2011年8月19日 星期五

我的炒股經歷(5) - 結局篇

市場真的永遠是對的嗎?

經過科網股熱潮後,我不再相信。

市場是由一大班"人"一起進行買賣而形成,即是說"人"才是市場最核心的部份。市場價格的升跌主要是受一大群人的“共識”所影響,例有同時有很多人看好,市場就會趨升;很多人悲觀、看淡,市場就會下跌居多。但人有貪婪、有恐懼,是否大部人的共識就等於正確?相信很多人都聽過股票市場9成參與者都是輸家,只有一成人才是贏家,既然大部人都是輸家,那大部人的"共識"所形成的市場升跌又是否永遠是對的?

科網股熱潮時我很少參與股票的買賣,主因是資金少,其次是我覺得所謂的科網股概念很兒戲,又是再玩鬥儍。人儍過一次就夠了,為什麼每次都要玩鬥儍,而不是鬥聰明?故此當年差不多只要買入就有錢賺的幾隻市場寵兒648、603、276甚至1186(即電盈前身)等我都沒有沾手,只是偶爾買少少當時很多人心目中沒有前景的實業股,故科網熱潮期間雖然沒有損失,但也沒有賺到什麼盈利。當年的VP是默默地逆市場而行,收集不少這類有盈利、有派息、估值低的股票,等到守得雲開的一天,也讓自己認識到其價值投資的理念。

科網泡沫不久就爆破,市場的寵兒也由天堂跌落地獄,而此時自己的事業也有了翻天覆地的變化。2000年,機緣巧合之下,自己脫離了打工仔行列,也很幸運地迅速賺到人生的第一桶金。手上資金增加後,又開始活躍買賣股票,這次是小心翼翼地選價值股,只買績優、息高的股,在價值股重新受市場歡迎後,回報不錯,直至2001年底買了耀科(0143),令自己又上了重要的一課。

年資久的股民或許對143有印象,當年在中港兩地代理三星電話,業績及派息頗佳,故自己也基於此原因買入。買入後股價風平浪靜一段短時間,然後在02年初突然急跌,此時有關公司在國內逃稅、以至股東被捕的消息傳出,但公司一一否認,而且02年中公佈的業績及派息也甚佳,令自己也相信公司沒有問題,並加碼買入,令原本只佔組合10%的持股大增至30%。此後時間股價算穩定下來,但至02年9月,股價又再度急挫,此時公司也發通告,聲稱前大股東及主席與公司已無關係,其在外的事也與公司無關,此時再儍也知道先前傳言的逃稅一事是真的,唯醒覺已太遲,沽出所有持股套現後點算實際損失高達6成,也令整個投資組合減值15%,損失慘重。此後公司於03年初公佈全年業績,已由半年賺2.4億元,變成全年蝕2.3億元,三星也因此事離棄143,股價從此一厥不振,淪為仙股。

這次事件給我的教訓是不論買入時信心多大的好,也要控制好注碼,尤其是透明度低的二三線股、民企。如果當初嚴格限制持股不超過10%的話,最終的虧損也有限;最錯的是其後大手增持,令損失倍增,也因為此事,日後自己更注重分散投資,並限定民企的投資不超過5%,以至日後遇上同類事件,虧損也有限,不會影響投資組合太多。

