2015年7月24日 星期五

一池死水?



大市成交連續數天低於1千億元,近兩日更只有800億元左右,不少網友們頓覺大市失去動力,市況沉悶......但其實800億元成交只是回到4月份之前的狀況,情況也不算特別差,不過近3個月大家都習慣了每日千多億元的大成交,一朝回到解放前突然有些不習慣而已,更何況現在每天最少仍有一堆股份大升2、3成的,並不算悶市,惟雞犬俱升的日子已一去不復返,大家要習慣持有非熱門炒股的,可能成個月都沒有什麼波幅的苦日子;大波幅的仍是概念投機股居多,但風險也高,故此想要吃鹹魚就要抵得渴。

昨天沒有太多的交易,只是增持小注文化傳信(00343)@1.73元,將持股成本拉低至約1.9元,希望可以早上返"家鄉"。網友問中港照相目標價,正常而言不計算什麼名人效應的話,目標賣盤市值可以簡單地以有形資產淨值加目前主板殼價約4-5億元去計算,即目標市值可以去到10.8-11.8億元左右.......但如果大股東無意賣盤的話,則一切純屬空談。


273 則留言:

  1. 我知道点解個市咁悶,因為冇咗偉哥係度講股市,希望偉哥快D返來打開這個悶市,日日要有兩仟億以上

    回覆刪除
  2. 各位早晨, 477大家點睇。

    回覆刪除
  3. 偉哥出文的時間越來越「早」,不要告訴我你通頂。

    回覆刪除
  4. 665盈喜多賺450%,市旺對券商好緊要。希望個市快d生猛番啦。

    回覆刪除
  5. 电話兄,8155你出晒未?
    見佢唔上唔落,真係……唉~

    另外美國逢七年一跌。看蘋果昨天表現……甚擔心熊市回歸。
    注:純粹分享看法,絕無他意。

    回覆刪除
    回覆
    1. 短炒哥堆放左,長哥堆係度,長哥埋等賣瞉。

      短既低D 會買番,炒RANGE

      刪除
    2. 歷史永遠都係重複
      2017 年前後必有股樓災, 災難前牛市必定重臨

      刪除
  6. 關於上一個POST 的文,可以留意看LINK,有這一句 =]

    http://www.inspur.com/lcjtww/443394/2223597/index.html

    ''浪潮云已与全国54个省市签署云计算合作协议,为22个省市级政府提供云服务,将帮助区域政府实现云服务转型,打造、提升当地的智慧城市平台,从而进一步提升政府整体的服务能力。''

    國企既生意,好多都會俾番國企。

    等變268 =D

    回覆刪除
  7. 粵高速A復牌連續三日一開市升停,不知3399何時爆上

    回覆刪除
  8. 我越來越深信,呀爺強行控制股市,可止一時之癢,長遠股市必有忍憂,外國對大陸股市很看淡,必有大調整,是經濟硬着陸,大陸已高速增長咁多年,有盛必有衰,會步日本後塵。
    99%財演、專業、股民等對中國股市未來無限看好,牛市必然再現。師傅教落大多人睇好必錯,我就看耐些個港股有起色,成交日日回復1500億以上才逐漸入市,暫時小注短炒過日神,你話我怕死也可以。

    回覆刪除
    回覆
    1. 友邦公布半年業績,純利21億,按年多41%,市場分析中位數(22﹒5億元)為
      遜色;國際財務報告準則稅後營運溢利錄得16﹒30億元,上升12%;每股盈利13﹒62
      仙按年多12%;派18﹒72港仙(去年同期派16港仙)。

      神也是它鬼也是它,大戶炒上股價業績幾差也有大條理由,業績靚到爆燈也一樣,我地老散只能跟著行。當年建行盈利增長40%加股息,大行也可說不乎理想,質到4個幾。

      刪除
    2. 大多人睇好必錯,呢句簡直係金句!
      唔係話少數人的睇法就一定正確,但大眾的睇法確實好多時候都係有偏差,甚至根本就係錯,如果大眾的質素可以普遍達到偉哥blog呢度大多數網友的水準,或者情況就唔同,但現實係根本冇可能

