2015年8月21日 星期五

本周主要買賣回顧



正如今早所說,今日雖然恒指曾趺5百多點,但市場實在見不到恐慌,或者正是因為太多大戶及散戶都已沽貨套現了資金在等大跌掃貨,故此要沽的大部份已沽貨離場觀望,不想沽的或有能力坐貨的,也不會在極度超賣的情況下止蝕,結果是我排的大部份價外買盤都成交不到,或者要留待下星期看看有沒有機會。

近日的操作是換馬及套現為主,包括以下的交易:

1. 套現現金最多的是經緯紡織(00350)。前幾日大手增持是博提價及作為資金避風塘,但這兩天市況急轉直下,A股也大跌,雖然提價的機會仍存在,但機會率已稍降;加上其它的二三線股份有大跌的跡象,故此先行沽清套現,等候撈"跳樓貨";本來以為套現的資金今日可以大派用場,怎知是失望而回,市場仍然比較理性。

2. 其次是沽清業績遜於自己預期的利基控股(00240)及中國外運(00598)。利基控股在之前炒上的時候幸好有減持,故此今日沽出是接近平手離場;至於中國外運,第二季業績是較為失色,上半年業績增長是靠特殊收益支撐,如果撇除特殊收益,業績是接近持平,故此業績公佈後第二天已在高位沽清獲利;不過這兩天跟隨大市回落甚多,故此昨日買回一注,今日再於尾市以3.98元增持多一注,目前持貨平均成本約4.15元,如有機會跌落3.5元的話會補最後一注貨,亦即是全數買回減持了的持貨,但可以賺超過15%的差價。

3. 先前博反彈買入的錦勝控股(00794)也因有微利而先行沽清套現。

4. 前兩天由遠東酒店(00037)換馬去匯盈控股(00821)。當日都有提及遠東酒店因委任兩名家族第三代成員入局,故此感覺短期內賣盤的機會不高,故此先行沽出,換入匯盈控股。在本地券商股當中,匯盈控股應是近期最強勢的,除此之外,如果大家有留意CCASS的話,會發現之前行使認股權,以1.2元認購了4千多萬股新股的大戶,仍然一直持貨在手,並沒有因為股價大升而減持,也因此增加我買入的信心。雖然到今日帳面仍微蝕,但表現實在比普遍的二三線股為佳,今日更逆市倒升,在券商板塊中可謂異軍突起。

5. 今日由中港照相(01123)換馬增持橙天嘉禾(01132),主因是對1132的信心稍強。中港照相是博賣殼,但近期市況差,殼股缺乏資金炒作,股價也難有起色;至於橙天嘉禾,大家或者會問不是一樣博賣盤嗎?兩者之間的分別在於橙天嘉禾之前大跌有大股東大手增持,其次是發行了大額的認股權,直覺是有潛在利好消息蘊釀中。與中港照相不同的是,中港照相的業務不吸引,如果賣的話是純粹賣上市地位,但橙天嘉禾從事電影院業務為主,在東南亞地區的影院是有利可圖,只是國內的影院在拓展當中,仍然虧損。大家都清楚目前國內的電影業是相當蓬勃,行業增長迅速之餘,滲透率仍遠低於發達國家,發展空間仍大,故此雖然橙天嘉禾的經營不善,但資產與業務對於行業對手而言,是相當吸引的,也因此見到大股東的進取增持及發大量認股權給管理層及友好人士,是否終於想要善價而沽呢? 或者只是自己異想天開,但自己覺得有值博率,故繼續持有之前高位買入的持股之餘,今日再小注增持。

6. 增持方面,主要是昨天增持了績佳的粵運交通(03399)及自己預計中期業績應不錯的普華和順(01358)。網友或會懷疑普華和順有造假的可能性,關於這點我自己也不能確實排除此可能性,主要是其股價實在跌得太慘之餘,沽空數據也高;但我有比較過普華和順和主要業務的競爭對手的毛利率,其實都是相若,普華和順並不是比同業特別為高,也因此增持了小注來拉低持貨的成本。

7. 最後也增持了業績後股價大跌的百富環球(00327)。第一注買入時的預期估值約15倍PE,昨日增持的估值是約12.5倍PE,期望等10-11倍PE時買入最後一注。百富環球股價大跌的原因是國內業務收入出現倒退,令市場對其可持續增長有所懷疑。關於這些懷疑,大家或者可以參考一下券商的報告及公司的解釋,我自己傾向相信此股被市場錯殺,故打算等機會買入第三注。

這星期的買賣大致如此,寫出來只是想將買賣的理念及原因與各網友分享而已。

253 則留言:

  1. 上篇的留言太多,我不逐一回覆了,如有問題的請重新在這裡留言。

    回覆刪除
  2. Hi 偉哥,想問你主力係用 Chief,IB 定係其他?
    因為格價中,用銀行 trade 實在太貴 -.-

    回覆刪除
    回覆
    1. 主力是用這兩間券商。

      刪除
    2. 我就係用工銀,但 minimum charge $88 ...
      因為注碼唔大,咁就攪到分段入貨同理分散投資都好吃力

      刪除
    3. 想問下偉哥 有冇試過用IB匯港幣/外幣入返自己銀行 收費如何
      我本身都用IB 成日都想用佢ge外幣平台轉外幣再匯返入銀行 因為匯價超級抵
      example: 去日本旅行 匯港幣入IB 轉yen 匯返入銀行

      刪除
    4. 我用木地銀行轉錢入去尚算方便,而且免手續費。

      刪除
    5. 我經常用IB換外幣。IB買賣差價低,commission約hk$15。但匯外幣入IB戶口,本地和外國銀行手續費幾貴。以美金為例子,本地HSBC收$115,外國收US$25。大金額先有SO。匯外幣返香港就無問題。

      刪除
    6. 匯外幣返香港是指?
      是不是把外幣轉回港幣再存回銀行?

