2015年3月24日 星期二

老千計狀元才


話說今日福建民企長港敦信(02229)復牌,自己以為有"大龍鳳"上演,故一開市就急急買入,怎知只是再挾高幾個價位就無力再去,見勢色不對,唯有速速止蝕,輸少少離場,始終投機失敗就要果斷止蝕,不宜存僥倖之心。

為何要博這隻高風險的福建民企呢? 如果大家有留意公司復牌通告的話,當知道此股所經歷的可能比林一鳴新書"財技風雲"的情節更離奇。

先簡略說說事情經過:根據公司通告,大股東於2015年2月3日,將1億股長港敦信的股票抵押予某金融中介(借貸方),以取得645萬美元的貸款。抵押股票後,該借貸方於2015年2月23日至27日在市場盡沽該1億股,而根據大股東所述,其為了保障其大股東地位不被動搖,所以在此期間入市增持了共3952萬股,令其持股回升至50%以上。

看到這裡,可能大家會覺得該借貸方為何會無緣無沽沽出該1億股,而大股東連忙入市接貨,是否只是如其所說,為了保障其大股東地位不被動搖?會否另有內情?

我就觀察到多一件事:早在2月3日之前,大股東還將另外一億股存入金利豐証券的帳戶,其後再轉倉至元大寶來,那這1億股會否是用作另一筆借貸的抵押? 如是的話,如果之後那借貸方在市場盡沽1億股,而大股東沒有入市增持以托價的話,股價大瀉會否引起另一筆貸款的抵押股份也因為抵押品的價值大跌而被斬倉沽出?



我的猜想是:

1. 大股東分別向兩間金融中介作出借貸,也分別各以1億股股票作為抵押品;如果抵押品的價值低於某個水平,則大股東需要補充按金,不然股價會被斬倉及在市場沽出;

2.  第二個借貸方知道了有另一筆貸款的存在,也知道大股東"莫財",故想設計賺取暴利,做法是在市場沽售該1億股抵押品,以期壓低股價,形成骨牌效應,令股價大跌,並觸發另一單貸款也因為抵押品價值大跌,因此要斬倉,形成更大的沽壓,令股價暴挫,此時第二個借貸方可以堂而皇之地告訴大股東其抵押的股份已因為價值下跌而被斬倉;又或者可以低價在市場補貨,賺取巨額差價;

3. 大股東得悉第二借貸方的意圖,故此傾力入市,並且成功護價,令股價不致下跌及觸發另一單貸款的抵押股份被斬倉;

4. 大股東立即申請將股份停牌,並於期間公佈全年業績及派發高息每股8仙,以期在復牌後借助市場的力量挾第二借貸方的空倉,可惜這算盤打不響,今天股價最高只升至1.28元就回落,徒勞無功。

上述只是自己無聊的猜想,情節可能比林博士的財技書更曲折離奇,如有雷同,實屬巧合。



230 則留言:

  1. 今日還以為有一轉順風車坐,可惜自己大貪,不圖小利,結果反而要微蝕離場。

    回覆刪除
  2. 為籌集資金認購新股,今日是減持了635及以平均價1.5元沽清了550獲利。

    其實自己不知如此做法是否正確,因這幾個月投機的資金獲得巨額盈利,相信有份參與的網友應該感受到......可能將套現了的資金繼續炒賣殼股、投機股可以獲得遠比炒新股高的利潤。

    回覆刪除
    回覆
    1. 雖然係。但我諗都應該賣d去抽新股。因為精選新股穩賺,計及時間,回報又ok。
      如果仲想博更多的,就唔再係進取中帶穩健

      刪除
  3. 如果想大注認購廣發的,記得明天先要預備足夠的資金在帳戶,尤其是耀才,沒有錢在帳戶的話是無法在網上做孖展認購的;聽聞孖展很緊張,可能第一日就爆孖展。

    回覆刪除
    回覆
    1. 偉哥, 因我唔見耀才新股有呢隻野, 甘我打去問, 同事都話味有公司資料...真奇怪.....唔知你知唔知咩原因呢? 我睇輝立已經有資料係網頁到....

      刪除
    2. 耀才網頁明天才更新的。

      刪除
  4. 今日臨離開同方泰德的路演前,向券商要求給予路演powerpoint的電子版,如果這兩天收到的話,有興趣的網友可以留電郵向我索取來參考,明晚有時間的話會寫寫重點。

    這個星期還會抽空出席另一間公司的analyst meeting(雖然我不是analyst),到時再與大家分享。

    回覆刪除
    回覆
    1. 期待偉哥的寶買意見和分析!