      刪除
    3. 大多數人並沒有睇法 祇有盲從

      刪除
    4. 股壇好多所謂的專家、分析師,唔知佢地的"朵"點得到,但事實係呢d人睇市經常都睇錯,我覺得呢度好多網友仲勁過呢班所謂專家分析師

      刪除
    5. 謝謝提供另一個角度分析,今日信硏都有講美股有下行壓力,大陸經濟都麻麻地,如果真係咁,唔知可以頂幾耐。

      ....著名淡友財經網站ZeroHedge一篇文章更把Caterpillar業績借題發揮,認為全球面臨經濟蕭條危機(文章題為:Forget Recession: According to Caterpillar There Is A Full-Blown Global Depression)。

      文章指出,Caterpillar股價過去5年基本在區間橫行,但近年業績乏善可陳的Caterpillar股價之沒有大幅下挫,主要得力於公司自2013年第二季開始持續回購股份,去年第二季度曾停止回購,但第三季回購股份額度急增至約25億美元的逾一年新高,相對不足5億美元的資本投資金額,簡直不成比例。最重要是,Caterpillar是全球重型機器主要供應商,新興市場龍頭的中國更是其產品銷售的最大市場,但Caterpillar產品銷售卻破天荒出現連續31個月都按年下跌,6月數字顯示,表現最差的是拉丁美洲跌了五成,包括中國的亞太區也急跌19%,新興市場的宏觀經濟實在令人憂慮。至於包括美國本土的北美洲市場也由5月的上升1%,自2月以來首度錄得5%的按年跌幅。ZeroHedge文章就根據Caterpillar銷售業務表現而發出環球蕭條警告。

      刪除

    6. 太盲目對後市看得太好,風險是有的,希望這裏股友們互相交流,提出不同意見。

      刪除
    7. 步日本後塵? 對中國、香港又有何得益?

      以一個盛世而言, 好似唐、漢、清有幾佰年盛世, 拉長一些, 新中國只有65年, 希望大家有生之年也享盛世….

      刪除
    8. 中國已慢慢地脫離平成本世界工廠,很多外資已搬遷,物價通漲加劇,所有數據已知是向下調,亞爺所出的已水份滿載(做數)。盛世不是永恆!

      刪除
    9. 冇中國賤價勞工, 佢地(外資老家)會咁富貴咩!!??

      水份滿載是溫爺爺年代, e+ 習總咪做緊嘢囉

      我冇話盛世是永恆, 變幻才是永恆.

      刪除
    10. 經濟硬着陸?全球面臨經濟蕭條危機?中國股市未來無限看好?
      我覺得但凡做預測嘅, 無論喺針對宏觀經濟, 股市指數, 樓市等等..都是得個咭,即通常錯,
      而且離譜地錯.
      以下一段是英女皇問她的頂尖經濟學者, 為何他們看不到這麼嚴重的經濟下陷.
      http://www.telegraph.co.uk/news/uknews/theroyalfamily/3386353/The-Queen-asks-why-no-one-saw-the-credit-crunch-coming.html
      財演們自信可勝過這些頂級經濟學者嗎?

      刪除
    11. 其實根本內地托市就係為了人仔國際化~等於股票上左市咁~搞咁多野就係推左佢上市先, 跟住話之佢跌到底~所以呢次托市目的只有一個就係為了令人仔國際化呢單野可以頂到, 其他東西都放埋一邊先~所以亦都無需要岐望未來經濟會好或不好, 基本不需要諗呢PART~股票上左市自然可以不斷印股票~但前題係上左市先~

      刪除
    12. Caterpiller 业積只反影事實的一小部份,並不包括新經濟如internet, social media, mobile economy, logistic, uber 這些行业

      刪除
    13. 一個國家自己關埋門印銀紙無用, 只係搶到自己國民的錢, 只有對外開放印銀紙才可以搶到其他國家國民的錢, 這才是大錢, 美國一直用到依家都係靠呢招, 因此~未來經濟好與不好都無所謂, 最緊要走出第一步先~係國家利益出發~就一定是這樣~

      刪除
    14. 唔好太認真,老美之前唔掂, 自己咪又QE, 又入市, 個市炒上18000又唔見頂級經濟學者咁多野講,講破壞自由市場?

