum8.hkgolden.com/view.aspx?type=FN&message=6031853

    回覆刪除
    回覆
    1. 如果中國經濟下行,壞賬問題浮現,内銀應該首當其衝?

      刪除
    2. 講了幾年都係同一調子, 狼來了咁多次都巳經可以吃足咁多次~如果成日都怕係個一次而不出手咁就不值了~

      刪除
    3. 要買就即市可以入,無謂等一兩個仙,吾入就吾入。

      刪除
    4. 其實Louis YK Lui 想講D咩? 你係開POST 個個? 想話佢傻仔?

      刪除
  47. 現在市勢忍唔住真係隨時左一巴右一巴,先前市好就搵機會,依家可以做嘅相信只係等機會。1808臭股回香停牌換人再起爐灶睇吓佢又點炒作。

    回覆刪除
    回覆
    1. Derek兄
      605中期息派$0.01,加上末期息$0.022,全年息升到>6%, 現價會不會考慮再加?

      刪除
    2. 唔會,除非插落0.4。市況差要有大插至有購買意欲,先前太手鬆攪到成身蟹要戒急用忍喇,哈哈。

      刪除
    3. 睇住隻3399去番上次大插回轉位,只會覺得任何情況都可以出現,自己偏向更淡。

      刪除
    4. Derek兄
      股票真係幾癲都有,605我都一樣成手蟹貨,上星期計完息率6%入左最後一注@$0.49,買入後就份死收息算數

      刪除
  48. 8/28/2015 95236 6861 35080 1459 22148 22150 21384 21536 -162 67929 9月期指
    8/31/2015 95780 544 33614 -1466 21468 21618 21229 21464 -72 65708 9月期指
    9/1/2015 97832 2052 33646 32 21337 21485 20866 20879 -585 63669 9月期指
    9/2/2015 100053 2221 32498 -1148 20798 21190 20614 20699 -180 77768 9月期指
    9/4/2015 100107 54 31796 -702 20847 20999 20539 20612 -87 53073 9月期指
    9/7/2015 101324 1217 31946 150 20404 20980 20379 20427 -185 65178 9月期指
    期指未平倉繼續增加,
    如市况再停多一两天不落,
    小心好友回馬槍.‧

    回覆刪除
    回覆
    1. 我都係一入大期就開始跌 哈

      刪除
    2. 我估月中美聯儲局議息前後的時間有機會穿一穿2萬點,甚至短時間試試19500點左右,到時應該是比較理想的買貨時機。

      現在最大的不明朗因素是美國議息,過了議息期就少了一個不明朗因素。

      刪除
    3. 另外要留意今日指數期權的IV都回落左。

      刪除
    4. 联儲局加息這因素影響太大了。它一天未加息,就像把懸劍,對股市一直是個威脅。就是確定加息了,市場反應是轉勢向上炒反彈還是向下炒資產貶值也是未知。

      刪除
  49. 各位大大我想問我有隻股今日除淨,如果我今日賣左隻股仲有冇利息收?謝謝

    回覆刪除

注意:只有此網誌的成員可以留言。