2014年12月16日 星期二

大變在即的隆成(01225)

大變在即的隆成,變的不只是業務,還有的是管理層,甚至乎是股權的變動。

有留意此股的網友相信都清楚,隆成已將原本的核心業務出售,名義上將轉型發展醫療業務,並且已取得相關的製造及出口醫療業務產品必需的許可證,為轉型踏出第一步。

管理層的轉變方面,公司董事局的成員近一年來已接近面目全非。
一年前董事局的成員包括:執行董事黃英源先生、黃陳麗琚女士及陳俊傑先生,以及獨立非執行董事林伯華先生、黃志煒先生及陳世峰先生;

一年後董事局的成員是:執行董事黃英源先生 、陳俊傑先生、黃琛凱先生 (新) 及黎健聰先生(新),以及獨立非執行董事黃志煒先生、麥光耀先生(新) 及葉建新先生 (新)。

當中新入局的包括黃琛凱、黎健聰、麥光耀先生及葉建新先生,其中麥光耀及黎健聰更明顯是“財技人”,難道現在發展醫療業務也需要財技的配合?

股權的變動暫時未見,但大家可以留意中央結算系統的持股紀錄(CCASS)變動。我們很明顯地觀察到:

1. 相信屬於公司大股東持有的1.48億股於11月25日由CTBC ASIA 轉倉至CONVOY (康宏),而巧合地公司非執董麥光耀先生也同時是康宏的董事,兩者是否巧合?於同日,有共949.8萬的持股由凱基及結好轉倉至福財證券,而該持股剛好於上星期五落井下石,全數於市場沽出,一股不剩。

2. 相信屬於公司第二大股東持有的9680萬股先於9月8日由匯豐轉倉至UBS,再於12月9日由UBS轉倉至永鋒證券,而隆成除息後的兩個交易日大成交下跌,最大買家俱是永鋒證券,兩天內合共增持約1500萬股,又是巧合?

3. 前兩天大成交下跌沽貨最狠的兩大券商是TRINITY FINANCE及ASTRUM CAPITAL,分別沽出1763萬股及945萬股,而非常巧合的是這兩間券商的持股是分別於今年的3月17日及18日由CTBC ASIA (即大股東原本存倉的券商) 及 TUNG SHING轉入,兩者選擇同時在除息後沽貨是否巧合? 又與大股東有沒有關連?

已持有隆成的小股東,目前比較好的消息是:1. 主要沽家方面,目前只餘下元大證券尚有約900萬股未沽清;2. 永鋒證券在市場大手吸納;3. DAVID WEBB相信於除息前夕增持50萬股及於上星期五再增持80萬股。

隆成出售原有的核心業務,名義上想轉型發展醫療業務,但同時管理層大變動,引入財技人士,而不是行業專才,是否真的想發展醫療業務,還是另有所圖?再者,公司股權最近頻頻轉倉與異常的沽售之間有沒有關連?

我自己相信隆成是將有大動作,主觀願望是向好的方向看,公司股權可能轉手及股價將有所炒作;其次,以公司目前持有每股淨現金約1.08元來看,目前股價是不合理地低,即使公司不是賣殼、而是認真地發展醫療業務,目前的估值也是非常不合理。

再者,公司兩大股東目前表面上持股只有約33%,如果私下沒有持股的話,那其實是有機會被狙擊的,大戶們不妨參考2002年禹銘狙擊中巴(0026)的技倆,向小股東們提出自願現金要約,如果取得過半股權的話,將承諾向所有股東派發全部現金作為特別股息,相信是有機會成事的。

286 則留言:

  1. 支持偉哥充滿誠意及有質素既文章!

    回覆刪除
  2. 偉哥, 呢隻野唔太機會賣盤, 除非有人向下炒係為左收貨, 五億既殼係正常價但貨源唔集中, 如果大股東有七成股份就有機....

    回覆刪除
    回覆
    1. 其實我唔信大股東枱底下沒有持股.....如果沒有的話,真係有機會被人狙擊。

      刪除
    2. 假如新董事局係為左防止公司被狙擊, 即係話佢地手頭堅唔夠股權而真係有人想狙擊佢地。係驚佢地供股又幾合一之類....