      刪除
    15. 長期來看我們大家都是死路一條, 長期來講所有貨幣都會逐漸丟失購買力(通貨膨脹跟著工資一路向上), 長期來說整個世界的絕大部分股票指數都已經證實它們是反複波動上升!

      我很樂觀,但只集中於低PB比率的實力股票。

      刪除
    16. 中國點解要出一帶一路? 點解全世界都想加入一帶一路? 真係咁單純幫落後國家發展,想將剩餘生產力轉移咁簡單? 日本變成咁,更多因為政治。

      刪除
    17. 中國點解要出一帶一路? 點解全世界都想加入一帶一路? 真係咁單純幫落後國家發展,想將剩餘生產力轉移咁簡單? 日本變成咁,更多因為政治。

      刪除
  9. 好掛住涼兄,涼粉商業近日強勢等涼兄回歸

    利申:30000股

    回覆刪除
    回覆
    1. 呢隻曾是我炒波幅好股之一,想建倉可惜之前出手口價保守,無緣買入。

      刪除
    2. 波幅真不錯喔,會多加留意

      刪除
    3. 作者已經移除這則留言。

      刪除
    4. Phone 兄,me too , 我也好掛住涼兄

      刪除
  10. 偉哥希望今個星期忙完,下星期一能歸隊。涼粉跟著放完暑假回來。
    同時渴望已久952下星期應該出好消息振奮下大家的心情,把黑天鵝除去。

    回覆刪除
  11. 122有古怪喎,大成交,轉向明顯,莫非再提賣盤?

    回覆刪除
  12. 1150看來只有一日貨。
    還說1.3....見到1.0也偷笑……
    利申有蟹貨。

    回覆刪除
  13. 沽出10000股涼商In 1 day, +5000, 排952 @1.6

    回覆刪除
    回覆
    1. 我都補小小,希望賣得成!賣成之後對其他餘下卷商股既連帶效應都應該好和味

      刪除
    2. 我集緊資, 952 唔好升住...

      刪除
    3. Phone 兄,想請問涼粉商業是什麼?

      刪除
    4. 我頭先排1.58入唔到,改1.59,點知都係入唔到.................

      刪除
    5. 大戶Chan唔係掛,涼粉之前掛嗰個人頭入股既商業喎。我都係掛1.59先入到

      刪除
    6. 剩番終極一注.... 希望係Leon 前的黑暗

      刪除
    7. Wai 兄,涼粉商業即涼粉之前個頭像個間商業,後來涼粉轉左樣,phone 兄之前講過唔講no.

      希望幫到你

      刪除
    8. 為左果1格半格系樹扭計。。 952話頂你地班大戶吾順~

      刪除
    9. 小弟不財, 就爭一格的錢...><!

      刪除
    10. Phone 兄,想請問涼粉商業如果炒波幅,什麼位開始可以考慮入?

      刪除
    11. 我分別排 $1.58 同 $1.59 , 之後只中$1.59

      刪除
    12. 可以考慮用條10天缐,暫時Uptrend, 挨近d 就可考慮入,波幅大,捉到一下落已經食得

      刪除
    13. 哈哈哈 ST

      952話晏畫豪俾你地,祇要買50萬股up

      刪除
    14. 之前2.4沽的貨, 今日1.6買番.