      刪除
  3. 偉哥你好,可否評論1143,264,550出要約的機會

    回覆刪除
    回覆
    1. 264已派了特別息,而且剩餘的條件也不是特別複雜,個人認為出要約的機會最高。

      1143要等重組,而且買家582也是比較邪,我自己不敢博。至於550,今日股東大會通過了出售業務給原大股東,出要約的機會也極高。

      刪除
  4. 3399股價在$5樓上企得好硬

    回覆刪除
    回覆
    1. 3399 今日只有二百幾萬成交,可能過半數都是追隨偉哥價值投資的粉絲 =D。

      刪除
    2. 同意,3399現價只會增持,不會減持。

      刪除
    3. 因之前減持了其他股及增持了3399令組合有20%cash. 3399佔組合35%。
      偉哥不知3399現在佔你組合多小?
      其實當初如果一注獨贏3399,現在投資成績可能更好,不過始終一注獨贏太高風險,不敢試。

      刪除
    4. 今早見AO價曾經出現4.8X, 以為有機會給自己增持。

      3399這績優股,給予20倍PE也不過分。(HKD11.08)

      我記得偉哥曾說過,最大持股只佔倉位30%的。不知有錯否..

      刪除
    5. 是,增持後所佔比重維持接近30%。

      刪除
    6. 絕對不是和應,今日加注後3399佔我投資組合五十個巴仙比例相當重自己都擔心。事實上今日計組合盈利打和都係靠佢,睇完業績及偉哥分析後少少放心,哈哈。

      刪除
    7. 下次再去3399實地調研預你一份。

      刪除
    8. 人一世物一世有得去玩實去,不過唔好預我有建設性提議,哈哈。

      刪除
  5. 717 已跌到國家隊價,看得出有護盤,成交開始增加,楊生又增持,持股大概四成
    我暫時看不出有什麼陷阱。
    楊生也應該不敢低於國家隊價配股,也應該不會進取地稀釋自己的大股東地位。
    三厘息,港券來講算能攻能守。

    偉哥你有沒有看到什麼蕉皮我留意不到。

    今日為止血,已自斷一臂了~

    回覆刪除
    回覆
    1. 蕉皮可能是717一向的估值都是偏低的。

      其次,配股4%給某國內大金融機構,要小心查查CCASS,看看讓受讓方是否已沽出獲利。如是的話,則楊生擺明是要送錢比該所謂的國內大金融機構。

      一般而言,特登持股低於5%是方便不用披露持股,可以在沽貨出也無需作出披露。

      刪除
    2. 咁既蕉皮你都諗到!

      最近0.88 也配了~五億股,配埋俾國家,基本上一年配股quota 已盡 (20%)。

      楊受成係咁買,短時間可能有新玩意宣佈?

      估值一向偏低should not be a problem, 大部份港券也是。

      如果是送錢,應該已經送完~ 今日都0.64。

      已成為楊過了,希望快d 返家鄕見姑姑。

      刪除
    3. 唔知會唔會有其它動作,但以基本因素計,現價的值博率仍然一般。

      刪除
    4. 係既偉哥。

      基本因素出發一定唔買呢隻。
      3399 同598 定是考慮之列。

      今日見強勁支持純投機買入717 短炒。

      多謝你推介350 令我有更多現金 =D。

      刪除
    5. 美股跌531點..............717要守到國家隊的價恐怕都幾難,阿爺出招都唔敢望

      刪除
  6. 我無止血。繼續流血不止。

    回覆刪除
  7. http://www.hkexnews.hk/listedco/listconews/sehk/2015/0821/LTN20150821441_C.pdf

    http://www.hkexnews.hk/listedco/listconews/sehk/2015/0821/LTN20150821433_C.pdf

    偉哥, 623 中視金橋國際傳媒控股有限公司係咪係市場買返富蘭克林互惠顧問有限責任公司沽既貨,如果係咁623 係咪暗示賣盤告終? 定有其他啓示?

    回覆刪除
    回覆
    1. 不一定是賣盤告終,也可能是大股東覺得呢個價是遠低於其合理價值, 故在市場回購。

      刪除
    2. 出左通告已終止談判了。 好彩公司肯回購。

      刪除
  8. 伟哥请问有没关注211,好似已经卖盘,但是未注入什么业务。

    回覆刪除
    回覆
    1. 簽了意向書, 欲引入內地投資者萬鵬飛的恒豐金融。
      1. 不知恒豐金融是什麼來頭;
      2. 只是意向書, 仍未落實。

      大凌集團(00211.HK) -0.010 (-2.439%) 公布,與恆豐金融訂立不具法律約束力之諒解備忘錄,恆豐金融擬認購大凌集團發行之股份及可換股債券,認購股份將相當於因配股而擴大之已發行股本不多於35%,如連同換股股份則相當於擴大後股本不少於51%。

      刪除
    2. 最可怕的係當日中午消息公佈之後下午一開市就升到非常高的價位,然後就不斷大成交地愈跌愈低,幾日之後竟然比6月尾時候的價格更低,以211的往績,始終小心為上

      刪除
  9. 3332上年全年增長52%,今年半年增長45%.有機會變增長股,偉哥怎看?