如果說143事件令自己上了重要的一課,得益不淺,那之後的大跌市及沙士的爆發也令自己體會到價值投資的好處。經歷了143事件後,自己並沒有因此而減少股票投資,相反隨著股市持續尋底,以至03年沙士的爆發,投資者出現信心危機,加速將股市、樓市推向低位, 自己陸續加大在股市的投資,並首次買入工廈作投資。當年悲觀情緒瀰漫,股市跌到8600點才見底,每日成交只得幾十億元,買賣兩閒,很多往績頗佳的好股也跌到面目全非;樓市更如無底深潭般,不說住宅單位,以自己當時吸納的工廈為例:港島區一個10多年樓齡的工廈單位,呎價可以低過400元,買一個 1500呎的工廈單位只需60萬元左右,名符其實的麵粉價貴過麵包價;當時租金每月淨收益約4元/呎,即按年計回報高達12厘。這些大賤賣的例子俯拾皆是,源於對前景的悲觀及信心危機所致,也令自己深深體會到熊市對財政穩健的投資者而言,是機會高於危險,為什麼要恐懼?當然大前提是你買的是往績優秀、財政穩健的好股、你用的是閒資入市、你有穩定的收入/現金流、你有耐性去等、你承受得起一時的帳面損失,而不是好像自己98年初首次面對股災撈底時,本身沒有收入之餘,還以孖展入市,客觀情況的惡劣不容許我去等、去守,結果以失敗告終。

沙士過後,中央又推出自由行政策,刺激股市、樓市大幅回升,經濟呈現欣欣向榮之氣象,各行各業都喜見暴雨後的陽光,此時自己的財富也有較大幅度增值,閒資也增加,有足夠的資金去支持自己參與期權長短倉的混合買賣,去貫徹課本所學的衍生工具知識,也令自己交了一筆學費、體會到另一番苦與樂。

在此之前其實都一直有玩期權,但因資金不多,故以做長倉為主,少做短倉。到後來資金大增,自覺可以嘗試玩短倉。期權短倉獲利其實很容易,也因為容易獲利,故經常越戰越勇,將風險管理拋諸腦後,到最後市場會令你付出慘痛的代價。已不記得初做期權短倉的時候交了多少學費,只記得有段時間 輸到自己都麻目,對心志的磨鍊有很大的幫助,訓練自己面對逆境的能力 (阿Q精神)。尤幸學費沒有白交,從錯誤中學習、檢討問題所在,自己慢慢地掌握到期權短倉的竅門, 在隨後時間、直至現在,期權短倉一直都是自己一個穩定的收入來源,間中或有虧損,但整體而言,是賺遠多於蝕。

寫到這 裡,其實自己的炒股經歷已寫得七七八八,近幾年的發展、買賣相信很多昔日車手網的網友也清楚,當中較為難忘的莫過於05年又買了隻老千股泰興光學,不過那 時已嚴格執行分散投資,所以沒有遭受如之前耀科的重創;另外金融海嘯的經歷也非常難忘,驚心動魄,令人有死裡逃生之感,最終得以反敗為勝,全賴對價值投資的堅持及審慎的資金管理;自己之前已另文寫了篇"前事不忘,後事之師”作事後檢討,恕不再複述。。

回顧14年多的炒股生涯,有血有淚、有喜有悲,要認真寫可能8篇、10篇也未必寫得完,現在5篇就寫完,草草收場,實有欺場之嫌;無奈這網誌已屆尾聲,也不想再拖下去,請網友們見諒。

(完)

91 則留言:

  1. 半夜都要睇埋你個blog先訓
    學得幾多得幾多
    無言感激
    支持你

    回覆刪除
  2. 加油,我是個會被同一個故事騙過n次的人

    回覆刪除
  3. 偉哥 , 昨日買入在 3.83買入 179.HK第1注 , 我打算如有幾會跌破1個月底位才買入第2注 , 另外我想請教現在買入388.HK港交所同經濟日報股值算不算合理? 因為我打算呢兩隻(5個內)長線持有.

    thx~

    回覆刪除
  4. 耐性等待......其實真的很無奈, 唯一而沒有選擇但是最好的.

    回覆刪除
  5. 偉哥...唔好真係唔寫啦....
    唉.....
    最多以後唔問你拎number,以後唔問buy sell hold 啦....
    我想學投資技巧同聽投資故事呀...
    嗚嗚嗚.....

