2014年3月8日 星期六

併購概念股系列 ─ CITYE-SOLUTION (0557)、安域亞洲 (0645):兩個只能活一個?

今晚抽空寫這篇文,只因有一些很有趣的想法,想與大家分享。

大家都知道我有時候想像力幾豐富,想法都頗為天馬行空。這兩日在想著手上同時持有的CITYE-SOLUTION (0557) 及安域亞洲 (0645),看得資料太多,發現兩間公司有很同類似之處,忽發奇想:其實兩間公司背後的潛在買家會否是同一間?

先說說兩間公司相似的地方:

1. 大股東都是新加坡背景;
2. 兩間公司都是持有淨現金;
3. 兩間公司基本上都是沒有核心業務,屬於靚殼;
4. 兩間公司的資產淨都不高,CITYE-SOLUTION約5.7億元、安域亞洲約2億元;
5. 兩間公司都擁有不少具投資銀行及零售銀行經驗的管理層。

兩間公司如此相似,其實背後的潛在買家會否是同一間,而且是同樣來自新加坡的?

CITYE-SOLUTION於2月21日的通告及2月25日的業績報告當中都提及潛在買家已在進行盡職審查,並已開始洽商買賣條款,令投資者相信賣盤已有實質進展,也因此股價由1.6元左右大幅反彈至2元以上;但其後在沒有任何消息的情況下,股價又轉弱,尤其是3月6日及3月7日更連續兩日大跌,令人百思不得其解。

與此同時,安域亞洲於2月26日公佈出售剩餘的鞋類業務予前大股東李先生,套現2千多萬元,正式與公司原有的核心業務劃清界線;目前公司只餘下剛起步的煤炭貿易業務,但很不幸地原本熟識此業務的主席於2月中逝世。隨後,公司於3月4日停牌,並3月5日復牌及公佈有潛在買家向大股東洽溝股權!

安域亞洲3月5日復牌及公佈有買家洽購,而CITYE-SOLUTION股價於3月5日前已轉弱,並於3月6日及3月7日連續兩日大跌,兩者是否巧合?

一個師奶到街市買菜,都會貨比三家,先行格價;其實CITYE-SOLUTION (0557) 及安域亞洲 (0645)背後的潛在買家會否是同一間公司,原本與CITYE-SOLUTION洽談中,隨後發現安域亞洲大股東也有機會出售股權,故也向安域亞洲問價,並發現原來安域亞洲的條件更適合 (例如市值較低) 或叫價較低,故轉投安域亞洲懷抱?

如是的話,則CITYE-SOLUTION (0557) 及安域亞洲 (0645) 是兩個只能活一個、甚至兩個都以賣盤失敗告終,只因如我的猜測正確,買家是新加坡公司,並不是來自國內的"土豪",出價未必及跟得上目前被國內土豪推高了的殼股市價,尤其是兩間公司都屬於靚殼,而且管理層不乏財技高手,未必肯減價出售。

是否如此,拭目以待。

159 則留言:

  1. 看完之後,是否覺得我的想像力很豐富,他日炒股唔得,都可以轉行做編劇。

    回覆刪除
    回覆
    1. Wai gor any chance to have a look at 858's new announcement?

      刪除
    2. 看了,但一直沒有跟進858,不知道這附屬公司的價值如何,沒有意見。

      刪除
    3. 好過無記編劇,哈哈

      AP

      刪除
    4. 其實近年無線劇集除<天與地>比較特出外,已欠缺話題。

      如果能夠再造出一套以股票(大時代),或者創業(創世紀)為主題的劇集,觀眾就有福了。

      刪除
  2. 偉哥,若真如你所想,你兩隻都持有,是否不太著數?萬一只活一個,回報最終打個和,還要承受兩者都賣盤失敗的風險。

    回覆刪除
    回覆
    1. 已經洗濕個頭。現在如果兩隻都沽出,就一定蝕;沽一隻留一隻,萬一押錯注又是蝕;兩隻都留,如果有一隻跑得出,應該仲有得賺;如果兩隻都失敗,那就大蝕。

      不過兩隻都係靚殼,只要表左態有意賣殼,即使這次賣唔出,應該還有第二、第三次....機會的。

      刪除
    2. 好欣賞偉哥你呢個邏輯思考方法, 笨笨的我通常只想到一同二, 但第二仲唔會想到押錯注....haha,真係要學下先得, 謝偉哥~

      ww(old)

      刪除
    3. 這樣, 把戰線拉得過長了吧?

