2014年2月21日 星期五

一注獨羸渣宏基 (吹水唔抺嘴之作)

《生果日報吹水作大模式啓動》

今日收市後,忽然收到網上認識的某國內大炒家來電:「偉哥,呢兩個月做乜咁失策啊,隻龍傑沽完貨就升到上天;你自己寫完盈大,又唔渣耐d,轉個頭又沽出,而家升左成倍啦;仲有隻1884,成班人跟你尋日沽出,比莊家收晒貨,一野就掃上去,你真係隻隻都捉到鹿唔識脫角啊,益晒我地班炒家。」

我:「唉,我都唔想架,不過數就係咁計,到價沽出,點知你地班炒家會炒到咁癲」

大炒家:「以前個d唔好講啦,冇話我唔提你,你手上隻宏基都係好野來,唔好又晨咁早沽貨」

我:「我知好野來,今年6月公佈業績,會有賣宏基資本大廈的盈利入帳,到時可望有約4億盈利入帳,如果公司派一半盈利做特別股息,每股都有4毫子息收。仲有,賣宏基資本大廈的現金入帳後,公司將有淨現金超過5.5億元、資產淨值約13億元,財政好穩健。而且公司而家業務分散,除左搞地產、仲有搞基金、教育項目,如果第日唔想再搞落去,想賣出去應該都好易搵到買家。而家靚殼值4億元,加埋資產淨值13億元,目標市值如果睇17億元,每股就值3.5元,咁計有冇錯?」

大炒家:「咁計就差唔多,但公司仲有幾個賣點你都冇為意:

1. 你有冇留意公司大股東背景,陳公子個老豆陳漢強話晒都係澳門酒店及賭業大亨,以前係賭廳廳主,跟楊生搵食,而家持有澳門華都酒店。你睇宏基以前的裝修業務,有好多澳門的生意就係咁解。他日兩父子聯手搵d澳門賭廳項目注入來,谷大間上市公司話都無咁易,唔好話17億市值、炒到30億市值都唔過份。

2. 陳公子都係叻仔,宏基資本大廈呢個項目賺左幾個億,而家仲有大把資金分散投資唔同項目。佢入股左《喜洋洋》創辦人蘇永樂個檔"永樂創新教育",隨時會變成一個金礦。家下阿里、騰訊都爭住搞網上教育,永樂創新教育比人行早一步,一早就開發用apps來學習,如果成功推廣到全國,成為全國幼兒教育的第一品牌,你話值幾錢?」

聽完我都傻左,咁都比佢諗到,難怪佢做到大炒家,我仲係小散戶。

對話到尾聲,我膽粗粗問大炒家隻宏基應該幾錢落車好,佢靜靜雞話我知:「第日如果升到3元,你就沽一半攞返個本金先,剩下個一半零成本就留低放紙鳶。」


以上對話純屬虛構,信者無得救!
以上對話純屬虛構,信者無得救!
以上對話純屬虛構,信者無得救! 

但所有數據無作大。

參考資料:

澳門娛樂博彩中介人協會成立

永樂創新教育 

喜洋洋之父蘇永樂訪問視頻 

 

187 則留言:

  1. 本篇內容純屬玩票性質,與眾同樂,大家不要當真。

    回覆刪除
    回覆
    1. 希望明天一步到位3.5,哈哈

      AP

      刪除
  2. 偉哥這篇“虛擬對話“好萌呀 XDDD
    Can

    回覆刪除
    回覆
    1. 唔明 "好萌" 的意思。

      刪除
    2. 好似是“好可愛”的意思?XD

      刪除
    3. 偉哥你好out啊!萌都唔識... 今次我可以教你野勒。如果有位年過五十的女士突然穿著美少女戰士的Tee,加條超短條熱褲,你就可以話佢係度賣萌勒(記得唔好讀錯個萌字喎!) :p

      刪除
    4. 對的!"好萌" 的意思是“好可愛”

      刪除
    5. 哈哈,咁希望對住我講"好萌呀 XDDD" 是一名女生.......

      刪除
    6. 没錯,就是一名女生 XDDD
      Can

      刪除
    7. 我仲out, XD / XDD / XDDD 點解?

      刪除
    8. 謝謝can,得到女生讚我可愛,即時覺得自己後生了幾年。

      刪除
  3. =可愛極了呢 XDDD 看了本篇後令人
    會心微笑。印象裡也好像甚少見偉哥用這種形式表達……
    Can

    回覆刪除
  4. 有d似周x大師寫既味道
    經常說認識好多大人物

    回覆刪除
    回覆
    1. 明顯一注獨贏就肯定係孫大炮的口脗。

      刪除
  5. 偉哥寫野幾時都係咁實在既,連寫d幽默都係。

    回覆刪除
  6. 呢個post有啲似味皇兄就真...

    回覆刪除
  7. 偉哥,估唔到你寫得咁風趣,哈哈

    回覆刪除
  8. 有周大師嘅味道, 可以做偉大師

    回覆刪除
  9. 偉哥睇你甘耐,尼篇刀算突破之作。謝謝分享。

    回覆刪除
    回覆
    1. 不是突破之作,是搞笑之作。

      自嘲之餘,也不忘諷刺下D專欄"作"家。

      刪除
  10. 重點係如果篇文真係登咗係生果報, 啲數字就算唔係真都會因為你寫得咁吸引而飛身入咗去.....唔知會唔會有人睇咗偉哥篇文而入重貨做成偉哥效應?