    文仔小朋友

    回覆刪除
  6. 10072呢個no. ,長度有5個數字, 由1、0、7、2組成,即係由4個款式的數字組成。意見不錯吧XD

    回覆刪除
  7. 好少回應, 但睇到最後一句
    (此篇未完,明日續)

    但願以後都係"明日續", 唔好停啊

    THX
    yt

    回覆刪除
  8. 10072互相加起來是10,若果玩三公牌就系輸晒。意見好嗎?


    king

    回覆刪除
  9. 3.65買入第一注179

    CAT

    回覆刪除
  10. 即係咁

    10072 呢個冧把有1 又有2 可以話數1, 數2
    然後007 更加正氣到不行!

    最後, 我唔直接答你,

    我用例子答你

    http://lottery.titan24.com/2010-08-20/48496.html

    逆转可期!!

    回覆刪除
  11. 偉哥, 真對不起, 做了這麼久的cd rom, 偷師不少, 卻鮮有留言支持, 今天見偉哥又俾人激到要封筆, 我明白偉哥的感受, 好明顯見到係有心人故意挑釁, 相信偉哥也見到真心支持您的fans的心聲, rocky兄說不招人妒是庸材是很對的, 偉哥其實不必因一粒老鼠屎壞一煲粥, 不過如果偉哥真的累了, 休息下也好, 希望下次熊盡時, 偉哥不會忘記我們這班小fans, 回來領導大家再戰牛熊:)

    fans
    travers

    回覆刪除
  12. 我覺得又唔洗咁玩人
    有研究的給點意見, 沒研究的就無視
    問number看到沒人回應久而久之就會減少吧

    而家個市好似2008年
    大家要小心

    我只會在當手上股票的持貨理由消失才會沽貨止蝕, 但可能買入價不好, 而家成手蟹貨,
    希望守得雲開
    股票經歷尚淺, 希望這方法可行
    現在最重要的還是信心,

    最近工業股受壓, 不知是不是大家都看淡未來經濟環境, 現在工業股估值象是被一再調低

    大家的看法又是怎樣?

    股票經歷尚淺, 還望大家指教

    回覆刪除
  13. 偉哥:

    恕小弟多言,
    可否從另一角度想想:

    名之所至, 謗亦隨之.

    會不會開懷一些? ^^

    回覆刪除
  14. 偉哥幾時有話唔再寫?你地唔好以訛傳訛

    回覆刪除
  15. 偉哥說,

    冇名人拎出證據先唔寫,宜家佢都潛左水!

    今天進行換馬, 優化組合!

    回覆刪除
  16. dear wai gor

    thx


    好聽的之前說太多,今次想反映下

    今篇交行貨!事業重大改變既際遇,過程說得也太小了吧?

    我很想聽多d過中故事

    kk

    回覆刪除
  17. 偉哥,

    30歲前就賺到第一桶金,呢個 好想聽你的故事..

    回覆刪除
  18. 對呢件事我有啲唔同睇法,我覺得偉哥自尊心太重,不能接受任何批評,好似呢度間中有啲網友發表另類,都被一一否定,好似前兩曰話三四線股比大市值股容易分析我就覺得難以接受,其實類似的挑戰係網上好常見,又的確好多其他網主吹水,信則信,唔信一笑罝之,life goes on。

    仲有,今早有人打錯10072就俾你地玩,呢種其實都可能係網絡欺凌。

    路人甲

    回覆刪除
  19. 我相信偉哥,永遠支持你^^

    回覆刪除
  20. 對一個行事認真及用心嘅人嚟講, 打擊係不少......時間啦......時間會洗刷一切, 哈哈.

    回覆刪除
  21. Re: 路人甲

    我覺得大家係因為唔滿意匿名人仕多謝都冇句就咁話"10072請比意見"所以大家咁講~
    大佬!自己有冇做過功課?就咁up個number叫人俾意見?奉旨咩?
    我見平時大家都唔會咁玩人既...可能係因為太多無聊人亂up野搞到Wai Gor話唔寫, 所以大家都有好多不滿...