      刪除
  3. 557我覺得可能收購拖得太耐,如同302一樣,拖得太久令投機者怕收購失敗沽货。

    回覆刪除
    回覆
    1. 跟 302 有點不同的是 557 的跌勢來得更快更急,跌幅和成交也大

      刪除
    2. 557是洗倉式大成交下跌,感覺是春江鴨沽貨。

      刪除
    3. 偉哥你好,看了你的文章所言甚是,照計應沒那麼巧合的事。但若557是背後有人知道賣盤不成而洗倉式沽貨,何以那些背後的人好像不知道潛在買家看中645而大手入貨?看645復牌第一天大升但尾市乏力,其後也沒什麼成交,真是摸不着頭腦

      刪除
    4. 可能買家都未有決定,所以內幕人士先行離場,待事件明朗化再入場

      刪除
  4. 偉哥買CITYE-SOLUTION (0557) 是否不化算/值博?

    因第一注1.8買。如果成功賣盤係會賺60仙。如果賣不成,就會跌80仙。值博率比起賭大小還要差。因向上空間小過向下空間。成功機率half half

    反而卓健593不一樣。買時5.5元,流動資產6元以上,nothing to lose~

    回覆刪除
    回覆
    1. 其實我不是557一公佈傾緊賣盤就追入,而是等到12月23日公佈與買家簽訂諒解備忘錄後才追入的。

      那時考慮到公司是靚殼,加上洽談有實質進展,故評估過賣盤成功的機會最少有70%,值博率是非常高的。

      刪除
  5. 如之前有此BLOG友話齋...557可能會因盈喜而抬高賣價...
    若此時645乘虛而入...或買家密識到645 管理層..嘿
    最後就可能要睇買家有幾想買盤了...

    CB(NEW)

    回覆刪除
  6. 如果係咁講, 如各師兄有其中一隻, 一有高位便要甩手先! 因為賣盤成功個可能性, 唔係太過確定, 要平均風險了 !

    回覆刪除
    回覆
    1. 也可能有不少人好似我一樣,已入齊兩隻。

      刪除
    2. 不過, 557 從字面睇都進入左最後階段咁。 而645好像是剛剛開始, 會唔會有兩幫人同時爭645呢? 而原先一幫人便是557 個準買家呢? 因為沒什麼資料可以睇到幕後買家係邊個, 純粹推測!

      刪除
    3. 645的通告是指一獨立第三方,故不會是兩批人同時爭645。

      刪除
  7. 都唔使刻意將幾件事連埋一齊諗,反正你永遠都唔會知真正答案,不如樂觀些相信兩隻最終都順利賣得成。

    回覆刪除
  8. "557是洗倉式大成交下跌,感覺是春江鴨沽貨。" - 同意!!

    回覆刪除
  9. 彭博綜合劵商預測:
    1390 環亞智富$6.04, 2014 年預測PE 33.6倍
    3315 金邦達$9.50, 2014年預測PE 22.7倍

    有冇搞錯?大家都係龍頭,唔好比較咁多喇,3315目標30倍PE, 值$12.5。

    回覆刪除
    回覆
    1. 股票和內在價值有時候唔係一樣的, 如果隻股票內在價值真係值咁多錢, 加上有投資者,基金垂青, 股價自然大升啦! 好似700 咁!

      刪除
  10. 那請問資產高的557吸引力高些,或是資產值高,收講價就双对貴?

    回覆刪除
    回覆
    1. 一般而言上市殼價是4億元左右,即沒有什麼業務的殼股,賣盤價大約相當於資產淨值 + 殼價4億元。

      刪除
  11. 偉哥,點睇270,股息不錯,技術上圖靚,又有環保概念

    回覆刪除
  12. 偉哥可否寫下關於買入738 的原因?? thanks!!

