2015年1月28日 星期三

富貴險中求 - 沽空漢能(00566)


今早小注沽空了漢能(00566)@3.65元,博大升後的回調。

先說說漢能這股。如果我說這股不論是股價、還是盈利都好,都“疑似”被人為操控,相信大家都不會有太大意見。

1. 漢能大股東目前持有公司股權約8成,再加上友好人士的持股,相信街貨肯定沒有2成,股價容易被操縱。

2. 漢能的收入基本上全部源自母公司,故此只要母公司願意,可以輸送極高的盈利予漢能,也因此2013年度漢能的毛利率高達81%、純利率63%,可能比"賣白粉"更好賺。

3. 2013年度收入32.7億元,但應收款高達42.2億元,而且全部與漢能母公司有關,故此2013年度所謂的20億元純利,實際上有幾多成真,相信大家心裡有數。

4.公司過往曾多次被質疑業績造假,於2013年度曾經兩次在3個交易日內下跌超過3成,但最終都可以安然渡然,反映大股東具有一定的財力。

5. 公司股價在最近2個月已上升1倍,市值也達到1500億元。

近幾天見漢能股價大升,已密切留意;今早見股價沖高後回落,加上金融時報似乎會出文質疑該公司,故此決定小注沽空,看看能否坐一轉順風車。沽空的時候沒有留意,原來此股的借貸年利率高達28%,故此是次沽空只能速戰速決,不能拖長,自己打算不論盈虧,都會在數個交易日內平倉。







延伸閱讀:

中国汉能股价上涨让卖空者失算
FT调查发现汉能薄膜存在不寻常操作

David Webb發炮轟漢能


風險提示:沽空仍高風險投機。

262 則留言:

  1. 這隻股有問題,也疑似會爆煲,勁啊偉哥!

    請問邊個機構可以做沽空,券商?

    回覆刪除
    回覆
    1. IB大把貨借。不過要留意這股近期如此升法,很大機會是挾淡倉,我是博挾淡之力已弱,接力沽空。

      刪除
  2. 見到偉哥及網友呢排密執真羨慕,自己又唔想擺太多時間落投資度完全無跟到真浪費。原來無野做都可以好忙咁,東整整西坐坐又一日係咪好浪費呢?唉。

    回覆刪除
    回覆
    1. 真的是富貴險中求.....今早炒一轉570,走遲半步都要由賺錢變蝕錢了。

      刪除
    2. 係唔係有機會集資做果單大deal?

      刪除
    3. 不能排除集資的機會。

      刪除
    4. 對,今早食了三注已準備供股。
      另外0.93入一注1768

      刪除
  3. 566前日3.05入,琴日3.72走得快,都係富貴險中求

    回覆刪除
    回覆
    1. 今早高開後一直觀望,等到開始倒跌就落盤沽空,但因為沽空不能直沽,只能排隊沽,故此改了兩次價才沽到。

      刪除
  4. 偉哥,沖繩真係好合適一家大細去玩嘅地方。

    回覆刪除
    回覆
    1. 去過兩次,十分同意,而且自駕遊也很方便。Derek剛去完沖繩回來?

      如果同日本其他地方相比可能不夠吸引,但對我來說真係好適合度假生活,好好休息一下又不至於太悶。

      刪除
    2. 我最快都要明年先去得,因為今年暑假應家中老人家要求,想參加遊輪團。

      刪除
    3. 旅途中,見到好合適優悠一家老中少又不需要舟車勞頓,而且比我上次去北海道日元匯價有六五折讓又唔駛怕怎麼鍢射,哈哈。

      刪除
    4. 重點是無需太擔心幅射問題.

      刪除
  5. 偉哥如帶小朋友自駕去沖繩, 我可介紹一些小朋友必喜歡的地方, 最重要是大部份唔使錢

    回覆刪除
    回覆
    1. 可否分享一下,我也準備會去沖繩,謝謝﹗

      刪除
    2. 期待paradox兄分享一下.謝

      刪除
    3. 網友們包括我在內,都很有興趣,不如paradox, derek及浩然都寫返篇沖繩遊,等我周未的時候另文刊出,比大家參考下。

      刪除
    4. 好!難得大家都有興趣,我寫寫自己的遊歷,寫好就寄去偉哥你的email, 因這週工作有點多,預期應該星期五晚搞定。

      刪除
    5. 先謝謝分享,周未大家暫時放下股票,看些輕鬆的內容。

      刪除
    6. 請恕遊記真的是沒時間寫了,但偉哥或網友有興趣,我可以把以前的自駕行程表與大家分享,當中有很多的Link及電話號碼。近年去日本都是自駕,方便帶小孩。
      311後我比較多去的是沖繩、九州和北海道。所以都通常上網搵啲適合小孩玩的地方(非迪迪尼個種),這些在旅遊書是搵唔到的。