    絕對支持WaiGor及專重WaiGor的選擇~

    Dash~

    回覆刪除
  22. 為什麼會有人玩佢。好簡單幾點︰
    1. 無名氏..佢系物水?
    2. 無內容..10072請比意見..是甚麼的東西?
    3. 無禮貌...叫誰人?叫佢屋企個隻狗呀?

    我覺得現今的人系吾系咁無禮貌的呢?系吾系人家一定好應該要答你的問題呢?這正正反映到香港的人以為樣樣事都可以垂手可得而不經過自己的努力去爭取呢?下下問人,你覺得好嗎?

    我系玩佢,點解會被人玩,問自己!

    KING

    回覆刪除
  23. 原來有多隻小學雞,唔係,係小學 king

    回覆刪除
  24. 大家和氣生財吧.!

    跟本就係匿名人同一人所為.~只不過加多個署名.又再抽水..其實大家無視此留言.

    BY THE WAY,~機緣巧合之下,自己脫離了打工仔行列

    其實好有興趣知點脫離打工行列.當時年約三十.咁快有資本.?希望偉可分享多D.

    文哥仔

    回覆刪除
  25. 無名豬小朋友回校讀多幾書啦!吾好以為攞住個幾仟銀可以賺到大錢,你真系大想頭!想創你個心呀!吾知點解香港有咁多這些傻仔。不學無術。

    KING

    回覆刪除
  26. 各位,

    我諗WaiGor都唔想見到大家係佢個blog度罵戰...希望咁多位匿名人仕(可能得一位)都收斂下...

    Dash~

    回覆刪除
  27. 對呢件事我有啲唔同睇法,我「唔覺得」偉哥自尊心太重,「並非」不能接受任何批評,而係根本有人「亂作野」,亂發UP風就「走鬼左去」,阿甲,究竟自稱以1.76沽出大部份46既匿名,點解唔繼續講落去?

    不過你講得岩,個匿名係度傻,我地就係應該「一笑罝之」,life goes on。
    唔好怕左呢D網絡欺凌。

    路人乙

    回覆刪除
  28. 其實各位匿名而又有留名的不如開番個acct...費事大家俾人冒認啦...

    回覆刪除
  29. 唔好一有唔啱聼就屈人,話同一人,好似文革批鬥咁,失望。

    路人甲

    回覆刪除
  30. FOVAS
    都幾好既提議.! 係咪有得SET PRIVATE~ 只有acct 既人先可以留言.!
    咁就唔會有呢d 惡意既搗亂啦! 好似cup sir 都係咁.!

    真正交流既朋友仔~ 又可以暢所欲言!

    睇黎我都開返acct 先.希望偉哥唔好封筆XDD

    文哥仔.

    回覆刪除
  31. 我都響應!
    只要偉哥繼續寫blog

    文仔小朋友

    回覆刪除
  32. 有人不停轉移話題,製造事端-___-|||
    有人接佢話,佢就繼續係度癲。

    睇佢遣詞用字,就知有心為難,點扮立場中立~~都係扮唔到。

    回覆刪除
  33. 已經開了A/C, 希望能夠繼續有機會支持WaiGor~

    回覆刪除
  34. 原來意見唔夠「正統」都唔可以係度留言。知道了,遵命。

    路人甲

    回覆刪除
  35. Hmm... I thought Gold was going to drop a more before it went up again. Looks like I shouldn't have sold them so early...