    回覆刪除
    回覆
    1. 如果呢篇野真係登係生果報,加上刪除那些警告字眼,相信今早2288已見2元了。

      刪除
  11. 話唔定今日股價會異動添呀

    回覆刪除
  12. 偉哥寫得好傳神噃, 我地係隔離聽電話, 好過癮, 似係馬場^^
    好彩跟坐左了很久唔洗理了, Thanks^^

    回覆刪除
    回覆
    1. 加杯茶就多 10%, 真真勁!!!^^

      刪除
  13. Wai gor, 你點攪啊, 你咁寫明2288都照升, 真係冇計. ha ha!

    回覆刪除
    回覆
    1. 仲要係爆升+大成交, 真係 CRAZY.

      刪除
  14. 大家睇完就算,千萬不要當真玩一注獨羸,我絕對不贊同大家咁做。

    此外,我的真實目標價仍是2元左右,文中的目標價只是作大,希望大家不要信以為真。

    回覆刪除
  15. 偉哥 一講完隻野今日便有反應, 咁真係有大戶睇住你來入注哦!

    回覆刪除
  16. Wai Gor, 118.HK has very large movement these few days. I know you have sold all but I still keep some. I think it is quite undervalued. What do you see.

    回覆刪除
    回覆
    1. 其實我自己對本業沒有太大期望,因為管理層太守舊,看不到業務有突飛猛進的可能。

      但今期有一次性收益入帳,加上資產折讓大,似乎有大戶借勢炒上。

      刪除
  17. 我講到明吹水作大,呢篇文只有600人睇過,都可以大把人照單全收,掃起隻股7%;

    咁以生果報幾十萬讀者,仲要篇篇作到咁大,只要有1%人的計,再加以每人只用一、二萬元入市,個購買力有幾大?大家不妨計下數就知。

    所以如果呢D大報的專欄好多已淪為莊家打手或以自身利益出發。我相信而家的專欄作家即使冇稿費,都大把人爭住寫,因為最好賺的是從中得到的利益。

    生果報不妨諗下以後的專欄作家不只冇稿費收,仲要收取專欄租金,每個月收10萬元都租得出。

    回覆刪除
    回覆
    1. 點解會咁,我都未買!(哭。。。)

      刪除
  18. 偉哥、寫到咁萌。。。睇來今天升10%少不了、盲目的資金!?

    ww(old)

    回覆刪除
  19. 我相信偉哥剛剛買了2288十萬股$1.65和十萬股$1.7!
    上帝保佑我!阿門!
    我承擔我自己的責任!!

    Louis

    回覆刪除
    回覆
    1. 哈哈,你是大戶,又身經百戰兼有耐性等,我不擔心你啊。

      我只怕其他新手追入,但無耐性等,最後又要止蝕沽出。

      刪除
  20. 偉哥: 幾時寫編關於#557 (雖是殼股), 嘻!

    回覆刪除
    回覆
    1. 偉哥之前已經對557寫得好詳盡了啦~

      刪除
    2. Hey, 2288 偉哥之前都寫得幾詳盡喎

      刪除
  21. eprint 又o黎過。。。

    ww(old)

    回覆刪除
    回覆
    1. 唉,所以我自嘲都係冇錯。

      而家沽有一倍利潤了,但沽早左,實際落左袋的都不到3成。

      我真係想知因乜炒上?

      刪除
    2. 不排除有'人'火遮眼/要令你跌眼鏡/要此blog讀者兵慌馬亂

      內部消息?

      CB new

      刪除
    3. 隻1884今日進急退銳,感覺是國內莊家在炒作。

      刪除
    4. 聽講eprint開發新業務,唔只印banner,仲印埋銀紙,學Derek兄,以上都是吹水唔抹嘴之作:P

      刪除
    5. 1884應會謝返1.1左右。

      刪除
  22. 這篇文真的只可一、不可再,無下次啦。

    希望我的讀者具有良好的思考能力。

    回覆刪除
    回覆
    1. 多謝你幫手, 重高位散貨近三百幾萬股收到笑. 以上係吹水唔記得抺咀之作.

      刪除
    2. 哈哈,之後可能1884事件重演,我地以為高位沽左貨,點知莊家就多謝都冇一聲。

      而家D炒作真係A股化,大陸資金實在太癲。

      我呢篇文都不敢轉載雪球,不然可能更大反應。

      刪除
    3. 不過偉哥咁寫,好有趣味!我睇完真系"會心微笑".

      有幾個朋友,睇完報紙就講番同偉哥差唔多內容比我聽,誇大個"幻想"空間.好似隻8083咁,又話同700,941 有合作,未來好多空間發展,股價有排上,同佢地講,唔可以咁諗架,但佢地已經上左腦,點講都沒用.

      刪除
  23. 呢篇文所講的陳公子的背景是千真萬確,佢老豆應該算在澳門賭廳縱橫多年,但除了上市時有報章提及外,平時都好低調,好少人提及其背景。

    此外,永樂教育想進軍國內幼兒教育也是真的,只是我不知現在十劃有冇一撇而已。

    回覆刪除
  24. Wai Gor, #992正邁向你的初步目標, 請問到時會值得考慮嗎?