      刪除
    3. 如果佢地股權唔過半,想要合股、供股都要過小股東及DAVID WEBB個關,不是太容易。

      明年5月的股東會,大家記得要反對容許公司有配股權,因為咁多現金係手,根本無集資的需要。

      刪除
    4. 同意, 大股東應有其友好幫手鞏固控制權.

      但如大股東真的有意賣殼退場的話, 那找個財技Advisor, 應無必要找個財技人做執董.

      刪除
    5. 到時睇偉哥頭, 大家聯手反對配股權.

      最好逼到公司派息 :D

      刪除
    6. 如果到時情況仍未明朗,我肯定會呼籲大家投票反對配股權,甚至連董事的委任也一併反對.

      刪除
    7. 作者已經移除這則留言。

      刪除
    8. 伟哥估计到时能有多少反对票?

      刪除
    9. 如果公司在明年股東大會前都沒有配股的話,我相信其下次要再取得配股授權不容易過到關。

      刪除
  3. 好多謝偉哥的拆局分享,充滿營養,要多學習,謝謝!

    回覆刪除
  4. 我想像, 兩大股東有感公司控制權不穩, 引入財技人士做執董, 防範狙擊.

    回覆刪除
    回覆
    1. 5億市值裏面裝住8億淨現金, 的確會令人垂涎三尺

      刪除
    2. 引入兩位財技人士,再加上一位不明來歷的葉先生,不知為何我覺得間公司已有變了天的感覺。

      刪除
    3. 同意, 是變天了, 希望是好的方向...

      希望不會財技到變了永義國際...

      刪除
    4. 康健入主,以康健系玩法,最終一定令小股東受損,只係望過程當中可以有令散戶賺錢的事出現

      刪除
  5. 350股價一上就比人勒住

    回覆刪除
  6. 偉哥
    大變在即的隆成、大股東持有的1.48億股轉倉至康宏(1019)、麥光耀先生也同時是康宏的董事、隆成想轉型發展醫療業務、康健國際(03886)也是康宏(1019)的大股東。真是有千絲萬縷的關係。
    康健國際近月股價微跌1亳多、康宏就由1.0插入0.7近年新底位。此系一貫是玩財技、給人有老千股感覺、隆成轉型相信與康健國際和康宏等一定有影響的、或溶入此集團擴大?康宏會否壓價收貨、用公仔紙收歸隆成!趁消息炒高呢、當然隆成會變是考慮買入對象!請偉哥再分析拆局、謝謝

    回覆刪除
    回覆
    1. 最先入局的麥光耀應是這盤"棋"的關鍵人物,而其與康宏及康健的密切關係也令人聯想到最終入主1225的可能是康健,只不過如果只是兩位大股東的33%持股轉手,康健應該不會滿足,也因此要通過財技增持股權或者在市場買貨。

      麥光耀之前任中國手遊(8081)的執董,最終康健也參股中國手遊,似乎麥生是康健的先頭部隊,負責佈局。

      刪除
    2. 偉哥
      那今次除息後壓價,是否想令散戶放貨比他們増持?之後又真有可能通過配新股増持?還有甚麼財技可增持?我等散戶有機會坐完過山車才到終點獲利.大家要扶穩,請指教。

      刪除
    3. 隆成今日抽升少少、相信它暫時不會大小動作的、明年吧!大市玩單邊向下、我會注視隆成再下跌才買、而家買太早啦應該再有底價的、溶入老千幫也要小心、看隻1019主席常出來唱好話大陸發了牌可以在大陸大展拳腳、股價卻跌到四腳朝天、老千股特色也、就是我底位買了、股價突大成交無消息炒上、我會先行獲利不會等待爆消息、對於細價股我的看法。

      刪除
    4. 確實1225已有開始玩弄財技的感覺,尤其是兩位財技人士已加入了董事會。

      刪除
  7. 如果真的是向下抄, 偉哥, 持了貨的小股東有什麼策略?

    回覆刪除
    回覆
    1. 股價向下炒,很大機會是因為唔夠貨, 想要壓低個價增持、甚至發CB,到時大家一定要團結反對一切不符小股東利益的動作。

      我相信DAVID WEBB及其友好應該會於明年股東大會前發動攻勢。

      刪除
    2. 偉哥, 其實, 大股東是不是可以運用股東大會已授權的配股權, 配發20%股權給自己, 那麼, 兩大股東加起來就有(33% + 20%)/(1+20%)=44%股權,再加些少友好人士的股份,大股東集團就可以為所欲為?

