2010年11月10日 星期三

潛移默化

標題這四個字不知大家是否明白其意思?如果不明白的話,簡單解釋就是洗腦。

很多人都說大市狂升時入市不足懼,只因估值雖高,但資金更多,以無限的資金去追逐有限的資產,股市那能不升?況且只要提高警覺,如有風吹草動,迅速撤離,那懼大市見頂回落。

問題時,次次泡沫形成時,參與的散戶都覺得自己可以在泡沫爆破前離場,但為何每次泡沫爆破,身受重傷的大部份是散戶?又有多少散戶可以在98、01、08年全身而退?

自己覺得主要原因是散戶大多在泡沫爆破前已被洗腦,因而很多時候作出錯誤判斷。

1. 合理估值
簡單例子:大家在上落市或普通的牛市、熊市時,可能覺得某隻股票10倍市盈率是合理估值,所以當股價升到12、13倍市盈率時已會沽出獲利,然後等待估值回落至7-8倍市盈率時才再買入,到時市場即使過份悲觀,跌到5-6倍市盈率的低估值,帳面虧損也不會太多。但處於泡沫市,在資金推動下,兼且大行大力唱好,不斷上調目標價,該股估值也節節上升,由原來的10倍市盈率,大升至15倍、甚至20倍市盈率,而且維持此估值一段時間後,大家也漸漸接受15-20倍市盈率是合理估值。當泡沫開始有爆破跡象,醒目的散戶快人一步在20倍市盈率沽出該股,非常完美地獲利.......然後即使該股跌到15倍市盈率也不為所動,13倍市盈率時也可以抵受得住引誘,當跌到10倍市盈率時....嘩,跌了一半!也不用多想,全力買入博3-5成的反彈,升上15倍市盈率還是偏低至合理的估值......那知結果是再跌到過往悲觀的估值:5-6倍市盈率,帳面即時虧損一半,最後可能抵受不住心理及資金壓力,於低位止蝕沽出。大家回想過往的泡沫市,有哪一次不是由極樂觀的估值一下子跌到去極悲觀的估值?07、08年可能有很多散戶能夠在3萬點以上獲利離場,但這批人最後可能在大市跌到25000點、甚至23000點時又再全力買入,因為估值已便宜.........當年的你又是否當中一員?自己也是當中一個,但幸運地自己的風險管理不錯,不是一下子全倉買入,是分段吸納,以至大市跌到12000、13000點時還有資金去入市。

2. 大市易升難跌
近來大市每每短暫調整數百點之後,換來的是過千點的升幅,以至大家漸漸相信大市在龐大熱錢支持下是易升難跌,加上大行、專家、名人的不斷唱好,3個月看27000點、半年看30000點、一年看32000點的唱好聲此起彼落,散戶會不受影響嗎?不需說1000點的調整,只要有500點的調整,很多散戶已急不及待入市買貨,然後將股票束之高閣不理,等候大升。相信07年買累計期權(accumulator)的投資者,很多都抱著這心態,而今時今日洗腦工作正日夜進行中,有此想法的散戶相信是與日俱增,以致他日狼真的來了也不懂逃走,任由大戶魚肉。

在這個公認“焗賭”的時代,要大家不參與股市投資/投機,袖手旁觀,肯定會被人唾罵,自己也不會/不敢做如此愚蠢的事,只是希望大家時刻記著:你正身處泡沫中。

141 則留言:

  1. 低息導致資金湧入股市,但問題是當加息前一段時間,國際大鱷已悄悄撤退,一般人還在享受自己買什麼升什麼的股神能力。

    我個人覺得,現時看報紙很易洗腦。第一個訊息,樓價易升難跌,甚至只會比97更高。第二個訊息,銀行低息,不作投資錢會給通脹蠶食。只要打開報章都看見這些新聞,自不然連學生哥也想買股票增值。

    但為了那3-4%的通脹而投入很大風險的股票,若一不小心,蝕的會超過年率3-4%。沒有其他明確的原因而入市,跟賭沒分別。

    或者,其實中國人都好賭,一般人平常礙於社會教誨或身份,不會亦不屑去參與明賭。但當賭的理由給冠上很有深度的經濟名詞,通脹,那把身家拿去冒險就心安理得。

    回覆刪除
  2. 多謝兩位語重心長意見.

    回覆刪除
  3. 其實都想發表吓自己意見, 但兩位所講已是在下想的大部份.......哈哈.

    回覆刪除
  4. Dear Wai Gor,
    Do you mean that we have to leave now? Or should we still hold stocks for a while until a singal that the market is gonna collapse?
    Thanxk
    Fans Choi

    回覆刪除
  5. 也可參考, 其實偉哥都係一路都做緊.

    作者: 黃國英 (內容由Quamnet提供)

    上周港股升勢加速,瘋狂牛市之中,贏錢易如拾芥,但帳面利潤虛無飄渺,在一個周期循環完結之後,依然可以保住利潤,才是真正高低之分野,不必因為眼前風光就沾沾自喜。



    買貨容易沽貨難,要揀一隻股票買,決策過程相對簡單,不外乎估值便宜,或者出現催化劑,對於大部分人而言,沽貨準則更難掌握,基本因素轉壞自然要沽,而有利潤的話,最正路的答案是覺得股價貴所以要沽出,可是平貴的標準,往往因市況而異。市差人人嫌三嫌四,買股票仿如驗屍,幾倍市盈率也是貴,市旺人人贏唔切,幾十倍市盈率都是超值。



    自己買賣次數之頻繁,在行內應該少見,經常沽貨,要訣不外兩個字 : 捨得。在股市中人們惜貨如金,是因為擔心沽貨後難以補回,會蝕底,自己的心態則是目標為本,股票不外乎是賺取回報的工具,不應有感情可言,而重點關心的只是每次出擊的任務目標,合乎預期的話,沽完再升是不會後悔。