    回覆刪除
    回覆
    1. 點搵番992 偉哥當時講既野 ? 上面Search Engine 好似唔可以咁search :(

      刪除
    2. 我只係粗略睇過, 7-7.3元左右我會考慮買第一注。

      刪除
    3. Wai Gor, Thanks for your reply

      刪除
    4. 原來美林今日將聯想目標價大降至7.1元,差不多是我的目標買入價。

      -----------------------------------------------------------------------------------------------------

      《大行報告》美銀美林降聯想(00992.HK)評級至「跑輸大市」 削目標至7.1元
      2014-02-21 14:28:09

      美銀美林表示,將聯想(00992.HK) -0.190 (2.349%) 沽空 $3.30億; 比率 24.717% 評級由「買入」降至「跑輸大市」,目標價由11.3元降至7.1元,預計聯想需長時間,才可扭轉摩托羅拉移動的業務表現。

      該行指,聯想難以將在個人電腦業務的成功,複製到手機業務上。摩托羅拉手機業務或拖累聯想之營業利潤率,加上聯想需要承擔高昂成本來重建該品牌。聯想計劃收購摩托羅拉的知識產權及全球渠道,但該行認為,唯一的正面消息,是將摩托羅拉扭虧為盈。

      預料聯想2015/16財年的每股盈利,按年分別降41%/14%。執行風險包括摩托羅拉或錄得9.2億美元的年度虧損、其智能手機市場份額下降,及聯想在競爭激烈的智能手機市場中,盈利能力不足。該行未有計入聯想收購IBM x86伺服器業務的交易,因該交易面臨較高的審批風險。(na/t)


      阿思達克財經新聞
      網址: www.aastocks.com

      刪除
  25. 請教偉哥, 1382 你睇幾錢放?

    回覆刪除
    回覆
    1. 偉哥應會等業績, 是嗎? (除非有大升15%)

      刪除
    2. 是的,除非升多過15%,否則會等業績。

      如果有留意我11月寫的業績短評,1382越南的新廠房將於今年底投產,盈利有增長空間。

      刪除
  26. 宏基資本有限公司 02288

    盈利摘要-全年業績 2013/03 2012/03 2011/03 2010/03 2009/03
    盈利(百萬) 138 110 141 175 144
    盈利增長(%) 26.00 -22.39 -19.39 21.91 78.51
    每股盈利 0.2890 0.2290 0.2900 0.4000 0.4000
    每股盈利增長(%) 26.20 -21.03 -27.50 0.00 33.33
    每股派息 0.4500 0.1150 0.1500 0.1800 0.0000
    市盈率(倍) 5.47 6.11 4.00 5.35 7.10
    周息率(%) 28.48 8.21 12.93 8.41 0.00
    派息比率(%) 155.71 50.22 51.72 45.00 0.00
    每股賬面資產淨值 1.8118 1.9910 1.7944 1.6283 N/A
    報告貨幣 港元 港元 港元 港元 港元

    綜合資產負債表-全年 2013/03 2012/03 2011/03 2010/03 2009/03
    固定資產 4,663 34,572 27,690 6,872 6,000
    投資 332,979 39,212 36,070 0 0
    流動資產 1,712,566 1,913,786 1,468,057 1,047,346 696,943
    其他資產 42,274 17,486 22,774 7,498 746
    總資產 2,092,482 2,005,056 1,554,591 1,061,716 703,689
    長期債項 96,970 497,623 243,973 0 1,667
    其他長期負債 17,939 99,234 399 372 357
    流動負債 967,415 449,525 448,888 279,772 438,188
    股本 4,774 4,774 4,800 4,800 40
    儲備 860,262 945,804 856,531 776,772 263,437
    股東權益 865,036 950,578 861,331 781,572 263,477
    貨幣 港元 港元 港元 港元 港元
    單位 '000 '000 '000 '000 '000
    主要項目 2013/03 2012/03 2011/03 2010/03 2009/03
    存貨 1,183,836 817,256 376,721 0 0
    現金及銀行結存 406,716 370,771 434,307 657,506 191,883
    短期債項 304,125 63,880 123,123 1,667 26,667
    總債項 401,095 561,503 367,096 1,667 28,334
    核數師意見 1 1 1 1

    主要股東
    股東名稱 今次持股量 所佔率% 日期
    DIRECTOR WILLIAM CHAN 203,208,000 42.560 2013/10/09
    DIRECTOR NG TAK KWAN 84,000,000 17.590 2012/09/30
    LEUNG KAI MING 32,477,000 6.800 2013/10/09

    街貨<160百萬股,P/ B<1,股息收益率6%,數據還是不錯的。
    我有睇過再去買!