      刪除
    2. 先謝謝偉哥
      pwmailpass@gmail.com

      刪除
    3. Thx Wai gor
      leowong1108@gmail.com

      刪除
  5. 關於2229,提供多少少資料:

    今年1月28日,CCASS顯示2229有1億股(第一批股票)由相信係大股東度射咗去金利豐,2月6日,就由金利豐射咗去元大寶來
    而2月9日,CCASS顯示有另外1億股(第二批股票)由同樣相信係大股東度射咗去國浩資本,2月23日,就由國浩資本射咗去德意志銀行,然後2月25、26日,3月2、3日,德意志就大手沽貨,沽清所有2229,而其中超過9千萬股分別由新富同阿仕特朗接手(根據3月3日的CCASS顯示)


    唉,真失敗,今日自己傻吓傻吓,響偉哥呢度問咗個傻問題.........
    2229根本唔難睇得出係要夾貸方空倉,逼佢高價買番,雖然冇跟開2229,但只要查查披露就唔難推導出事情的大概
    可能因為近日太忙,搞到自己懵吓懵吓..............

    回覆刪除
  6. 成個故仔都好合情合理,但係沽貨果間借貸公司咁做唔會犯法咩?
    最起碼如果我係債仔,我唔告佢都會唱衰佢啦,之後無生意更得不償失~
    不過無論如何,謝謝偉哥的分享~

    回覆刪除
    回覆
    1. 通告冇交待點間借貸方是基於什麼原因沽出其抵押的股份,但今日明報有篇報導可以參考
      -----------------------------------------------------------------------------------------------------------------------------------
      長港大股東押股疑遭斬倉
      2015年3月24日
      【明報專訊】去年上市的內地民企長港敦信(2229)爆出離奇「被沽貨」事件,集團昨日公布,指大股東鄭敦木用以押股貸款的1億股股份,懷疑被授出貸款的券商在上月底私自沽售,拖累股價一度單日大跌超過一成。

      該股昨日復牌,股價微升3.6%至1.16元。

      長港於本月11日突然停牌,集團至昨日上午發出公告,指持股56.25%的主席鄭敦木,在上月3日與一家金融機構訂立融資協議,獲得最多645萬美元貸款,並抵押1億股持股,約佔股本10.07%。

      抵押1億股 申645萬美元貸款

      直至本月中,鄭氏懷疑授方已出售抵押證券,並自中央結算系統(CCASS)資料記錄中得悉抵押證券已悉數自指定帳戶轉至第三方帳戶,為保障控股地位,鄭敦木隨即於市場以個人名義購入公司3952.4萬股股份,每股作價1元,持股量將回升至50.16%,並因此可能觸發技術全購責任,而由於並無足夠財務資源,故鄭氏不能作出要約。

      根據CCASS的資料,元大證券在長港敦信的持倉,在今年2月6日增加1億股,其後該批股份在3月6日又被轉出,目前元大已無任何長港持倉。

      元大證券同時段內增持1億股

      市場早已盛傳,今次長港「被沽貨」事件,是源於金融機構擬先沽貨,再以平價接貨獲利,惟亦有消息人士指,雙方在還款協議上出現誤會,致令金融機構「斬錯倉」。

      http://www.mpfinance.com/htm/finance/20150324/news/eb_ebb1.htm

      刪除
  7. 839天大油管,派息好似好吸引,偉哥點看?

    回覆刪除
    回覆
    1. 就是不知道如此派高息可以維持多久。

      派息的款項和每年折舊相若,有機會是按EBDA (earning before depreciation and amortization)來派息。

      刪除
    2. AO價入左一注收息先。

      刪除
  8. 呢啲故仔總會見到金利豐個名......