    回覆刪除
    回覆
    1. 1. 估值不算便宜;2. 主要股東之一是康健,有戒心。

      刪除
  10. 今日雖然恆指創52週低,我組合總值仍高於上次恆指大插那天,看來如偉哥所言,要沽都沽了,現在剩下來反而是有定力投資者,因此沒跌1000點不令他們驚,今天只能小注入貨,沒恐慌貨買。

    回覆刪除
  11. 酷派手機大規模中毒,難道中美鬥爭波及到手機:-O

    回覆刪除
  12. 打完波番嚟後備金原來入咗598,可惜入唔到1322。呢次大市陰插較難掌握買賣,唔及得上次狂插咁易處理。上次啲股動不動二三十巴仙咁跌好易睇到有無著褲,今次陰插得嚟多咗其他陰影好難作決定,都係同以前一樣:偉哥往那裡去,我往那裡走,哈哈。

    回覆刪除
    回覆
    1. 重申并不是偉哥買乜就跟乜,只是選擇性及留意偉哥睇市勢評股。切忌孖展,財不入急門。

      刪除
    2. 原來Derek兄上次只是口説清貨但心仍不想,及已動用後備資金,其實我都有想過如大市急插而我現金掃完貨,如大市再跌,我有多小後備金再掃,不過始終會用盡,到時可能學偉哥換股。

      刪除
    3. 仰慕偉哥一膽,二運,三財智係我無嘅。

      刪除
    4. 阿米兄,原本覺得玩股玩得好攰想抖吓,誰不知個市咁有挑戰性又難得銀根鬆動及爛賭,所以說走不走再在股海浮沈。

      刪除
    5. Derek 兄也good pick! 一睇598 原來回左咁多。

      《經濟通通訊社20日專訊》據《信報》報道,中國外運(00598)董事長趙滬湘在業績發布會透露,今年下半年將獲母公司中外運長航集團注入一項物流相關資產,預料注資規模與去年相若。

      刪除
    6. Derek其實我咪又係,上次持貨90%貨經過上次一跌,以受了傷,心𥚃說要減貨但手不動,今次仍持有80%貨等跌。我反而配股你係270000-28000已放貨之後輕倉上陣,跌下來才滿倉。

      刪除
    7. 我個人看法是環球經濟下行風險大並未改善。中國今年能保持多少增長也是個問題。為了抗衡美國加息,避免後續影響,先主動貶值人幣及刺激出口。

      但周遭國家紛紛被貶值或主動貶值,於中國的採購成本不跌反升。

      如偉哥亦分析了,中國外運,第二季業績是較為失色,上半年業績增長是靠特殊收益支撐,如果撇除特殊收益,業績是接近持平,現價不算太便宜。

      大家又怎樣看呢?

      刪除
    8. 個人睇法如果中國出口持續不振,598 其實都會受一定影響。 況且物流業本身margin 很低而且競爭大 ,貨運代理業務特別難做,比較高margin而且有前景會係快遞個邊 (即係DHL UPS Fedex最賺錢個邊),但做呢樣野critical mass 很高,同埋唔多覺598呢方面有好大比重 (當然佢有同DHL合作但順豐應該先係呢方面係國內龍頭). 佢個專業物流業務(似係supply chain solutions) 應該都係未來發展重點,margin 較貨運代理業務為高同可以做到呢樣服務既競爭對手都會少好多。但總結黎講我認為大陸經濟急速下行的話598都好難獨善其身

      刪除
    9. 598這次業績我拆唔掂條數,只是感覺核心盈利似乎和上年同期相差不遠,但大家可以參考下幾間券商的報告,似乎是收貨,而且現價估值也覺得便宜。

      http://www.niuniuwang.cn/137604.html
      http://www.niuniuwang.cn/137540.html
      http://www.niuniuwang.cn/137400.html

      刪除
  13. 8063 匯和集團點睇,剛易手但冇動靜

    回覆刪除
    回覆
    1. 沒有留意這股,無法評論。

      不過大跌市還是將撈貨重點放在價值股吧。

      刪除
  14. 今個跌浪輸得最慘就是高追疑似殻股和滿倉垃圾股的股民,憧憬垃圾股變黃金,一朝致富,垃圾放在任何地方都是垃圾,Livermore 名言,人性永不變,絕對冇錯,基本上殻股,千股已經大幅炒過籠,但貪念蒙敝理智怕蝕底,情願去追,我留言講717/296的楊生叫老實商人,今次跌六/七成對得住各位捧場客啦,江山昜改,千性不移,都算好過有些仲要又合又供。

    想在股市炒幾炒就發達,邊有咁容易呢?要有持貨的恆心毅力,亦要有選股的眼光和膽識,若果人云亦云,隨波逐流,炒到瓜個日都是得個桔。

    回覆刪除
    回覆
    1. 坦白講, 296我唔記得你什麼價講過, 但717你當時睇淡的時候股價是稍高於0.3元(不計供股的除淨因素前)的, 這點不知你會否否認? 其後今年股價最高曾升至接近3元,不知你有沒有察覺?

      其實唱好唱淡都沒有問題,問題是你有沒有講出事實的全部? 例如你在上年初在股價0.3元左右已大力唱淡717?