      ***
      日本沖繩-兒童設施推介

      日本真是一個兒童為本之地,其實有很多兒童免費設施,是非常好的,並非是香港那種人造五彩繽紛的,而是有不少原始實本的東西, 我正大量搜集, 另有小許福岡及北海道。

      1. 南部西崎運動公園親水公園(超長溜滑梯)
      http://whymelon.pixnet.net/blog/post/39392507-%5B2013%E6%B2%96%E7%B9%A9%E4%B8%83%E6%97%A5%E9%81%8A%5D%E8%B6%85%E9%95%B7%E6%BA%9C%E6%BB%91%E6%A2%AF--%E8%A5%BF%E5%B4%8E%E9%81%8B%E5%8B%95%E5%85%AC%E5%9C%92

      2.舊海軍司令部壕公園 酷司拉等級的巨大溜滑梯
      http://whymelon.pixnet.net/blog/post/39392599-%5B2013%E6%B2%96%E7%B9%A9%E4%B8%83%E6%97%A5%E9%81%8A%5D%E8%B6%85%E9%95%B7%E6%BA%9C%E6%BB%91%E6%A2%AF--%E8%88%8A%E6%B5%B7%E8%BB%8D%E5%8F%B8%E4%BB%A4%E9%83%A8%E5%A3%95

      3.Dragon Slide Park
      http://okinawahai.com/2013/09/dragon-slide-park.html

      4.Pirate Ship Park 
      http://okinawahai.com/2013/09/pirate-ship-park.html

      5. Agarihama DinosaurPark
      http://okinawahai.com/2013/07/agarihama-dinosaur-park.html

      6. 南風原町にある本部公園がリニューアル!
      http://www.okinavita.jp/?module=CMS&page_id=479

      7. 奧武山綜合運動公園(超長溜滑梯)
      http://blog.yam.com/Watson08/article/81474834

      http://namie52000.pixnet.net/blog/post/49846186-%E2%9D%A4%5B%E7%8E%A9-%E6%B2%96%E7%B9%A9%5D%E8%AE%93%E5%B1%81%E8%82%A1%E8%91%97%E7%81%AB%E7%9A%84%E6%BA%9C%E6%BB%91%E6%A2%AF%E3%80%82%E5%A5%A7%E6%AD%A6%E5%B1%B1%E5%85%AC%E5%9C%92

      8.BIOS山中森林(ビオスの丘)-收費
      http://www.bios-hill.co.jp/

      歡迎大定分享!

      刪除
    7. 浩然兄, 好似偉哥冇車牌架, 遊歷行程要加插自行搭車安排.

      刪除
    8. 踩單車得唔得? 我全家除了細仔之外,全部識踩單車。

      刪除
    9. 偉哥, 我上午已post. 唔知是否太多Link去咗Spam?

      刪除
    10. 被遺失的留言重見天日了。

      刪除
    11. 沖繩比較大,南中部要3個小時揸車。但係好啱同小朋友去,特別是海洋博丫。四時後去有特價。

      刪除
  6. 566,炒到上1500億好誇張,似足以前有隻276。

    回覆刪除
    回覆
    1. 566可以打入香港熱炒股的歷史記錄。

      刪除
    2. 當年276好似炒到約1千億市值,566應該是破了紀錄......如果不計330的話。

      刪除
    3. 還記得當年由紅發集團變身鉑陽太陽能,由$0.0X開始炒上。

      刪除
    4. 我有玩紅發集團的套利, 當年好似1元多全購。

      刪除
    5. 當年紅發老闆唔掂,透過供股賣殼予金利豐,供股價也忘記了,但應該是$0.0X,所以當年賺得最多的是金利豐朱生。

      刪除
    6. 金利豐應是第2手了, 當年第1手賣出去記得有做現金要約的

      刪除
    7. 咁應該是再前D了,後來紅發變鉑陽係無GO的,直接宣布引入太陽能項目,即由仙股炒至兩亳以上。

      刪除
  7. 回覆
    1. I got it at 0.7 last year
      Too bad

      刪除
    2. 我溝溝下貨,平均成本也是0.7元。

      人地國內土豪可以將一隻假到不能再假的股票炒到千幾億市值,好心曹醫生學下人地的魄力,唔好咁冇大志,成日將D股票越炒越低,賺唔到大錢的。

      刪除
  8. 作者已經移除這則留言。

    回覆刪除
  9. 1285,今日大成交再升,有睇頭。

    回覆刪除
    回覆
    1. 幾個月前3.6渣到現在,還有人有貨嗎?