      刪除
    3. 真系無需要冒險, 尤其而家股市應該有不少選擇

      刪除
    4. 這個配股權到明年股東大會就會終止, 如果期間沒有行使的話。

      刪除
  8. 1816,今日AO再沽多1/4,只餘下1/4貨,市況不就,遲遲未能再爆上,先實現利潤,趁機再買回。

    回覆刪除
  9. 回覆
    1. 現在巿場比005值博應該府拾皆是吧

      刪除
    2. 滙豐愚見已轉勢向下尋底、保留現金為佳

      刪除
  10. ontv東網電視財經台網友偉哥問,朗生醫藥(00503)現價可否買入及公司前景。英業環球資產管理董事總經理陳炳強表示,內地醫藥股近期較受市場關注,不過股份現有下行趨勢,若要博反彈至3.4元水平,止蝕價要定得較貼近買入價,於2.85至2.9元水平止蝕。詳情請收看ontv東網電視財經台。

    http://money18.on.cc/finnews/news_breaking_content.html?cat=exp&article_id=bkn-20141216103805244-1216_00842_001


    又有一個偉哥...

    回覆刪除
    回覆
    1. 咁巧合我又有買入503.....

      刪除
    2. 陳生啲答法真係牛頭角順嫂都識答.......

      今日唔係升,就係跌,如果跌破支持線就要止蝕,反彈力度要睇成交,有成交配合就追,無就沽,破頂都要追,升夠N﹪無成交配合就要沽.....RSI跌!摶反彈,一樣要守止蝕!.....

      幾時請人,我都想做part-time啊XD

      刪除
    3. 有呢D筍工,我想做FULL TIME啊。

      刪除
    4. 點止筍工咁簡單
      得閒幫手推下老千股,收錢收到笑

      刪除
    5. 偉哥有自己生意仲好啦!如果偉哥你有日得閒,可唔可以同我地分享下你的創業之道,或者講下創業的一些成功要則?謝謝!

      刪除
    6. 我呢D辛苦生意,仲慘過你地坐寫字樓。

      現在要創業, 比起我們十幾年前創意更加難, 更加需要創意及利用網絡, 避開昂貴的租金。

      刪除
    7. 又生意又股票,原來偉哥咁厲害
      失敬、失敬.............

      刪除
    8. 小生意,發唔到達。

      刪除
    9. 偉哥,會否覺得生意之付出與收入不比炒股好?

      刪除
    10. 實業有產出, 對社會係件好事...

      刪除
    11. 確實做生意的付出與收入不比炒股好,但養家肯定有餘, 而且有穩定收入,炒股個心都定些。

      刪除
    12. 當然是好事,但現實環境令有心做生意之人愈來愈少.

      刪除
    13. 我大陸做生意, 香港打工 + 炒股, 過得很充實 ^^

      刪除
    14. MoneyHoney兄,佩服!咁多辦,留番喲比大家好噃!

      刪除
  11. 偉哥,會否考慮暫時先賣出#3399,轉入其他.

    回覆刪除
    回覆
    1. 反而我會等位增持,最好落多1次5.8幾比我再吸貨

      刪除
    2. 國企改革仍是明年股市的主題,加上油價大跌對3399有利,而且以今年度保守每股盈利預期0.6元計算,目前估值仍不算昂貴,故仍會繼續持有。

      刪除
  12. 1225我都係0.71溝了貨,多謝偉哥詳細的分析^^

    回覆刪除
  13. 由麥光耀加入董事局、到賣資產及轉型發展醫療業務,以至最近大股東股份轉倉至康宏,似乎1225幕後買家的身份已呼之欲出。 預期此股之後很大機會大玩財技,也因此大家要自己衡量風險。

    回覆刪除
    回覆
    1. 如果Webb David Michael原來都企兩大股東同康健嗰邊,散戶必敗無疑
      唔知有冇辦法令Webb David Michael妥協?