      刪除
    2. 殼股之所以好像跌得最多,在於殼股連同一帶一路、互聯網+、券商保險等,是此輪為數甚少的牛三板塊之一。因此投機殼股可算是抓著牛三熱點,順勢而行。至於捉到鹿能否順利脫角則看各人修行。印像中,偉哥亦有一再提示當中風險、注碼控制,及要適時套利等,能做的也做了。

      刪除
    3. 偉哥,所以你一直誤會我,根本同你無関,當然日不是唱淡717,也不是説你,只不過朋友0.6幾咗what's app我,跟著裂口大跌,我叫最好唔好買老實商人個系。

      刪除
    4. 相信當時717事件經過大家綱友有目共睹,是否誤會大家心中自有答案。這兩三年看偉哥提起老實商人系時,多觀察後確實是對這系改觀了很多,不會墨守成規,多谢偉哥令我瞭解更多。

      刪除
    5. 本來唔想再講717/296楊生個系,不過今日你又再説起,都要再講一下,是不是誤會也不必解釋,之前十幾人話我抽水,狂插睇下班友唔輸都要還神,起碼有大半人捱唔過呢過跌浪,舉頭三尺有神靈,若果717@03時我唱淡,揾番我的留言出來我即時認錯道歉,我是一個從不出賣自己的人,不去高看任何人,不去奉承別人,也不低看任何人,因為每個人都是一樣吃完就要去廁所。

      刪除
  15. 回覆
    1. 我覺得仍未能確認見底。如果經濟再轉差,澳門不只賭業收入會繼續下跌, 連帶高檔的酒店收入也會跌....在不少香港人眼中,相信一家四口到澳門玩兩日一夜,住下金沙或銀娛,兩日的消費可能要接近五位數字,已經足夠報團去附近的東南亞國家玩返四日三夜,故此我自己覺得以澳門的消費而言,經濟轉差會打擊埋澳門的旅遊業,對賭股而言是雪上加霜。

      刪除
    2. 我有個女朋友在澳門賭場貴賓廳做荷官,最近兩個禮拜同佢食飯吹水佢話試過五日攤手未派過一張牌。

      刪除
    3. 提議你買之前到澳門實地看一看。

      半年前見賭股平宜,想買880,同老婆去BANYAN TREE住,周圍行,銀河算好少少,澳博真係係水淨河非,決定死都唔買賭股。

      到想買哥陣之前,會再去住番晚。

      刪除
  16. 偉哥對372前景有何睇法?
    另外人仔貶值對592影響大嗎?

    回覆刪除
    回覆
    1. 372雖然持續派高息,但目前仍以投機股視之。

      至於592,人仔貶值我自己覺得是利大於弊,因為與709不同的是,592有7成收入是來自港澳地區,而且我相信顧客應是以本地客為主,故此人民幣貶值理論上可以降低其生產成本之餘,對收入的影響也不會大。

      刪除
  17. 大家留意869,今年PE應該保到四,
    息率10%
    唔計cash PE得2!

    回覆刪除
    回覆
    1. 周末詳細看看中期業績,看看有沒有值博率。

      刪除
    2. 出了,沒了大電影中期業績只跌11%

      刪除
    3. 知道,今日的業績留待周末才慢慢看。

      刪除
  18. 偉哥請問會不會像歐債危機咁,美股有ㄧ日跌成千點,

    回覆刪除
    回覆
    1. 投資是不能排除任何可能性的,只差在你會不會為最壞的打算作準備。

      刪除
    2. 想問下為什麼美股不太受歡迎?其實好多对沖係美股都做到,同埋我睇到他們好像成日大上大落

      刪除
    3. 不是自己熟悉的市場及交易時間不方便,無謂捨長取短。

      刪除
    4. 唉,以為自己好醒沽咗隻歐洲股票基金避過一劫,見連插多日前日入番又衰多重。

      刪除
  19. 大家靠3399保持盈利,我就靠687單天保至尊。

    最近MORGAN STANLEY不斷減持,但HSBC BROKING SECURITIES卻大手增持,睇股數又不似轉倉。

    還有數月就夠兩年,希望能夠頂到。

    回覆刪除
    回覆
    1. 兩隻都是我的至愛,但人仔貶值未知會否對687的內房業務有影響?仲有至今仍未有顯著調整,驚佢難敵地心吸力追跌!

      刪除
    2. 睇688半年業績以及提高全年目標,內房又無想像中咁差。

      刪除
  20. 185 恆輝大股東增持停不了,星期一助張敬國一臂之力

    回覆刪除
    回覆
    1. 算吧啦,現在大把好野買,洗乜玩依d老千股咩

      刪除
    2. 師兄不知,之前0.36入了3球,0.45走了1球,現在有2球在手,星期一入回1球,溝淡一點

      刪除
    3. 其實我不知3球的185佔你倉位幾多成.....如果佔你倉位去到10%以上的話,我自己覺得真的要好好考慮風險問題。

      刪除
    4. 185果然有2.7m增持,但原來之後一日仲有增持多10.9m!要留意多dCCASS的變化先得
      3球在手,如果佔倉位比較多都好博喎,雖然新主暫時動作都唔係邪,最近的增持更令人有d欣賞,但畢竟股壇往績欠缺,都係學偉哥講,要好好考慮風險問題

      刪除
    5. 185係大市暴跌之前相信係新主曾經有一段時間維持秩序,買賣兩邊都好多中國銀河國際的牌,後來185就開始大跌,當時我懷疑有好多大沽盤似係左手交右手,不過後來大市唔掂,係0.3曾經有大買盤守價,後來失守,0.25亦守過,不過好快失守埋,與此同時新主就開始密密增持