      刪除
  10. 566 已經冇貨借,是否好多戰友借左好多 haha

    回覆刪除
    回覆
    1. 今早我沽的時候是數百萬股可供借出沽空的。

      刪除
    2. 偉哥一聲浩令,空軍全力出擊

      刪除
  11. 3399終於公佈了併購汕尾汽運。

    http://www.hkexnews.hk/listedco/listconews/sehk/2015/0128/LTN20150128090_C.pdf

    回覆刪除
    回覆
    1. 就等什麼時候再出盈喜。

      刪除
    2. 我日日都看住希望最遲下星期內

      刪除
  12. 偉哥,

    早前的 Investment Trust 的討論引起唔少blog友關注
    我昨晚整理過將相關保障投資者的資訊,都傳送予你email

    內容會比較詳細豐富,篇幅較廣;偉哥可以先行參閱消化,
    或者遲下會否介意在這裡公開?

    可能Investment Trust 對於大家來講比較新鮮,大家少接觸;
    內裡的機制,shakeholder、保障等等都比較多疑問
    相信各BLOG 友比較有興趣深入了解,希望詳細講解過後,更能引起大家興趣,
    甚至釋除潛在想參與Investment Trust 的blog 友的疑慮。

    回覆刪除
    回覆
    1. 收到了,其實也應該是可以公開的資料,故此我轉載如下:

      -----------------------------------------------------------------------------------------------------------
      Wai Gor,關於投資者保障方面,可以有更多資訊同客戶分享,同時給予你一些 Additional Information:

      SFC 有提及到相關的投資產品及認可,當中包括Unit Trust。
      每一種Investment Trust 相關條款,在發行之前,亦需要經過嚴格審核及認可、及核准。
      特別係「保本」呢類型字眼不能亂寫,如果只要有機會履行唔到保本條款,無法保障投資者,SFC 都唔會批。

      而且 Lehman Bro's 出事,內裡其實亦涉及唔少不當銷售手法,有誤導投資者之嫌。
      應該咁講,每一個Financial Crisis 都係一個經驗,經一事長一智,建立一個全面機制去保障投資者,為的都係避免同類型事情發生。

      =======================================================

      關於「保本」,2004年曾經有個經驗,強積金計劃其中一個要選的Criteria 有「保本基金」;
      有投資保本基金的投資者,在周年報表發現基金出現虧蝕,揭發「保本基金不保本」,質疑名稱有誤導之嫌。
      強積金計劃中的保本基金多年前被揭因負回報出現虧蝕,引起各界指摘「保本基金不保本」,名稱有誤導之嫌。
      積金局經仲要長達五年去考慮,2009年十月才落實將「保本基金」改名為「強積金保守基金」。

      後來積金局解釋,「強積金保守基金」的投資目標為賺取與銀行港元儲蓄利率相若的回報,但其表現亦可能受到利率波動影響,回報亦可能追不上通脹,甚至未必錄得正回報。

      自強積金制度於○○年十二月實施以來,該項基金截至今年六月的平均累積回報為百分之一點四,而基金佔二千六百億元總資產值比例約一成半。

      我個人認為啦,雖然決定將保本基金改名,但仍然要需註明並不保本。

      =================================================

      在香港公開發售的投資產品
      證監會的認可程序包括審閱要約文件,有時亦會檢視產品的結構特點,以確定產品是否符合若干持平的準則,及有否披露所需資料。 獲證監會認可的產品,不代表適合你或其他投資者。

      根據證監會推出的《操守準則》及各項指引,銷售產品的中介機構有責任按照你的個別情況向你解釋產品的性質、風險範圍及適合你的原因。

      詳情可點閱瀏覽證監會網頁

      http://www.sfc.hk/web/TC/regulatory-functions/products/

      =================================================

      附件有關於約束信託、受託人條例、SFC、及相關的法例。
      都係保障投資者的相關參考資訊。

      * 有興趣的網友可以電郵向POON索取相關附件參考。

      刪除
    2. 偉哥,

      另外私募基金的領域入面,又會分唔同的Criteria,同一般作公開邀約、發售的基金、股票、結構性產品等等的投資工具有少許差異;規管架構同機制又會不盡相同。

      所以作任何投資決定或者投資產品之前,一定要多作了解背景、機制、保障,以及多做功課;歡迎向我索取更多資料。

      刪除
  13. 偉哥竟然借貴利???