    再用上次比亞迪put作例,當時市場氣氛極淡,正股看似有機會向40元進發,自己卻在47元以上平倉,就是因為已心滿意足賺夠數。在那次行動之中,刻意選擇槓桿比率甚高的工具,就是想藉著細微的波幅,也可以達到目標。假如求穩,用價內期權,可能會和比亞迪痴纏下去,到後來市況轉旺後大部分利潤化為烏有。



    在目前狂升的狀態中,道理還是一樣,手上持股升到心目中預設水平,就算眼見大市愈升愈勁,尚有餘勢,也至少會減持部分,不會嘗試賺到盡。要明白股票在上升途中,買盤才會夠勁,有力承接大量的沽盤,當市況逆轉的話,不錯沽完價位上多數無蝕底,但根本不可能大批量出貨,蝕底的還不是自己。



    可能大家會問,筆者貨如輪轉,到最後市況一旦逆轉,還不是註定中招。其實不然,因為不同公司不能一視同仁,股價絕不是共同進退,攻擊力及防守性大有分別,等如球場上有前鋒有後衛。近期自己便減持前鋒型股票,換入防守力較強的後衛,以減低組合的風險。就算同是前鋒,有些公司會有短期催化劑,相對上值博,所以換馬不是心癮,而是因應形勢不斷微調。

    回覆刪除
  6. 今朝大手成交2300可能有嘢跟尾......

    回覆刪除
  7. 647果然又創新高, 恭喜偉哥.

    回覆刪除
  8. hi derek, 今日減持647@0.48。

    還有最後兩注貨在手,每升10%再減持一注。

    看走勢,似乎我很快又要告別一隻愛股。

    回覆刪除
  9. 今日10大持股中的2300及647逆市創新高。

    回覆刪除
  10. hi choi,每人買的股票都不同,所以無法單憑指數高低而作出買入/沽出個別股票的建議。

    自己覺得在此時候,投資組合中應持有3-4成的現金比重。

    回覆刪除
  11. 檢閱自己的股票組合, 不要說潛在10倍股, 即使潛在倍升股都不容易找......但如果加上無限想像力的話, 或者647有機會在一兩年內成為10倍股。

    哈哈, 以上如你所言.....會唔會留番注等吓呢?

    回覆刪除
  12. 2300 really have something wor.so strong.!!

    Bill

    回覆刪除
  13. 已減持647@0.49
    還有最後兩注貨在手
    THX 偉哥

    BTW, 開頭買647是視之為明日十倍股, 又搏吳對此"靚殼"有所動作, 但其實服裝零售O係過去半年都有不少升幅, 而家對之前既睇法有冇唔同 ?

    回覆刪除
  14. 已沽清所有2300之股票,平均$6.6。最高中6.8。約升10%。偉哥介紹非常不錯。

    回覆刪除
  15. 偉哥, 2300會喺七蚊先沽部份嗎?

    回覆刪除
  16. hi derek 、peter, 大家都知我大部份647都是在0.20x左右買入的,現在半年間升了1.5倍,很難抵受得住獲利的引誘。

    如果之後真的注入連卡佛.......都是不要想太長遠,想得多遲早發癲。

    回覆刪除
  17. 2300目標價是7.3左右,自己會繼續等。

    逆市開車,應該不會這麼快就收工。

    回覆刪除
  18. 448也逆市創新高,下一隻會否是458?

    今日法巴又幸運地買到不少458。

    回覆刪除
  19. 647 我都跟偉哥由0.2x 左右走上走落, 呢隻真係有不錯的利潤, 真係要好好多謝偉哥你的推介, 另外仲有2注在手, 暫時keep 住先, 希望有意外的驚喜.
    fm:SaSa

    回覆刪除
  20. 448我嘅預測價1.8,好可能大大提早到達。

    回覆刪除
  21. 沽左三分一 647@0.49. 多謝偉哥.

    回覆刪除
  22. 偉哥, 你覺得464如何??
    23/11出業績
    fung

    回覆刪除
  23. 偉哥︰
    458你目標睇幾多,thx

    回覆刪除
  24. 偉哥, 你覺得1382點阿?
    市盈率不高,股價近排漲得不多,看到大股東一個月前增持。值不值得博?

    fish

    回覆刪除
  25. Hi fung, 今年工業股的不確定因素較多,業績比較難預計,所以今個月自己炒業績的方法傾向等業績出了才擇肥而噬,不想冒險預先買入博業績。

    當然如果你想博的話,464以歷史數據也不算貴,但要小心其盈利波動大。你可以由07年12月公佈的中期業績開始看,其以半年計的業績波動很大,時好時差,令人難以預測其盈利。

    回覆刪除
  26. 近來的細價股狂升,是否意味大市巳差不多呢?
    偉哥對2208有咩睇法?我覺得它有十二五概念而且係龍頭,阿爺又有泵水~

    回覆刪除
  27. hi alice,458目前沒有目標價。

    hi fish,1382我之前也曾經因為大股東多番增持而買入,但其後見棉花價格持續上揚,擔心其成本上漲無法轉嫁給客戶,所以獲利一成多沽出。

    我會等其業績出了再評估是否值得買入。

    回覆刪除
  28. 今日458及1038都創出52周新高,連同2300、448、647等,原來今日組合十大持股中,有一半創新高。

    回覆刪除
  29. hi 匿名者,有機會是,無法確定。
    至於2208,昨日答應網友要看看3隻股,當中有一隻是2208,或者今晚盡量抽時間出來看,再回覆你。

    回覆刪除
  30. hi sasa、小紅帽,估不到半年幾前有這麼多人都入了647......最難能可貴的是大家都可以持有等待到今天!

    回覆刪除
  31. 偉哥, 希望647成功變了10倍股時, 大家再可以報喜慶祝. XDDD

    回覆刪除
  32. 先謝, 想問偉哥你458的買入價是?
    target又是多少?