      刪除
    6. 目前大股東披露的三次增持都係0.3呢個價,可能之後CCASS就會顯示大股東0.25再增持

      刪除
  21. 7 盈喜預告公告
    董事會謹此通知本公司股東及潛在投資者:(1)本期間之佣金及經紀收入大幅增
    長;(2)於本期間內完成收購河北攀寶沸石科技有限公司(「河北攀寶」)之55 %股
    權產生一次性議價購買收益;及(3)本期間內新收購附屬公司河北攀寶之業務帶
    來額外收益及溢利。因此,預期本期間本公司擁有人應佔本集團溢利將較二零
    一四年同期大幅增加。

    回覆刪除
  22. 偉哥請問707你仲有無持有?有無資料update?

    回覆刪除
    回覆
    1. 仍持有,有變動我會告訴大家的,只要大家留意這裡的討論就可以。

      還有的是每隻股票每人的倉位及承受風險的能力不一,故此是否止蝕最好自己考慮,唔一定要跟我的。

      刪除
  23. 現時全球大插水,歐美續大插唔係股災係乜呢?!買得到未必好,買唔到咪仲好。呢次祖國貶值引發嘅災股都咪話無殺傷力。

    回覆刪除
  24. 老美PMI下跌,全球經濟再無避風港,難怪今日金礦股係咁升

    回覆刪除
    回覆
    1. 如此經濟狀況,今年想加息都幾難。

      刪除
  25. 老美又跌 400
    中美韓 (韓戰) 夾擊下好難有運行
    如果老美同阿爺繼續跌港股好難唔跟

    回覆刪除
    回覆
    1. 不知為何,美股如此跌法我感覺是市場迫聯儲局押後加息步伐。

      刪除
    2. 可能想加息推到出年~!!

      刪除
    3. 現在不論美國本身或環球的大環境都好,美國根本不具備加息的條件,除非美國佬想玩大洗牌,整死新興國家同埋歐洲。

      刪除
    4. 夜期跌到近22000,應該差不多,於22015買入搏反彈。

      刪除
    5. 但係如果今晚美股跌400點收,下星期一市場應會有恐慌,到時大把人唱跌穿2萬點.....

      仍望單日出現過千點跌幅才大手撈貨博反彈。

      刪除
    6. 好難講。。美國計算過後時不時都做損人利己或不利己的事情,只要不害己就可以。 鬼叫亞投行唔畀佢玩,政治經濟,好難明佢想點。

      刪除
    7. 目前政治經濟,大國之間鬥來鬥去,大鱷又乘機搞風搞浪,散戶處於最底層,搵食真艱難

      刪除
  26. 愚見認為,匯對所觸發的問題只是短暫的。更大的問題是1.國與國及各國人民財富太不均而影響整體購買力2. 過度發展高科技而減少勞動人口 3.高科技低成本生產令不少制造業搬回美國或成熟國家. 4. 未發展國家過於著迷高科技產業,但基礎設施,舊產業,教育也未發展去配合. 未學行先學走。。。等等等原因令全球整體消費力下降,直接影響總經濟,尤其是亞洲國家。

    回覆刪除
  27. 偉哥請問188你仲有無持有?

    回覆刪除
    回覆
    1. 上次大跌時已沽清了。各位如果想跟踪我的買賣,希望可以勤於留意這裡的討論,基本上我的買賣都會在這裡披露,因為每日不斷有這類問題,其實我真的答到有些煩,請見諒。

      刪除
  28. 係唔係等歐洲收市,調水返美國托市?? 又從低位升回100點。。

    回覆刪除
  29. 今日見市場沒有大恐慌,忍手唔掃貨是正確決定.....希望下星期來個急跌以便加快確認短期支持位,然後可以從容炒返一個星期的反彈市。

    回覆刪除
    回覆
    1. 最怕反彈完都是下跌市
      現在會否過份看淡, 但外圍環境實在太差
      最怕環球大跌市 08 年重演

      刪除
    2. 現在好多國企的盈利能力比起 08 年已經翻幾翻
      偉哥認為若情況再壞會否有條件去番萬幾點?

      刪除
    3. 其實每逢股災出現,市場就會不理性,買賣是跟著市場氣氛走,那會理性去計算,不然2008年的時候有很多大藍籌怎會跌到破產價。

      所以如恒指去返萬幾點又何奇之有?

      刪除
  30. 下星期一應該可以叫定口號: 別人恐慌我貪婪!

    回覆刪除
    回覆
    1. YEAH! 下星期一既主題!

      不過唔好開心得太早,阿爺可能降準。

      刪除
    2. 上次降息加降準都無人理佢。已經輸了一仗
      不過如果真係降而升市,可能又畀班內賊外奸搏中,又益佢地。 畀我就唔會降住,等你班人踩深d 然後突然出招整死佢地。

      刪除
    3. 估計阿爺今個 weekend 會出招 x 2
      離李克強總理 2800 臨界點不遠了, 再唔頂就要落台

      刪除
    4. 各位經歷過跌市會知乜叫大特賣,最重要係個銀包有錢

      刪除
    5. 雖然大機會降,但我都係賭1蚊唔降。 股市低d出招效果可能好d 或者就黎9月3日,等埋抗戰勝利一同勝利呢~

      刪除
    6. 內銀有增長,人仔匯率跌左,所以不用降,反而美元9月無加息美匯轉跌,會令個市上升

      刪除
    7. 降準9月3日前後配合抗戰勝利X2

      刪除
    8. 最後美股跌530點,星期一真是別人恐慌我貪婪,看看大陸有甚麼政策出,不過都難逃一跌!