    據了解,566的大老闆在國在是有政治勢力人士。

    但望你成功,直得望呢個時候566被混水出報告,股價插水數天兼終身停牌。

    回覆刪除
    回覆
    1. 那唯有寄望習主席出手打貪....

      刪除
  14. 3822,1.44再沽出1/4,餘貨零成本了。

    回覆刪除
    回覆
    1. 師兄近來強橫~
      恭喜得心應手~

      刪除
  15. [公司报告] 粤运交通
    http://www.eif.com.hk/EssenceWebsite/htdocs/ResearchReportManager/get_file.php?file=2273&dl=0&t=1422425695

    回覆刪除
    回覆
    1. 謝謝轉貼報告。

      原來撰寫此份報告的分析員是在香港,有機會與她交流下。

      刪除
    2. Welcome 偉哥! I just share what I read and really appreciate your effort and investment philosophy!

      刪除
  16. 2788出盈喜果日無乜升,今日又無端端大成交升

    回覆刪除
    回覆
    1. 因為當時公司盤數仍未知實際增長幾多....但今天己應該已埋左數,知道實際盈利情況。

      春江鴨出動。

      刪除
    2. 明白!
      希望可以升番上次高位。

      915又黎過

      刪除
    3. 2788估計盈利0.1,3月底見1.1,1196今天大升17%,不知么料?

      刪除
    4. 我覺得EPS 0.1元會稍為樂觀,我自己估EPS 8仙左右,派息會維持約100會派息。

      刪除
  17. 微注買入1262@0.81,昨天0.84買不到,估唔到今日被我低幾格買到。看看聽日可否有回報。

    回覆刪除
  18. 減持了一半1037@1.16,鎖定利潤,目前持貨成本拉低至0.95元。

    剩餘的就等賣盤結果了。

    回覆刪除
  19. 請問偉哥沽566有冇設止蝕位和有設的話,甚麼因素去定沽一隻創歷史新高股票的止蝕位?

    回覆刪除
    回覆
    1. 注碼細,不設止蝕位,但這次借貨利率是28%,故此也不能拖長,就博幾天而已。

      平常不會因為創歷史新高而去沽空某隻股票,只是這隻極品玩到咁盡,一於看看有沒有沽空機構會郁手;再者一隻市值已去到1500億的股,之前已2個月升1倍或3天升25%,即使沒有沽空機構郁手,本身也是極度超買,有回調壓力。

      刪除
    2. 我雖未試過沽空,但覺得沽空應留心幾件事:-

      1. 留心貨源是否嚴重歸邊,因為太容易一夾就上,應留意CCASS變化;
      2. 應等其爆煲才追沽,如從歷史高位跌下15%才追沽,勝算較好;
      3. 與其有信心短時間內會大跌,倒不如用衍生工具代替(如有合適的選擇)。

      沽空肯定不是新手宜做的事。不過偉哥肯定不是新手,絕對Handle到。

      刪除
    3. 至怕呢D問題股,一跌就是爆煲、停牌,無從追沽。

      小注就沒有壓力。

      刪除
    4. 多謝偉哥指教。好多人不明白用注碼控制風險的道理,一提起衍生工具就避之則吉。散戶勝在轉身靈活,不擴闊眼光活用各種工具豈能發揮散戶優勢。

      刪除
  20. 講開1225,幾個月前有位人兄在QQ狂推,話自己認識幕後莊家及老闆,話除淨後會抄上$2,當時該QQ群組有不少人信了入了貨,到現在才知道該人兄原來是搵苯,而最近在QQ群組消失了。
    不過對偉哥,我是十分尊重因為你是從個別股票基本因素分析,但1225可能就算恆生指數升到26000點,但在莊家控制下可能$0.5也不保。

    回覆刪除
    回覆
    1. 剛見了這個留言在垃圾箱,撈返出來。

      我是不認識任何莊家或幕後老闆,如果我認識曹醫生的話,我一定會勸佢學學李首富......不是指香港的李首富,而是指國內新晉首富,即566的大股東。雖然我是沽空了566,但對於李首富的的能力及魄力是十分之佩服的。

      試問香港的莊家、老千,有誰有能力可以將一隻空殼推到1500億市值,也令自己打低馬道長,登上全國首富寶座?曹醫生,想在股壇名垂千古的話,就學學李首富。

      刪除
    2. 大陸既首富,俾你都唔好做啦!