    Louis

    回覆刪除
    回覆
    1. 你給我的感覺是經驗豐富的股場老手。

      刪除
    2. 作者已經移除這則留言。

      刪除
    3. 股本變化
       - 2009年8月,以每股$4﹒18,發行及配售1﹒2億股新股上市。


       派送紀錄:


         財政年度             事項           除淨╱生效日期    公布日期
         (月╱年)                         (日╱月╱年)   (日╱月╱年)

         03╱2014  中期息5仙                27╱03╱14  29╱11╱13
         03╱2013  末期息5仙                07╱11╱13  28╱06╱13
         03╱2013  中期息5仙,特別股息35仙        20╱12╱12  28╱11╱12
         03╱2012  末期息6﹒5仙              03╱08╱12  11╱06╱12
         03╱2012  中期息5仙                16╱12╱11  21╱11╱11
         03╱2011  末期息8﹒5仙              23╱08╱11  28╱06╱11
         03╱2011  中期息6﹒5仙              08╱02╱11  24╱11╱10
         03╱2010  末期息9﹒5仙              09╱09╱10  09╱07╱10
         03╱2010  中期息8﹒5仙              23╱12╱09  10╱12╱09

      不敢當, 偉哥實在太過抬舉我。

      除了物業, 它也有其它的投資。

      上市已有4年半, 作風正派, 正正當當做生意, 並無攤薄小投資者利益的記錄, 併且每年慷慨派發股息。

      目前的價格($1.7)不到發行價的一半, 只要有持貨的能力, 宏基值賭率是相當高並且是相對安全的!

      刪除
    4. 昨天趁跌時己進取追入了954及1382...為保持適量現金,今天星期五亦不作打算買貨

      但今午2288 再在1.65 - 1.66 徘徊時即入 @1.66.

      不講其它,在技術上,裂口有量高開地爆上,今日亦曾回一回於1.63即有買盤頂番上...
      較看好其向北走的走勢動力仍在,投下當頭起信心一票買進.
      昨日跟唔到偉哥,...今日趁機撘上豪華遊輪,買個三等倉位來過夢幻之旅可也....哈哈

      亦謝謝路易斯大戶補貼的詳細分析

      刪除
    5. Brother Danny: 1.63 is open price. When falling back from 1.79, only fall back to 1.65; please correct if i'm wrong, thanks

      刪除
    6. 只是fell back to 1.66,因9點半後set了1.65(排頭位)都一股入唔到。

      刪除
  27. 偉哥,小弟己入一注709,今午收市創新低,係唔係形勢有變?

    回覆刪除
    回覆
    1. 你翻看昨日的留言區,網友已轉載了美林的報告,其預期2013年下半年盈利將倒退,故將目標價大幅削至4.X元,也因此股價大跌。

      刪除
    2. 兄台, 入咗唔係一定升架可能仲會低處未算低添, 驚就做吓功課乜你無留意偉哥留言嘅咩?

      刪除
    3. 形勢無大變:大減價中(年頭到現在)
      希望可平過彤叔,再入多D。

      刪除
    4. 我相信彤叔的平均成本價應該接近4元,不過佢已收左幾次息,而家平均成本可能4元左右。

      刪除
    5. *****溫馨提示******
      大家亦不要著重彤叔的持股....
      他是大水喉呢度唔見的第二度執番...比面派對亦有
      感覺上他持的股亦不易玩.

      你可去睇下佢曾經不停贈持果隻曾經是皇者的酒業股--886
      感受到嗎?

      刪除
    6. Danny 兄, 非常多謝提示. 請勿介意, 請問彤叔還持有886 嗎 (因比面派對), 賺面有利潤嗎? 已止蝕或已袋袋平安?

      刪除
    7. 我自己覺得不應將有往績及管治良好的佐丹奴與民企的銀基相提並論,兩者屬不同層次的公司。

      股票買賣一定有風險,故此大家要因應自己的風險承受能力去作出投資決定,千萬不要盲目跟隨我。

      刪除
  28. 偉哥,你會唔會係業積前投機性再買入2038?thanks!

    回覆刪除
  29. 剛增持多注709@5.12,目前持兩注貨,平均成本5.29元。

    即管看看下星期的業績會否令人失望。

    回覆刪除
    回覆
    1. 跌到好似無底咁

      刪除
    2. 天氣持續寒冷有心無意行過709門口見佢啲衫咁平, 於是@5.1買件暖吓身, 下星期天文台又話會回暖所以唔會買太多免得積壓太多衫, 哈哈.

      刪除
    3. 彤叔可能出動掃減價貨都唔定。

      刪除
  30. 偉哥,友邦保險1299今日出業績後先升後跌,你有任何睇法嗎?謝謝!

    回覆刪除
    回覆
    1. 保險股我不懂如何計算估值或解讀其業績,所以無法評論。

      刪除
  31. 讚讚讚讚讚讚讚讚讚讚讚讚 !!!!

    回覆刪除
  32. 臨收市前,2300@3.02元的買盤中左。

    上次沽出是3.24元,今次買回淨賺0.2元的差價。

    下月就出全年業績,這次應該會等到業績公佈。

    回覆刪除
    回覆
    1. 唔知業績是好定是壞哩???

      刪除
    2. 只要下半年的業績與上半年相若,則現價預期市盈率只有7倍,估值是偏低。

      刪除
    3. 2300負債不輕,上年更大派特别息,偉哥有什麼意見?

      刪除
  33. 302, postponed again to 31.3.14!

    http://www.hkexnews.hk/listedco/listconews/SEHK/2014/0221/LTN20140221270_C.pdf

    回覆刪除
    回覆
    1. 有壓力 ? 不過應可繼續持有等收成兼收埋息?!
      請問偉哥及各網友, 有息派會否代表收購不成功, 無息派又會否代表收購成功?