      刪除
    2. 不會, 上次DAVID WEBB才號召要公司大增派息, 不然投反對票。

      刪除
    3. 但新確科技最終都俾華匯系食咗

      刪除
    4. 大家可以留意下上次股東大會的投票結果, 可以睇到唔少野。

      似乎大股東明+暗的持股應該不過5成。

      http://www.hkexnews.hk/listedco/listconews/SEHK/2014/0523/LTN20140523686_C.pdf

      刪除
    5. David Michael Webb係股壇清流,估佢妥協過份咗d,不過新確科技單野證明d老千真係好勁
      希望康健失敗

      刪除
    6. 偉哥,上次股東大會投票,最少支持票那一項都有超過70%支持票。你說大股東明+暗的持股應該不過5成,是不是暗示著上次投票時,沒有表達意向的小股東(非大股東友好),總持股超過20%?

      刪除
    7. 同埋,要估"暗"的持股有多少,應該參該什麼資料呢?我是新手,好想請教。

      刪除
    8. 要看股份數目,不是投票的百分比,因為不是全部股東都有投票。

      看看支持賦予公司配股權的贊成票只有不足2.8億股,那應該可以推算到這是當時大股東及堅定友好的大約持股數。2.8億股按發行股數7.6億股計算,只是36.8%而已。

      刪除
    9. 明白了,我也太不小心,看漏了股份數目這個重要資料。謝謝偉哥不吝解答。

      刪除
  14. 550... 賣盤失敗, 股價再創新高

    回覆刪除
    回覆
    1. 很早之時550分柝1127偉哥已提出550賣盤的可能性,而事實上550的確有意賣盤,目前股價的走勢是愈趨向成功賣盤的價錢,這個價錢入可能無利可圖,但足見偉哥的先見是準確的﹣說實在話,幾個關注550的股友之中,偉哥是第一個提出550賣盤的人
      (我已翻查一切whatsapp, blogger紀錄)。

      堅叔1127供股同550分柝1127我覺得都算是良好的財技操作,只是要捉清堅叔時常『虛則實之,實則虛之』的打法,不要企錯邊。對1127而言,供股非壞事,因為用作收購海外業務利好發展,要跟供;550分柝1127兼大派息,目的是粉飾業績,但分柝後550財務表必爛,要走。1127上年業績甚好,但其上年全年年報已作出保守性預示,跟據往績,今年業績不能看好;再加上1127要賣物業俾550,收由千幾萬,又係『做靚條數』。但當大家都看淡1127之時,下年澳洲的收購業務開始收成,必給大家眼前一亮。可惜的是這種股票吸睛度不高,往往是消息和業務前後有較大動力,宜買足夠注碼就等住食。

      刪除
    2. 慚愧, 我同唔少人講左550最終賣盤居多,而大股東日後會重點打理1127的業務......但自己只是買1127,一直都在等550冇得輸的價位出現,等到天光都等唔到。

      刪除
    3. 呢隻長遠都係賣,毫無懸念,留番有心機的朋友計下目標價,我覺得現價差無幾。

      6880都係咁,明明係造殼,又係同一個故仔,要賣,終會賣得出。

      賣左之後都要跟,你睇下876新主,雖然我唔明咩義齒業務有咩好做(3D print得出黎啦),但真係升左最少有一倍,合股之後。

      刪除
    4. 偉哥:Same here, 當其時諗『有1蚊邊就買啦』,結果又係得個桔,哈哈。

      我期望1788停咁耐有啲好戲睇。昨早停牌,睇下時間表,供完差唔多又要配一配,點知今日又停賽。市傳母企A股上市,呢個都係『憧憬』之一,希望停得耐,俾番啲甜品1788。Anyway, 參考717,6030的業績,1788明年盈喜應無問題。停牌姐,生意照做,我繼續安心持有。

      刪除
    5. 哈哈,我冇咁大貪,計過數1.2元以下買到的話應該就好穩陣。

      講左A股上市的1375升勢勁,相信1788復牌後起碼升返上全年高位。

      刪除
  15. 偉哥2300而家入有無值博率呀?

    澳科控股(02300.HK) -0.060 (-1.993%) 公布,鋻於公司強健財務狀況及為回饋股東支持,董事會已決定派發每股33仙之特別股息,並將於2015年4月8日或前後派付。(de/d)(報價延遲最少十五分鐘。)

    回覆刪除
    回覆
    1. 以前大派高息是好,但當派到借錢都要派的時候,我自己就有些擔心。

      刪除
  16. 而家又攪醫保,最驚又變成MPF翻版!