      刪除
    3. 我早前說1225要破吓地獄, 又怎會咁快返回人間呢!不如炒3886先. 有許家驊呢.

      做大陸土豪都好喎, 開架500萬Ferrai, 仲要求求其其泊係街就算.

      刪除
    4. 李生將自己推上了中國首富的寶座......就看會不會槍打出頭鳥。

      又令我想起上年的呂首富。

      刪除
    5. 1225個賤莊似會繼續壓價,有貨在手的要有心理準備股價再試低位.

      刪除
    6. 賤莊就算唔壓價, 悶你一年半載已夠, 我冇貨.

      刪除
    7. 作者已經移除這則留言。

      刪除
    8. 653例子在前,低處未算低...........

      就算要學566,總要先用廢紙價收貨收到貨源歸邊,到時向上炒先容易、賺得多
      566以前都有試過廢紙價

      刪除
    9. 其實康健都有類似566的做法,不過再做得隱蔽d,3886就係廢紙價收夠貨再不斷炒上去

      刪除
  21. 回覆
    1. 最尾一分鐘先掃貨,好賤。

      刪除
  22. 大家點看樓市,上年我朋友放棄炒股轉去買樓收租及等升值,他們已持二單位,最近再入第三個,我好言勸他不要再加大樓按,他可能這2年還好,樓市是較長缐投資,如果樓市掉頭向下及加息,他會面對租值下跌及每月還款額上升,同時細價樓已慢慢升到脫離群眾供款能力上限,我覺得樓市如566一樣估值已不合理,只是看看幾時掉轉頭,但他反而話我阻住佢賺錢,其實我只是覺得值搏率一般,升可能有十幾個%,跌可能30-40%,同時風險很大,但始終他不聼,可能第一,二間樓已升到有錢賺,所以勝利衝昏頭腦。他反話我保守賺不到大錢。希望係樓市下跌前他可脫手,祝他好運。

    回覆刪除
    回覆
    1. 現價仲入市炒樓,真的是貪勝不知輸。

      刪除
    2. 忠言逆耳、九七前有朋友炒樓賺到不知死活、加碼又加碼最高有七層、人是最貪得無厭、一個風掃落葉變一無所有、股票也一樣

      刪除
    3. 我14年8月至12月都keep住睇樓, 全部業主都開天價唔閒賣.... 偏遠地區實呎都要過萬, 價格根本唔合理

      我純以炒賣角度睇, 向上水位跟本唔多, 又何必呢刻搶樓呢. (不過 以上果位ching, 每人炒賣觀點不同, 人各有志.)

      刪除
    4. 買樓要睇時機,2012年後已經過左時機

      刪除
    5. 現價從炒賣角度來看,根本無值博率;自住而又資金充裕的另計。

      刪除
    6. 大跌前先瘋狂屢見不鮮!有人云麵包價不會平過麵粉價的、大錯特錯啦、當走鬼時會平到你唔信。
      講古:在67年暴動時、有人在尖沙咀樂宮樓打工、有位小股東走鬼、以極低價賣股、有人辭宮歸故里、他趕科場后來發了達

      刪除
    7. 問下各位高手+waigor, 如樓市跌幾多, 會入市呢??

      刪除
    8. 我如果再買樓的話,那肯定是作為炒賣或投資之用,最少都要跌返去2013年的水平,即現價跌1/4左右才考慮。

      刪除
    9. 租金回報高D(around 4.5%-5%)先考慮

      刪除
    10. 呢兩年住宅樓除左劏房,都好少租金回報有超過4%的,反而工業樓上年都仲有。

      刪除
  23. 股榮講阿里影業1060「就算點有錢,都唔會同錢作對,不會無緣無故送畀你~~~因此馬雲用六十二億元入股文化中國六成股權,背後一定有後着,只是時間問題~~~」

    就算「連串不利消息先浮面,先爆出收購前的會計或存在不恰當財務訊息的處理行為,然後資產減值準備不足並延發業績,甚至曾停牌四個月。面對如此不利因素,」

    我都沒淆底離場。

    回覆刪除
    回覆
    1. 而家返家鄉未? 定係帳面已有利潤?