    回覆刪除
  9. 總之大股東之後就有排煩,佢連續觸犯多條條例,港交易及証監肯定唔放過佢,罰款及可能幾年無董事做也說不定。

    尋日D人買入可能博公司被迫要去做GO,但之後發覺世色唔對。

    回覆刪除
    回覆
    1. 大股東已講明無財力做GO,也不會做GO....係博挾淡倉。

      刪除
    2. GO並不單涉及上市規則那麼簡單,係本港的證券條例,證監唔做野唔得。

      刪除
    3. 証券可以做野懲罰違規的大股東及金融機構,但大股東講明無財力做GO,而GO的首要條件是有現金要約方証明有財力支持才可以做GO,那現在這個案當然是做不成GO的。

      刪除
    4. 打錯字, 係"証監可以做野懲罰違規的大股東"

      刪除
  10. 沽出了609@1.49止蝕, 好在細注。

    回覆刪除
  11. 康健厲害,聯同阿仔康宏,已持有合共11.8%的新股春立醫療(1858)。

    回覆刪除
    回覆
    1. 炒上一輪,1858的小股東應該要開始見鬼了..........

      刪除
    2. 唔知康健幾時動手呢?康健內部有唔同的分支,唔同分支做法有別
      順帶一提,康健系另一隻半新股1327不斷俾人壓價,同時貨源已經歸邊

      刪除
  12. 回覆
    1. 真係好難估會升到幾高,自行決定放或等。

      刪除
    2. 993的玩法同726類似, 又係金利豐出謀獻策。

      隻隻的賣盤價都咁低,仲要申請清洗豁免,再咁搞法,我地要食穀種。

      刪除
  13. 回覆
    1. 所以有時候投機既野,幾好勢、幾有信心都好,分段獲利是必要的。

      之前高位減持過,現在心理壓力又不大,可以慢慢等調整到理想價位再增持返。

      刪除
    2. 之前0.52 減左大半,可以睇位加返D

      刪除
    3. 我不提供買賣建議的。

      我自己在觀望中。

      刪除
    4. 偉哥係咪仲有大部份510未放?

      刪除
    5. 是,主力倉位仍不變應萬變,但平均成本低至0.27元。

      刪除
  14. 果然黑到無朋友,所有買賣都背道而行,嘿。

    回覆刪除
  15. 3399明天公布業績,期待明天有好消息

    回覆刪除
  16. 回覆
    1. http://hk.apple.nextmedia.com/financeestate/art/20150324/19087307
      今日有蘋果幫助推

      刪除
    2. 無睇一陣 咁快已經破埋4.2 試4.3

      刪除
    3. 蘋果唱好,唯有沽貨啦,8002,$4.25走人

      刪除
    4. 見佢今日升到4.44,好似想叫我去死,可能我真係太唔珍惜佢,咁快就唔要佢

      刪除
  17. 回覆
    1. 沒有留意此股,內房股我只是留意一兩隻。

      刪除
  18. 回覆
    1. 之前已震走左好多人。

      刪除
    2. 好想死呀!大多數跟偉哥都走咗自己無放,以為8002唔會爆今朝一出即飛。好在還有2280頂住,科網股真難估,嘿嘿。

      刪除
  19. 回覆
    1. 之前升得太多,d人要沽下貨先,$1.48買番d

      刪除
  20. 122睇CCASS,德國佬減持了兩三日之後,又開始增持返,而巧合地股價又上返來。

    炒122, 要睇實德國佬的舉動。

    回覆刪除
    回覆
    1. 今早試過1.19,我又set了1.22食一半。

      刪除
    2. 講開德國佬,近日自己留意隻619被德國佬買入0.26%之後都有D回升

      刪除
    3. 122今日明顯轉強,如果今日被我食到第四轉,我應該也是無後顧之憂。

      刪除
  21. 1886唔通又有人收到料績差?今日又好多b盤

    回覆刪除
    回覆
    1. 1886業績差是一早預期了,就看業績後管理層旳解畫, 尤其是與泛海有沒有合作。

      朋友幫我向1886的人士打聽過,最高層人士對泛海入股一事保持緘默,1886內部好多人都想知乜事。

      刪除
    2. 偉哥係咪打算都繼續持有個注1886 ?

      刪除
  22. 減持左一半2280@7.49食糊先。

    另一半看看可否突破近期高位。

    回覆刪除
  23. 回覆
    1. 2280走過一轉, 之前六過幾, 自己望佢跌多少少(到六過半), 結果差少少入唔到, 貪字得過貧!
      8002咁升法, 想係除淨日跌時買, 都未必有機會.
      偉哥, 3315 現價可買嗎?

      刪除
    2. 3315我自己是等緊有沒有機會貼近3元買,值博率稍高。但公司出來回購,短期應該難見3元。

      刪除
  24. 買返之前0.53減持了的510@0.47,賺左10%差價。

    回覆刪除
    回覆
    1. 幾時先有正式賣盤消息?