    回覆刪除
  36. 係架,意見唔夠「正常」,就唔好係度發癲留言。知道了就記得遵命啦。

    路人乙

    回覆刪除
  37. 2618.HKTCL通訊
    最新價: 4.560 0.380 -7.692%
    ---
    還好週三賠錢沽出

    回覆刪除
  38. 其實偉哥去留已決,無謂強人所難,比佢休息休息享受下家庭樂。其無私教左我地一年,好應該自己下山去創一創,是禍是褔,睇自己的造化。

    king

    回覆刪除
  39. 2618.HKTCL通訊 的下跌,公司冇咩消息.係因為美國的科技股大跌影響到,其他科技股(2018,763)都陪跌. 好似你咁冇信心, 沽出止蝕也是一方法, 最重要知道自己係做繄咩野.自己的事自己負責.

    回覆刪除
  40. 各位可否專注返講股票??
    因為見到呢度開始變質戰場化. 以後見到D無聊留言我地一貫支持偉哥嘅可否一貫地無視那些留言, 以不回覆不回應的態度處之?
    我地一回應個D人又會野講, 我地唔回應咪睇戲咁笑住睇佢自己用兩個唔同名自地自己覆自己扮曬一唱一和囉.

    別被少數偏門人騎劫了這兒吧.

    TUNG

    回覆刪除
  41. 其實如果佢唔係激親偉哥,我地睬佢都傻。我地care既,唔係傻人,而係偉哥。 <-夠窩心吧XDD 哈哈

    回覆刪除
  42. 偉哥, 大市正是風雲之時.
    要多關注投資!
    千萬不要中奸險小人之計!

    股票初哥

    回覆刪除
  43. 其實偉哥可以考慮折衷既方法,只出文章,而不設留言。我相信亦會有好多網友支持。

    Keith

    回覆刪除
  44. 古之所謂豪傑之士,必有過人之節,人情有所不能忍者。匹夫見辱,拔劍而起,挺身而鬬,此不足為勇也。天下有大勇者,卒然臨之而不驚,無故加之而不怒。此其所挾持者甚大,而其志甚遠也。

    讚成偉哥專心致志,但亦希望偉哥別被來者不善的造謠者所影響。每臨大事有靜氣呀。

    小張

    回覆刪除
  45. 偉哥就係鐘意同其他網友係留言互相交流學習,
    如果只係出文章不設留言基本上係違反偉哥寫BLOG原意,即係叫偉哥大方派錢而佢自己就毫無得著.

    其實社會上邊度都會有人搞事,學校/工作/議會都會有咁既情況發生,更何況係網上討論?

    至於解決方法,有人話有戶口先可以留言,都只係折衷方法,大家唔見各討論區每日都有日BAN完再開新戶口搞事,所以基本上好難制衡有心破壞的人。

    我自己就希望偉哥可以借此機會暫時休息下,畢竟而家個市咁亂大家都需要有靈活頭腦去應對做決定,而唔係糾纏係呢D無聊人既事上。

    祝偉哥安康!

    YY

    回覆刪除
  46. HI WAI GOR,
    反而想知你如何機原下打工3YEAR 就成了BOSS?FRESHGRAD 3 YEAR 我估都系得200-300K? 真心希望得知!我都系今年畢業..DROP 1 DROP 4000 POINT.輸左政府100K 了..-_-
    CHOI

    回覆刪除
  47. 明白偉哥被挑釁的心情, 這個世界總有一些自卑的人, 以做鍵盤戰士, 故意激怒對方為樂

    (自己玩online game 遇得太多太多此類人, 明明承諾唔攻擊, 轉頭就攻過來, 還說覺得你討厭才攻擊等話, 說到底是那類人持住自己得閒, 可花較多時間在game, 升呢升得快過自己, 就蝦蝦霸霸)

    我想停止接受留言是最好方法

    少了一位無私與大家分享投資經驗的人, 只會是大家受害~~

    回覆刪除
  48. 偉哥,

    暫時休息下先, 唔好封筆啦!

    喱道喺你地盤, 你鍾意幾時發文就幾時.....

    D留言, 你鍾意覆就覆, 唔鍾意就delete佢.....