      刪除
    9. 除非大陸出咩驚人大招,唔係星期一好難唔大跌

      刪除
    10. 不過寄然已準備好資金入貨,星期一照計畫別人恐懼我貪婪,不理乜危機乜股災,博完反彈才想下一步。

      刪除
    11. 大跌一二千点梗係同佢貪婪,但若然像昨日跌幾百点陰陰跌,仲貪吾貪好呢?

      刪除
    12. 同埋老實講,直到昨日,真係感覺吾到市場有恐慌。

      刪除
    13. 大陸唔降,但上証已到3500, 阿爺又要出手托200-300點冇難度

      刪除
    14. 星期一應會有恐慌了。

      刪除
    15. 整體宏觀經濟都唔似樣,通縮壓力揮之不去,跌市似乎是剛開始

      刪除
  31. 前幾日cut loss,今日繼續破底,個心嚇到離一離。
    最近應該只敢買賣期權,賺下飯錢,保本為上。

    各位記住自已D強逼金呀。

    回覆刪除
    回覆
    1. 你沽左貨, 應該開心先係, 點會個心嚇到離一離?

      會唔會見到筍價,又入市買返貨?

      刪除
  32. 偉哥,想請教下2722應該是下星期公佈業績,有咩睇法。

    回覆刪除
    回覆
    1. 目前沒有新的看法,等業績。

      刪除
  33. 偉哥請問點睇2208? 謝謝

    回覆刪除
    回覆
    1. 這股沒有留意,無法評論。

      刪除
  34. 偉哥,你現在仍然維持後市向好既睇法?
    我好少留言,多數做cd rom, 但而家環球跌市,另到我自己信心開始動搖

    回覆刪除
    回覆
    1. 現在告訴你仍看好後市就肯定是騙你。

      刪除
  35. Dear 偉哥 又係我呢個九巴粉絲 :D
    九巴1H15 result幾好完全都係因為低油價
    - Revenue up 3.3% 因為2014年下半年加左票價
    - Fuel Cost saved 276mn, down 39%
    - Net profit up 118% 其他expenses 好stable, 正正就係賺多油價果兩億幾
    - Interim dividend double to 0.3, 如果全年賺6-7億90% payout應該全年派1.2 - 1.5都走唔甩掛

    另外由2014年買落差唔多一千架新巴士將會係2015年附運, 保守估計九巴個Net Book Value 將會由大約39億大增去超過50億, 今年賺多左錢都應該唔會受9.7%既利潤管制所限

    回覆刪除
    回覆
    1. 如有平貨的話,會考慮買返些。

      刪除
    2. 如果真係派到1.2 - 1.5, 現價5.7 - 7.2% yield
      唔知個Market 會比個咩估值九巴?
      如果當佢係公用股, 宜家個yield我覺得已經叫高但係九巴個earning唔似得公用股咁stable而係睇油價
      如果當佢係周期性股份咁個估值可以再比discount 添

      刪除
  36. 見到有部分師兄好鐘意問,偉哥仲有無持有xxx、xxx,走唔走貨好?講真,偉哥變左打電話問功課咁,佢真係會答到煩。佢每次操作都會通知大家,但不少人自己唔肯花時間睇,不停重覆問題。
    副隊、、TK 兄、Derek兄等具質素的討論者絕不會如此。
    討論下業績、對大市的睇法、個股分析等較實際。
    小弟說話較直,如有得罪,抱歉

    回覆刪除
    回覆
    1. 呢類留言一多起來固然令人感覺煩,但問呢類問題相對.....已經算好,你懂的

      刪除
  37. 美股之前高位托足一年,現在三日之內以跳崖形式極速跌穿七年牛市所有支持位,恐慌爆燈,但物極必反

    回覆刪除
  38. http://www.hkexnews.hk/listedco/listconews/sehk/2015/0821/LTN20150821901_C.pdf

    愛股1104又發盈警,"如同中期業績,預期本集團二零一五年度的全年業績繼續錄得重大的本公司擁有人應佔虧損。"
    "股東及潛在投資者於買賣本公司股份時,務請審慎行事。"

    Louis YK Lui兄,我地等遲d大市跌到夠的時候,又可以...........

    回覆刪除
    回覆
    1. 副隊長,你準備好星期一入貨清單位未?

      刪除
    2. 大概心中有數,呢兩日要再好好準備,如果星期一跌過千點就會動用比較多資金,亦會沽出350同埋剩餘的部分莊家股準備換馬

      刪除
    3. 慶幸自己手上有一定比例現金,

      昨天老美直插無水花,事情不簡單,未必跌一日搞得掂,美金強亞幤貶值,油價新低,資金會再轉美元,亞洲股市會再爆跌。

      即使星期一入,只可接高位被斬倉的錯價股票,並作超短缐操作,價值投資/長缐投資應該可以等下。

      美中不足手痕入左717 XD

      刪除
    4. 星期一瀉得唔夠勁都唔好入,我諗緊好冇暫時抽離一下

      刪除
    5. 星期一即使跌得好勁,也不應一次過用晒手上的現金買貨.....無論如何都要保留一些現金以應對任何意料之外的壞消息出現。

      刪除
    6. 風高浪急落雞仔注,其實於是無補。

      經驗話我知跌到無乜人炒,偉哥blog 留言降至少於二百,搞事人消失,無人炒股才是大注入市好timing。

      抽離加倒抽一口涼氣。

      Thx cy l, wai gor n faistock~

      刪除
    7. 近日開市日市, 網誌的日均瀏覽次數已跌至3萬左右,比高峰期的5-6萬減了接近一半;如果網誌瀏覽量去返前一兩年日均的約1萬左右,應是好多散戶或新手都離了場.....到時話比大家知呢個指標準唔準。