    Alvin

    回覆刪除
    回覆
    1. 利信達應該是鞋股當中估值最低的。除了估值低之外,還有被收購的概念。公司創辦人李子彬已經78歲,但至今仍不見有家族的成員加入公司參與管理,似乎家族其它成員對接手該業務興趣不大,故個人認為該公司賣盤機會極高。

      刪除
    2. 本來昨晚想寫,但昨日外出大累,冇精神寫,留待今晚寫。

      刪除
    3. 其實, 我都對738有興趣, 亦已有持貨. 如果比較零售股, 個人認為738比709更有給引力, 因為管理得宜, 盈利繼續有不錯增長, 而且, 今年還有特殊收益. 但個人就從未想過賣盤事宜.

      刪除
  13. 偉哥,你好~~
    小弟係好多年前已經有睇你既BLOG,第一隻自己都有研究既股票係1126,當時就係發生日本大地震後,小弟就買入,並有獲利!全靠偉哥當時講出1126既存在,令我發掘到!先行多謝!
    我現時持有最重貸係483,個人分析過,如果毛利率同上半年一樣既情況下,EPS應該可以去到0.35,估值可以去到3.5,但你BLOG好似話估佢應該同往過賺得差不多.
    可否分享下多些?

    Roger

    回覆刪除
    回覆
    1. 上年有特殊收益,今年沒有。

      我覺得今年的每股盈利0.27-0.3元左右。

      刪除
    2. 上年既特殊收益指補償金?上半年已經係無特殊收益下已經比上年同期有增長,所以我個人估計eps會過0.3, 如果毛利率無大跌情況下

      Roger

      刪除
  14. 沽出美蘭機場 @ $7.41
    沽出華潤水泥 @ $5.57

    希望今日有平貨買

    回覆刪除
    回覆
    1. 期待的畫面出現了,我也在伺機而動

      刪除
    2. 今日大市仍未見有恐慌。

      刪除
  15. 336 好似真係唔肯穿 $3.6...

    回覆刪除
    回覆
    1. 336@$3.61 入咗一注

      dt

      刪除
    2. @3.56學偉哥買入這隻炒波幅精選

      刪除
  16. 302 勢向12X 進發應該冇問題了...
    好事又邁進一步,偉哥的合理價如何?

    回覆刪除
    回覆
    1. 我覺得賣盤價應該有126-130元左右。

      睇個勢,應該好快成事。

      刪除
    2. 謝謝....
      手扎仝人游水的,坐望的應該食緊花生待收成吧
      302,194 兩隻一齊跑出可飲多杯竹葉青啦.........哈哈

      刪除
    3. 我係 302 + 557
      原本打算玩左右夾攻,雙翼齊飛,可想而知 557 我有幾重貨 haha
      希望所有併購概念股都做返好少少啦~~

      刪除
    4. 【on.cc專訊】永亨(00302)再傳賣盤,其與新加坡華僑銀行的獨家洽談期將於月底屆滿,有傳新加坡華僑銀行有意出價至少帳面2倍作出收購,但所參考的帳面值未訂。永亨現價逆市升2.23%報119.1元,成交金額3,291萬元。

      若要好事成隻,557 要等埋如上的消息才有運行.......

      刪除
    5. 557 升過,都係要倒跌,短期走勢麻麻,好彩302生性

      刪除
    6. 我557+302用左相同注碼-_-失敗

      刪除
  17. 189 股東回購后反覆向上,今回業績將至,可能是有料到
    在3元上下入貨的同志應有不錯的回報吧
    真的假不了,且看.

    回覆刪除
    回覆
    1. 再看圖十分靚仔,己破13/12-16/12/2013 之下跌裂口,收市時再看其量...
      若是好的開始,再一引證裂口的威力.......
      是否早有春江鴨早己上車,且看
      目前看利好之勢己成.....

      刪除
    2. 據內地媒體報道,全國人大代表、東岳集團(00189.HK) +0.470 (14.687%) 沽空 $9.78百萬; 比率 4.841% 首席科學家張永明出席兩會期間,獲國務院總理李克強接見。張永明向李克強展示公司之產品,獲得的評價為,東岳集團的科技創新對全球新能源汽車產業化非常有意義。

      報道引述張永明指出,李克強於2008年仍擔任國務院副總理時,曾到東岳集團參觀,對當時尚未研發成功的離子膜十分關心。是次他向李克強展示的產品,為該產品商品化後生產的。(bi/t)

      Wa... Danny 兄勁

      刪除
  18. 想問一聲,今早這裡有沒有網友掃入3399?