    另一位Alex

    回覆刪除
  49. 其實偉哥希望做到係依呢度同大家聊天傾股票,做朋友,從而相互學習!大家都係交流返股票!好似今日464同684都跌到一個幾吸引既價位!而448又硬正!
    Chantailearn

    回覆刪除
  50. 印象中今朝競價時段839曾經去到1.2x, 果一刻真係嚇死人 . . .

    回覆刪除
  51. 我相信偉哥吾系吾喜歡寫BLOG,而系偉哥經過那位無名人的哹喊,驚覺原來這裡有咁多新仔、後生仔女和學生哥都參加緊e一場人吃人殺戮戰場的遊戲。以為有偉哥做擔保拿住100k好容易地去博1000k。當牛市階段風平浪靜當然人人都笑逐顏開,不知道危機四處,但一個巨浪罩過來,系人都要剝光豬無得走,經不起風浪的朋友就會大叫"系吾系有人騙我落水,誰呀?"。好似有位choi生/小姐就輸左政府100k,我相信系loan,好得人驚呀!這個責任系吾系又算到偉哥的頭上?反過來我系偉哥,我心理上也過意吾去,責任好重,好攰,好難頂。萬一睇吾開去左,點算!老套講"經一事長一智"。我都有損失,但我系用好閒的閒錢做買賣,我可以等。後生仔進取系應該,但用的方法錯左,偉哥也有講,要量力而為。講太多,勿插!

    回覆刪除
  52. 第一次留言,但經常觀看此博客。從來沒有跟隨偉哥投資,甚至不同意偉哥部份選擇的股票。

    但偉哥如此無私地分享自己的投資,實在令人敬佩。不希望偉哥封筆,但尊重你的選擇。

    回覆刪除
  53. 100K 系我自己Option 爆倉..同WAI GOR 無關.我留言中都無指責任何人..起初我未LOST 的時候..我都系想搵金融相關的工.但E+打消左念頭..念緊做咩工好.E+ 重未搵到工..我只系想知WAI GOR 系點振作又可以咁怏做BOSS..希望鼓勵一下我呢D年輕人 :D
    CHOI

    回覆刪除
  54. Oh I've been following Wai Gor's threads since Driver-Sky.net ... I think he is just taking a break from the morons. See you next week! :-D

    回覆刪除
  55. 其實偉哥,那裡有說過唔寫blog?

    回覆刪除
  56. 唉, 真係多事之秋......太睇少個市跌勢, 沽空力量強大. 中伏......上一輪跌市賺嘅嘔特.

    回覆刪除
  57. 做錯兩個決定, 一個係應出唔出, 一個係好入唔入......哈哈.

    回覆刪除
  58. 2398今日暴跌, 應該係因為派息比率不太理想, 但現價息率都有接近七厘

    abjj

    回覆刪除
  59. Derek你都好呀,出到659.
    我昨日唔願出709,今日又差不多回返去買入價.

    回覆刪除
  60. I'd say just change the system to allow only registered accounts, and ban anyone who's intentionally trying to cause trouble, that's how almost every blog deals with this kind of people.

    回覆刪除
  61. 哈哈, 今日最衰到貼地. 179@3.8x本應可以ao@3.9打和出, 諗住一定有低位可再入, 但講得唔清楚出唔到. 2398@4.9以上一定出到但又左諗右諗錯失機會......好在先前出咗啲, 唔係又白做.

    回覆刪除
  62. 騰訊連續3天公司每日回購80萬股共240萬股、股价仍是大跌

    shing

    回覆刪除
  63. 衰衰地睇吓隻ibond又做得幾好, 高低位105.9-106.550, 不過唔賣坐三年, 哈哈.

    回覆刪除
  64. DOW同NASDAQ而家都算幾穩定,如果收市前唔跌,下星期一可能又再次牛皮市.

    回覆刪除
  65. 大家有無睇清heading-我的炒股經歷(5)結局編, 係指偉哥呢編文章的結局編,並不是人家想封筆呀.