      刪除
    2. 我低位入, 已有利潤

      刪除
    3. 阿里巴巴比工商總局批評,如是其他公司,股價已急跌,馬雲確實同中央高層關係𣎴錯,今次還反撃。
      工商局日前公開一份文件,列舉五宗罪,直指阿里監控網購平台不力,阿里罕有高調反擊,指名道姓稱負責今次調查的司長劉紅亮「程序失當、情緒執法」。更令人意外的是,文件透露假貨調查早於去年7月已開始,惟阿里上市前卻沒有在風險披露提及,有市場人士擔心或牽起訴訟。

      刪除
  24. 噚日留意隻半新股, 今日破頂, 可惜冇錢入, 唉!

    回覆刪除
  25. 888盈警,跌幅主要由於市場(特別是零售業) 的需求減少,看來零售業仍未轉勢
    不考慮截至 二零一四年十二月三十一日止年度出售其他金融資產盈利約港幣 32,200,000 元,以及於截 至二零一三年十二月三十一日止年度內一次性撥回其他金融資產減值虧損港幣 25,600,000 元,預期本集團截至二零一四年十二月三十一日止年度之經營盈利,比對截至二零一三年 十二月三十一日止年度之經營盈利港幣 83,000,000 元,將大幅減少多於 45%。而預期本 集團截至二零一四年十二月三十一日止年度之盈利,比對截至二零一三年十二月三十一日 止年度之盈利港幣 108,600,000 元,將減少約 30%。跌幅主要由於市場(特別是零售業) 的需求減少導致收入減少,成本增加以及由於人民幣兌港幣貶值而產生約港幣 5,000,000 元之匯兌虧損。

    回覆刪除
    回覆
    1. 如果呢間野唔係九巴做大股東,而是私人的話,應該已經當殼咁炒。

      刪除
  26. 偉哥觸角確係先人一步,連金融時報都出報導,看看今天566跌多少。
    市值近一千五百億元的漢能薄膜發電(566,HTF),自去年九月起股價累升近兩倍。股價飆升早惹來質疑,昨日英國《金融時報》就以頭版外加整版報道,質疑HTF的收入過份依賴母公司,並發現其母公司廠房的使用率極低,仍在蝕錢,財務狀況與其向HTF採購的規模完全不相稱。

    回覆刪除
    回覆
    1. 金融時報全文如下:

      漢能崛起的背後
      http://big5.ftchinese.com/story/001060375?full=y

      刪除
  27. 估計1225 莊家相信有睇呢個論壇,見大家唔投降佢會繼續向下抄。
    但真的估不到,細王生主持後 ,公司會變成康系股⋯

    回覆刪除
    回覆
    1. 如果真有莊家在此,我鬥氣地向你說聲:我不會投降。

      刪除
    2. 大家等迫爆股東大會。

      刪除
    3. 死得啦!跌到5月會唔會成仙架

      刪除
    4. 除非1拆10啦,否則跌到1毫子以下,市值得返7千幾萬.......大家夾錢買起D街貨,挑戰康健。

      刪除
    5. 使乜夾呀!偉哥出手,单挑康健,
      做大股東打救我地班“信徒”

      刪除
  28. Magnum(02080.HK) 0.000 (0.000%) 今早停牌,待發出有關收購及合併事宜之公告。(ph/w)(報價延遲最少十五分鐘。)

    ?!?!?!?!

    回覆刪除
    回覆
    1. 呢個市道,幾億市值的上市公司,有邊間冇比人問價賣唔賣。

      刪除
  29. 將醫生系列股票列出,大家小心,不好幫此系。

    回覆刪除
  30. 嗚嗚的!恆指迫近15000點似好風光、個倉多是散户至愛的二三線炒股,跌到落近年低位、無心機真失敗!同病相憐股友有不少啦

    回覆刪除
    回覆
    1. 唔好話散戶,很多名牌基金一樣.....上年黃國英、林少陽甚至長勝將軍劉國傑都一樣遭遇滑鐵盧。

      刪除
  31. 恆指如果真係去到15000點……相信大家都会好頭痕(╯з╰)

    回覆刪除
    回覆
    1. 我會高興多過頭痕。

      刪除
    2. 大跌市,輸死的永遠都是不注重風險管理及實力差的投資者.......