    回覆刪除
  33. 偉哥 大家都係支持你 先將647等到今日! 希望偉哥十大股票都可以節節領先!!賺多d

    mike

    回覆刪除
  34. 偉哥, 我能持貨到今天, 都是要多謝你一直耐心地為我們分析! 另外, 我還持有118, 912. 而638之前沽左, 現在睇位會入番.
    fm: SaSa

    回覆刪除
  35. 哈哈, 有嘜辦法唔多人入嚟......一隻又一隻倍升, 不過唔好唔記得風高浪急. 多謝偉哥.

    回覆刪除
  36. 偉哥,

    647給小弟賺了40%,十分謝

    WILFRED

    回覆刪除
  37. hi 小紅帽,如果647有朝一日真的升10倍,到時不論有沒有貨在手,我都約大家出來食飯慶祝或呻笨。

    hi mike,謝謝支持。

    hi 匿名者,458自己目前平均成本約1.7左右(除息計),暫時不設目標價。

    回覆刪除
  38. 448也逆市創新高,下一隻會否是458?

    今日法巴又幸運地買到不少458。

    ========

    偉哥,請問點睇法巴買到不少458???
    同埋呢隻市值咁細法巴會睇得上眼咩

    回覆刪除
  39. hi sasa,自己建議業績前不要加碼工業股,等業績出了後再作評估,始終今年工業股的不確定因素確多。

    至於912,如果持貨多的話,建議先行減持一半套利。

    回覆刪除
  40. 呢兩日大市下跌, 但偉哥的十大愛股好多都無跌甚至創新高, 偉哥真厲害, 希望偉哥其餘愛股都能夠逐一開車

    謝偉哥回答464, 工業股面對成本上升壓力的確不少
    fung

    回覆刪除
  41. hi 匿名者,法巴自今年4月股價於1.9左右開始大手買458,我可以肯定地說,由今年4月到現在,458的總成交當中,有5成是由法巴買入的。

    回覆刪除
  42. hi 匿名者,法巴自今年4月股價於1.9左右開始大手買458,我可以肯定地說,由今年4月到現在,458的總成交當中,有5成是由法巴買入的。


    THANKS 偉哥回覆
    但我想問下有咩方法可以睇到係法巴買貨??
    我睇結算紀錄話法巴自從07年之後個持股量已經冇變過...仲係1.17%
    另外咁法巴係以一個咩角色買呢?
    係咪有客戶用法巴戶口買?

    回覆刪除
  43. 偉哥這篇潛移默化說得很好呢, 但我諗都係要親身經歷過一次大牛大熊, 衰過先知喇haha, 如果只要一次就學倒野, 那已經很好

    回覆刪除
  44. hi abjj,正如我所說,很多時候寶貴的經驗都是要用錢去買回來的,很難單靠文字就可以傳授。

    我相信有部份網友可能未經歷過07、08年金融海嘯,又或者善忘,已經忘記當年的痛苦,所以出文提醒,不要樂極生悲。

    hi 匿名者,該買家應該是通過法巴買貨,所以買盤是407x,但買了之後轉倉去匯豐。今日法巴(4078)以2.44接了44.7萬股,你可以兩日後再看看中央結算的紀錄,看看匯豐的持股是否增加44.7萬股,就知道我的推測是否正確。

    回覆刪除
  45. hi derek,大市急升後,估值吸引、具值博率的股票已買少見少,所以由10月初至今,不計抽新股,自己獨立出文推介的股票只得1308、350、2300及1038四隻,如果大市繼續升的話,日後的推介會更少,到時這裡應該會逐漸冷清。

    回覆刪除
  46. 多謝偉哥回答,咁我就明白!
    因為呢個幾禮拜都睇到有大手排隊買盤
    上禮拜有九十幾萬股,今日又有四十幾五十萬

    偉哥, 但我都唔係好明聯亞係做乜生意
    可唔可以阻你小小時間解釋下?
    佢有350間分店係咩形式 ??好似IT (999)咁??
    佢零售業務好強勁,我諗現價係極度低估
    就算用包浩斯既估值,淨係計零售業務,都起碼值10億市值
    我反而想知道,研究聯亞既時候,係應該用咩角度呢??

    many thanks!

    回覆刪除
  47. 經歷過07、08年金融海嘯....
    當時揸住內銀股,日日drop 10% ....
    心情 ....
    想起都心有餘悸!

    David

    回覆刪除
  48. 聯亞資料
    http://hk.myblog.yahoo.com/lgaim-foolman/article?mid=5648

    回覆刪除
  49. Thanks PARS..其實味皇的分析我已睇過
    但都唔明佢業務實際係如何運作
    係好似包浩斯, it 咁有間鋪賣野定係點
    因為上網完全搵唔到聯亞的資料

    回覆刪除
  50. 偉哥,見你十大持股改左,有隻46,有無分析篇可以睇?

    回覆刪除
  51. 偉哥:

    我今日加注雅士利國際 1230 ….$5.6

    自己會繼續等。

    回覆刪除
  52. 所以買股票有時真的要鬥耐性…x2

    1230 守得雲開...x2

    最簡單莫過於看1230上市以來的累積成交與及有沒有保薦人之外的第三者申報持有1230超過5%的權益。。。。是否代表未收齊貨?

    回覆刪除
  53. 458 公司簡介
    行業 紡織製衣
    主要業務 從事以顧客品牌製造廣泛系列的時裝,包括套裝、外衣、大衣、外套及運動服。並從事多種品牌男裝輕便運動服及女裝時裝的零售及貿易。
    業績公布(2009年度)
    股東應佔溢利/(虧損) (千元) HKD (103,862,000)
    增長率 --
    每股盈利/(虧損)(仙) HKD (39.000)
    每股帳面資產淨值(元) HKD 3.892

    回覆刪除
  54. 主要業務 從事以顧客品牌製造廣泛系列的時裝,包括套裝、外衣、大衣、外套及運動服。並從事多種品牌男裝輕便運動服及女裝時裝的零售

    我正正就係想知佢個零售係點運作
    好似it 咁 ?? 鋪頭名係乜?? 點解完全搵唔到相關資料..