    回覆刪除
  66. 偉哥,550呢次業績中營業額上升26%,毛利增長11%,純利增長但毛利率下跌3%主要原因是同南方簽既新合約利潤分享比例下跌影響毛利率,但係佢一次性收入上升因外幣果d,我計核心盈利係升得唔夠5%,支持股價的可能係派息上升,市如果唔就我諗彈返$2.9左右或到頂。

    偉哥點睇佢業績?!

    =]

    回覆刪除
  67. 關於700, 我覺得公司回購的指標性不太大,因為那都是公款, 起碼沒有大股東自己現兜兜

    而且回購pb>1的股票......其實是買貴貨

    abjj

    回覆刪除
  68. 偉哥, 你好!
    重新見到你寫BLOG, 又可以在這裡分享你的寶貴投資經驗, 剛剛收到交行寄來的2010年FINAL股息, 因是在IPO所以只得一手及供股的碎股共1150股, 毛息是27.68, 但扣除稅項16.61剩下11.07, WOW稅率是差不多60%. 一手小股東是60%, 如果是大股東(如11)起不是要90%才對(以累進稅率推算),

    請偉哥及各大師兄指點,如何找到股息稅的計算方法

    MARY

    回覆刪除
  69. 可能是10送1 紅股, 但有沒有師兄指點如何找到計算方式

    MARY

    回覆刪除
  70. 偉哥,你的功力人知、天知、地知、大家都知!真的感激你分享的經歷,失敗只是一個給人成功的學習過程,若人不能面對失敗,只懂怪人的話,它們永不能成功。

    你的成功就是你勇於面對呢!

    旁人的說話,一笑致之好了...笑看風雲,人生如此。

    回覆刪除
  71. MARY,
    http://www.hkexnews.hk/listedco/listconews/sehk/20110706/LTN20110706295_C.pdf
    在向於2011年7月18日名列本行H股股東名冊的H股個人股東派發2010年
    度H股末期股息及H股紅股時,本行將按10%的稅率代扣代繳股息及紅股的個人所得稅

    股息是抽一成稅. 27.68x10% = 2.76

    收取紅股要納稅(一成),送你115股紅股,每股面值1元,面值是115元人民幣,應納稅11.5元人民幣 = 13.8x港元

    TOTAL收 2.76+13.8x = 16.61

    唉!我重倉交行收息, 10年股息少又要扣稅...11年中期息又無...真係買ibond好過.
    Alex

    回覆刪除
  72. HI Alex

    Thanks for your help.

    Mary

    回覆刪除
  73. 支持一下偉哥。
    莫生氣。

    回覆刪除
  74. 同班傻仔鬧交肯定輸,因為他們就是好無道理,就算你有道理他都話你不對。

    其實唔駛理佢就得,我大把呢D經驗,做得大個Blog就是多無聊人。

    偉哥先生,如果有能力一定要繼續寫,不然你就中了別人計了,佢就是想你唔寫先咁講嘛。

    加油加油!

    回覆刪除
  75. 如果當年有睇壹仔,我就唔賣啦
    http://realblog.zkiz.com/greatsoup38/22328

    回覆刪除
  76. 如果當時有你的想法加行動, 如果當時肯更埋頭苦幹, 如果當時不吃喝玩樂, 如果......雖然現在比上不足...... 哈哈. 每個人的故事總是令人一番感受! 加油!!!

    回覆刪除
  77. 偉哥,覺得龍工業績應該如何?

    回覆刪除
  78. 偉哥,覺得龍工業績應該如何?

    回覆刪除
  79. 偉哥, 其實無謂為左呢d無知gei人close左個blog, 如greatsoup所言, 冇謂中計, 再加上咁多人支持你, 相信你人格, 何須為1人而煩惱, 何不一笑置之?