      刪除
    2. 基本上跟上月發出的那份公告一樣,也沒有交待延期的原因或交易的進展。現在也沒有什麼好做,繼續觀望。

      刪除
    3. 另, 東亞業績可令永亨有更好協議能力?

      刪除
    4. 偉哥昨天說:
      "如果永亨在業績前成功賣盤,那應該不會派發未期息的;相反如果業績前已宣佈賣盤失敗,則會如常派發未期息。

      至於協議限期,如有需要是可以再延長的,只要雙方同意就可以。"

      刪除
    5. 所以3月6日宣布業績便可有點啓示?

      刪除
    6. 1. 我相信這次全年業績不會派未期息,因為派息會影響公司的資產值,也會影響公司的估值,故在賣盤洽商完結前不會派息;

      2. 3月6日的業績應不會有啟示。

      刪除
    7. 下星期會跌番1-2蚊

      刪除
    8. 不如講解下點解會趺1-2蚊呢?

      刪除
    9. 你唸番上次延期之後咪知囉

      刪除
  34. 偉哥,你709加注,即表示你對自己有信心!我再沒疑問了。我也明白股價有升跌,賺蝕都有機,謝謝你的意見!小弟會繼續支持你!

    回覆刪除
    回覆
    1. 我會不斷分享我的買賣及看法, 但大家不要盲目跟隨,要因應自己的風險胃納去作出買賣決定。

      刪除
  35. 15 盈信 - 偉哥還持有嗎?你會否再買入

    回覆刪除
    回覆
    1. 有貨在手,現價暫不打算再增持。

      被點左穴,大市升跌都同佢無關係。

      刪除
  36. 偉哥一如以往分析都是冷靜和中肯,如實的反映股值,我支持你!

    回覆刪除
  37. 557
    http://www.hkexnews.hk/listedco/listconews/sehk/2014/0221/LTN20140221414_C.pdf

    雖 然 對 本 公 司 及 其 附 屬 公 司 之 盡 職 審 查 仍 在 進 行 中 , 但 各 方 已 開 始 有 關 買 賣 協 議 條 款 之 磋 商

    回覆刪除
    回覆
    1. Great, thanks much.

      刪除
    2. 唔錯丫,有進展,雖然都唔知要搞幾耐。

      23/01/2014的公告:
      董事會獲悉對本公司及其附屬公司之盡職審查仍在進行中,且截至刊發本公佈之日有關各方尚未訂立正式買賣協議。

      21/02/2014的公告:
      董事會獲悉,雖然對本公司及其附屬公司之盡職審查仍在進行中,但各方已開始有關買賣協議條款之磋商。由於各方仍在磋商及尚未落實買賣協議條款,故截至刊發本公佈之日有關各方尚未訂立正式協議。

      刪除
    3. 起碼多左句:「各方已開始有關買賣協議條款之磋商」,都叫做有進展,好消息來。

      刪除
  38. 709有心無意睇咗幾日, 似是有心人志在推低多於出貨. 沽盤成日都有幾十萬貨及十零廿個外資牌頂住見有買家就沽低再排, 曾經見德X志掃上轉頭就畀人質低啲添. 沽家多以二千四千出, 如果想排位出貨, 前面有多牌及多貨頂住試問你會點呢? 最好推到落四蚊, 其實講乜都多如下星期四就開估, 哈哈.

    回覆刪除
  39. 偉哥你個 BLOG 張相隻牛其實咩意思????

    回覆刪除
    回覆
    1. "牛"者, 代表牛股也。

      刪除
    2. 一直以為是一分耕耘一分收穫

      刪除
    3. 當見到隻牛疾步走過,經過那個背景時,我毫不猶豫拍下這畫面。

      刪除
    4. 哈哈, 人地 D 牛好威武. 呢隻雖然都係牛, 但好似唔係咁精神
      可能都襯返偉哥你D 選股, 低調股羸大錢.
      WAKAAAAA~~

      刪除
    5. 我都以為系一分耕耘一分收穫,哈哈!

      刪除
  40. 偉哥好,星仔和廖企都係廿六號公佈業績,,,我在業績後沽出兩大重磅股,然後用來抽保利,技術上許可嗎?

    回覆刪除
    回覆
    1. 26號出業績,你27號沽貨,T+2交收關係,資金是無法用作抽保利的。

      刪除
    2. 係同一間行沽廖企同抽保利冇問題..佢地睇trade day cash 架咋..