    回覆刪除
  55. hi 匿名者,458的零售業務,請看此連結:http://content.chinasspp.com/brand/detail/brand81713.htm

    另外,458也是NAUTICA在大陸的總代理。

    至於估值,其實458上半年的盈利來源當中,國內零售業務已佔較大比重,達到2270萬元,如果下半年盈利相若(事實是下半年盈利一定超過上半年),全年盈利已達4500萬元,以目前國內服裝零售業普遍估值20倍以上市盈率計算,458只是國內零售業務已值9億元。

    回覆刪除
  56. THANK YOU偉哥
    品牌代理咁係咪即係話nautica同jack wolfskin係中國,香港開既分店都係由聯亞開?

    回覆刪除
  57. 偉哥你說:hi 匿名者,該買家應該是通過法巴買貨,所以買盤是407x,但買了之後轉倉去匯豐。今日法巴(4078)以2.44接了44.7萬股,你可以兩日後再看看中央結算的紀錄,看看匯豐的持股是否增加44.7萬股,就知道我的推測是否正確。

    我想請教你,邊度可以查到成交盤的明細?就是現在怎麼知道這447k股市法巴(4078)買的?

    多謝!

    回覆刪除
  58. hi 匿名者,我相信458的代理權是包括港澳區在內。

    至於如何看成交盤的明細,只要你有即時報價器就可以看到。

    回覆刪除
  59. hi,偉哥
    我賣左D股票,手痕想買其他又驚會跌,想抽新股但又唔知抽邊隻好...
    之前聽你提過下好孩子,佢市盈率貴D,但佢又龍頭,又少股數,好似有炒上藉口
    你點睇呢隻股,會唔會抽?
    定話有其他介紹?

    回覆刪除
  60. re:匿名
    偉哥之前答過話"好孩子"出左招股書後佢會睇睇

    BOC唔知搞咩,11am掛沽盤,到收市都唔成功,明明睇到到左價好耐, 呢個情況係咪太多人沽太少人買先會咁....?

    回覆刪除
  61. hi 匿名者,是那隻股?掛沽幾多?可以幫你看看。

    回覆刪除
  62. 自已都在08年中招,多謝偉哥提醒!

    回覆刪除
  63. 謝謝偉哥回答我呢個初哥的問題。我的報價器只顯示成交盤的大小同時間,無broker number...

    回覆刪除
  64. HI 偉哥
    thanks 回覆
    但都仲唔明,咁係咪即係依家港澳同大陸既nautica 同 jack wolfskin 分店全部係聯亞開 ?? <== 呢個係咪代理既意思??

    如果呢d鋪頭賺到錢, 聯亞就同nautica, jack wolfskin分帳 ??

    回覆刪除
  65. >hi 匿名者,是那隻股?掛沽幾多?可以幫你看看。

    2006, $2 , 先謝~
    其實點樣可以check到?

    回覆刪除
  66. 448出中期業績通告,睇嚟又可爆升一次。

    回覆刪除
  67. 現價追入458值搏嗎?

    回覆刪除
  68. 1045 seems good value
    http://hk.stcn.com/content/2010-11/10/content_1594720.htm

    回覆刪除
  69. Hi偉哥

    我是1007
    早幾日請教過過你872,話$2.2想入不過miss左
    今日佢除淨後見低過$1.2,今日仲係10大跌幅之首,你而家有咩睇法?

    見佢今日$1.16企穩後有上升跡象

    Thanks

    回覆刪除
  70. hi 偉哥,

    剛剛睇返你之前D post, 見到你有推介過 (1098) 路勁基建, 於是就睇下少少佢公司,有幾個 basic 問題想問問你 ..

    1) 攪基建D公司一般 current asset 都佔 total asset 好大﹪,其實主要原因係點解?

    2) 而點樣既基建公司先為只好 (e.g. 例如asset:liability 既 ratio etc)?

    3) 見到個 CEO 單偉豹 只排係咁減持 (730000股),會係咩原因呢? 對股價會唔會有影響(例如D董事係信心)?

    4)呢排公佈間公司回購票據。可唔可以簡單explain係咩黎?同會對公司未來有無影響?

    5)最後比較 personal 既問題:你認為佢現價合唔合理呢??

    many thanks

    Jerry

    回覆刪除
  71. hi 匿名者,買入46是因為當時看到大股東不斷增持,兼且基本因素不差,所以相隔一年後再度買入。有時間的話再寫篇短評。

    hi mraz,1230收貨的時間太短,自己認為最快都要月底或下月初才會有起色。

    hi 匿名者,你2元掛沽2006,無法成交是正常的。雖然有段時間的成交價是2元,但實際成交的股數不多,如果你排在後面的話,無法成交是很正常。

    回覆刪除
  72. hi 匿名者,458自己覺得在明年3月前見3元不是問題。至於現價追入值博率如何,就要自己衡量風險與回報,無法給予意見。

    回覆刪除
  73. hi mzqa395,1045以前都有留意,估值不貴,但自己沒有買入,只因此股多年來不論賺蝕,都不派息,自己不喜歡此類股。

    回覆刪除
  74. hi 1007,估不到今日872會低見1.2以下,等看到的時候,已無法在1.2入到貨。自己有興趣在1.2以下買一注872等一年,看看會否有驚喜。

    回覆刪除
  75. hi jerry,你的問題太長,或者自己答到幾多就答幾多:

    1. 你看看1098的流動資產裡,比重最大的是什麼?