    回覆刪除
    回覆
    1. 其實我覺得MPF係應該要有, 目的係保障老來生活, 但係任由芬佬去賭大小係非常有問題。希望醫保好啲, 保證出事有錢賠....

      刪除
    2. 原意是好,但制度有問題!所以給中間人奪取太多利潤!

      刪除
    3. 個人覺得MPF仲衰過自己買債券.............

      刪除
    4. 有咩受惠股,保險業?證券行?本地銀行?

      刪除
  17. 隻富貴生命下限訂價都搞成咁?抽咗就大鑊了。

    回覆刪除
    回覆
    1. 希望大家都沒有認購,避過一劫。

      刪除
    2. 睇下聽日保姆肯唔肯出嚟頂,如果唔肯,依家仲招緊股嗰d就畀佢累死。

      刪除
    3. 保薦人為瑞銀及星展應該會頂下價

      刪除
    4. 財演大推特推的果然要小心

      刪除
    5. 呢隻有抽,18161/5利潤夠1438 total loss幾次,睇埋聽日先

      刪除
    6. 冇抽,暗盤排入亳毛誠意價$2.2,結果得個吉。

      刪除
    7. 2.2元目前又確實太無誠意價......不過世事難料,可能過多1-2天,2.2元已是托市價,誰知道。

      刪除
    8. 2.2元原來已是相當具誠意

      刪除
  18. 之前偉哥and 網友都提大家小心馬拉background

    回覆刪除
  19. 粵豐、BBI,兩隻股本身都係有d問題,冇咩投資價值
    不過概念當炒,唔知有偉哥有冇考慮抽?

    回覆刪除
    回覆
    1. 最近新股勢差,尤其是二三線那些,值博率很低。

      呢期幾隻不排除有一隻半隻好似恩達咁爆冷跑出,但真的很難估跑出的會是那隻,故此可能全部不認購就算啦。

      我安心等隻萬達,看看會否有驚喜。

      刪除
    2. 近排除咗中廣核,萬達真係最有希望

      刪除
    3. 師兄,我勸你細細注好啦,你睇下最近落鑊的東瀛遊,GIC(炒過一日),都算係無投資價值得黎又有啲知名度的股....本身有問題的話,又會細啲值搏率.....

      炒供求,點算唔炒啲實業好,打到世界波,又真係有需要嘅呢?例如1816(利申:有貨)。與其搏啲除左炒供求外無價值的股,不如買隻安心持有的吧....

      刪除
    4. 浩然兄放心,值博率唔夠高我一般都唔博

      繼全家總動員抽中廣核後,新股就只係現金抽少少萬達,連北汽都冇抽

      刪除
  20. 偉哥,你覺得隻北汽會唔會有驚嚇=.=

    回覆刪除
    回覆
    1. 咁係咪抽到就拿拿林走=.=
      個中籤會唔會高到100%

      刪除
    2. 甚大機會100%分配。仲有幾日,到時或者有驚喜呢。

      刪除
  21. 現價買富貴生命,有冇值博率?

    回覆刪除
    回覆
    1. 新聞講過國售果邊大部份係Hedge Fund

      如果國售果邊D fund係冇折扣,我覺得有一定值搏率......

      刪除
    2. 講多句,買既都係短炒,亦只係搏聽日Sponsor會頂一頂,可以有5-10% gain
      無論如何,聽日一定要走

      刪除
    3. 博明早一開市保母頂一頂,都有得博的。

      刪除
    4. 呢隻公司有收錢幫人施法,話唔定為咗上市都有種生基
      話唔定聽日隻富貴生命跌眼鏡,邪癲地炒上呢

      刪除
    5. segment information有沒有一欄係施法?^.^

      刪除
    6. 應該納入「包括神主靈牌」的其他產品及服務之內

      刪除
    7. 偉哥
      早晨
      好彩無抽富貴生命,因偉哥不看好,超購又不多,雪球冇乜人談論,即無大陸水,所以不入飛。反而看看現金認購萬達有沒有驚喜。
      將於下周二掛牌的大連萬達(3699),據外電報道,將以近上限48元定價,集資額288億元,並遠超中廣核(1816)的集資額245億元,榮登今年集資王。對於近日大市波動,萬達卻以上限定價,獨立股評人陳永陸認為反映機構投資者進取,「肯畀呢個價去攞貨,始終萬達大隻好快納入指數,基金都要追加佢入投資組合。」
      至於昨日第二日招股的盛京銀行(2066)及震昇工程(2277),其孖展認購則仍未足額。同為第二日招股的粵豐環保(1381)孖展認購額則超額8.8倍。昨日首日招股的BBI生命科學(1035)則已獲超額認購15倍。