      刪除
    2. 等賣盤條件完成後就正式完成買賣協議,泛海正式入主。

      仍是繼續等待。

      刪除
    3. 暫時撈底呢個價算企穩左。

      刪除
    4. 太遲落盤,0.475都買唔返

      刪除
    5. 0.485不停有沽盤唔想俾佢過咁,
      一掃哂又放D盤出來,
      即係入緊貨定出緊貨?

      刪除
    6. 掃晒了,今日可能倒升收。

      刪除
    7. 應該完成調整啦, 聽日希望開車

      刪除
    8. 希望開turbo.
      偉哥你D眼光真係.....
      咁樣會俾人懷疑你,一買就升一沽就跌。

      刪除
    9. 可能會懷疑埋我係有幾千萬、甚至億元資金的大莊家。

      刪除
    10. 你有幾千萬唔出奇啦.....
      你簡直好似劫富濟窮,救活好多之前被宰的羔羊

      刪除
    11. 好在唔係劫貧濟富.......

      學財爺咁講,我都只是心中富有。

      刪除
    12. 為左抽廣發,諗住趁510未有下一波升勢,沽出一大半套現籌錢,然後過兩日2626一回水就悉數買回。但睇今日尾市咁成交咁升,以空間換時間的計劃似乎會失敗,希望等多兩日,唔好爆升住 :(

      刪除
    13. 今日咁樣震倉然後高收,
      可能一去無回頭了

      刪除
    14. 太遲落盤,0.475都買唔返

      刪除
    15. 千祈唔好好似我沽550咁,諗住短期可能都唔郁住,先行沽出套現抽新股....咁就出事了。

      刪除
  25. 1813 $5.17走左,怕同上次一樣一日彈only

    回覆刪除
  26. 8268好攪笑,爆完又炒,炒完又爆,依家爆完又炒過。

    回覆刪除
  27. 641 今日好強,平均價 2.8 比人食晒

    回覆刪除
    回覆
    1. 自己還是欠缺一些耐性、判斷力及......資金。

      刪除
  28. 859 比高位已回落20%+, 現價買入等派高息, 風險有幾高呢?

    回覆刪除
    回覆
    1. 風險比較難評估,因為等派高息後,還要等待其後繼動作。

      刪除
  29. 3888的執行官都說今年收入不會有大改善,股價仍破位,今年真是科網復活?

    回覆刪除
  30. 照睇2280破位都是遲早的事

    回覆刪除
    回覆
    1. 個位成日撈我底的"靚女" 脚頭幾好,會唔會考慮撈埋1886啊? 最多我收到乜料先話比你知。

      刪除
  31. 一通回覆2626大約要4月1日先收返錢,叫留意日後港交所通告,不來及抽廣發了

    回覆刪除
    回覆
    1. Omg, 其他股票行會否有分別?

      刪除
    2. 其實是否應自行打電話到自己的股票行問清楚, 誰可答到有否分別呢

      刪除
    3. 應該要打去問各自的券商,每間情況可能不一。

      刪除
    4. 我理解是17/3接受要約的話會在26/3收錢,最多如1天處理

      刪除
    5. 正常之前接受了要約的是3月26日退款,然後當有一日時間處理,最遲也應該3月27日入帳。

      刪除
    6. 可惜我有排先番香港!

      刪除
    7. 一通似乎唔肯定所謂退款日期,叫人留意港交所公告

      刪除
    8. 經一通買左2626, 睇黎趕唔到將回水既錢調去耀才孖了, 而且第一日耀才都可能已爆額

      刪除
  32. 請教偉哥,如果間公司由上市一路慢慢跌,第一年有盈利每股41分,派左32分,第2年每股39分,派左35分,公司維持高息政策吸引接貨? 手法似向下炒嗎?

    回覆刪除
    回覆
    1. 要考慮的情況比較多,難以單憑派息去斷定帳目有否造假。

      現在派高息只是代表造假機會較低,並不代表沒有機會造假的,正如本文提及的股份,派高息每股8仙是否代表公司就是清清白白?

      刪除
  33. 回覆
    1. 開始我唔係好知佢炒緊乜

      刪除
    2. 啱啱1.97放晒~
      佢到底賣到幾錢……

      刪除
    3. 佢到底賣到幾錢<<<都未搞掂==""
      我個fd 話有份報紙講1037.