      刪除
    8. 下星期三前會補小注,后帶小朋友五日遊抽離股市,九月再戰。

      刪除
  39. 其實上次A股股災,今次環球股災,咁快時間有二次股災,不過現在沒理由恐慌過以前美國金融危機或歐債危機,今次是信心危機恐慌,跌幅沒理由多過那二次危機,穿二萬點機會應微?大家怎樣看?

    回覆刪除
  40. 不過我從雪球及blog發現今次有不小有經驗投資者在今次跌市都已入市吸貨,有些甚至滿倉如RB,原因是不是大家都不感覺有太大危機冇理由跌到現在水平呢及個別股票確已超級特價?

    回覆刪除
    回覆
    1. 但我身邊一啲穩陣嘅朋友,依家先嚟部署入市,因亞洲貨幣跌,南北韓緊張,美市又大插,開始有股災feel了。

      刪除
  41. 熊一通常好少人意識到,熊二反彈既時候通常以為係調整,熊三開始後先大多數人意識到損手。熊市基本係咁
    手多多不按原先自己訂立RSI18以下先搏反彈好彩只買一注。

    回覆刪除
  42. 今年蝕錢的話,都係努力打工好過,畢竟股市只有10%人賺大錢

    回覆刪除
  43. 本來尋晚都極想入張期指好倉希望港股反彈,不過唔知點解睇到收市都冇入到,可以說好彩,也可以說心𥚃總有些感覺唔係咁好。

    昨天只買一隻,本來尾市可以走的,但我冇。見到好多股已經過度拋售,就算熊市來,也會有個似様的反彈,依家世代不同,牛熊來得快去快,可惜師奶盲毛跌咗七成還打電話去問要不要止蝕?高位樂觀低位悲觀,又變大鱷點心,想唔輸都幾難。

    回覆刪除
    回覆
    1. 今次大跌感覺好似勁過08年,因為當然得美國玩野,今次係連亞洲玩銀紙貶值。威力之大真係唔講得少,我當然希望反彈比的希望散戶走貨

      刪除
  44. 請問有冇人知350幾時會表決H股全購?
    睇咗份公告幾次都揾唔到…

    回覆刪除
  45. 冇野架,前面一望無際綠油油的草原(經濟竹一片欣欣向榮),D牛趁草原未枯萎前博命食博命繁殖,食食下發覺前面草原消失哂(經濟萎縮無前景),呢個時候D熊傾巢出動幫手大規模減少牛隻保持原生態鏈,以防牛多草少唔夠食而絕種。好了,當牛少了,草原有機會喘息發芽又會重現一片欣欣向榮景象。

    回覆刪除
    回覆
    1. 現實情況相同,如偉哥所說,個股業績既往矣,前路茫茫,相信還會持續下跌,美股基本就處於高水位有大幅下調空間回歸基本點,歐洲本身經濟就差前景不堪,A股同樣有泡沫可擠,港股只有跟隨份冇得揀。

      刪除
    2. 借用內地股友一句說話:千萬不要跟趨勢對著干!
      願大家牛市熊市皆有錢執:")

      刪除
  46. 老美跌五舊,星期一有平貨買了

    回覆刪除
  47. 只是小小一注牛其他全清,希望大家大跌過後如果有反彈會好好減持或清倉。早早感得熊好似來了所以無咩損失直至今日,但係星期一就難講。希望開市唔好多過五百如咁就好啦呀樂上身。

    回覆刪除
  48. 說過多次,慢慢跌比起恐慌性沽貨更恐佈,第一潮由孖展客大斬倉已成,
    今潮做倉既人極少,沽貨既人已好有實力的,但都沽出,相對反彈力度比較少的,
    至於現在持有貨既投資者,想溝貨的,要技術同實力,同意偉兄一般溝3注,
    因如再溝多過3次,或每溝一次比上一次多一倍貨,係不智的,等如不認輸多過睇好隻股,

    現在個市趁跌買少少,OK的,不過大方向係趁高減持先係主流,股仔莊股上一潮大反彈,
    莊家不少已趁勢甩身,今次真係村長個女~~你愛

    回覆刪除
    回覆
    1. Fai 兄 你意思係今次冇反彈出現機會細同冇力?