      對於有實力的投資者,每次大跌市都是重大機遇。

      刪除
    3. 同意……但對於不會沽空的我,可以賺錢的機會少左好多。

      刪除
  32. 2788 異動. 睇來吾似盈喜咁簡單. 玩左成年. 未見過市前有成1.7m買盤.
    下面買盤又排滿. 有機會賣盤嗎?

    回覆刪除
    回覆
    1. 絕對有機會的。

      而家D細價股,只有炒賣殼的才會升。

      刪除
    2. 睇CCASS有異動,有9千萬股從証券行提走左。

      刪除
    3. 2788 上個月中買,asset play,同1225一樣滿手現金,兼有盈利派息,唔賣殻都有得守

      刪除
    4. 尋日走黎走去,賣左1037,入左6866,轉頭又賣6866,最終入左2788。

      刪除
    5. 講開CCASS,567同樣有異動,上年10月有9千幾股(相當於19.58%股權)由HSBC轉左去UBS。

      有時候CCASS的變動是公司股權有變動的先兆。

      刪除
  33. 偉哥有預設出貨目標價嗎?

    回覆刪除
    回覆
    1. 目前沒有,看看有什麼消息先。如果炒賣殼的話,仲有排炒。

      刪除
  34. 回覆
    1. 只差一點點就放到,本身SET 左 1.3 放,依家回到1.2。

      刪除
    2. 幾次都係咁, 就破高位就倒跌。

      刪除
  35. 195 all sold @1.29
    多謝偉哥!

    回覆刪除
  36. 今早以平均價$6.86買入811新華文軒,近日再炒上,可能有心人搏A股上市價靚D,或者上市有眉目。

    回覆刪除
  37. 偉哥及各位接受了要約的711朋友,請問前排通告說,鼓勵未接受要約($0.181那部份)再考慮,對於已接受了這部份的要約的人,是否不會因是次通告而影響收款的日期?

    回覆刪除
    回覆
    1. 不會,2月初會收到款項的。

      刪除
  38. 今早又買入兩隻潛在殼股 - 280及518。

    280昨天收市前一分鐘有鬼崇買盤掃左40幾萬股,博人睇唔到,似是春江鴨,故今早1元入了小注,博高風險高回報。

    518賣完物業、派特別息,再加上前排又賣了蝕錢的附屬公司比自己人,似是執乾淨間公司,有賣殼的可能性,先入一注做倉底@1.2元。

    回覆刪除
    回覆
    1. 今次唔講有盈利就任性, 而是現金多左, 就比較任性。

      刪除
  39. 2626已經有3隻基金進駐,其中一隻為全球第十二大對冲基金,最後入貨價約$4,似乎係鐵底。以$4入貨計,兩個月坐收5%,年化30%,對冲基金借平錢買入,坐定定賺到笑。

    回覆刪除
    回覆
    1. 基本上在投票前都一定會有折讓,而5%折讓已差不多是反映私有化成功機會極高.....但相信折讓再縮窄機會不大.....故此不如等3月初才大手買,節省一個多月的資金成本。

      刪除
    2. 沽711後有資金要泊岸,等不了,相信基金入局會隨時間將折讓慢慢收窄,呢注資金有超過15%回報,十分滿意

      刪除
  40. 回覆
    1. 真失敗!上次3636跌到落23.45元執了一注、升到26.8元我心諗價仍殘會見ipo價,見而無賺。矣舊夢重溫見番23.45元!又無聽書有執都唔賣。

      刪除
  41. 偉哥, #1382昨日有大手成交上版, 個人覺得值得留意

    回覆刪除
  42. 偉哥,因為我都用 IB 的,想學習沽空,想請教 IB 那裡可以睇到借股的年利率?是否每一隻可沽空股票的借貨利率都不同?還有樓上有師兄提到希望 #566 停牌,但若果借了貨沽空,停牌又買不回正股還給它,是否要局住比利息?那麼停牌可能是沽空者的最大風險?

    回覆刪除
    回覆
    1. Hello 投資達人, hope this help.