    2. 無研究。

    3. 不知為何單偉豹減持的原因,但肯定是利淡因素。

    4. 公司有發出通告詳細講解,詳見http://www.hkexnews.hk/listedco/listconews/sehk/20100913/LTN20100913237_C.pdf。

    對公司的好處是:路勁認為上述兩項行動,若成功完成,將延長集團的債務平均年期及有助其維持強勁的資金流動性。建議新票據發行將深化路勁於國際資
    本市場的形象,並提升其運用國際債務資本市場的能力,支持路勁日後的業務增長。

    5. 我覺得上升空間不多,故於公佈中期業績後已沽出止賺。

    回覆刪除
  76. 偉哥,請問你的十大持股的投入注碼是否平均的呢?還是你也會按潛在回報再分配注碼呢?

    回覆刪除
  77. 偉哥:389已停牌2天 如果復牌後是升是趺, 有點疑惑 , 唔知點做,偉哥可否俾d意見?

    2010-11-9
    經濟通通訊社9日專訊》通天酒業(00389)今早停牌涉先舊後新配股。

    2010-11-10
    通天酒業(0389.HK)折讓配股可能拖累復牌後股價走低。
    香港時間0815(道瓊斯)--通天酒業(0389.HK)折讓配股可能拖累復牌後股價走低﹐重要支持
    為配股價2.08港元。該公司宣佈﹐配售最多2.5億股﹐每股配股價為2.08港元(比該股停牌前
    2.28港元折讓8.8%)﹐集資淨額約5.95億港元﹐會作未來收購及營運資金用途。通天在內地產
    銷「通天」及「通天紅」品牌葡萄酒﹔去年11月以每股1.25港元上市。該股昨日停牌﹐週一
    (8日)收市報2.28港元﹐漲4.1%。﹝道瓊斯通訊社/香港記者 朱嘉蒂﹞

    2010-11-10
    《經濟通通訊社10日專訊》通天酒業(00389)宣布配股後原定今早復牌,不過現時
    仍然繼續停牌,暫未悉原因。

    回覆刪除
  78. hi all, 我再整理下自己既問題,希望偉哥或其他網友可以幫忙解答:

    我地都知道包浩斯(483),IT(999),GIORDANO(709),BOSSINI(592)等等既經營模式,係有間自己既鋪頭,然後入面賣自己品牌既野

    咁我想問,聯亞係咪都係咁? 自己有間鋪頭叫聯亞(FOR EXAMPLE ONLY),然後入面賣NAUTICA同JACK WOLFSKIN 呢D佢攞左代理既產品?


    定係NAUTICA, JACK WOLFSKIN係港,澳,大陸既分店全部都係聯亞開? (鋪頭名係NAUTICA同JACK WOLFSKIN)

    如果呢d鋪頭賺到錢, 聯亞就同nautica, jack wolfskin分帳 ??

    因為我知道NAUTICA同JACK WOLFSKIN係港,澳,中國大陸分店都唔小,我想知道同聯亞有冇直接關係??

    回覆刪除
  79. hi 匿名者,458與品牌持有人簽定的代理協議內容及條件,外人難以得知。舖頭就一定用品牌名來開,至於有沒有盈利分成或代理費用,年報沒有提及,不知。

    之前都答了你,458是NAUTICA同JACK WOLFSKIN在大陸、港澳區的總代理。

    回覆刪除
  80. hi 匿名者,不明為何389批股要停牌這麼多天。一般而言,批股不用停牌或最多停一天而已。或者等其出通告再看看是否有特殊情況,再作評論。

    回覆刪除
  81. hi 匿名者,10大持股的注碼不是平均的,有高有低。

    回覆刪除
  82. 偉哥, you are very 好人. Thanks!

    Bill

    回覆刪除
  83. 伟哥,请问你的1308还有吗?如有目标价几多?我跟你在4.47入,持有至今,不知应否继续等。

    十分感谢你的分享与分析!

    初哥

    回覆刪除
  84. 剛剛看了1086的招股書發現幾個之前唔知的要點:
    1)是北美,歐洲市場及中國的最大嬰兒推車供應商.龍頭股
    2)原來中國的銷售額只占少數(23.9%),歐洲占28.9%,北美占34.8%,其他海外市場占12.3%.外匯風險都幾高.
    3)每年的"已終止經營業務"虧損嚴重,占30-100%的經營業務的溢利
    4)每股預測市盈率超過30倍,比同業隆成貴很多
    對於這樣的新股,偉哥認為可以嗎?
    GC

    回覆刪除
  85. 伟哥,还想问一问291,该股2010中期EPS达到1.77,如果下半年盈利能保持一致,那么全年EPS则达3.54,现价33.25来计只是9.3xPE。内需股+国企+业务多元化,是否很具直搏率呢?

    伟哥可否抽空点评以下,拜谢!

    初哥

    回覆刪除
  86. thx 偉哥

    "舖頭就一定用品牌名來開,至於有沒有盈利分成或代理費用,年報沒有提及,不知。"

    我都覺得年報有太多野冇提及了...
    都冇辦法..唯有信佢

    我知道nautica俾vfc收購左,10月尾時vfc出左今個年度頭9個月既業績,無論營業額同盈利都創新高,近7億美金既純利入面有4%係由nautica貢獻,但冇更詳細資料顯示中國分部帶來幾多盈利;

    至於jack wolfskin, 係內地有大量分店,但詳細資料就搵唔到了

    回覆刪除
  87. 伟哥,请问你的1308还有吗?如有目标价几多?我跟你在4.47入,持有至今,不知应否继续等。

    十分感谢你的分享与分析!

    初哥

    >>>>如冇記錯的話, 偉哥好像在 5.40 左右全賣了.