      刪除
    3. 不是每間証券行都容許的,例如耀才就一定要在扣數前一日見到資金到帳;而致富可能容許,但會加收利息的。

      刪除
  41. 偉哥,待有空,不妨看看 693 陳唱國際。
    中期業績不錯(注:當中有部份乃重估收益)、主席增持、有長期派息記錄、低估值、受惠日元貶值。

    回覆刪除
    回覆
    1. 上半年核心盈利接近3億元,目前估值我自己覺得不是太過低估。

      街貨少,加上大股東不斷增持,相信遲早都會私有化,只是不知尚要等多久。

      刪除
    2. 作者已經移除這則留言。

      刪除
    3. 你說得對,我忽略了其他收益佔整體盈利的比重,謝謝你的提點。
      現價應該差不多,怪不得升不了。

      刪除
  42. 作者已經移除這則留言。

    回覆刪除
  43. 我寫一下對8207 的一些看法
    即日炒上8207

    http://big5.chinanews.com:89/fortune/2014/02-21/5866232.shtml

    中國資本密集行業新形態: 眾籌

    聯合光伏發力網際網路金融 眾籌打造光伏電力新模式

     中新網2月21日電 近日,“聯合打造,全民眾籌”——光伏互聯金融戰略聯合新聞發佈會在深圳召開,招商新能源集團旗下聯合光伏(金保利新能源於2014年2月11日起正式更名為聯合光伏集團有限公司)攜手國家開發銀行、國電光伏和網信金融(眾籌網)等合作夥伴共同啟動光伏互聯金融戰略合作,通過網際網路眾籌的嶄新模式在中國的改革前沿——深圳前海新區聯合開發全球第一個兆瓦級的分佈式太陽能電站項目,這是國內光伏電力行業與網際網路金融的第一次牽手,是光伏電站產業發展的里程碑。
      互聯金融與綠色實體經濟首次結合
      聯合光伏是專業從事投資及運營太陽能光伏電站的中國領先企業,總部位於香港,並在香港主機板上市,一直致力於聯合產業內的核心和優勢資源乃至社會各界力量,打造中國最具規模效益及最專業的光伏電站運營平臺,讓綠色家園理念真正走進千家萬戶。伴隨著智慧終端的普及,雲計算能力的跨越發展,以及寬頻網路的不斷升級,在新能源電力基礎平臺上,網際網路金融的發展成為催化劑,推動了產業與金融日益緊密融合,二者的互動更帶來了新的價值。
      移動互聯金融元年,互聯金融與以光伏電力為代表的綠色實體經濟相結合,不僅將在最大程度上有效規避網際網路經濟的潛在風險,還將加快綠色經濟實體與普通公眾個人經濟生活的融合,促進全民環保意識的加強,借助網際網路的高效特點推動國家環保事業的加速發展,以及新經濟形勢下綠色實體經濟產業化與市場化的深度變革。
      本次光伏互聯金融戰略的推出,是產業網際網路時代背景下的產物,也是中國新能源電力行業與網際網路金融模式相結合的一次全新的嘗試,是創新金融投資方式和創新光伏電力發展模式的重要突破。招商局集團和光伏綠色生態合作組織對該項戰略聯合給予了鼎力支援。未來,招商局集團還將更好的協調各方資源併為之提供更多經驗支援,光伏綠色生態合作組織將自上而下的保證光伏發電的效率及穩定性,促進優勢互補,合力打造光伏產業良好的生態環境,推動光伏發電事業的可持續健康發展。
      
    眾籌模式打造互聯金融生態閉環
      作為本次聯合光伏發佈的全球第一個兆瓦級分佈式太陽能電站項目,將通過中國最具影響力的網際網路眾籌平臺—— 眾籌網以眾籌的模式向公眾募集資金,開發1MW的光伏電站。聯合社會各界力量,推動新能源電站的建設。該創新模式下,將以金融消費者為出發點和落腳點,構建一個網際網路金融生態閉環,並向全社會推廣“聯合打造,全民參與”光伏建設的新理念。
      第一個項目選擇在中國金融創新試點的前沿——前海新區,具有特殊的歷史意義,意在代表光伏央企國家隊引導民間資本投資長期穩定回報的實體經濟,初步計劃通過眾籌模式向有志於投資光伏電站的資金提供者發起募集。為保障項目的有效實施,聯合光伏攜手國內諸多合作夥伴,比如國電光伏全程負責項目的EPC,確保施工品質;國家開發銀行負責全程監管眾籌資金,確保專款專用,眾籌網負責通過網際網路眾籌資金,推廣新的合作發展模式。聯合光伏還計劃在未來所有的光伏電站項目中應用移動網際網路的手段,將新能源與大數據管理跨界整合應用,以提高電站的管理效率。
      聯合光伏董事局主席兼首席執行官李原先生表示,光伏互聯金融的新模式,是新能源電力行業的一次創舉,不僅能有效推動光伏電站行業長期可持續的健康發展,同時也是新能源電力行業在網際網路金融蓬勃發展背景下的創新思維,利用社會力量快速發展的新思路。在霧霾日益困擾人們的今天,如何通過創新的網際網路方式讓全民共同參與到低碳減排的行動中來,是背靠百年招商的聯合光伏的社會責任。聯合光伏將攜手眾多行業領先的戰略合作夥伴,聚合千萬民眾的力量,共同建設綠色家園,實現綠色環保的中國夢。

    放眼睇中國信貸, 佢成個佈局係點玩:

    (1) 買左大連先鋒拎左個中國全國網上支付牌
    (2) 請左網信金融CEO 做執行董事, 開始搞網上金融, 咁0岩咁快出個眾籌概念 (大國企同民企搞呢D 敏感行業一定傾左好耐, 其實不如話8207一早知網信金融有大PROJECT 先請佢個CEO)
    (3) 請左個BANKER 搵基金入股
    (4) 叫返任德章返黎玩, 就係要佢個NETWORK, 搵D 大金主

    成個局配合咁多新股東, 成本去到$0.7, $0.8 什至$1, 你話之後股價會點?