      You can add a "Shortable" column in your IB trading platform (TWS), then when you move your mouse cursor on that shortable field of 566, you will see a pop up with "Fee Rate: 28.75%"

      To add a column: (File menu >> Global Configuration >> Trading Tools >> Quote Monitor >> Pages)

      刪除
    2. 選 "insert column", 然後選"short selling", 當中有幾個選項,視乎你要什麼訊息就加進去。

      每隻可沽空股票的借貸利率都不同。如果停了牌,而且是無限期停牌的話,相信是在場外找人買回正股以還貨,相信到時應該有不少人肯以折讓價賣給你的。這點我還要找人確認。

      刪除
    3. 謝謝偉哥和 Fung Lau 兄指點,IB 平台真係好用,有好多資訊

      刪除
    4. Is a powerful platform but abit complicate to start with. This is my first post in WaiGor's blog. Hope this help. ^__^

      And thanks for WaiGor Sharing.

      刪除
    5. 咁一不離二、二不離三,有時間就多些參與討論。。

      刪除
  43. 回覆
    1. 今日成交好厲害,唔通有春江鴨?

      刪除
  44. 作者已經移除這則留言。

    回覆刪除
  45. 回覆
    1. https://www.interactivebrokers.com.hk/ind/cn/main.php

      刪除
  46. 1225幾時穿0.50呢?我想買少少呀!

    回覆刪除
    回覆
    1. 等緊0.4重新入番d.........................................

      刪除
    2. 等埋兩位加入做股東,結伴去股東大會。

      刪除
    3. 夠胆跌倒0.01我預total loss同佢死過

      刪除
    4. 感到呢隻股好大怨氣,善哉善哉!

      刪除
    5. 我好少同老千過招,今次攞下實戰經驗。

      刪除
    6. 其實有D好玩架,有時睇下D供股呀、配股、向下炒呀,捉下佢地D路呀!有機會攞D例子一齊討論下啦!

      刪除
    7. 美其名叫: 豐富我的炒股經歷。

      刪除
    8. 我覺得財技股係有D費力的,所以我也很少特登去捉,只是有時看到其他人有寫留意一兩隻而已。鍾意玩財技個D人連DT都申請埋,我就無咁神心勒!

      刪除
  47. 566 會唔會又築吓底再上?

    回覆刪除
    回覆
    1. 有機會架, 呢幾日唔跌我都平倉啦。

      刪除
  48. 今天舊愛殘股都湧上,15 & 872

    回覆刪除
  49. 其實我今日最想入156@0.255,信我,今次會長楂的!

    回覆刪除
    回覆
    1. 唔知仲要等幾耐.......等到頸都長。

      刪除
    2. 你仲未放?等唔緊要,最緊要唔好跌就得架勒。

      刪除
    3. 未啊,都有些灰心。

      刪除
    4. 咁快灰心?等我送你一個Pandora's Box。

      刪除
  50. 剛才平了566@3.64,剛好抵消手續費,連餐茶錢都賺唔到。

    回覆刪除
    回覆
    1. 嘩!有無快成咁呀大佬!要封你為我偶像呀!等多幾日都得呱!

      刪除
    2. 息貴,唔同一次沽空3888,年利率得2%多,而家係28%。

      買上去個勢似又要再挾過,等機會再突襲。

      刪除
    3. 今日大市跌都唔借勢落,呢啲股一兩日博唔到就算吧啦。如果真係築底,爆第一日可以試吓入,通常第二日都重有。

      刪除
  51. 3399又上返來,跌唔落,希望快D出埋盈喜,雙喜臨門。

    大家可能會覺得買間蝕錢的汽運公司返來,對盈利無幫助,如果咁想的話,不如再看看我上年9月寫的調研報告,看完應該知道為何呢單收購係喜事。

    回覆刪除
  52. 偉哥快諗定下個題目啦,又要開啦 XD

    回覆刪除
    回覆
    1. 如果3399今日出埋盈喜,就開題:雙喜臨門。

      刪除
    2. 出盈喜會唔會反而回吐呢?
      醜既唔靈好既靈!

      刪除
    3. 作者已經移除這則留言。

      刪除
    4. 如果佢發盈喜話全年盈利升6成、甚至7成,咁你話估值有沒有上升空間?

      呢個只係比喻而已,不要當真。

      刪除
  53. 哈哈! 連我呢D跟左偉哥成年,
    但做足一年CD ROM既信徒都走出來R水吹,
    想唔爆都難

    回覆刪除
    回覆
    1. 難怪好似以前唔覺你發言。

      刪除