    回覆刪除
  88. 偉哥隻658相對比較落後,近排見好多大行唱好,你覺得買唔買得過

    回覆刪除
  89. Wai Gor,
    Do you still have confidence in 1230? The stock seems no power to go up gei?
    Rdgs,
    Fans Choi

    回覆刪除
  90. 澳科控股(02300)的大股東Amcor Fibre Packaging-Asia繼十月二十二日後,再於十月二十七日以每股平均價6.11元,增持209萬股澳科,令持股量進一步增至47.48%。
    另外,澳科亦獲機構投資者Mondrian Investment Partners於上月初吸納。在買盤支持下,澳科股價拾級而上,昨收6.17元,預測市盈率不足十倍,估值吸引,不妨跟進買入。

    偉哥:

    是否 $7.3 就沽呀

    回覆刪除
  91. hi choi,我之前都說了,1230大戶未收夠貨,現在買1230預了要等一段時間。

    hi 友友,我一向對新龍源概念股的興趣不大,所以很少深入研究相關的股份。658在此類股份中,自己覺得屬於基本因素較佳的,都可以考慮。

    回覆刪除
  92. hi mraz,2300等7.3就算不沽清,也會至少減持一半。

    hi 初哥,1308前排已到自己目標價沽出。至於291,如果撇除一次性特殊收益,半年每股盈利只有0.52元。

    hi gc,今早簡略看過好孩子的招股書,如果計基本因素,自己覺得估值最樂觀只可以去到15倍左右,不過炒新股不是只計基本因素。今晚出份短評講講。

    回覆刪除
  93. 唉, 睇見偉哥不厭其煩咁答網友重複又重複嘅問題, 真佩服你嘅耐性. 其實好多答案只要跟番之前偉哥發言, 根本無需要重複再問. 連返查都懶真係.......唉.

    回覆刪除
  94. 偉哥, 很久以前你增經推介過1177, 請問在云云的藥股中, 1177算不算落後和值得投資呢??

    回覆刪除
  95. 1177 較落後可能同 PE 高有關. 今日報紙講國內有意培植大型醫療企業, 1177 有優勢.


    Edric

    回覆刪除
  96. 其實無信心就不要跟買偉哥所說的股票,因為見很多常問住幾時沽,無動力升又問,其實呢0的偉哥係分析及出post時巳講得很清楚,可能是大家無留意,建議大家若是問偉哥的十大持股,先行去blog到看每隻股的分析,再自行考慮購入與否,e.g. 1230 偉哥巳不下多次說了此股尚有一段收隻時間,亦有講過新股通常有兩種玩法;擔心你可以等,閒錢你可以入,但賺蝕與人無尤. 又例如好孩子,偉哥亦不下多次說了等招股書出後會出一篇文...但仍不斷見有人在問同一個問題....而偉哥卻不厭其煩的回覆~此等能耐,常人莫及~
    你們有細心留意的話,偉哥在什麼價位賣出都會講的~問之前, 自己也要先盡點力research吧~

    相信就算不是偉哥所提及過的股票,止賺/止蝕,買賣都是自行決定的事情~
    小弟愚見,只是不想此優秀blog淪為一般財演般的....如有得罪,見諒。

    我自己也是近來才得悉此blog,但係真係花時間將整個blog的舊文章及comments睇晒,當然有時沒時間睇得咁update,而偉哥所說的股票我亦不是每隻持有,亦沒有此等財力;是偉哥推薦+自己有信心的才入~當然我仍然有很多東西係唔識的仍在學習當中~
    唔好意思偉哥,小弟花了你那麼多篇幅~

    回覆刪除
  97. 偉哥分折股票衹提議買入.幾時賣出就自由决定.每人胃日不同.即有人打電話入電臺問某股幾時見某价位.莊家也不知道啦市場風險咁大.聽到都覺好笑.對不起我多口講
    shing

    回覆刪除
  98. dear 偉哥 漢登控股 one guy sold it at 1.74 3,632,000(1)and yesterday one guy sold it at 1.75 2,400,000, any idea of it??

    回覆刪除
  99. 投資買賣是個人的決定, 偉哥好心地, 為我們不斷推介有潛力又被市場忽略的好股. 我看偉哥的推介已有幾年, 另我最深刻的就是約一年前的3933, 當時推介時是$4元左右, 後來因大市不配合跌過落$2.x, 現在看看股價最高去過$17.x, 買了好股也需要耐心的持有, 才能為自己帶來利潤.

    回覆刪除
  100. 偉哥出BLOG的原意系想出文章介紹及分析好股給大家,之後大家可以在其股票上能發表及討論那隻股票的好與壞及其意見。如果你對偉哥的文章不滿意,你可以不看不買。不過近來多了很多人問一的不在偉哥10大股票的範圍內,我覺得偉哥真的有點吃力。尤其是幾錢買幾錢賣,你自己做決定吧!因為通常偉哥發表完文章後就會講幾錢買入和沽出。自己想嬴錢的話,用自己少少時間去做SEARCH。不要下下問幾錢幾錢?
    希望大家反省吧!也不希望這個BLOG以後吾見左,都系大家的損失!!

    快人快語,有得罪勿插!

    回覆刪除
  101. Hi 偉哥,

    今日睇左你好耐次前講過既(1198)皇朝傢俬,見佢未來想積極轉型,又多開分店 (400間),管理上又開始訓train d 大學生新人 ..
    業務展望提升市場滲透率, focus 中國市場 etc ...

    呢排知CEO又賣左D股票比D大 firms ..會唔會係一個大升既先兆?
    我睇過佢既 annual reports ..個人認為其市值遠遠被低估 (坦白講我估maybe值10元以上, pls correct me if im wrong)
    所以想問問你會唔會再次推介呢隻股票 ..

    Many thanks.

    Jerry

    回覆刪除
  102. 偉哥, 1899 穿左20天線, 好似會大升, 買唔買得呢?

    回覆刪除
  103. wai gor, do u still remember 1308? it recently perform strong and heading to $6 (which is around forecast p/e 15 times). can u believe it? i will not sell any one shares myself until $6. i strong believe that the market is so bullish right now...Ty

    回覆刪除
  104. 少留言的我,也看不過眼.不要經常問偉哥只為求NO.又或問價格走勢,什麼時候沽或買.目標價錢是多少.若你買了的股票又沒信心,預期目標是多少....你又為什麼買呢?
    要求NO.不如買份報紙,裡面大把財演推介.