      刪除
  14. 122,@1.19沽出餘下一半,暫時沽清了。

    回覆刪除
    回覆
    1. 鱷魚恤有限公司(「本公司」)董事會(「董事會」)已知悉今日本公司的股份價格
      及成交量上升。本公司經作出在相關情況下有關本公司的合理查詢後,董事會確認並
      不知悉導致該等股份價格及成交量變動的任何原因,或任何必須公佈以避免本公司證
      券出現虛假市場的資料,又或根據香港法例第571章《證券及期貨條例》第XIVA部須
      予披露的任何內幕消息。

      刪除
  15. 前晚推介果隻8226...逆市中有反應……希望繼續保持個勢……上到目標……

    回覆刪除
  16. 回覆
    1. 好感動呀副隊同Jeremy 😭

      刪除
    2. 感動x2,我仲未番到家鄉!

      刪除
    3. 我己經成功返到家鄉了

      刪除
    4. 呢隻升多d啦!唔係好似我累左d 街坊咁 :)

      刪除
    5. phone兄,唔關你事係我自己買貨timing差, btw 我target at least $2.5.

      刪除
    6. 如果今日上$2,睇圖一定好快2.5,已經平左一星期,收多左一星期貨

      刪除
  17. 睇泥港股今年7月冇機會番身

    回覆刪除
  18. 聽鄺美人-1150 再坐一會

    ~~~你說你已這麼倦~~~但願能再坐一會 既要別去且盡量盡量逗留 日後亦無悔

    回覆刪除
    回覆
    1. 不過Leslie話:你別再說要坐低 坐坐坐會坐足..............

      刪除
    2. 你駛唔駛咁呀?

      垃圾股垃圾莊預咗坐…坐出個華麗轉身?

      刪除
    3. 咦, 看來1150 唔駛坐足..............

      刪除
    4. 都希望你今日有得食胡ga..............

      刪除
    5. 見你咁消極咪送你一首Stand Up......一送就Up左,正掛?

      刪除
  19. https://www.youtube.com/watch?v=n1UbhsyB-14

    回覆刪除
  20. 回覆
    1. 入多一注?之前KT低位有留貨?

      刪除
    2. cyl兄, 是的, 之前走咗2轉波幅, 昨天又走多轉波幅.

      刪除
    3. 尋日2212公佈控股股東出售股份,而家似係要賣盤多,同1140一樣唔知買家身份,要小心好似1140的情況,消息公佈之後反而愈跌愈低,希望唔會啦

      刪除
    4. 暫時睇盤路2212仲有大買盤收貨,最好的情況係遲d公開買家身份轉手強人,之前咁收貨法,希望唔好好似1140的買家咁神秘

      刪除
    5. “消息公佈之後反而愈跌愈低” 為什麼

      刪除
    6. 咪散貨lo, 炒到咁高仲唔散咩.香港股票市場多老千,過多一輪隨時話出售不成功都仲得.

      刪除
  21. 今日好幾隻妖股都炒上, 1166, 943, 1130

    回覆刪除
  22. 偉哥2015年4月30日 上午9:54
    囉唆D都要講多次.....基本上現在大部份本地券商,不論是等被收購的、或已名花有主的,都是只有投機價值,沒有投資價值的,投機的風險也不低,所以不要見到股價長升長有就覺得風險低。

    買入前請自己衡量可否承受得起一旦市場逆轉的風險。

    回覆刪除
    回覆
    1. ****
      回想當年我第一隻買既殻股係925, 跟湯財買的...
      交左唔少學費

      今日入左952@1.59, 想講:
      1. 不停延期係賣盤安排上正常不過, 我沒有統計但唔覺得其他deal 多趕在deadline 當日完成,通常早d , 即是愈近deadline ,多數extend.