      富貴生命暗盤跌22%
      新股市場氣氛冷淡卻是不爭事實,今日上市的呷哺呷哺(520)及富貴生命(1438),上市前夕其暗盤價均跌穿招股價。據輝立交易場資料顯示,富貴生命暗盤價更跌22.6%,若不計手續費,一手蝕680元。有市場人士估計,相關盤應是來自獲「分貨太多」的散戶,受市場氣氛影響而不問價沽貨。

      刪除
    8. 都好耐無試過新股一開跌超過2成,連逃生門都無。

      刪除
  22. 偉哥, 想問一問2028, 佢話公司公眾持股量已跌至低於上市規則最低25%的規定.依D CASE 佢地多數點做?? 對股價有利定不利多??thx

    回覆刪除
    回覆
    1. 兩個主要股東, 任何一位減持,令其總持股量不超過75%;或者
      第二大股東減持至10%以下,令其不成為主要股東;或者
      公司配股去增加公眾持股量。

      刪除
    2. 對股價有利定不利多??

      因為見到有D公司公眾持股量不足而停牌..好怕依隻都係咁. 有無D建議依家黠做好..放左佢??

      thx

      刪除
    3. 兩大股東持貨接近85%,令市場流通量減少,即一般人所說的貨源歸邊,對股價應屬利好。

      停牌的風險是存在,要如何做就要自己考慮,恕我不提供買賣建議的。

      刪除
  23. 作者已經移除這則留言。

    回覆刪除
  24. 请问伟哥在那里看到 Webb 在星期五增持?我在 HKEX news 找了好久都找不到....

    回覆刪除
    回覆
    1. 我估係由串流報價成交資料推測

      刪除
    2. 你留意下DAVID WEBB的持股,每每喜歡以"不願意披露的投資者戶口" (UNNAMED INVESTORS) 顯示在ccass的紀錄。

      星期一DAVID WEBB又增持了60萬股。

      刪除
  25. 盧布大跌,大幅加息,會唔會有另一場金融危機?
    看來還是持盈保泰....

    回覆刪除
    回覆
    1. 似足97年的金融風暴......

      刪除
    2. 大國之間爭鬥,苦了我們小散戶,之前吹風沙地鬥美國,現又吹風美國聯同沙地玩俄國,始終金融世界都係由美國仔主導及策劃,現在油價大跌,之前歐債危機....etc。很多事件都係美國自自導自演。見近來偉哥沒怎樣加注,主要加1225,你是否覺得仍有會更低所以等待中

      刪除
    3. 大家要小心如持股同俄羅斯有交易公司或當地有業務的國企股份,可能因俄羅斯業務錄得外滙滙兌虧損。

      剛於北京發佈旗艦新車「博瑞GC9」的吉利(175)發盈警!公司指,由於汽車銷量大跌,加上俄羅斯業務錄得外滙滙兌虧損,與去年錄得的26.63億元人民幣純利相比,預期今年全年純利將大跌50%。

      出口銷量跌49%
      吉利表示,盈警主因包括汽車銷量大跌,以及俄羅斯盧布滙率突然大幅貶值,拖累當地附屬公司產生未實現的外滙滙兌虧損。
      其中,公司今年頭11個月汽車銷量,按年減少約26%,其中出口銷量更大跌49%。同時,公司在中國市場進行營銷系統改革,亦對汽車銷量造成影響。
      吉利提及,由於推出全新車型,國內汽車銷售表現已由8月份開始穩步復蘇,並開始重整俄羅斯業務,提高汽車零售價格,以抵銷盧布滙率大跌影響,及降低在該國的財務風險。長遠而言,吉利將會在主要出口市場加快本地化生產,以降低外滙風險。

      刪除
    4. 近來少加注,是因為現金比重很低,還要預留資金補萬達的孖展,不敢進取.