    另外<>招股問題 ,若有追開,或UPDATE 呢個BLOG既. 偉哥已經不厭其煩的回覆各位相似的問題.麻煩大家真係回帶睇清楚才問.

    TO:TY

    偉哥有自己的操作系統,1308都說明5.3會沽.你又何必將你那套強加在別人身上.

    文仔.

    回覆刪除
  105. 偉哥遲早比那些問No的人, 升少少又問, 跌少少又驚的人煩都煩死, 最後人間蒸發,

    希望大家都反醒一下,
    買股票, 唔係買 "估票",
    自己做下功課啦.

    回覆刪除
  106. 講求即食都係好多新手老散的特點,特別依家個市咁牛,好難阻得到人地當偉哥係財演(見到偉哥俾人當財演真係幾心痛>_<),所以我有個小小提意俾偉哥:

    開一個置頂POST,將偉哥推過的股的目標價,出入貨情況等寫進去,喜觀問冧吧,搭順風車的,自己入去睇UPDATE,一來偉哥可以避免不斷重覆答問題,二來亦可以令討論的留言版面更清楚。

    純粹意見。尊重偉哥的決定。

    P

    回覆刪除
  107. 希望各位師兄唔係講緊我D留言,
    小弟只係開始學左7個月投資,好多野都唔識 .. 有時maybe真係問左D低B問題,希望大家見諒。

    如果方便,大家有咩人識既都可以代答下我 (其他人)D問題 ..多多包函

    Jerry

    回覆刪除
  108. Jerry, 坦白講,吾系講你(最低限度我好欣賞你的學習態度)。你問問題前也會研究一下該隻股性質,況且可能有很多人也想知道。總好比只系問"偉哥,1308點睇呀?今日會吾會爆升?"問問題又無誠意,又無內涵。反轉系你,你會吾會答呀?

    快人快語,得罪勿插。

    回覆刪除
  109. 同意樓上,Jerry相信大家唔係講你,睇得出不太懂但係有做功課先問~
    最慘就係不停咁講,但都仲有人不停地問。
    反而想在這裏看多些分析的發問,自己又學到0野又可以啟發別人~
    我諗大家都係一心想偉哥blog能keep住好質素,才出此言,希望大家能上下一心;可以答到的可以幫偉哥手答,唔識0既就唯有等偉哥出手...

    係時候大家重温偉哥以下篇文章啦:
    關於各位朋友詢問股票事宜
    http://hkstockinvestment.blogspot.com/2010/11/blog-post.html

    回覆刪除
  110. re: jerry

    JACK WOLFSKIN
    http://www.jack-wolfskin.com/desktopdefault.aspx

    呢個牌子唔覺係大陸及香港有分店,但係好多行山舖/水貨舖都有佢0地貨品賣,價錢算中下~有錯請指正

    回覆刪除
  111. 偉哥,你呢排真係好當旺,隻174牛左甘耐,今日爆升10幾個%,哈哈,又等收搳了。

    回覆刪除
  112. 多謝大家包容 .. 希望他日係度有所貢獻 ..

    re: 樓上 ..
    arm arm 上網search左一大輪, 皇朝傢俬(1198)好似無賣 Jack Wolfskin 既野 wor ..
    係咪攪錯左?

    thx

    Jerry

    回覆刪除
  113. oh sorry, 記錯左係你問,上面post有人問過呢個brand.

    回覆刪除
  114. jerry,

    樓上係答緊你.聯亞分別有這個牌子的代理.
    唔係講緊.. 1198...

    文仔.

    回覆刪除
  115. 174 就快到$2
    又再一次 THX 偉哥 ^^

    回覆刪除
  116. 各位,今日下午忙於與核數師完成公司的核數報告,以便趕及下星期一的報稅期限,所以要等今晚才可以回覆各位的留言,請見諒。

    回覆刪除
  117. RE: JACK WOLFSKIN
    http://www.jack-wolfskin.com/desktopdefault.aspx

    呢個牌子唔覺係大陸及香港有分店,但係好多行山舖/水貨舖都有佢0地貨品賣,價錢算中下~有錯請指正
    ===================

    有錯的...請參考:
    http://www.jack-wolfskin.com/en/desktopdefault.aspx/tabid-95/categories-/
    然後按china

    佢係內地的確有好多分店係打正jack wolfskin鋪頭名的
    但因為呢間唔係上市公司 (唔sure), 唔同nautica附屬 vfc, 所以我搵唔到佢財務資料..

    LF

    回覆刪除
  118. 上面有關聯亞幾個問題都係我問的..

    LF

    回覆刪除
  119. 有關聯亞..我自己同偉哥一樣,暫時不會訂任何目標價...除左因為此股現價被大大低估之外,街貨供應甚為失衡亦係主因..加上息率甚高..我自己一定會渣到出年公佈全年業績,因為到時候扭虧為盈一定會受市場注意

    依家既458令我諗起一年前既亞倫國際(684),又係好似遊魂野鬼咁低成交浮沉,所以我更加相信出左全年業績之後會好似亞倫國際咁,無論成交活躍度以至股價都會大大提升

    LF

    回覆刪除
  120. 聯亞我是跟味皇買的,本來貪佢派息唔錯,打算長期持有食息,點知近排陰d陰d咁升左上黎,如果去到3蚊我應該會走左佢。

    亞倫684今年升得咁勁,係因為有Webb入股,並打算將搬廠後舊廠的地皮賣掉或轉為商業用途,有留意開佢地會議公佈架資料,都知道近排Webb起會議上已經不斷提出換舊廠址轉為商業用途架議題,佢舊廠幅地附近的其他地皮,早排有人賣過億人民幣,有返內地工作架版友話亞倫幅地比賣左果幅架地段更好,估計佢幅舊廠址地皮點都有9位數字。

    回覆刪除
  121. 大升既原因係公司純利創新高令人重新注視,WEBB 一早已經有好多股684了,今年只係增持過17萬股,如果單純因為有webb入股就升,之前就唔會一路都好似無主孤魂咁啦