    沒有特別意思,只是想知道買上的是這裡的網友還是其他人,以便我作出判斷。

    大家可以匿名回覆的,謝謝。

    回覆刪除
    回覆
    1. 向偉哥報告一下(哈哈):
      剛發現 3399@$3.12 自動入咗, 第三注, 僅5000股, 對股價冇大影響.

      dt

      刪除
    2. 小兵回報:200k 3.25 掛出黎唔到三分鐘就俾人食咗

      刪除
    3. 3.25 200k貨 邊位大哥...強
      rw

      刪除
    4. 証明這裡的網友很理智,不會無理高追。

      刪除
    5. 逃兵給偉哥一網打盡........,哈哈.

      若當物流股板塊睇...
      636,152,560....隻隻跟市回....但係3399悶完后就一路向北
      呢的係咪....悶股發大財的先兆? ....利好於我.的暫時我當係.....哈哈哈

      刪除
  19. $3.25死忍唔放,扮睇侉唔到,希望耐性持有會得到回報!


    andersen

    回覆刪除
    回覆
    1. 我重倉此股,兼且帳面盈利就快一倍,忍得更辛苦。

      忍,希望明天會更好。

      刪除
    2. 逆市越走越強

      刪除
  20. 偉哥...近期大升股729...有興趣玩吓ma???

    回覆刪除
    回覆
    1. 這類沒有盈利的概念股我興趣不大。

      刪除
  21. 觀察中的短炒股---1148
    早排一月中鄧**唱好上望6元后就一路被震压質下
    今看在3.8上下己見支持(今日跌再一震下3.81即彈反上)
    觸及上升軌的底部上番,仍未大勢己去,反之博反彈真博高......且看

    回覆刪除
    回覆
    1. chu 兄
      強力覌察......利害

      Ar 4

      刪除
    2. 巴克箂...掃貨
      地心下之反彈有機.............
      跟住注要下財經又有冇人又來唱吧...哈哈

      刪除
  22. 今早一開市3636已跌穿止賺位,故39.5已沽清剩餘的500股止賺。

    另外194連續兩日反彈,今早減持一半@16.82獲利。

    194減持最大的原因是除淨問題。我相信194的實物派發會以1111停牌前的作價來計算除淨價,但大家都知1111一復牌,股價可能會跌至近20元的合理價位,也因此194的股價除淨會比實際"價值" 多0.7元左右,對194的股東不利,故今早趁高價減持一半,等候15.5元或股價除淨後再買回。

    回覆刪除
    回覆
    1. 剛才買入一小注3636@38.45搏反彈。

      刪除
  23. 3399 而家係考驗大家定力既時候

    回覆刪除
  24. 889再跌兩格又可買入

    回覆刪除
    回覆
    1. 889 又跌返到一個入貨跌位, 可以追入了!

      刪除
  25. 回覆
    1. 你次次都好勇...你唔係想試呢度水溫掛..

      CB (new)

      刪除
    2. 真係要叫聲你大哥.......唔好次次玩破頂高追。

      刪除
    3. 升哥每次出手都表示 ... 大家自己諗。

      多謝升哥!

      刪除
    4. 其實可能揀唔同款用唔同手法, 高追冇不可, 上 1668...但偉哥D係等悶股, 厘款手法如揸法拉利去玩飄移^^

      刪除
    5. 改左名依然係大檸樂 XD

      ww(old)

      刪除
    6. 即刻回返幾格 XDD
      不過個勢好強,應該未玩完
      其實大家都係講下笑,大家都有貨,邊會想佢跌 haha (但我冇貨 >.<)

      刪除
    7. 其實破頂買入是安全過破底買入,不過大部份人喜歡後者。

      刪除
    8. 每只股性都不一樣, 市值大的股票破頂入是較為安全, 3399 就呵呵

      刪除
    9. 個人認為3399未算高,现價還有上升空間,已發盈喜業績有保証。

      刪除
  26. 嘩今日336搞乜

    回覆刪除
  27. $3.53 買入第一注華寶
    其實穿左 150 天線可能唔買會好D,但已經三連陰,買少少睇下彈唔彈,唔彈走左佢算

    回覆刪除
    回覆
    1. 原本唔想買,SET左好低價的盤都畀掃左,336今日食左X

      刪除
  28. 635@11.38 入了一注

    回覆刪除
  29. 偉哥, 請教星星同1884, 以現價來說是否星星較為值博?
    因為派息增加又有業績支持,管理層尚算樂觀, 但後者只得第一次業績, 無過去數年比較.
    星星計過若以PE計, 可能仍有20%水位.....但呢隻慢工出細貨

    ww(old)