      現在只能是換馬,無法再動用現金增持股票。

      刪除
  26. 原來傾賣盤真係要擺錢!
    "公司收購及合併守則"的規則3.5有要求;規則3.5的註釋3."確認具備足夠資源"有詳細說明

    現時傾賣盤,資金證明應該要擺1億在律師處

    回覆刪除
    回覆
    1. 一般大概擺1億左右

      刪除
    2. 問完意思再去查出來,應該就係基於滿足規則3.5無誤

      刪除
    3. 其實你會唔會覺得好奇怪: 冇寫有擺錢出來的其實暗地裡已擺了1億元出來;反而寫到明的就只需要擺1-2千萬元出來做誠意金,你當你完全不知情,你覺得這樣是否合理? 再者,有些傾賣盤的例如280,同時2-3個買家傾左快半年,是否每個買家都放左一億元出來証明佢地有錢買殼?

      刪除
    4. 但我查返,真係有要求傾買殼要備有足夠財政資源,而且要"確認
      要約人在該項確認作出時和其後將繼續具備資源""確保要約人備有該
      筆現金"

      規則的確咁要求,而且指明"這項確認除了在當代價是以現金形式支付或包括現金
      成分時須作出外,只要有關代價是由任何其他資產所組成或包括此等資產(要約人擬發行的新證券除外),亦須作出這項確認。"

      而1億呢個金額就係問返來

      點為之放1億,更詳細係點我唔太清楚,不過真係有咁要求

      誠意金係另一回事,同資金證明冇關係

      刪除
    5. http://cn-rules.sfc.hk/browse.php?id=3658&type=0

      刪除
    6. 我相信你混亂了現金要約 (即全購)的要求及傾買殼的要求。

      你留意下公司的通告,所有公司作出現金要約,都要有財務機構証明具備足夠資源的,即是有財務機構背書。

      但而家講緊的是傾買殼,遠遠未去到作出現金要約這階段.....況且並不是所有買殼都要作出現金要約的。

      刪除
  27. 回覆
    1. 近上限定價,希望公司是有底氣,不是充大頭。

      不過國際配售大幅超額應該是真的,不是謠傳;短線需求大,對股價有支持。

      刪除
    2. 呢隻就算唔升得多都唔會好似 1438 掛
      我都只用現金抽左呢隻,但真係唔敢孖展抽。
      (上次1816就係孖唔切 XDD)

      刪除
    3. 隻全家富貴招股第一日就話國際配售超七倍,事後孔明咁睇,真係慌死d散戶唔死。Btw,兩個保姆可以永遠blacklist。

      刪除
  28. 1438 開出黎唔夠低,冇得賭博下添。

    回覆刪除
    回覆
    1. 好在琴日打消左博大霧念頭

      刪除
    2. 如果有機會跌3成, 都可以考慮下博短線反彈10%......以2元止蝕。

      刪除
    3. D趕住走既盤都只能令佢跌到2.3開,跟住慢慢沉落去2.2樓下,而唔係急跌。
      唔係急跌反而唔太敢去博,隨時今日低收聽日穿 2

      刪除
    4. 我掛左2.12博反彈,反彈目標上返開市價,跌穿2元止蝕,以0.12元博0.24元。

      頭先差一個位中。

      刪除
    5. 我驚死些少, 2 < 2.06 > 2.2,預6格博14格

      刪除
    6. 我2.13入咗,排2.24沽,見冇力2.19沽咗。

      刪除
    7. 真係冇咩力,冇人出力托好似唔抵玩,cancel 買盤收工了。

      刪除
    8. 2.12成交左,細注博反彈。

      即日反彈目標2.36,今日收市前或跌到2元左右都會清貨。

      刪除
    9. 偉哥,看看隻1317,要緊守止蝕。

      刪除
    10. 會看住止蝕位。

      博反彈就今日最好博,保母應該仲有額買貨,看看會唔會好似丘鈦咁,尾市先來掃貨。

      刪除
    11. 1317偉哥好似一早沽咗, 我仲有係度, 睇埋今日公佈的業績後才決定.
      近日新股真的好難玩.