    回覆刪除
  80. 今大米缸一粒老鼠屎實在不奇,
    偉哥有999個支持,
    1個搞屎棍,無需理會,
    繼續支持偉哥寫下去,
    Chau

    回覆刪除
  81. 辛苦了,偉哥
    大家都從末離開過,
    你推介458,1038兩隻股票己說明一切,
    Chau

    回覆刪除
  82. 作者已經移除這則留言。

    回覆刪除
  83. 偉哥

    我由車手睇到你而家,又由牛轉到熊市,再由494不斷創新高sc到而家咁既死款,當中經歷過唔少驚喜,驚就不斷夾上,喜就係果次夾到爆倉,出業績大插,lp和sc也贏幾倍,可能你根本無為意過我,不過睇左你d野咁耐,斷估都夠資格講句,我相信你為人!

    唔係勸你係度繼續寫,因為我覺得對人好,都要揀對象,果d無名無姓既人可以咁攻擊你,真係令人洩氣,憤怒,但你唔好忘記仲有一班支持你既人,如果將來再寫,我覺得要行會員制,或者fb咁,起碼每個人都對自己言行負責任!

    希望將來係第二個平台再見到你!其實我幾懷念果時車手既時代,簡簡單單~

    fast

    回覆刪除
  84. 偉哥,
    我都係由車手睇到你而家, o個時記得你整個條thread, 長期post 自己既睇法同答問題, 無私既付出, 從不計較.

    攻擊你既人實在太無恥, 奈何這是虛擬世界, 那些無恥人既發言係吾駛對自己負責的, 偉哥不用太上心吧.

    回覆刪除
  85. For the first time followed Wai Gor’s advice and bought several hands of staff from 458’s shop. Price is below my target and I believe it will only go up in the long-term.

    One observation is that Nautica seems not well-known in mainland. While I was in the shop, at least two mainlanders asked what is Nautica. 458 should do some advertisements with 550 (Recruit Hldg), which sells advertisements on the in-flight magazines of all the three major Chinese airlines. It is probably the most effectively way of reaching the top 10-20% Chinese population with the purchasing power.

    As for Wai Gor’s decision on not writing the blog, it really should up to himself to decide. Judging from the frequency of his stock trades and how much stocks he follows, it is more like a full time job to me. Count on the time he spent on this blog, I don’t know how much time Wai Gor had for his regular job and family. As a management or boss, Wai Gor may not get fired. However, people do have expectations and when their expectations were not met, you got discontent subordinates and grumbling family members. Surrounding by these kind of emotions, it could easily lead to tension and lost temper. I guess what Wai Gor needs is not just stop writing blog, but also a review of his commitments to see how to balance his life. For me, spending 20 hours/week for stock trading (like a part time job) and 10 hours/week for blog (a hobby) is probably all that I can do with a full time job and a family to take care of.

    John

    回覆刪除
  86. Fast 及 John 的所以甚是,
    (1) 偉哥寫blog 及留言,都應隨心而為,畢竟分享blog是出於自願而不是強迫的。偉哥如覺不快或無心情或無時間寫的時候,便不寫,不用有太多的壓力。

    (2)網絡世界自由出入,而人的質素有高有低。
    其實我見偉哥的回應及文章,都可見出偉哥是一個勤力盡責的人。偉哥對此事很介意是因偉哥對此BLOG 很在意。正如用情真的人更易受情困...很理所當然啊...

    所以會員制都有一定的優點,方便管理人流,也可賞罰監管。

    (3) 投資要養成獨立的思考那是恒久不變的定律。因為世上沒有絕對的公式,所以大家多思考作有價值的留言才是對所有人有貢獻的。
    要求人提供意見也要先出示自己的功課及意見,交流才會長久。

    回覆刪除
  87. http://www.youtube.com/watch?v=CnEJl4M4yao&feature=youtube_gdata_player
    送隻歌比今多位,支持偉哥一直無私分享,
    Gim

    回覆刪除