    回覆刪除
    回覆
    1. 我自己覺得是的。

      1127最大的困擾是550實物派發之後,可能出現較大的沽壓。

      所以如未入貨的,可以等候550派息之後,看看有沒有執平貨機會。

      另外,也留意大股東何時再增持,其買貨時機把握得很好,跟得過。

      刪除
    2. 謝謝偉哥, 550派息之後, 是否指除淨後?

      ww(old)

      刪除
  30. 954今日出業績,偉哥的三分之一可以更高價出貨了。^~^

    回覆刪除
  31. 買定得好業績!

    回覆刪除
  32. 1382 企得好硬,真係唔憂嫁..........
    上次回調10.76撈過一注,到而家都冇出血貨.......

    回覆刪除
    回覆
    1. 呢類高息股在跌市的防守能力比較強。

      刪除
  33. 大跌市,里滴貨最搶手。^*^

    回覆刪除
  34. 3636,首日$43.x沽清,剛剛$38.15買回半注。

    回覆刪除
    回覆
    1. 3636, 我想博佢跌到近$36入手

      CL

      刪除
    2. 今日 (再次)2 買入560

      刪除
    3. 今天唔敢追3399,改買了560,2.22元

      刪除
    4. 560 幾時會像3399 咁呢? 佢橫行左已有一排!

      刪除
  35. 火中取栗, day trade 海爾電器嚇到標冷汗,以後唔咁玩 >< (好彩尾市沽到)

    回覆刪除
  36. 收市前平手走左852,朝早竟然去過1.1,睇黎要再向下試。

    回覆刪除
  37. 請教各位師兄,本人買左隻210由7.2趺到現在3.6
    想問問大家意見.我應該止痛即走.等佢升番再賣或再買多d定升番再賣.

    回覆刪除
    回覆
    1. 你買入此股的理由是什麼? 這裡不會提供個人買賣意見, 只宜討論

      刪除
    2. 作者已經移除這則留言。

      刪除
    3. 上年買的,只係同事推介,話大陸佢好賣得.話7蚊守多一陣差唔多會上番.
      之後就無左回事無理到.到現在發現已經被腰斬了.

      刪除
    4. 其實210佔你組合的比重幾多?

      如果不多的話,反正都已跌到如此賤價,都不差在等多一年半載,看看是否如大行所說,最壞時刻已過;但如果比重大的話,真的要考慮是否等股價反彈多少少就部份止蝕,套現資金準備趁低吸納一些上升潛力較大的股份。

      個人認為現價的210估值不算貴,但短期大升的空間及機會也不大。

      刪除
    5. 感謝建議.比重3成左右. 當時係460換馬做210.
      隻460keep左成年幾,見打到和就走左.
      當時換完馬幾日後就開始係上到現在
      今日睇番決定真係...無耐性...唉

      其實我就係見大行說最壞時刻已過應該會上番
      但今年上番7蚊機會就不大.而手頭得番少量現金.
      所以就諗下升少少套現資金又換馬係咪更好.

      刪除
    6. 如果此股佔你的比重高達3成,我自己覺得是過高,如果是我會等有機會反彈多一成左右就沽出一半持股止蝕,套現資金換馬。

      刪除
  38. 偉哥,336今日收3.5,差少少就穿上次陽燭上黎低位。你睇法有無變,是否仍可炒波幅?計埋今日除左跌穿150天線,仲出埋3隻烏鴉,圖唔多靚仔。不過今日我都有搏入左3注,跟你 XD

    回覆刪除
    回覆
    1. 入左3注咁多? 我只是入了一注而已。

      刪除
    2. 偉哥其實你一注姐係幾多?因為我之前見你講過話叫唔好一次過買晒貨,但我睇番你個時講嘅「一注」都幾大注咁

      刪除
    3. 偉哥,

      依個我都想問一問,
      只係得一個40萬倉,
      如果入一注大概應該用幾多?
      我平時1萬蚊當一注, 拎黎炒幾%波幅得幾百蚊
      有少少食之無味, 棄之可惜的感覺