    SORRY, 不才同朋友同佢地同鄉個盤大, 無可能日日睇住$1.07沽想$0.8 買返, 只好一股不賣了. 當吹水又好, 賺錢卻很誠實.

    http://www.ncfgroup.com/ (網信金融)
    http://www.firstpay.com/ (先锋支付, 即是第一支付, 8207最大股東)
    先锋支付是网信金融集团旗下的第三方支付服务平台,取得了由人民银行颁发的中华人民共和国支付业务

    最大股東先锋支付母公司網信金融CEO 做左8207 執行董事, 誇張D 講係8207 舊股東上海解放集團賣左殼!!

    咁睇清楚個關係未?

    先锋金融集团或借8207 實現整體上市
    http://bj.36yc.com/details/a1a1a1a030cf5c080130cfa41d5f669d/

    投资人姓名 出资金额(万元) 类型
    张振新 100 自然人股东


    呢個张振新, 就係8207 第一大股東

    北京东方联合投资管理有限公司為眾籌網母公司

    先锋金融集团是一个金融帝国, 你可以想成是8207 要引入先锋金融作為大股東, 而先簡單的放進空殼的先鋒支付, 要記得收購先鋒支付有個2014年盈利保證, 2014年先锋金融只要給先鋒支付一點生意, 就很易達標.

    當然, 不排除超標, 目的都是為了炒上8207

    不要只看表面, 想想你是大股東, 你為什麼這樣做

    http://www.ucfgroup.com/ (看看先锋金融集团)

    fishlove2001

    回覆刪除
    回覆
    1. fishlove2001閣下由上年12月至今都很用心在別的網站不斷推薦此股票, 應該買了不少吧! 但這樣不斷 HARD SELL 一隻股票, 現在連偉哥的平台也利用了, 好像不太好吧. 偉哥在這裡分享自己的交易, 但感覺他不是為此推高自己持有的股票來散貨. 但你在別的網站說"不問價追中國信貸", 唉......

      刪除
    2. fishlove兄真的很進取,連我的雪球帳戶也收到這番言論。

      寄語fishlove兄,有麝自然香,好股只需稍為提一提重點,自然有很多人會跟進;衰股即使因為大鑼大鼓的宣傳功勢而短期上升,但後勁不繼打回原形,令跟進的網友輸錢的話,日後你再怎麼唱好也沒有人信。

      當有一日你可以做到你買貨時,網友可以以同價、甚至比你更低的價錢買入;你沽貨時,網友可以施施然比你更高的價錢沽出,那即使你大隱隱於市,也一樣有人會千方百計把你找出來。

      刪除
    3. 偉哥答得很妙。除了跟偉哥你學習選股方法,我更想跟你學習待人接物的技巧和做人處世之道。

      刪除
    4. 我覺得他不斷推介,最主要目的當然是他自己買左,然后想別人幫他推上去,只要知道既人多,一傳十,十傳百,只要庄家不力沽,肯定推到只股上去,即使下跌,他自己也會走得比人快,感覺不只是分享咁簡單囉.

      刪除
    5. 偉哥,感謝你的大量,沒有責怪我搔擾了你的平台,還好言相勸。我明白我的寫作也許有點誇張,表達方法亦略為進取,不好意思。若我為你和你平台上的網友帶來不便及不舒服的感覺,有須要就先把此分享刪除吧,我理解的。將來我在此平台留言亦會多加注意。謝謝。

      fishlove2001

      刪除
    6. fishlove兄,其實我很樂意網友們在這裡分享不同股票的看法,也歡迎繼續在這裡分享你的看法。

      雖然有時候你的表達方式比較誇張,但也看到你花了很多心機去研究,值得支持的。

      刪除
  44. 請教偉哥 :
    我是台灣人 想參與香港IPO 因台灣新股太難中了
    想請教如果用60萬港幣 每次都融資9倍 每一支都抽
    回報率高嗎 ?
    我的email : lifun_7@yahoo.com.tw
    萬分感謝

    回覆刪除
    回覆
    1. 如果每一隻新股都抽,每次都融資9倍,我相信你那60萬很快化為烏有。

      只要你遇上一隻少人抽的衰股,然後中籤率高達5成、上市後股價跌兩成,你的所有本金就全部輸光。

      我只會建議你選擇熱門的新股來抽,冷門的新股除非很有信心,不然不要抽或融資抽。

      千萬不要以為新股必賺!

      刪除
  45. 兩岸三地都有粉絲, 勁.

    回覆刪除
    回覆
    1. 根據上個月數據,觀眾來源依次是香港、澳門、美國、台灣、加拿大、新加坡、澳洲、日本、中國及韓國。

      由於國內網友要翻牆才能看到我的網誌,所以實際上看這個網誌的國內網友不多,主要是經雪球與我交流。

      刪除
    2. 有麝自然香一語中的.

      刪除
    3. 我上周係國內想睇偉哥都睇唔到, 結果裝咗雪球至睇到一啲滿足一下....咍咍!

      dt22

      刪除
  46. 偉哥點睇1371?我見佢橫行已久,0.79入左40000股
    點知一入就落到0.75了:(

    回覆刪除
    回覆

    1. 偉哥:
      "很抱歉我沒有留意1371。"

      刪除
    2. 老友, 半年升左8倍都夠膽入,仲可以講咩,博升多八倍咩.