    有關684賣地皮我就唔清楚喇
    但我反而會大力留意佢月尾出既業績
    睇下今年原材料升得咁恐怖佢會做成點

    最緊要係搞好主業

    LF

    回覆刪除
  122. 偉哥,辛苦你啦!...ming

    回覆刪除
  123. 希望各位師兄/師姐唔係講緊我D留言呀…

    如果方便,大家有咩人識既都可以代答下我 (其他人)D問題 …x2

    新手驚驚青青, 在所難免

    大家多多包函喇

    但 話人者或被話人者 也好好反省啊

    回覆刪除
  124. hi sasa,1177目前估值與我當初買入時不足10倍市盈率是差天共地,所以自己不認為現價的1177有投資價值。

    至於174,今日突然大升,應該有消息蘊釀中,不過要留意174明天開始停牌,因為大股東持股超過75%,要減持至75%才可以復牌。

    回覆刪除
  125. 科聯你係得架!
    http://www.cnwnc.com/content/2010-11/11/content_2631356.htm

    回覆刪除
  126. hi jerry,關於1198,你可以翻看自己以前有兩篇網誌專講1198的,可以看到之後對1198的評語及其上次業績的看法。

    自己其實之前再三強調1198大股東是財技高手,如果現價買入此股,要有心理準備承受極大波幅。

    回覆刪除
  127. hi LF,明年458公佈全年業績,焦點將是其增長快速的國內的品牌及零售業務,如果可以錄得6500萬元盈利,以保守的15倍市盈率計算,市值可以升至10億元。

    回覆刪除
  128. hi 文仔、shing、derek、p及各位匿名的朋友,謝謝支持,盡在不言中。

    回覆刪除
  129. 其實我都係睇多,之前只回應一次, 但睇見有D朋友跟完偉哥推介就問來問去都係幾錢買?幾錢賣?但係就只睇NO.就唔睇內容,大佬呀有晒話睇長中短線, 幾多%食糊, 揸幾多日短炒都有. 偉哥食咗糊的又有POST出來, 仲想人地點呀. 不論新手或老朋友, 大家一起討論股票大家都會進步, 但只當呢到係偉哥俾貼士攞NO.我希望佢地只跟足買賣算數唔好煩偉哥成日回覆一D重複又重複的問題.
    仲有偉哥不是財演, 打個NO.出來就問點睇, 其實你買時已經有晒主意, 點解仲要問, 通常都係坐咗艇,找人認同自己買的冇錯, 聽了順耳的就揸到賺先沽. 唔順耳的叫你沽, 你又會唔會止蝕? 唔止蝕你咪又係揸到賺先沽.
    到最後你自己會唔會找出買錯的原因?希望大家多做功課,大家先會進步, 唔駛做大戶點心.
    KEN

    回覆刪除
  130. this can pay attention
    698

     通達集團(00698)-股權變動紀錄     資料來源:聯交所
     
            股東名稱        日期    好倉數量增減(萬) 百分比(%)
    ------------------------------------------
    王亞南              13╱10╱10 +  1﹐558 +  0﹒35
                    (場內平均價:0﹒315港元)
    王亞南              12╱10╱10 +    231 +  0﹒05
                    (場內平均價:0﹒32港元)
    王亞南              11╱10╱10 +    324 +  0﹒07
                    (場內平均價:0﹒315港元)
    王亞南              08╱10╱10 +    160 +  0﹒04
                    (場內平均價:0﹒32港元)

    回覆刪除
  131. 偉哥你持有的十大持有股真上升得利害!

    回覆刪除
  132. ken:

    唔駛勞氣.

    你再講下去, 同那些重複又重複問題嘅人冇分別, 之前post 已說清楚, 你識或知道就幫手答下.

    否則, 留待偉哥自行决斷囉. 勿在此再多言…

    回覆刪除
  133. hi ken,同意你所言,大家多做功課,自然就會有進步。

    回覆刪除
  134. 先前有位匿名者,曾問通天酒藥(00389)批股復牌後會升或跌,自己剛才再看一次通告及389的基本資料,對其批股的舉動感到疑惑,原因有二:

    1. 389上年11月才上市,目前資金充裕,持有淨現金約人民幣6.3億元,相當於每股淨現金約0.42元,實在沒有批股集資的需要。其通告中說批股集資作一般營運資金之用,即沒有特定用途,故對於批股集資一事難以理解,除非管理層認為現價已超越其合理估值,所以先批股,然後等股價回落再回購。

    2. 在批股後,大股東的持股量將由目前的39.33%,攤薄至其後的33.48%,變相減持。如果你自己作為大股東,持有一間前景秀麗的公司,你會否願意看著持股量被攤薄,尤其是原本的持股量已不高?

    中長線而言,是次批股肯定是利淡因素,但短線而言則難有定論,最關鍵的是誰接了貨?有時候接貨的大戶只是作短線投機之用,故會想辦法炒高散貨也不奇。因此短線而言,難言利好或利淡,但中長線而言則屬利淡。

    回覆刪除
  135. 好多大陸民企都高位套現,呢D係佢哋一貫CAP水嘅方法,下一隻係886。

    回覆刪除
  136. Hi to all blogmates,

    給兩人建議一隻股票, 同時入場, 對甲來說是最終是可以有不錯的利潤, 但乙卻要蝕錢離場, 分別只是在於不同的持貨能力, 耐性, 對同一則消息不同的看法, 和可能是家人的說話。甲可能會多謝你 (但多數會覺得是自己英明, 判斷正確), 乙卻會怪你沒有給足清晰的指示。

    股票和介紹男女朋友一樣, 常常是吃力不討好所以大家討論下, 交流下看法意見是一大樂事.

    最後的行為絕對要是自己的判斷, 要為自己負責。

    Thanks Wei Gor!

    os

    回覆刪除
  137. http://realforum.zkiz.com/thread.php?tid=6658

    389新聞區

    回覆刪除