      刪除
    12. 1317我一上市就沽左獲利。

      刪除
    13. 我沽tkchan兄意思係要小心好似1317 咁既跌法,所以提醒要嚴守止蝕。

      刪除
    14. 2元止左, 蝕左千幾元。

      刪除
    15. 在這隻近期表現最差的新股留下脚毛。

      刪除
    16. 原來偉哥未沽? 會否等埋業績?

      刪除
    17. 1317我一上市就沽左。

      刪除
    18. 睇來我誤會錯了, 哈哈! 謝謝Rocky

      刪除
    19. 是,偉哥一早已沽出1317,我想指出咁跌法,set止蝕也不是太安全,例如今日沒有穿$2,收$2.01,明天gap down低開,可能又睇睇先,便很難走出困局。

      刪除
  29. 今天的上市儀式,不知1438主席會否感到顏面何存呢?

    回覆刪除
    回覆
    1. 顏面無存唔緊要,最重要係銀紙落左袋。

      刪除
    2. 冇抽,昨天暗盤小注@2.45,今AO走,印象中第一次不限價AO

      刪除
    3. 超額50倍,以下限定價,已知冇好結果。

      刪除
    4. 我都好想可以咁樣顏面無存法。

      刪除
    5. 祝賀1438, 打破香港新股上市首日跌幅記錄.保薦人為瑞銀及星展與有榮焉

      刪除
  30. 有沒有留意,大家已套利1816,下跌中,有沒有興趣入返

    回覆刪除
  31. 1438 個名改得太好,合家富貴

    回覆刪除
  32. 結果都忍唔住賭左轉,1.96>2.04 食糊
    2 呢D大位佢真係擺明要打穿

    回覆刪除
    回覆
    1. 諗住跌30%乜都跌夠,點知係35%先夠數。

      刪除
    2. 只係捉心理,應該唔少人會用大位做止蝕,所以反而要預佢會打穿黎玩。

      刪除
  33. 越買越跌買到心寒一褲都係,哈哈。

    回覆刪除
  34. 現價2.01要上翻3蚊要升成50%, 完全沒機會.

    回覆刪除
  35. 印象中冇見過新股一開波跌35%

    回覆刪除
    回覆
    1. 近年少見,破左911紀錄。

      刪除
    2. 但911跟住之後走勢好強

      刪除
  36. 瑞銀對上一次保馬來西亞森林,最後...............私有化告終

    回覆刪除
  37. 一次過到位都好,總好過6118,早排愈跌愈有...

    回覆刪除
  38. 1685又中,好多股好似要錢唔要貨低低都有。

    回覆刪除
    回覆
    1. 1685 之前想撈.....知唔知咩factor 影響?

      刪除
    2. 唔知呀,其實好多股仔現況都無乜變化都跌。

      刪除
  39. 上市首日跌35%, 個老細心地都唔係幾好, 幸好無抽到

    回覆刪除
  40. 小注@2.01 買回,博奕今天破2收,還是企穩2元樓上

    回覆刪除
  41. 655賣出換馬佢就買盤到,激死。

    回覆刪除
  42. 企住$2都唔知走唔走好,怕聽日裂口

    回覆刪除
  43. 偉哥, 你會否找證券行在711股東大會代投票?

    回覆刪除
    回覆
    1. 我前幾天唔記得通知券商....而我個間券商一向早截數,記得要投票的時候已太遲,通知都冇用。

      不過711投票只需要計股權,應該沒有問題的。

      刪除
  44. 回覆
    1. 冇,僅餘的資金走去排隊買一隻冇得輸的股,買到就話比大家知。

      刪除
  45. 1816 全走,開心過聖誕

    回覆刪除
    回覆
    1. 去番上市低位,可以留意下。高位走左的或者可以吸番?

      刪除
    2. IPO都係短線多,不考慮了

      刪除
    3. 去返低位都無甚承接力,貨極重,決定止賺離場

      刪除
  46. 呢排細股真係慘. 日日被沽.....
    1816 我都止賺左. 留1/3 長線.

    回覆刪除
  47. 1478丘鈦好彩走得快,呢排新股勢好弱........

    回覆刪除
    回覆
    1. 新股的錢比中廣凍完又比萬達凍....等萬達上左或者會好番d...

      刪除