      謝偉哥解答

      Kenneth

      刪除
    4. 我一注大約是組合的1.5%左右,有些大股的注碼會大些。

      至於40萬倉,我自己覺得可以分25注左右,並分散投資6-10隻股票。

      我幫我一位家人以30萬元建倉,以這策略炒了兩年多,全部買入一些安全為上的股票,至今組合已升值至55萬元。

      刪除
    5. 注碼細,相對俾佣金蠶食營利的比重也相對大。我的股票戶口的佣金min. charge係100蚊,我計過買賣4萬蚊或以下的佣金差不多一樣。所以爲咗減低交易成本,我自己的一注係4萬。
      偉哥的建議一注比較少,但可以增加買賣的靈活性。各有好處,只供參考。 : D

      刪除
    6. Kenneth兄, 如注碼細和多交易,可考慮轉去一通, 致富, 耀才等, 我之前也是用HSxC, 佣金貴,現用了約1年在網上買賣也方便, 每戶口政府有$150,000擔保, 相信這樣較兩全其美. 只供參考!

      刪除
    7. 有很多證券行的佣金min. charge 都只是收 $50 或 $38 或 0.068%, 甚至只收 $5一單, 開戶後現金+股票不多過 $150000 就比較安全.

      刪除
  39. 336應該跟早前兩會內容有關掛,但好似偉哥話是底,煙民問題點會咁易解決呀,所以我今天都入了,另外偉哥:請問有否研究過719呢只醫藥股呢?

    回覆刪除
  40. 大陸學人攪煙民 XDXDXD

    回覆刪除
  41. 偉哥,709 已跌穿52週低,走勢一般,想聽您看法,感謝。
    Glory

    回覆刪除
    回覆
    1. 我自己覺得估值偏低,無意減持。

      刪除
  42. 954 業績:
    http://www.hkexnews.hk/listedco/listconews/sehk/2014/0310/LTN20140310995_C.pdf

    增長強勁

    回覆刪除
    回覆
    1. 阿楊可公開你的投資組合?

      刪除
    2. 都是亂買亂賣,跟偉哥相比,實在不值一提,請恕我不班門弄斧了

      刪除
  43. oh no...董事建議就截至二零一三年十二月三十一日止年度派付末期股息每股人民幣0.04元

    回覆刪除
    回覆
    1. OH NO?? 0.04元太少?? BAD NEWS??

      刪除
    2. 派息跟每股盈利同步增加, 都可接受

      刪除
    3. 上年末期都係派0.028....0.04 應該算唔錯啦....

      刪除
    4. 以一家年增長 4成幾 的公司而言 十來倍的 PE 應該很便宜吧!~

      Ricky Yip

      刪除
    5. 個業績好好 : ) 同偉哥之前估算差不多

      刪除
    6. 業績優於自己預期,而派息是符合一貫的30%派息比率。

      現價往績市盈率約10倍,估值合理;至於股價能否再升,其實很視乎2014年業績能否維持雙位數增長。

      上半年的業績可能一般,因為根據之前的報導,公司目前產能已負荷生產,再增長空間有限;而連雲港廠房要下半年才投入運作,故今年下半年的業績可能稍優。

      現價不建議再追入,但如果股價跟隨大市調整15-20%,我會增持。

      刪除
  44. Bad news one by one... 創興銀行
    建議委任新核數師

    回覆刪除
    回覆
    1. 公告說1111是為了與越秀集團用相同核數師才由德勤轉用PwC,加上Big4轉Big4,應該不算是壞消息?

      刪除
  45. 811出了業績,現價8厘多息,且業績少了去年兩億多的一次性收入下持平,偉哥認為業績算不算理想?

    回覆刪除
    回覆
    1. 業績算不錯,維持一貫的人民幣0.3元的派息,可以候低吸納,可能是跌市防守之選。

      刪除
  46. 奇怪,645在這幾天交易日臨收市前幾分鐘都突然有大沽盤頂住,但又沒人收,又不直出,好像不想股價向上

    回覆刪除
  47. 大家點睇460四環的業績?派息加一股送一紅股,對股價會有幾大影響?