      刪除
    4. 我就是見佢未攪掂都升到咁……

      刪除
    5. 只是好彩~
      而且佢似未升完~

      刪除
  34. 493國美呢兩日都近中午突襲,大家點睇?

    回覆刪除
  35. 1175@1.96,溝上唔溝落。

    回覆刪除
  36. 偉哥,點睇822的業績?我覺得它只是受火災影響的短期結果,根據往績,應該有機會升回高位。

    回覆刪除
    回覆
    1. 其實火災距今已一年多,至今仍未復原,只怕不再是火災的問題。

      撇除保險賠償,仍是蝕錢。

      刪除
  37. 沒有買2333, 3898, 真是超錯

    回覆刪除
  38. 廣發熱到爆,大家真係快d借。
    由於廣發證券市場反應熱烈,HK$3千萬以上申請額於今天優先登記。假如在資金不足的情況下,將按登記時間次序處理,唯申請需於25/03/2015 中午12時前於戶口有足夠按金,才獲優先處理。(公司保留最終決定權)
    From my agent

    回覆刪除
    回覆
    1. 所有中資證券商炒影子

      刪除
    2. 輝仔agent都已經打比我問

      btw,銀行係咪好少爆margin?

      刪除
    3. 以前輝立及耀才爆孖展,我會用中銀,通常熱門大股中銀都有

      刪除
    4. 中銀好少爆margin,我通常都用中銀抽熱門大股

      刪除
    5. 我都有咁做,之前抽中廣核就有用中銀

      刪除
    6. 咁岩凍資日撞正銀行31/3季結, 水源應該冇平時咁充足, 最怕a股復活假期間大插插

      刪除
    7. 確實認購廣發最大風險係長假期。

      刪除
    8. 偉哥, 會否改用現金抽廣發証劵為佳呢?

      刪除
    9. 其實如果用現金抽廣發,即是信心不足,那不如唔好抽;要抽就用孖展,提高資金回報率。

      刪除
    10. 我d錢係晒一通度,要張d錢搬嚟搬去, 至怕到時爆晒又孖唔到:(

      刪除
    11. 記住: 狡兔要有三窟

      刪除
    12. 銀行融資好少爆,聽日睇清楚有開戶的銀行有冇廣發IPO融資,有的話轉去銀行都唔怕遲

      刪除
    13. 作者已經移除這則留言。

      刪除
  39. 睇黎偉哥都差唔多係時候出文分析廣發了

    回覆刪除
  40. 輝立剛聯絡,暫時只可預留到50000股 (ard 900k), 一係就去到$3千萬,要睇聽日反應如何

    回覆刪除
  41. 買入952@0.57 等停牌。

    華富國際指,對有關股評不發表任何意見。此外,於發掘潛在業務機遇之正常過程中,公司可能會不時與其他獨立第三方展開有關可能業務合作及/或投資事項之探索性討論。

    回覆刪除
    回覆
    1. 我有少許保留,因為主要股東趁高在市場減持......可能是唔想散戶入場,不過我都是等有明確消息出才決定。

      刪除
  42. 咁爆發 唔係好事 ~ "玻璃" D錢又返唔切.

    回覆刪除
  43. 之前話炒盈喜的3933,今日$3.39買的$3.81走人

    回覆刪除
    回覆
    1. 8002愈升愈高,走得太早...........

      刪除
    2. 邊個估到下晝愈升愈有 破完4.3無耐家下已經破埋4.4
      我都走早左($4.2)

      刪除
    3. 而家個市搞到人成日賺錢賺得好激氣,8002最高升到4.44,佢咩意思先?

      刪除
    4. 科網股番哂黎la, 3888, 2280, 8002, 上年3月科網股炒到宇宙咁高, 除左qq隻隻科網股一路插足50-80%, 一年後資金番黎炒了??

      刪除
    5. 唔好騙我開心喎.....2280高位20幾元,我仲諗住有10元已經開心死。

      刪除
    6. 連吾知有咩生意做的777都升,資金轉向了,如資金重投科網股,8002爆炸力最強

      刪除
    7. 2280我只諗住8元9元就已經開心

      刪除
    8. 前幾天跌到落6.5元真係派錢,尤幸捱得過冇比人震走。

      最慘是8002上唔返車.....學我所講,3.7元的約會一失約,可能以後都約唔返。

      刪除
    9. 8002我記住偉哥講的3.7,我一直等目標價,約已失了

      刪除
    10. 當時做緊野, 睇唔到, 好再8002補返數, 佢52週高位9.33, 去到$5.8開心死

      刪除
  44. 回覆
    1. 哈哈, 我星期五聽到乜消息同你講先。

      刪除
    2. 偉哥指數追蹤基金正式宣佈新加入1886,變動將於3月24日生效..........