      刪除
    3. 這些彩票股或許有前景,但估值如此貴就肯定不會是我會跟進的股票。

      刪除
    4. 有冇人知道 1371 幾時出業績?

      uncle 7

      刪除
  47. 偉哥! 唔知你對芯片行業有沒有研究? 好像981, 8046, 1385

    回覆刪除
    回覆
    1. 沒有研究,所以之前好多人問過我981點睇,我都無法評論。

      刪除
  48. wai gor, 隻2722重庆机电,把二幅地賣给重庆政府,收12亿人仔,但现在巿值才10亿HKD,是否很抵買?不知道有否欠債,但公司一直都有盈利

    回覆刪除
    回覆
    1. 2722因有內資股關係,所以實際發行股數是36.845億股,目前實際市值是34.63億港元。

      至於估值,以核心盈利計算,目前不算貴,但由於盈利持續下跌,故市場不會給予太高估值,也暫時看不到盈利會扭轉逆勢。

      刪除
  49. 常茂生物 high point now. , Wai Gor. :)
    ABC

    回覆刪除
  50. 954 到價 thanks wai gor :)
    Hungch

    回覆刪除
  51. 偉哥~ 954破到1.5..而且有成交配合.應該還有力再上. cheer !!!

    回覆刪除
    回覆
    1. 希望如此,我也保留2/3持股等業績。

      刪除
  52. 今早以平均價11.08元買入兩大注635。

    先前有雪球網友與我提及此股私有化的可能性,我近日研究過後,也覺得有此可能性,故投機性買入。

    由於是次買入投機為主,故網友如要跟入,請注意風險,也不建議高追。

    至於詳細原因,留待晚上再寫。

    回覆刪除
    回覆
    1. Wai Gor, thanks for let us kno. How about 869??
      ABC

      刪除
    2. 869肯定不會私有化,但如果635要私有化的話,肯定會向635股東實物分派869的股份。

      刪除
  53. 另外,剛成功減持1/3的954 @1.58。

    仍保留2/3持股等待業績。

    回覆刪除
  54. 954 己到美味魚身,魚頭價........
    亂世癀儲量為策,唔理好醜先食兩口平均價12.7的,留下一手最近1.39入的睇住門口.

    謝謝偉哥

    回覆刪除
    回覆
    1. 哈哈,睇你開心到將1.27打成12.7元。

      刪除
    2. 已沽清954@1.6,賺左50%,再次多謝偉哥。

      刪除
    3. 今次反而我仍保留2/3貨等業績,看看會不會有驚喜。

      刪除
    4. 真係好開心,好似早排炒新股食親最小都有20-30%...
      其實唔使心多,在偉哥個菜單買進,咁上下就有糊食架啦.....
      呢隻追唔到,就捕第二隻.....漁翁撒網去玩,.唔心急去高追,等佢回先上車,水位自然多.....我粗略計過,由八月開始咁玩到現在...你想瘦身都難啦
      如果想做肥仔,.就係咁簡單............哈哈

      刪除
    5. 我都多謝偉哥一聲. 剛才忘了請見諒.! > <

      刪除
    6. Sold all 954....thank you 偉哥

      Peter仔

      刪除
    7. 已將沽954的錢買888,如果888今年派埋之前收番傳動大業個筆錢,應該會有10%股息。

      刪除
  55. 557小d定力都比佢嚇走

    jc

    回覆刪除
    回覆
    1. 之前低位撈了貨的網友今日大獲全勝。

      所以炒併購概念股就是如此,不能太重注,能平常心面變股價上落,以不變應萬變。

      刪除
    2. 557已食,多謝偉哥。希望佢再跌過。

      刪除
    3. 哈哈, 又一現實版教導.

      刪除
    4. 衰在我之前1.95 買
      所以今日冇放
      請問偉哥target

      刪除
  56. 635 偉兄效應又來了, 557 今日順利彈上去

    回覆刪除
  57. for your reference

    24/02/2014 10:53
    於內地經營拍賣行業的保利文化(03636)公開發售熱爆,今早開始公開發售初段已錄得逾16倍超額認購,本港史上新股第二超購最多的惠生國際(01340),首日招股要遲保利文化一小時才獲逾4倍超購,可見投資者對保利文化的瘋狂情度。

    據輝立證券的資料顯示,該行截止今早10時40分左右,已為保利文化借出45.7億元孖展額,相當於公開發售超購逾16倍,該行早前指,已接獲逾50億元保利文化孖展意向。

    回覆刪除
  58. 偉哥,3368會私有化嗎 , 請賜教。
    chun

    回覆刪除
    回覆
    1. 暫時見不到私有化的徵兆。

      刪除
  59. 偉哥, 有無留意過隻303?

    回覆刪除
    回覆
    1. 因為持續高息,所以估值偏貴。

      1382的情況有些類似,雖然行業不同,但1382我自己覺得估值是比較合理。

      刪除
    2. 偉哥,可否講下私有化有咩徴兆,謝謝。EC

      刪除
    3. 今晚我寫635為何可能會私有化,你可以留意下。

      刪除
  60. 偉哥多謝你。我都在1.62賣了一半。但隻滄海遺珠498仲好似未訓醒喎,咩原因呢?唔該

    回覆刪除
  61. 2288 今日公佈業績 派息0.032 無想像中咁多 偉哥點睇?

    回覆刪除