    回覆刪除
  48. 偉哥 介唔介意講下你跌市時既策略係點?
    會選擇入邊類型既股 定會 清貨持現金低位入市?

    謝謝!

    回覆刪除
    回覆
    1. 仍是候低買入估值便宜的"價值股"。

      刪除
  49. 回應此文:645的值博率應較高,因市值小,潛在升幅六七成

    回覆刪除
  50. 上周如攞住支槍指住孫柏文個頭問:「大陸又有債券話會違約走數,係咪真係會?」我一定答:「唔會!因又有白武士打救!」上幾次話大陸會有產品、債券走數,最後都有人救;但估唔到今次真係有隻上海超日太陽能出嘅債券走數,冇人救。令我今日要大聲叫大家不問價追中國信達(1359)!
    噚日滬、深、港股市同人民幣一齊勁跌,你估係因飛機跌落嚟?肯定係單違約同之後大陸啲非政府債息飆升啦。銀行同業拆息、國債息率唔升,但非政府債券息飆升,意即喺影子銀行系統借錢嘅公司好多會走數。
    點解追信達?因佢係財政部專做追壞賬清理生意嘅部門,當資金氾濫時,所有人可借新錢冚舊數,佢根本冇生意可做。但今次真係有公司走數,系統越亂就越多優質嘅壞賬出現。我咁講係因信達喺舊年底在呢浪信貸整治集資上市後係咁升,由首日4.5元升到1月中嘅5.5元,同期大陸嘅非政府債券息率又係一路飆,又喺1月中見頂。咁1月中發生乜事?就係之前一路話1月尾將會有隻叫「誠至金開」產品走數,點知喺1月中話白武士出手救。之後話會爆嘅嘢都有人救,甚至到上周啲大行分析員仲話第一隻真係爆會喺5月囉!

    料可重上5.5元
    所以信達股價,由原本仲估好多生意到上周洗倉絕望。點知當共產黨眼中嘅精英聚晒喺北京為兩會開會之際,中央就篤爆第一隻產品,等你班土霸收到個message,就係資金分配失衡會拖垮主權,一定要整治。故對上兩個交易日,股市、大陸非政府債價、人民幣跌,但信達股價就兩支陽燭係咁升。唔識嘅人睇恒指掟信達出來,點知多多都有人接,嚟緊幾日將會有好多大行相繼出報告用我個point重申叫買信達。因上周洗倉跌得急跌穿首日價,所以彈時亦會急,大家要買就要快,睇佢升返上5.5元,不問價追信達!
    金手指:不問價追信達

    8,976

    金手指:不問價追信達

    上周如攞住支槍指住孫柏文個頭問:「大陸又有債券話會違約走數,係咪真係會?」我一定答:「唔會!因又有白武士打救!」上幾次話大陸會有產品、債券走數,最後都有人救;但估唔到今次真係有隻上海超日太陽能出嘅債券走數,冇人救。令我今日要大聲叫大家不問價追中國信達(1359)!
    噚日滬、深、港股市同人民幣一齊勁跌,你估係因飛機跌落嚟?肯定係單違約同之後大陸啲非政府債息飆升啦。銀行同業拆息、國債息率唔升,但非政府債券息飆升,意即喺影子銀行系統借錢嘅公司好多會走數。
    點解追信達?因佢係財政部專做追壞賬清理生意嘅部門,當資金氾濫時,所有人可借新錢冚舊數,佢根本冇生意可做。但今次真係有公司走數,系統越亂就越多優質嘅壞賬出現。我咁講係因信達喺舊年底在呢浪信貸整治集資上市後係咁升,由首日4.5元升到1月中嘅5.5元,同期大陸嘅非政府債券息率又係一路飆,又喺1月中見頂。咁1月中發生乜事?就係之前一路話1月尾將會有隻叫「誠至金開」產品走數,點知喺1月中話白武士出手救。之後話會爆嘅嘢都有人救,甚至到上周啲大行分析員仲話第一隻真係爆會喺5月囉!