      刪除
    2. 所以現在買貨是重視"價值"的時候。

      刪除
  49. 一些妖股如仲死頂就更新小心,言兩語好難講得明,
    你只要想,隻股如穿某D位,個莊就要被銀行,債權人追數,或斬倉.....
    你係個莊更係用埋有限既錢死頂,時間係最大敵人,拖得億耐比息都死,
    之後一斬就90%,不過只佔少數股隻係咁,一般莊家都好有實力都好醒的,

    回覆刪除
  50. 很久沒有留言了....2722 wai gor 你有沒有最新睇法? 25號就出業績

    回覆刪除
  51. 北韓宣布「戰爭狀態」 局勢升溫 分析:冀破壞朴槿惠訪華 料中國斡旋 - http://www.hket.com/eti/article/76059712-f370-4dc8-8082-4dd0301fe2ef-714706?ref=ak8fs

    回覆刪除
    回覆
    1. 無用喇!條肥仔都唔聽亞習大大之笛

      刪除
    2. 大陸斷粮斷石油的話,北韓邊有力打仗

      刪除
  52. 偉哥你好,請問350的私有化會否取消?這隻佔全倉45%

    回覆刪除
    回覆
    1. 大股東提出的要約不會取消,但目前市況要迫大股東提價是有難度。

      刪除
  53. 介紹給大家參考下 玄學分析
    我覺得幾有參考價值, 雖然是 outdate, 但有 d 都準
    http://nelson-lee.com/article/index.php

    回覆刪除
  54. 下星期跌市,看來是入貨時機

    回覆刪除
  55. 如果想貫徹做一個人棄我取的價值投資者,咁呢個周末應該要做好多功課,看看有什麼股、什麼價可以撈底。

    回覆刪除
    回覆
    1. 謝謝偉哥的提醒! 真是要努力做好功課~

      刪除
    2. 伟哥,惠理7月底的AUM跌到去165亿美元,按市值/AUM计算,目前已经是10%,接近历史比率的低位了,如果下星期出现恐慌,再跌个10%这样,我打算捞,不知伟哥觉得这个计划是否可取?谢谢。当然,买卖盈亏都系自己的责任,我只系想听听伟哥的看法!

      刪除
  56. 如果大市星期一大跌之後上唔返,想問果d殼股投機股會唔會得返幾毫然後玩供股合股?
    講緊524,707果類

    回覆刪除
    回覆
    1. 殼股投機股唔會玩供股合股, 千股妖股先玩供股合股

      刪除
  57. 偉哥, 如果3399無貨, 你咩價會撈底頭一注?

    回覆刪除
    回覆
    1. 個別股票的買賣建議,這類問題偉哥一概不會回覆。

      大家的價值觀及承受能力都不同,自己的投資,自己去負責。

      刪除
  58. “大冧市唔係最恐佈,最恐佈係大冧市之後彈唔番起身。2008年冧市,股市冧樓市冧,但係好快就彈番起身,唔使講梗係因為政府放水救市。

    冧市如果冧得夠快夠狠,就有反彈既本錢。大把人係靠買貨搵食,跌得快跌得狠,就有買貨既理由。慢慢跌,跌到你死心,咁就唔駛旨意有人買,咁就冇反彈。“

    好認同上面方卓如所講既野!!!

    回覆刪除
    回覆
    1. 再咁搞法,遲d唔識造淡唔駛玩股票

      刪除
  59. 偉哥重有無687?呢隻都算跌市奇葩頂得住

    回覆刪除
    回覆
    1. 偉哥不久前有談及,煩請花時間找找。

      刪除
  60. 偉哥,唔知你有無留意477最新業績,業績比預期好,唔計賣公司的盈利也有三成增長,派息有增長,也許是個好選擇。
    另外,最近留意高息股,在其他地方看到有人提1161,做本地人生意,租跌應該有著數,女人無錢都會美容,現有7%以上,不知偉哥點睇?

    回覆刪除
  61. 偉哥, 價值投資10年長線 830 如何?
    3311, 688, 81 都有不錯發展

    回覆刪除
  62. 股價是每天變動,但公司不會日日震動。特別是好公司。

    一)若跟偉哥買股,偉哥好多時已解釋為何買,基於那些基本因素去作估量,大家只要細閱舊文,發問前看一看,一定得到很好的概括,及提升問題的質素。

    回覆刪除
  63. Dear wai gor

    謝謝分享
    幾個月前大市上破瘋了,賺錢速度快,大家開心
    幾個月後市況已全面轉變,股市就是這樣,變得快,沉著應戰,冷靜操作去面對吧

    回覆刪除
  64. 二) 有些偉哥愛股明明兩三天後就出業績,不如就等埋出業績後,先問偉哥有冇最新update 吧! 好公司總不會每天在變吧!若擔心錯過買賣時機,就勤力留意留言區。

    回覆刪除
  65. 三)after all, 大家都是想賺錢吧! 在大跌市下,除了恐慌,也是食大茶飯的好機會,較容易找到往後翻幾翻的倍升股。但是,在大跌市下,分析基本因素,是要花上更多心力和時間。時間從何來? 不如留多點空間給偉哥吧! 偉哥找到更多好股,大家得益。

    回覆刪除
  66. 四) 有些股票偉哥若沒有留意、或沒有更新的看法、或持股已披露,沒有更新,建議偉哥直接不回答便是。這點我們網友體諒,看不到偉哥回應,即代表沒有留意、沒有更新,並不是偉哥特別不回應某位網友。自行醒水,翻看留言區。

    回覆刪除
  67. 偉哥點睇524?今次冇上次跌得咁急

    回覆刪除
  68. Copy from 紅猴

    新鴻基公司(86)自賣出證券業務大部份股權,旗下亞洲聯合財務(UA)對集團便更形重要。根據其剛公布上半年業績,總收益按年升10.0%下,來自持續經營業務之本期溢利卻按年跌22.2%至5.6億港元,主因呆壞賬按年升97.2%或3.2億港元。

    回覆刪除