      2. Barbarian! 我打Diablo 最鐘意用Barbarian!
      安邦!記住係安邦! 民生銀行入主952!民生銀行現在的大股東安邦集團!!!

      刪除
    2. 路透北京7月24日 - 新華社週四報導稱,安邦保險與比利時德爾塔·勞埃德銀行已達成收購協議,安邦保險最終以2.06億歐元收購對方100%股權,低於此前雙方公佈的2.19億歐元交易價。

      安邦集團網站信息顯示,2014年12月16日,安邦保險集團股份有限公司宣佈收購比利時德爾塔·勞埃德銀行。這是安邦集團繼收購比利時百年保險公司FIDEA之後,又一次100%股權收購的比利時金融機構。

      另外,中國保監會網站週四公佈,同意安邦保險集團公司收購荷蘭REAAL N.V.保險公司100%的股權。

      刪除
    3. 不能認同更多了芒兄!!!

      刪除
    4. 照許兄所講隨時今晚宣佈

      刪除
    5. 原來 許老闆 跟過 佬仟湯 買股!
      我冇跟過, usually 佢話唔好, 就放心炒垃圾, 要知道自己炒緊垃圾...

      刪除
    6. 佢教識我股市新聞線索全部放在hkexnews任你睇,唔使睇埋d垃圾報紙雜誌。 部份首期都因為佢而黎。

      刪除
    7. 我之前都跟佢買126又中招,好彩閃得快

      刪除
    8. 雖然我同湯財曾經嘈得好犀利,但佢的確教識好多人睇股票,我而家對財技股老千股的分析最初都係從身上學番來,除咗佢批評偉哥同埋嘈交時侮辱人比Ciara更毒(但佢平時唔會侮辱人)之外,佢的確係有才華而且樂意分享的人

      刪除
    9. 對某類股湯可能有偏見,不知是受過傷或者其他原因,曾留言,見不對路,即閃。

      刪除
    10. 我記得佢講自己係讀書時期曾經用父母的錢買股票,當時佢唔認識財技老千,結果買中向下炒的股票蝕錢蝕得好勁,印象中佢當時覺得自己好對唔住父母

      刪除
    11. 吓, 許老闆 部份首期都因為佬仟湯而嚟, 咁勁!

      唔知有冇人部份首期都因為偉哥而嚟呢?

      Cyl , 你你你你….我我我我…哼!

      刪除
    12. 其實佬仟湯冇乜嘢, 有少少宅男feel, 或許太年輕, 處事未夠mature….

      但深信不會侮辱偉哥…只詞不達義.

      刪除
    13. CY I 兄,不一定是指千股,正常的股在某的情況可用相反理論。另近來不見楚揚,你知不知?

      刪除
    14. 之前楚揚兄係股災時講始終樓最實際,話專心搞丁屋好過,後來就唔見楚揚兄了

      刪除
    15. 許咩鬼老闆,我只是個80後....普通打工仔一個
      偉哥隻510 對本人的honeymoon作出很大貢獻。xdd

      真的,大家有認真揀過股票,就會有自我意識唔去買某類股/某系股,睇法唔同無得迫。

      刪除
    16. 和而不同,各自表述,以人為善,共同搵食。

      刪除
    17. 自己跟買偉哥股唔多,每個人有唔同的操作,但真心欣賞偉哥用心的分享。

      刪除
    18. 上面的RF網友,可唔可以幫手帶走呀Louis YK Lui,佢自己喺RF洗版已經好夠,唔駛嚟依度再洗版啦....

      刪除
    19. 投機者同回頭是岸都唔見人啦

      刪除
    20. 哈哈, 吾好再提呢兩個喇, 易請難走, 大家清靜, 安心D.

      刪除
    21. 投機者同回頭是岸 = 一個

      刪除
    22. 今年賺左接近三倍,係時候休息下

      刪除
    23. 河田兄, phone兄, 唉! 又有排煩, 有排吹.

      刪除
    24. 原來仲喺度,哈哈

      可能涼粉都喺度不過冇發言

      刪除
  23. tk兄,隻牛奶走左未?我覺得仲有,由於低成本所以等下無妨。呢隻真是唔太好炒波幅...