      刪除
    3. 靚女頭像兄果然抄底王

      刪除
    4. 我2.24再增持了半注,目前1.5注平均成本2.3元。

      刪除
    5. 最緊要脚頭好.....

      如果你真係靚女的話,我一定不會吝嗇於給你一個"五星級的擁抱"。

      刪除
    6. 呢段留言唔好比你太太睇到

      刪除
    7. 我唔濟,我都要抱抱

      刪除
    8. 要証實,可能要GATHERING,不過唔好係廁所

      刪除
    9. 在五星級酒店的擁抱??

      刪除
    10. 打咗篇簡介,睇完千萬唔好咒罵我:

      偉哥指數

      偉哥指數是香港股票市場的一個指數,是偉哥投資系列的指數。包含了在香港聯合交易所上市的股票中一籃子具有投資/投機價值的公司。
      指數成份股審核於每年的365日,以確保該指數能反映偉哥動態。

      刪除
    11. 偉哥指數ETF

      偉哥指數ETF,簡稱偉哥ETF(港交所:????,港元結算),這是一支基於Wu Pakio的基金。於2015年,由Wu Pakio有限公司設立,追蹤偉哥指數

      現時持有包括:粵運交通、金寶通、鱷魚恤、慧聰網、時富金融等企業。


      上述全部都係講笑...........

      刪除
  45. 又入返些少361@平均價約0.85

    回覆刪除
  46. 密切留意偉哥2280沽出訊號└(^o^)┘

    回覆刪除
  47. 近排細價股氣氛好,加上手風真係極順,差唔多買乜都升,令我猶豫是否斥太多流動資金抽新股。

    連隻839尾市都升到最高位收,單日已有6%回報,夫復何求?

    回覆刪除
    回覆
    1. 因為2626錢未番,3606又抽走部分資金,我湊錢借錢都勉強夠一大注及一中注,而且盡量不想影響正常買賣,抽完要等出糧才有錢洗。

      刪除
  48. 偉哥, 8002 升得咁急, 全線IT都升, 之前set 既$4.5有無變?
    想請教中線收下息, 3369咩位可入:)

    回覆刪除
    回覆
    1. 4.5是合理估值,但風起猪都會飛上天,自己見機行事。

      至於3369我沒有跟進,無法致評。

      刪除
  49. 偉兄會否大手抽廣發,我就覺得升幅不會太多首日升幅5-15%,又要比10日孖展利息,證券行銀行賺得多過散戶,
    如同注碼分貨一定比1816多,有風險的!!

    回覆刪除
    回覆
    1. 點解分貨會多過中廣核?

      刪除
    2. 我其實已經落左一張30萬股的孖展飛,明天或後天會落多張飛,個額幾大視乎呢兩日可否沽到一些貨套現。

      10日孖展息唔係問題,最大問題是復活節長假,要求神拜佛呢個假期A股唔好冧市,唔係就見財化水。

      刪除
  50. 有無人留意1048新源? 係咪好事近?

    回覆刪除
  51. 偉哥呢度近排丁財兩旺,等我換個頭像沖喜吓自己至得,唔好成日自己牀板夾無聲出。

    回覆刪除
  52. 福耀玻璃 H 股(03606)已於今日中午截止公開發售,市場消息透露,其初步錄得44倍超額認購,凍結資金約336億元,成為今年新股「凍資王」,傳會以上限16.8元定價,集資73.87億

    由於公開發售超購30倍,但少於50倍,故要啟動回撥機制,令公開發售部分增至17.5%

    回覆刪除
    回覆
    1. 可能表示d人留錢抽廣發?猶記得上年12月嗰時中廣核的盛況

      刪除
    2. 有44倍超額已經好過無數人的預期.......昨日早上我話估超50倍,相信好多人都當我的估計是笑話。

      刪除
  53. 蘋果堆2280~
    聽日應會升多浸~
    希望之後唔是見短頂~

    回覆刪除