    料可重上5.5元
    所以信達股價,由原本仲估好多生意到上周洗倉絕望。點知當共產黨眼中嘅精英聚晒喺北京為兩會開會之際,中央就篤爆第一隻產品,等你班土霸收到個message,就係資金分配失衡會拖垮主權,一定要整治。故對上兩個交易日,股市、大陸非政府債價、人民幣跌,但信達股價就兩支陽燭係咁升。唔識嘅人睇恒指掟信達出來,點知多多都有人接,嚟緊幾日將會有好多大行相繼出報告用我個point重申叫買信達。因上周洗倉跌得急跌穿首日價,所以彈時亦會急,大家要買就要快,睇佢升返上5.5元,不問價追信達!

    回覆刪除
  51. 不問價沽信達(股榮)
    今日這篇文,上周已整理好資料打算寫,留待今日,並非單純挑孫柏文機,只是提供另類分析而已。

    中國信達資產管理(1359)去年12月12日上市,招股價3.58元,首日上市爆升26%,至4.5元。及後接連破頂,1月下旬曾見5.53年新高。2月13日被納入MSCI新貴,股價翌日出現大陰燭,然後展開散水之旅,以噚日收報4.35元計,高位回吐兩成有多。

    未講基本面前,先談談近月觀察到的現象。第一:沽空異常多。情人節當日,信達獲准沽空,17個交易日裡,沽空金額累計超過17億元,沽空比率超過20%的日子有8日,另外5日沽空有一成以上,最近五個交易日,每日沽空額超過1億元。

    借貨沽空,可能涉及衍生交易活動,但自本月3日信達可以出窩輪後,坊間逾30隻窩輪,清一色是認購call輪,沒有put輪,因此沽空信達的人,不是窩輪發行商,是有心人。

    自從信達可以出輪,基本上你冇可能贏到錢。噚日信達股價微升0.5%,但竟然有一隻call輪跌8.4%,一隻跌8.0%,另有三隻跌約3%,正股升、call輪可以如此跌,唔叫仆街叫甚麼!

    信達名義上是壞資產銀行,以低價接收銀行無法收回的壞賬,然後透過包裝、債務重組,將之重新出售,低買高賣,稱得上銀行壞賬收賣佬。單睇招股書三組數字,信達盤數叫人反胃。2010年總資產1507億元(人民幣.下同),到了去年6月,數字增至2,835億元,增長88%。資產增,理論上透過出售變賣獲利也應有可觀增長,但去年上半年僅賺40.6億,假設下半年相若,賺81億,對比2010年賺74億元,增幅不足一成。數字代表了,信達所購入的壞資產激增,但卻未能轉化為利潤。股東股權回報率及資產回報率,由2010年的25.5%及6.3%,跌至去年6月的14.6%及3%。

    第二組數字是資產減值損失,簡單講,你買了以為尚有價值的「壞賬」,最後發現這壞賬壞到徹底無得救,因此total loss要撇賬。2010年信達資產減值損失唔夠5億,到了2012年增至46億,單是去年上半年已經錄得35億,年度化隨時達70億,賺賺埋埋得個桔。

    四大國有銀行(工、農、建、中)及四大商業銀行(交、招、民、信)目前市賬率(PB)低於1,每股資產淨值還高於股價。市盈率(PE)只有5倍。信達去年上半年每股資產淨值2.51元,目前股價4.35元,代表PB高達1.7倍。一個爛橙值2.51元,點解市場可以俾4.35元買佢,我真的不明白。

    目前市場共有逾十間大行睇好,目標價最高睇7蚊,唯一一間睇淡叫sell的,目標價仍有4.2元。你問我值幾錢,三蚊俾多佢。

    回覆刪除
    回覆
    1. 笑爆嘴,生果報fans這一刻會否出現精神分裂。

      刪除
    2. 事實上,171的股價表現是1359的一個很好的例子!?
      讓我們5到7年後驗證。

      刪除
  52. 偉哥, 你好, 早晨. #954 你最後剩一注等收息嗎? 還是已沽? 謝謝偉哥回覆.

    回覆刪除
    回覆
    1. 未沽,看情況。

      反而考慮候低買回部份持股。

      刪除
  53. 睇黎真係勢頭不大好,國指已跌到去13年6月28日低位,希望頂得住

    回覆刪除
    回覆
    1. 偉哥如果今晚出新topic,會唔會講下黎緊你點睇大市? thx !!

      刪除