    回覆刪除
    回覆
    1. 2.26走左2.05果1注,還持有長倉的等運到。

      刪除
  24. 小股災後 見牛三例子 炒曾德成 只有中央先夠資格

    http://news.mingpao.com/pns/%E5%B0%8F%E8%82%A1%E7%81%BD%E5%BE%8C%20%E8%A6%8B%E7%89%9B%E4%B8%89%E4%BE%8B%E5%AD%90/web_tc/article/20150724/s00004/1437674494272

    回覆刪除
  25. 留名等睇952 變綠色! 加油~

    回覆刪除
    回覆
    1. 952今日真係好唔對路,d買盤愈買愈高好進取,唔知係因為blog的網友定真係要出通告

      刪除
    2. 我1.59果注仲排緊, 唔好咁快開車呀!

      刪除
    3. 應該係網友啦,得一千萬成交,淨係我呢個細戶都佔左左1%

      刪除
    4. 今日有本財經magazine唱好952,破旗睇目標價 $2.65

      刪除
    5. 可告知那一本?
      有經演吹風不是好事呀

      刪除
    6. 作者已經移除這則留言。

      刪除
    7. 港股策略王,逢周五出版個本。呢本財經周刊至鍾意推介殼股。

      刪除
  26. 好滾動,我隻*)#* 終於開車la

    回覆刪除
  27. 點解今日!*%的盤路咁似托價沽貨,好多細買盤,好多大沽盤= =............

    回覆刪除
    回覆
    1. 希望可以守住0.4收市!

      刪除
    2. 0.41買少少,睇下莊家幾時開壇作法

      刪除
    3. 作者已經移除這則留言。

      刪除
  28. 悶左幾日,今日又玩下之前d鬼股,當買大細 cy兄玩緊邊隻?

    回覆刪除
    回覆
    1. 打算等周希儉瀉完買多少,仲有留意緊1189同372

      刪除
    2. 另外仲有2928(413),近期鬼股比較少好機會

      刪除
    3. 隻鬼股派既紅股番哂黎,揸下等炒多轉,跟你玩下隻!*% 小注,太悶

      刪除
    4. cy l兄,唔知幾時瀉完,有位上海的基金經理朋友佢由3月揸到前日轉左倉,同tk兄同日沽清。自己唔識睇呢隻野 =.=

      刪除
    5. 885之後的走勢莊家冇動作比較難預料,之前趁輕身炒上散貨容易判斷,而家就比較難估,不過我估偏跌多,然後過一掛再炒上,或者跌完唔再炒

      刪除
    6. 周希儉等瀉完應該快啦,我估下星期內止瀉

      刪除
    7. 唔緊要,我手上既貨0 成本

      刪除
    8. 我有排周希儉未買到,低位計只差幾格。

      刪除
    9. 咁希望san san兄可以有驚喜,華匯系的行為有時估佢唔到,可能景生最終會搞隻996二號出黎都唔定

      刪除
    10. 我都係搏下咋,見有利潤,hold下先,唔貪心,希望吃多一成走人 XD

      刪除
  29. Ng兄推介的浪潮,公眾持股量係咪好高?

    回覆刪除
    回覆
    1. 就咁睇CCASS 睇唔到D 乜,大股東~ 40%,
      應該都有隻莊,貨都乾乾地,有時會跳格。

      最主要係間公司係國企,一定唔會執,無乜老千,淨現金越來越多,成十一億,減左現金平過一個SHELL, 業績話集中搞浪潮/國企雲,同金碟, 阿里亦有合作。

      上佳穩陣之選,偉哥最LIKE的國企,如果有偉哥COMMENT 下就好了 =D

      刪除
  30. 偉哥,想問問呢排有好多公司終止供股,如8081/8269/8143,佢地除左權再決定終止供股,但又未見有加權或者相關安排既公告,想問下上市公司會點安排呢?

    如果1供19,除權再取消供股,個市值會大縮5倍?

    請偉哥指教,Thanks!

    回覆刪除
  31. 回覆
    1. 正常。今日報道之前有中國的財經頻道教人上午買下午走人,因為國家隊會下午才買貨。
      雖然我不知道實際如何操作,但所有人都用就沒效,報道了出來,可能就是陷阱的開始又或者國家不再這樣操作讓他們白白撿錢。

      刪除
  32. 回覆
    1. 隻機都算幾硬淨,多加留意先。

      刪除
  33. !*%的買盤好癲,正如之前許兄話齋,散戶咁買法手續費都蝕死

    回覆刪除
    回覆
    1. 我對內房比較保守,中短期0.55以上已經好滿足

      刪除
    2. 如果去到 $0.5 我先走一半,$0.55 再走

      刪除
    3. 而家最好奇係咁多大沽盤究竟咩意思,!*%最大的期望係反收購

      刪除
    4. 最尾一分鐘0.405 入左50000 股跟大股陳同副隊搵食,希望架船唔會太重 =D

      刪除
    5. phone兄買得好急,最後30秒搶貨 =p

      刪除
    6. 頭先入廁所開大,無野做㩒電話求其set 個價竟然入到,希望大家一齊開大^_^

      刪除
  34. 今天有幸在圓方碰見 賺過千萬的那位少年股神,雖然我不記得他的名字。各位師兄有沒有人見過他?

    回覆刪除
    回覆
    1. http://hk.apple.nextmedia.com/realtime/finance/20150714/53969935

      呢個?之前股災話皮已收

      刪除
    2. 所以還有幸見到他,看到他還安好。

      刪除
    3. 可能他在去ICC的途中⋯

      刪除
    4. 係散戶的世界當中有三個地名,ICC、IFC、KFC,其中ICC係最唔好的地方,因為去得ICC,即係連IFC都滿哂太多人,散戶先要去挑戰保安最森嚴的ICC,然後就係IFC,前排好多人都要去IFC,好在而家d人又話唔駛去,KFC當然係最好的地方唔駛講

      刪除
  35. 回覆
    1. 肥仔 旁邊還有個不配值千萬的女子,雖然不知他們關係。

      刪除
    2. 不怪得他穿了一件不襯身的長袖裇衫,身邊不覺值千萬的女性呢。不過都好過我這些 毒燃.

      刪除
  36. 今日吾見孟徳,莫非他巳經賺返個十萬首期?

    回覆刪除
  37. 回覆
    1. 許兄,今日隻!*% 好震下,會不會是震倉收貸?

      刪除
    2. 股票唔會日日升的, 升下跌下好正常。分斷獲利可能是更好選擇。

      刪除
  38. 千年妖股大番身 #1166

    http://nextplus.nextmedia.com/columns/%E5%A3%B9%E6%9C%AC%E8%90%AC%E5%88%A9/20150723/233426

    回覆刪除
    回覆
    1. 呢隻真係妖股中之妖股,想當年好似由仙股炒上變蚊股,跟住爆煲,跌落18層地獄。

      刪除
    2. 唔信1166會再妖,首先貨根本唔夠乾,第二要再成妖應該要搵過二個隻殼,1166呢間野已經臭哂,第三係傳媒講,尤其係壹旗下的傳媒,我覺得配完股想作故仔唱好擲貨就真

      刪除
    3. 呢篇又係同一個人唱好:http://hk.apple.nextmedia.com/financeestate/art/20150724/19230337

      雖然1166有時會突然炒上,但都係用接近零成本(成本公司買垃圾收番)的貨左手交右手,根本唔值搏

      刪除
    4. 成本公司買垃圾收番,指的係人頭配股的成本莊家通過塞垃圾入公司將錢套番出黎

      刪除
  39. 我覺得自己係雪球的帳戶好似妖股,粉絲的數量好神奇

    我的帳戶:http://xueqiu.com/1690816745/profile

    偉哥的帳戶:http://xueqiu.com/7889176837

    最神奇的係我係雪球根本深度潛水,所以冇理由會有咁的情況出現

    回覆刪除